Aktualitet

Do të blejë sërish armatime nga Rusia, Erdogan paralajmëron SHBA: Askush nuk mund të ndërhyjë te vendimet tona

Dhjetorin e kaluar, Shtetet e Bashkuara vendosën sanksione kundër Drejtorisë së Industrisë Turke të Mbrojtjes.

Published

on

Presidenti turk, Recep Tayyip Erdogan, tha se vendi i tij do të bëjë një porosi të dytë të sistemit mbrojtës rus S-400, edhe pse vendimi për të marrë pajisje ushtarake nga Rusia rrezikon të acarojë marrëdhëniet me Shtetet e Bashkuara, që kanë kërcënuar me sanksione.

Uashingtoni thotë se ky sistem rus përbën kërcënim për avionët amerikanë F-35, si edhe për sistemin mbrojtës të NATO-s, pjesë e të cilës është edhe Turqia. Por Ankaraja pretendon se po e bën këtë porosi për shkak se nuk ka arritur të gjejë një marrëveshje të kënaqshme me ndonjë vend të NATO-s.

“Në të ardhmen, askush nuk do të jetë në gjendje të ndërhyjë për të caktuar çfarë sistemi mbrojtës do të marrim dhe nga cili shtet”, tha Erdogan në një intervistë për televizionin amerikan CBS të dielën. “Askush nuk mund të ndërhyjë te kjo. Vetëm ne mund të marrim vendime të tilla”.

Dhjetorin e kaluar, Shtetet e Bashkuara vendosën sanksione kundër Drejtorisë së Industrisë Turke të Mbrojtjes, shefit të saj Ismail Demir dhe tre nëpunësve të tjerë pas vendimit për të blerë sistemin rus të mbrojtjes S-400. Bisedimet mes Turqisë dhe Rusisë për porosinë e dytë vijojnë, ndërsa amerikanët sërish kanë paralajmëruar për sanksione.

Erdogan do të vizitojë Rusinë javën e ardhshme, për t’u takuar me Vladimir Putin me të cilin do të diskutohet edhe dhuna në veriperëndim të Sirisë.

Continue Reading

Rajoni

Konjufca takon ambasadorin e Malit të Zi në Kosovë; rikonfirmohet bashkëpunimi për çështje rajonale

Published

on

By

Ministri i Punëve të Jashtme dhe Diasporës, Glauk Konjufca, ka zhvilluar sot një takim me Ambasadorin e Malit të Zi në Kosovë, Bernard Çobaj.

Pjesë e këtij takimi ishin diskutimet rreth partneritetit ndërmjet dy vendeve, në veçanti në kontekstin e zhvillimeve aktuale gjeopolitike.

Gjithashtu u rikonfirmua mbështetja e Malit të Zi për nevoja për bashkëpunim të ngushtë në çështje rajonale

“Gjatë takimit u diskutua për rëndësinë e forcimit të partneritetit ndërmjet dy vendeve, në veçanti në kontekstin e zhvillimeve aktuale gjeopolitike. U theksua mbështetja e Malit të Zi për Republikën e Kosovës dhe nevoja për bashkëpunim të ngushtë në çështje rajonale”, thuhet në njoftimin e MPJD-së.

 

Continue Reading

Aktualitet

Ngritët aktakuzë ndaj tetë të pandehurve për keqpërdorime me certifikata të armëve

Published

on

By

Prokuroria Themelore në Prishtinë, ka njoftuar ngritjen e aktakuzës ndaj tetë personave të përfshirë në vepra penale që ndërlidhen me korrupsionin dhe falsifikimin e dokumenteve zyrtare.

Sipas njoftimit, personat e akuzuar dyshohen për pranim ryshfeti në sektorin privat, keqpërdorim të pozitës zyrtare dhe falsifikim të dokumenteve që lidhen me aftësimin për përdorimin e armëve të zjarrit.

Hetimet e zhvilluara kanë zbuluar se i pandehuri F.G., në cilësinë e menaxherit në poligonin “R….”, dyshohet se ka pranuar shumën prej 600 eurove nga një kandidat për t’i siguruar certifikatën e aftësimit pa u nënshtruar trajnimit dhe provimeve të parapara me ligj. Në këtë veprimtari, ai pretendohet se është ndihmuar në vazhdimësi nga i pandehuri M.G., i cili ka mundësuar pajisjen e kandidatëve me dokumentacion në kundërshtim me procedurat ligjore.

Ndërkaq, në poligonin “D….” në Prizren, instruktorët S.B., R.M., dhe H.N. akuzohen se kanë shënuar të dhëna të rreme në dokumente zyrtare, duke nënshkruar certifikata për persona që nuk kanë ndjekur trajnimet teorike dhe praktike. Po ashtu, administratorja e këtij poligoni, B.G., dyshohet se ka plotësuar kërkesat për provim me të dhëna të kandidatëve dhe ka nënshkruar në emër të tyre pa prezencën e tyre fizike.

“Të pandehurit F.G. dhe M.G., ekziston dyshim i bazuar mirë për veprën penale ‘’Pranimi i Ryshfetit në Sektorin Privat’’ nga neni 309 i Kodit Penal të Republikës së Kosovës (KPRK). Ndërkaq, të pandehurit S.B., R.M., dhe H.N., për veprën penale “Falsifikimi i dokumentit” nga neni 390 i KPRK-së, sipas njoftimit të Prokurorisë.

Përveç këtyre, aktakuza përfshin edhe të pandehurit B.H., S.B., dhe B.G. për veprat penale të keqpërdorimit të pozitës apo autoritetit zyrtar dhe rasteve të posaçme të falsifikimit të dokumentit.

“Ndërsa të pandehurit B.H., S.B., dhe B.G., për veprat penale “Keqpërdorimi i pozitës apo autoritetit zyrtar” nga neni 414 i KPRK-së dhe “Rastet e posaçme të falsifikimit të dokumentit” nga neni 391 KPRK-së”, sipas njoftimit.

Prokuroria bën të ditur se këto veprime bien ndesh me nenin 12 të Ligjit për Armë dhe udhëzimet administrative të Ministrisë së Punëve të Brendshme, duke u bazuar në provat e mbledhura gjatë zbatimit të masave të veçanta hetimore.

Continue Reading

Live

Mbi 200 të plagosur në Izrael në 24 orët e fundit

Published

on

By

Ministria e Shëndetësisë e Izraelit njoftoi se 204 persona të plagosur u dërguan në spitale në 24 orët e fundit, për shkak të armiqësive të vazhdueshme me Iranin.

Që nga fillimi i luftës SHBA-Izrael kundër Iranit, një total prej 5,045 personash janë dërguar në spitale. Nga këta, 120 mbeten të shtruar në spital, përfshirë 12 në gjendje të rëndë. Më herët Forcat Mbrojtëse Izraelite (IDF) njoftuan se kishin goditur dy objekte kyçe të përdorura për të zhvilluar raketa detare me rreze të gjatë veprimi në kryeqytetin iranian, Teheran.

Në një postim në Telegram, ushtria izraelite tha se “sulmet e rëndësishme” kishin shkaktuar dëme të mëdha në objekte ditët e fundit, duke vënë në dukje se raketat ishin të afta të “shkatërronin shpejt objektivat në det dhe në tokë”.

Shtoi se sulmet “përbëjnë një hap tjetër në dobësimin e mëtejshëm të infrastrukturës së prodhimit ushtarak të regjimit”. /Euronews/

Continue Reading

Lajmet

OKB paralajmëron se konflikti në Lindjen e Mesme paraqet rreziqe të mëdha globale

Published

on

By

Shefi i të drejtave të njeriut i OKB-së, Volker Turk, ka paralajmëruar se lufta ka krijuar një situatë “jashtëzakonisht të rrezikshme dhe të paparashikueshme”.

“Ky konflikt ka një fuqi të paparë për të zënë në grackë vendet përtej kufijve dhe në të gjithë botën”, tha ai.

Turk tha se shtetet në Lindjen e Mesme ishin pranë një “katastrofe të plotë”, ndërsa luftimet po i afrohen muajit të fundit, duke vrarë më shumë se 2,000 njerëz në të gjithë rajonin dhe duke shkaktuar çrregullime të mëdha globale në tregjet e energjisë.

“E vetmja mënyrë e garantuar për ta parandaluar këtë është t’i jepet fund konfliktit, dhe unë i bëj thirrje të gjitha shteteve, dhe veçanërisht atyre me ndikim, të bëjnë gjithçka që është në fuqinë e tyre për ta arritur këtë.” /Euronews/

Continue Reading

Të kërkuara