Lajmet

Djersitja natën – Problemet e fshehura mjekësore dhe zgjidhjet natyrale

Djersitja e tepërt natën ka të bëjë kryesisht me një problem të fshehur mjekësor.

Published

on

Ka njerëz që djersisin shumë natën dhe jo për shkak të temperaturës së brendshme apo batanijeve mbi vete.

Në këtë artikull të AgroWeb.org do të mësoni për shkaqet e ndryshme mjekësore të djersitjes së tepërt gjatë natës.

Hipertiroidizmi

Ndjeshmëria ndaj nxehtësisë dhe djersitja janë dy prej simptomave më shpërthyese të hipertiroidizmit.

Tiroidja kontrollon metabolizmin dhe nëse ajo prodhon shumë hormone, trupi punon më shumë seç duhet.

Temperatura rritet dhe njeriu është më i uritur dhe ka më shumë etje.

Niveli i ulët i sheqerit në gjak

Niveli i glukozës në gjak mund të bjerë natën dhe kjo manifestohet me djersitje gjatë natës.

Për këtë arsye, rekomandohet që përpara gjumit, të konsumoni disa kafshata të një ushqimi të shëndetshëm.

Humbja e ndjenjave në gjumë

Apnea e gjumit ka të bëjë me ndërprerjen e gjumit për shkak të vështirësive në frymëmarrje.

Kjo gjë nxit prodhimin e tepërt të djersës gjatë natës.

Urthi

Urthi mund të ndërpresë gjumin dhe të shoqërohet edhe me djersitje të tepërt.

Për këtë arsye rekomandohet që të hani vakte të vogla dhe jo përpara gjumit.

AgroWeb.org ju rekomandon të shmangni të skuqurat, domatet dhe ushqimet me yndyrë.

Limfoma

Shumë prej tumorëve që njohim shkaktojnë djersitje të tepërt, por më e përhapura prej tyre është limfoma e cila e ka pikënisjen tek sistemi imunitar.

Përdorimi i medikamenteve

Shumë barna si aspirina dhe ibuprofeni shkaktojnë djersitje të tepërt.

Këtu përfshihen edhe ilaçet kunër depresionit apo trajtimet hormonale.

Tuberkulozi

Djersitja e tepërt gjatë natës është simptomë e tuberkulozit, e cila shfaqet edhe me kollë të fortë dhe sekrecione me njolla gjaku.

Ankthi

Ankthi që kulmon me ëndrra të frikshme dhe stërmunduese shoqërohet me djersitje të tepërt gjatë natës.

Menopauza

Djersitja e tepërt mund të jetë edhe simptomë e menopauzës dhe ndërprerjes së ciklit tek gratë.

Menopauza gjithashtu shoqërohet me ankth dhe depresion.

Infeksioni

Infeksionet bakteriale manifestohen me temperaturë të lartë por edhe me djersitje të tepërt gjatë natës.

Si të trajtoni problemin e djersitjes së tepërt gjatë natës?

Ulja e temperaturës së dhomës së gjumit dhe ventilimi i saj e bën gjumin më të lehtë për njerëzit që djersisin tepër gjatë natës.

Ekspertët rekomandojnë përdorimin e çarçafëve dhe rrobave prej pambuku që përthithin djersën.

Shmangni materialet sintetike që ju zënë frymën.

Përpiquni të identifikoni shkakun e djersitjes së tepërt dhe më pas konsultohuni me një mjek./AgroWeb.org

Lajmet

Zemaj: VV po zvarrit konstituimin e Kuvendit për shkak të mungesës së numrave për qeveri

Published

on

By

Deputeti i Lidhjes Demokratike të Kosovës (LDK), Armend Zemaj, ka akuzuar Lëvizjen Vetëvendosje (VV) se po e zvarrit qëllimisht konstituimin e Kuvendit. Sipas tij, ky bllokim është i lidhur drejtpërdrejt me mungesën e numrave për formimin e qeverisë, dhe se VV-ja nuk është e interesuar të kalojë në një fazë tjetër pa siguruar shumicën e nevojshme për krijimin e ekzekutivit.

“Konstituimi po zgjat përtej arsyeshmërisë. Çështja është te numrat për qeveri dhe VV-ja nuk është e interesuar deri sa të kalojmë në një momentum tjetër, deri sa të ketë siguri që ka numra për krijimin e qeverisë. E gjithë kjo bllokadë lidhet rreth formimit të qeverisë,” ka deklaruar Zemaj.

Continue Reading

Lajmet

Qalaj: Nuk e votoj Nenad Rashiqin, nuk dua të jem pjesë e shkeljeve kushtetuese

Published

on

By

Deputeti i Partisë Demokratike të Kosovës (PDK), Rashit Qalaj, ka deklaruar se nuk do të votojë për Nenad Rashiqin si nënkryetar të Kuvendit, as për ndonjë kandidat tjetër nga komuniteti serb. Ai theksoi se arsyeja për këtë është se ai nuk do të jetë pjesë e asnjë shkelje të mundshme të Kushtetutës.

Në një prononcim për mediat, Qalaj tha: “Nuk e votoj as Nenad Rashiq e as Nenada të tjerë, për shkak se nuk dua të jem pjesë e shkeljeve Kushtetuese”,

Ai shtoi se PDK-ja ka një qasje të qartë dhe të vendosur për të respektuar Kushtetutën e Kosovës.

Po ashtu, Qalaj ngriti shqetësimin për prirjen e Lëvizjes Vetëvendosje (LVV) për të mbështetur kandidatura të tilla, duke pyetur: “Si mund të jenë njerëz që kanë kryer akte kriminale ndaj Kosovës, pjesë e Kuvendit?”

Continue Reading

Lajmet

Albulena Haxhiu: Nëse dështon shorti, nuk ka arsye për mbledhje pas 48 orëve

Published

on

By

Nënkryetarja e Kuvendit të Kosovës, Albulena Haxhiu, ka deklaruar se seanca e sotme mund të jetë e fundit për konstituimin e Kuvendit, duke shtuar se nëse dështon shorti për zgjedhjen e nënkryetarit të pestë nga komuniteti serb, nuk ka arsye për të mbajtur mbledhje të tjera pas 48 orëve.

Në një prononcim të bërë para nisjes së seancës, Haxhiu ka theksuar se kjo situatë është një pasojë e refuzimeve nga disa grupe parlamentare dhe se është e domosdoshme që Kuvendi të konstituohet.

“Kjo mund të jetë seanca e fundit, kjo për shkak se nëse sot të gjithë hedhen në short dhe nuk ka tjetër që pret, atëherë nuk ka arsye të mblidhemi pas 48 orëve. Ne do ta vendosim në votim, pasi disa kanë refuzuar,” ka thënë ajo.

Haxhiu ka fajësuar ish-opozitën për bllokimin e procesit të konstituimit të Parlamentit, duke theksuar se ky ngecje po e çon vendin drejt mundësisë për zgjedhje të parakohshme.

“Është e rëndësishme që të konstituohet Kuvendi, pasi kjo situatë mund të çojë në zgjedhje, dhe ne nuk jemi të interesuar për zgjedhje,” ka përfunduar Haxhiu.

Continue Reading

Lajmet

Mbyllet afati për regjistrimin e votuesve jashtë Kosovës për Zgjedhjet Lokale të 12 tetorit 2025

Published

on

By

Të premtën në mesnatë, është mbyllur afati për regjistrimin e votuesve jashtë Kosovës për votim me postë në Zgjedhjet Lokale të Kryetarëve të Komunave dhe për Kuvende Komunale, të cilat do të mbahen më 12 tetor 2025. Mijëra shtetas të Kosovës që jetojnë jashtë vendit janë bërë pjesë e procesit zgjedhor, duke u regjistruar për votim me postë.

Zëdhënësi i Komisionit Qendror të Zgjedhjeve (KQZ), Valmir Elezi, ka dhënë detaje për mënyrën se si do të zhvillohet votimi me postë për votuesit jashtë Kosovës. Ai ka sqaruar se periudha e votimit përmes postës do të fillojë më 17 shtator dhe do të përfundojë më 11 tetor. Sipas Ligjit për Zgjedhjet e Përgjithshme, në Zgjedhjet Lokale nuk do të ketë votim në përfaqësitë diplomatike, por vetëm përmes postës.

Elezi ka theksuar se procesi i regjistrimit ka përfshirë një periudhë nga 23 korriku deri më 29 gusht 2025. Votuesit jashtë Kosovës do të marrin fletëvotimet nga KQZ-ja në adresën që ata kanë deklaruar gjatë regjistrimit. Për Zgjedhjet Lokale, secili votues do të pranojë dy fletëvotime: një për Kryetarin e Komunës dhe një tjetër për Kuvendin Komunal.

Ai gjithashtu ka sqaruar se, për herë të parë, votuesit jashtë Kosovës nuk do të shkarkojnë fletëvotimet nga uebfaqja e KQZ-së, siç ka ndodhur në zgjedhjet e kaluara. Këto fletëvotime do të dërgohen në adresat e regjistruara të votuesve dhe, pas mbushjes, ata duhet t’i dërgojnë ato në kutitë postare të KQZ-së që do të hapen në shtetet e ndryshme dhe në Kosovë.

KQZ ka njoftuar se adresat e kutive postare do të publikohen së shpejti, duke siguruar që votuesit të kenë mundësinë të dërgojnë fletëvotimet në kohë.

Një tjetër detaj i rëndësishëm është se votuesit që janë regjistruar për të votuar nga jashtë Kosovës do të largohen nga Lista e Votuesve brenda Kosovës dhe nuk mund të votojnë në vendvotimet e Kosovës. Për ata që nuk janë regjistruar për votim jashtë Kosovës, emrat do të shfaqen në Listën e Votuesve brenda vendit, ku mund të ushtrojnë të drejtën e tyre të votës.

Continue Reading

Të kërkuara