Aktualitet

Ditari: Lajmet kryesore që shënuan datën 3 tetor 1993-1998

Published

3 weeks ago

on

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

3 tetor 1994

Filloi viti i ri akademik në Universitetin e Prishtinës

Sot filloi viti i ri akademik në Universitetin e Prishtinës. Rreth 20.000 studentë, prej tyre reth 6.000 brucoshë, edhe këtë vit do të ndjekin procesin mësimor nëpër objekte private.

Ky është viti i katërt prej se Universiteti i Prishtinës vazhdon me këtë mënyrë të organizimit të procesit mësimor.

Në një intervistë që i dha gazetës “Bujku”, rektori i UP-së Ejup Statovci tha se disa fakultete janë gjetur më mirë në sigurimin e lokalit dhe të kushteve për punë, ndërsa disa fakultete të tjera kanë vështirësi më të mëdha për ta bërë këtë.

 

 

3 tetor 1995

Në një akt terroristik u plagos kryetari i Maqedonisë Kiro Gligorov

Sot në orën 9:35 në një akt terroristik në Shkup u plagos kryetari i Maqedonisë Kiro Gligorov.

Akti terrortsik kundër kryetarit të Maqedonisë u bë afër hotelit “Bristol”, që gjendet jo larg ndërtesës së Kuvendit të Maqedonisë në Shkup, ku gjendet edhe selia e kryetarit.

Një autonomil -bombë, i ndalur, i tipit “Citroën – Spaçek” eksplodoi me teledirigjim në momentin kur afër tij arriti vetura me të cilën po udhëtonte nga shtëpia për në selinë e tij zoti Gligorov.

Dëshmitarët thanë se para veturës së presidentit Gligorov ecte një veturë e tipit “Zastave 750”, e cila me siguri ka ndikuar që të zvogëlohej shpejtësia e veturës së presidentit.

Dëshmitarët thanë dy persona me mjekrra dhe me kostume blu dhe mjekrra pas eksplodimit të automobilit – bombë me shpejtësi rrufeje kanë ikur me një makinë të tipit “Reno 25”, me targë të Titov Velesit.

Thuhet se shpërthimi u shkaktua me teledirigjim, ndërsa nga eksplodimi vdiq vozitësi i presidentti Gligorov, Aleksandër Spirovski.

Kryetari Gligorov, sipas njoftimeve zyrtare, mori lëndime të rëndë në kokë dhe në pjesën e përparme të trupit.

Janë lënduar edhe katër truprojet e kryetarit, të cilët gjenden në rrezik jete.

U lënduan edhe kalimtarë të rastit.

Pas atentatit kryetarit Gligorov menjëherë iu dha ndihma e parë në spitalin e qytetit. Pastaj, ai me makinë speciale u dërgua në spitalin e poliklinikave të Fakultetit të Mjekësisë në Shkup. Mjekët që i dhanë ndihmën e parë thanë se kryetari Gligorov gjatë kësaj kohe nuk kishte humbur vetëdijen dhe se ai kishte komunikuar me mjekët, duke u ankuar në dhimbje të forta në trup.

Në Shkup janë bllokuar të gjitha rrugët. Njoftohet se janë bllokuar edhe pjesë të tjera të Republikës së Maqedonisë dhe janë përforcuar pikat kufitare në kufirin në përgjithësi të Maqedonisë.

Sipas të gjitha gjasave, supozohet se atentati mbi Kiro Gligorovin është përgatitur shumë më parë.

Një gazetar i “Flakës”, i cili qëlloi jo shumë larg vendit të ngjarjes, i tha QIK-ut se shpërthimi ishte jashtëzakonisht i fuqishëm.

Ndërkohë nga Shkupi ka njoftime se është zënë vetura me regjistrim të Velesit dhe se janë kapur dy personat që gjendeshin në të. Ata janë të moshës 25-vjeçare dhe policia ka arritur t’i identifikojë ata.

Kundër këtij akti terroristik kanë reaguar ashpër partitë politike dhe institucionet në Maqedoni.

Poashtu kanë reaguar edhe shumë qeveri të vendeve të ndryshme, në mesin e tyre edhe Qeveria e Greqisë.

Deri më tash nuk ka spekulime se kush mund të jetë përgjegjës për këtë akt terrorist.

 

Mbi përmendoren e rrënuar shqiptare ajo e Vuk Karaxhiqit

Dje para Fakultetit Filologjik të Prishtinës u zbulua përmendorja kushtuar Vuk Karaxhiqit.

Përmendorja u përurua mu në vendin ku ishte më parë përmendorja kushtuar patriotëve të pushkatuar nga Shqipëria në vitin 1994, të cilën me vandalizëm të paparë e rrënuan uzurpatorët serbë, të nxitur nga rektori Radivoje Papoviq.

Në “inaugurimin ” e përmendores së V. Karaxhiqit foli edhe sekretari i Akademisë serbe të shkencave, Mirosllav Pantiq.

Njëri nga kreatorët e politikës serbomadhe dhe nacionalshoveniste në Kosovë, rektori serb i Prishtinës R. Papoviq, duke u shfryer me plot fraza boshe nacionaliste paralajmëroi serbizimin e mëtejshëm të Kosovës dhe të hapësirave të Universitetit të uzurpuar të Prishtinës edhe me përmendore të figurave të tjera serbe, si të Njegoshit dhe Nikolla Tesllës.

 

3 tetor 1997

Tridhjetë e dy kongresistë dënojnë reagimin barbar ndaj protestave në Kosovë

Tridhjetë e dy kongresistë amerikanë në një letër që i dërguan dje Administratës Amerikane, kërkuan dënimin më të ashpër dhe të menjëhershëm ndaj presidentit Sllobodan Millosheviq për trajtimin, siç shprehen, barbar ndaj 20 mijë studentëve protestues paqësorë në Prishtinë, kryeqytet i Kosovës së okupuar nga Serbia.

‘Siç e dini  i shkruajnë kongresistët Sekretares së Shtetit, Madeline Albright  sot në mëngjes policia serbe me gas lotsjellës dhe me shkopinj gome rrahu 20 mijë protestues shqiptarë që po kërkojnë të drejtën për arsimim në gjuhën shqipe në Universitetin e Prishtinës. Demonstruesit u sulmuan,

përkundër premtimeve të zyrtarëve të SHBA dhe diplomatëve të Evropës Perëndimore se forca nuk do të përdorej’.

Letrën drejtuar kryediplomates amerikane e nënshkruan kongresistët Engel, Gilman, Payne, Berman, Bonior, Slaughter, Lowey, Pallone, Kennedy, Smith (Texas), McGovern, Shays, Paxon, Miller, Olver, Rothman, King, Rochrabacher, Smith (New Jersey), Lewis, Schumer, Hinchey, Weygand, Kelly, Watt, Tauscher,

Pascrell, Lantos, Wolf, Levin, Moran dhe Porter. Ndër nënshkruesit e letrës ishin edhe kongresistë me ndikim në politikën e jashtme amerikane me në krye kongresistin Benjamin Gilman, kryetar i Komisionit të Dhomës së Përfaqësuesve

për Marrdhënie Ndërkombëtare. Iniciator për këtë letër ishte kongresisti Eliot Engel, i cili bashkë kongresistin tjetër, Peter King, janë bashkëkryetarë të Këshillit për Cështje Shqiptare në Kongres.

Më tej kongresistët në letrën e tyre sqarojnë se Universiteti i Prishtinës ishte një institucion shkollor i shqiptarëve deri sa Beogradi në mënyrë të njëanshme revokoi autonominë e Kosovës më 1989. Pas kësaj instruksionet mësimore dhe planprogrami u ndryshua për t’u lejuar vetëm në gjuhën serbe, duke lënë mijëra shqiptarë pa mundësi shkollimi akademik. Ata (studentët

shqiptarë) vazhduan leksionet në shtëpitë e ‘studentëve’ dhe ‘mësimdhënësve’.

“Kërkesa e vetme e tyre sot ishte që t’u lejohet të përdorin shkollat e tyre”, thuhet në letrën e 32 kongresistëve amerikanë. Ligjëdhënësit amerikanë, përfaqësues të pothuaj shumicës së shteteve të SHBA, në vazhdim përkujtojnë se demonstratat e djeshme në Prishtinë dhe në qytetet e tjera të Kosovës, janë të parat më masive paqësore që nga viti 1989. “Qeveria jonë

duhet të mbështesë demonstratat paqësore. Duhet fuqimisht të kërkojmë që Millosheviqi t’i japë fund reagimit barbar mbi protestën. Njëkohësisht duhet t’i tregojmë popullit të Kosovës se Shtetet e Bashkuara do t’i konsiderojnë përgjegjës serbët për veprimet e tyre,” thuhet në letër.

Letra thekson më tej se Shtetet e Bashkuara janë duke e aplikuar murin e jashtëm të sanksioneve ndaj Beogradit, sanksione këto që ‘në një pjesë të madhe janë të kushtëzuara me zgjidhjen e çështjes së Kosovës. ‘ “Kërkojmë nga ju  i thonë kongresistët sekretares Albright  që t’i tërhiqni vërejtjen Millosheviqit se këto ndëshkime nuk do të hiqen nën kushtet e sotme dhe se

Shtetet e Bashkuara do ta shqyrtojnë mundësinë e shtimit të sanksioneve po qe se do të vazhdojë represioni i dhunshëm mbi demonstruesit paqësorë”.

Duke e ritheksuar për të satën herë kërkesën drejtuar Administratës amerikane për t’u inkuadruar drejtpërdrejtë në zgjidhjen e çështjes së Kosovës, kongresistët e ripërsërisin bindjen e tyre për domosdoshmërinë e emërimit të një zyrtari amerikan si ndërmjetësues në dialogun e mundshëm shqiptaroserb.

“Tani është koha që të emërohet një i dërguar i posa&ëm për Kosovën, ashtu siç është kërkuar në mënyrë unanime nga Dhoma e Përfaqësueve vitin e kaluar”, shkruajnë kongresistës dhe i bëjnë thirrje z. Albright që ‘të kërkojë lirimin e menjëhershëm të të gjithë mësimdhënësve dhe studentëve shqiptarë të arrestuar nga policia serbe’.

 

 

3 tetor 1998 (Ora 13:00)

Gllogoc: U gjetën trupat e pajetë edhe të 20 shqiptarëve të vrarë e të masakruar nga forcat serbe

Veprimtarët e Nënkëshillit të KMDLNJ-së në Gllogoc identifikuan trupat e pajetë edhe të 20 civilë shqiptarë të vrarë dhe të masakruar nga forcat serbe gjatë ofensivës së fundit në komunën e Gllogocit, njofton Shërbimi për Informim i KMDLNJ-së.

Bëhet e ditur se janë gjetur trupat e pajetë të Sadri Malokut e Naim Qazim Klunës nga Pokleku i Vjetër, Zeqir Brahim Fazliut e Skënder Emin Bardiqit nga Gradica, pastaj të Bilall Demakut, Vesel Mursel Demakut, Xhevdet Isë Demiqit dhe Driton Hysenjat, të masakruar dhe të prerë me thikë në fyt.

I njëjti burim bën të ditur se janë gjetur trupat e pajetë e të masakruar edhe të Valdet Xhemajlit, Afrim Hajdarajt, Menduhije Ymer Deliut, Habit Deliut dhe Hysen Deliut nga Obria e Epërme, të Fatos Sherif Krasniqit e Skënder Liman Shalës nga Negroci, të Fejzë Ramadan Ramadanit e Naim Salihut nga Shtutica, të Afrim Kliçinës nga Baica, Mursel Sefedinit nga Shtrubullova dhe të Islam Ali Shalës nga Krojkova.

 

Ferizaj: Në Jezerc forcat serbe kanë vrarë 7 shqiptarë

Gjatë ofensivës së fundit të forcave serbe në fshatin Jezerc, forcat serbe kanë vrarë 7 shqiptarë, njofton Shërbimi për Informim i KMDLNJ-së.

I njëjti burim bën të ditur se në këtë fshat forcat serbe kanë vrarë Gursel Sylejmanin e Bajram Sylejmanin nga Sadovina e Jerlive, Sejdi Sejdiun nga Nerodimja e Epërme, Kemajl Hetemin nga Ferizaj, Bashkim Vishin nga Dubrava e Epërme, si dhe dy shqiptarë të tjerë, të cilët ende nuk janë identifikuar.

 

Suharekë: U gjetën trupat e masakruar edhe të disa civilëve shqiptarë

Informatat e sotme që vijnë nga komuna e Suharekës, dëshmojnë se forcat serbe në fshatrat e kësaj komune kanë vrarë, djegur e masakruar edhe disa civilë shqiptarë, ndërsa numri i shqiptarëve të vrarë nga terroristët serbë është shumë i madh, bën të ditur KI i Degës së LDK-së në Suharekë.

Njoftohet se në fshatin Greiçec është gjetur trupi i pajetë dhe i masakruar i një plaku 74- vjeçar, i cili ishte me retardime mentale. Ai është masakruar barbarisht nga paramilitarët serbë, nga të cilët edhe është varrosur.

Bëhet e ditur se pranë kufomës është gjetur edhe mjeti me të cilin plaku është masakruar, por janë gjetur edhe shiringa e barna që i kanë përdorur paramilitarët serbë.

Edhe informatat tjera që vijnë nga komuna e Suharekës, janë po aq rrëqethëse, të cilat dëshmojnë për masakra të tjera ndaj civilëve shqiptarë nga paramilitarët serbë.

Kështu në fshatin Vraniq është gjetur po një kufomë gjysmë e djegur, e cila nuk kishte mundësi të identifikohej, por dyshohet se në këtë fshat ka edhe civilë të tjerë të masakruar shqiptarë.

Ndërkaq në Budakovë, është gjetur trupi i pajetë dhe i masakruar i Rexhep Kokollarit (65) nga i njëjti fshat, ndërsa në Mohlan është gjetur kufoma e djegur e Florim Jahir Gashit (28).

I njëjti burim bën të ditur se në fshatin Grejçec është masakruar e vrarë Halim Bungu (36), kufoma e të cilit gjendet në xhaminë e fshatit Greiçec.

KI i Degës së LDK-së në Suharekë bën të ditur se disa kufoma të masakruara e të paidentifikuara nga forcat serbe janë edhe në afërsi të shtëpizës së pylltarisë mbi lagjen e Buzhalëve në Greiçec.

I njëjti burim njofton se numri i civilëve shqiptarë të vrarë dhe të masakruar në komunën e Suharekës është shumë i madh, por që terreni ende nuk mund të kontrollet për shkak se fshatrat e kësaj komune vazhdojnë të mbahen nën rrethim të hekurt nga forcat serbe.

Foto: Kiro Gligorov

Related Topics:
Continue Reading

lajme

UBT përmbyll edicionin e 15-të të Konferencës Ndërkombëtare, duke bashkuar mijëra pjesëmarrës nga e gjithë bota

Published

5 hours ago

on

October 25, 2026

By

Me shkëmbim të dijes, prezantim të hulumtimeve shkencore dhe forcim të bashkëpunimit ndërkombëtar, UBT ka përmbyllur me sukses edicionin e 15-të të Konferencës Ndërkombëtare për Biznes, Teknologji dhe Inovacion, duke konfirmuar edhe një herë rolin e tij si një nga platformat më të rëndësishme akademike në rajon.

Konferenca mblodhi mijëra pjesëmarrës, përfshirë akademikë, studiues, ekspertë të fushave të ndryshme, profesionistë dhe studentë nga dhjetëra vende të botës, duke e shndërruar UBT-në në një pikëtakim të rëndësishëm të ideve, përvojave dhe perspektivave ndërkombëtare.

Gjatë ditëve të zhvillimit, Parku Shkencor, Inovativ dhe Teknologjik i UBT-së në Lipjan u bë hapësirë e diskutimeve shkencore, prezantimeve kërkimore dhe debateve mbi zhvillimet që po e formësojnë të ardhmen e shoqërisë. Përmes më shumë se 24 konferencave të specializuara dhe ndërdisiplinare, pjesëmarrësit trajtuan tema që përfshijnë inteligjencën artificiale, teknologjinë, mjekësinë, arkitekturën, ekonominë, psikologjinë, edukimin, drejtësinë, inxhinierinë, komunikimin, median dhe shëndetin publik.

Një rëndësi e veçantë iu kushtua ndërthurjes së kërkimit shkencor me nevojat e industrisë dhe zhvillimet shoqërore, duke krijuar mundësi të reja për bashkëpunim ndërmjet institucioneve akademike, profesionistëve dhe partnerëve ndërkombëtarë.

Në ceremoninë përmbyllëse, Rektori i UBT-së, Prof. Dr. Edmond Hajrizi, vlerësoi angazhimin e pjesëmarrësve, organizatorëve dhe partnerëve ndërkombëtarë, duke theksuar rëndësinë e vazhdimit të kësaj tradite akademike dhe të krijimit të hapësirave të reja për zhvillimin e shkencës dhe inovacionit.

“Përmbyllja e këtij edicioni është dëshmi e fuqisë së bashkëpunimit ndërkombëtar dhe e përkushtimit tonë për të krijuar një mjedis ku dija, kërkimi shkencor dhe inovacioni shndërrohen në vlera konkrete për shoqërinë. UBT do të vazhdojë të investojë në ndërkombëtarizimin e arsimit dhe në fuqizimin e Kosovës si një destinacion i rëndësishëm për shkencën dhe zhvillimin akademik”, u shpreh Rektori Hajrizi.

Përgjatë konferencës, studiues nga Evropa, Shtetet e Bashkuara të Amerikës, Azia dhe rajoni i Ballkanit prezantuan rezultate kërkimore, analiza dhe qasje të reja për sfidat bashkëkohore, duke kontribuar në zgjerimin e perspektivave shkencore dhe në ndërtimin e urave të reja të bashkëpunimit.

Programi përfshiu konferenca të veçanta në fusha si inxhinieria ndërtimore, shkencat mjekësore, infermieria dhe psikologjia, ekonomia dhe menaxhmenti, arkitektura dhe planifikimi hapësinor, edukimi, komunikimi dhe media, si dhe mjedisi, energjetika dhe zhvillimi i qëndrueshëm.

Përtej prezantimeve dhe diskutimeve akademike, edicioni i 15-të krijoi mundësi për shkëmbimin e përvojave, zhvillimin e ideve të reja dhe krijimin e partneriteteve që mund të shërbejnë si bazë për projekte të ardhshme kërkimore dhe profesionale.

Me përmbylljen e këtij edicioni, UBT riafirmon përkushtimin për avancimin e kërkimit shkencor, promovimin e inovacionit dhe zgjerimin e bashkëpunimit ndërkombëtar, duke e vendosur Kosovën gjithnjë e më shumë në hartën e aktiviteteve akademike dhe shkencore të përmasave globale.

Continue Reading

Lajmet

Inovacioni dhe Dizajni i Integruar në qendër të vëmendjes së Konferencës Ndërkombëtare të UBT-së

Published

5 hours ago

on

October 25, 2026

By

UBT organizoi edicionin e 15-të të Konferencës Ndërkombëtare Shkencore, duke mbledhur në Kampusin Inovativ në Lipjan emra të njohur të fushës akademike dhe shkencore.

Në kuadër të kësaj ngjarjeje madhore, u mbajt Konferenca Ndërkombëtare për Dizajnin e Integruar (IC-ID 2026), e cila shërbeu si një platformë për diskutimin e ndikimit të teknologjisë, inteligjencës artificiale, estetikës dhe materialeve të qëndrueshme në zhvillimin e dizajnit bashkëkohor, arkitekturës dhe modës.

Në këtë kuadër të konferencës u prezantuan punimet e studiuesve dhe akademikëve me temat e tyre përkatëse:

Arbresha Hoxha – Impact of Artificial Intelligence on Graphic Design

Aferdita Statovci – Beyond the Runway: Fashion Show and Fashion Exhibition as Modes of Presentation

Milot Gusia – Graphic Design in the Early Seventies in Kosovo – Case Study: “Kosovarja” Magazine

Olta Komoni & Albulena Bilalli – Time machine

Enea Curri & Albulena Bilalli – Inspiration in Fashion Design

Mevludin Shabani, Besnik Skenderi & Arirana Gjoni – Design Material Recommendation Reliability Framework (DMRRF): A Pilot Methodology for Assessing AI-Generated Material Recommendations in Engineering Design

Uran Krasniqi – Unwanted Authorship: Analysis of an Enforced Visual Trilogy

Kaltrina Veselaj Shllaku & Visar Shllaku – Visual Interpretation of the Same Texts by Students and Artificial Intelligence: A Comparative Analysis of Illustrations

Arsa Lleshil, Olta Komoni & Albulena Bilalli – Perceptions of Credibility

Mira Bajraktari, Jeta Bajraktari, Erza Thaqi, Jehona Ndrecaj & Albulena Bilalli – The Impact of Fast Fashion on Consumer Behavior and Purchasing Preferences

Ylber Limani & Venera Thaçi – AI in Interior Design: The Co-evolution of Creativity and Technological Innovation

Ylber Limani & Bekim Sele – Multidimensional Impacts of Film Festivals: Empirical Insights from DOKUFEST, Kosovo

Ardita Rizvanolli – Details make the difference: Recontextualizing traditional Albanian garment elements and ornaments in contemporary fashion design

Nexhat Çoçaj – The fireplace in contemporary interior design: between cultural heritage and modern aesthetics

Naim Ostergllava – Development and comparative material selection of mycelium-based biocomposites for sustainable product design using Ashby methodology and CES EduPack

Ariana Gjonil – Design for Longevity in Fashion: A Conceptual Framework Linking Emotional Aesthetics and Garment Adaptability

Besfort Salihu – The Architecture of Silence “Feelings Absorbed” as a 3D Visual Metaphor for Systemic Censorship, Sensory Deprivation, and Emotional Suppression

Hana Kasëmi, Hera Thaqi & Albulena Bilalli – Media Literacy in Kosovo: Policies, Institutional Practices, and the Role of RTK in the Digital Age

Muharrem Sejdiu & Halil Hasil – Anthropometry and ergonomics in The Interior Design of children’s nurseries in the Municipal ity of GJAKOVA

Ardita Rizvanolli – The impact of artificial intelligence on interior design: Opportunities, challenges and perspectives for contemporary development

Laureta Obrazhda, Vesa Bibaj, Tringa Mustafa & Albulena Bilalli – The Role of Accessories in Completing an Outfit

Diona Alickaj – Assessment of the impact of the integrated redesign in university outdoor spaces on student well-being

Filiz Aliu, Ernesa Tahiri, Ylleza Syla & Albulena Bilalli – The role of colour clothing in design

Arberesha Hoxha & Greta Ahma – Explainable Machine Learning for Analyzing Player Behavior and Engagement in Video Games

Ariana Gjonil & Drenushë Sylaj Kllokoqil – Renewal and Reuse as Creative Strategies in Fashion Design

Nita Statovci – Epitaph of Craftsmanship: A Cultural Reflection

Riccardo Baccani – AI Workflows Design: Generative AI for Video Narrations in the Art and Design field

Pavarsi Mehmetil & Rrahim Sejdiu – The application of 3D technology in the maintenance of timber structures

Continue Reading

Aktualitet

Arsimi si mjet për integrimin evropian, në fokus të tryezës shkencore në UBT

Published

9 hours ago

on

October 25, 2026

By

Roli i arsimit në procesin e integrimit evropian të Kosovës, cilësia e të nxënit dhe përgatitja e të rinjve për sfidat e së ardhmes evropiane ishin në fokus të tryezës shkencore me temën “Arsimi si mjet për integrimin evropian: A po i përgatit Kosova të rinjtë për të ardhmen evropiane?”, e organizuar më 24 tetor 2026 në Parkun Shkencor, Inovativ dhe Teknologjik të UBT-së.

Tryeza u mbajt në kuadër të Konferencës së 15-të Ndërkombëtare për Shkencat Politike dhe Studimet e Sigurisë, në kuadër të Modulit Jean Monnet AKIL-EU (Advancing Kosovo’s European Integration through Learning about the EU), i bashkëfinancuar nga Bashkimi Evropian.

Diskutimi u përqendrua në sfidat dhe mundësitë e sistemit arsimor në Kosovë, duke vënë në pah rëndësinë e arsimit cilësor, zhvillimit të kompetencave themelore, përgatitjes profesionale të mësimdhënësve dhe transformimit digjital në funksion të perspektivës evropiane të vendit.

Në hapje të tryezës, Prof. Assoc. Dr. Manjola Zaçellari, koordinatore akademike e Modulit Jean Monnet AKIL-EU, theksoi se integrimi evropian nuk është vetëm proces politik, juridik dhe institucional, por edhe proces arsimor, kulturor dhe shoqëror, i cili kërkon investim të vazhdueshëm në kapitalin njerëzor.

Sipas saj, përafrimi i legjislacionit me standardet evropiane dhe ndërtimi i institucioneve funksionale nuk janë të mjaftueshme pa një sistem arsimor që zhvillon mendimin kritik, kompetencat digjitale dhe aftësinë e të rinjve për të kontribuar në një shoqëri demokratike.

Një pjesë e rëndësishme e diskutimit iu kushtua rezultateve të PISA-s dhe sfidave që ato paraqesin për arsimin në Kosovë. Të dhënat e paraqitura në kuadër të tryezës evidentuan nevojën për ndërhyrje konkrete në forcimin e aftësive bazë në lexim, matematikë dhe shkencë, si dhe për përmirësimin e cilësisë së mësimdhënies dhe të nxënit.

Duke iu referuar këtyre sfidave, Zaçellari theksoi se rezultatet e vlerësimeve ndërkombëtare duhet të shërbejnë si pikënisje për reflektim dhe reforma konkrete, e jo për të fajësuar nxënësit apo mësimdhënësit. Ajo vuri në pah se përmirësimi i rezultateve arsimore kërkon politika të qëndrueshme, mbështetje për mësuesit dhe investime në kapacitetet institucionale.

Gjatë diskutimit u trajtua gjithashtu ndikimi i inteligjencës artificiale dhe teknologjive digjitale në arsim. U theksua se përdorimi i teknologjisë duhet të shërbejë për thellimin e të nxënit, zhvillimin e mendimit kritik dhe përgatitjen e të rinjve për kërkesat e një shoqërie gjithnjë e më të digjitalizuar, duke ruajtur njëkohësisht përgjegjësinë dhe etikën në përdorimin e saj.

Një tjetër çështje me rëndësi ishte lidhja ndërmjet arsimit, punësimit dhe inovacionit, si dhe krijimi i mundësive që të rinjtë ta ndërtojnë të ardhmen e tyre në Kosovë. Në këtë kontekst, u theksua rëndësia e bashkëpunimit ndërmjet universiteteve vendore dhe institucioneve evropiane, mobilitetit akademik dhe programeve si Erasmus+, të cilat mund të kontribuojnë në shkëmbimin e njohurive dhe forcimin e kapaciteteve vendore.

Tryeza trajtoi edhe rëndësinë e promovimit të vlerave evropiane përmes arsimit, duke nënvizuar se përgatitja e të rinjve për integrimin evropian nuk nënkupton vetëm njohjen e institucioneve të Bashkimit Evropian, por edhe zhvillimin e qytetarisë aktive, respektimin e mendimit ndryshe, përgjegjësinë shoqërore dhe pjesëmarrjen demokratike.

Në përfundim, u riafirmua nevoja që arsimi të shihet si një nga shtyllat themelore të integrimit evropian të Kosovës. Përgatitja e brezave të rinj kërkon jo vetëm reforma në kurrikula dhe institucione, por edhe mundësi të barabarta për të gjithë nxënësit dhe studentët, pavarësisht vendbanimit apo kushteve ekonomike e shoqërore.

Përmes Modulit Jean Monnet AKIL-EU, synohet të forcohet lidhja ndërmjet studimeve mbi Bashkimin Evropian, institucioneve arsimore, shoqërisë civile dhe të rinjve, duke nxitur diskutimin akademik dhe identifikimin e zgjidhjeve konkrete për avancimin e integrimit evropian të Kosovës.

Continue Reading

Vendi

Inovacionet farmaceutike dhe kërkimet e avancuara shkencore në Konferencën Ndërkombëtare të UBT-së

Published

1 day ago

on

October 24, 2026

By

Në kuadër të Konferencës Ndërkombëtare të UBT-së, edicioni i 16-të për Shkenca Farmaceutike dhe Natyrore (IC-PNS 2026) ka mbledhur në Kampusin e UBT-së hulumtues dhe ekspertë të shquar të kësaj fushe.

Në kuadër të kësaj ngjarjeje, pjesëmarrësit po trajtojnë zhvillimet më të fundit në hulumtimet kimike, terapitë e avancuara, mjekësinë e personalizuar dhe ndikimin e faktorëve mjedisorë e shëndetësorë në shkencat natyrore.

Në vijim janë prezantuar punimet e hulumtuesve me temat e tyre përkatëse:

  • Bujar Qazimi – Chemical profiling of leaves and flowers of Rosmarinus officinalis by LC-DAD-ESI-MS method
  • Elsa Hoti – Off-Label Drug Use: A Comparative Review of Regulatory Approaches
  • Gentiana Balaj – Chemical Structure Profiles of Cardiovascular Drugs Used Among Hypertensive Patients
  • Erza Berisha – UV-Vis Spectrophotometric Assessment of Metal-NSAID Interactions: A Study with Iron(III) and Copper(II)
  • Leonida Gashi – Glycemic Control and Its Determinants Among Patients with Diabetes Mellitus in Kosovo: A Cross-Sectional Study
  • Rina Hasani – Assessment of the Health Impacts of Environmental Pollution from KEK Activities on the Population of Obiliq Municipality
  • Rina Nexhipi – Hematological and Metabolic Effects of Azithromycin Administration in Adult Mus musculus
  • Gresa Halimi Syla – Bioisosteric Replacement and Its Applications in Drug Design and Development
  • Rrona Mallaki – Effects of Curcumin in Doxorubicin-Treated Mus musculus Mice
  • Dafina Krasniqi Hoxha – Herb-Drug Interactions in Primary Healthcare: Mechanisms, Clinical Significance, and the Pharmacist’s Role
  • Reita Muharremi – Personalized Medicine: Future Perspectives in the Treatment of Rare Genetic Diseases
  • Elsa Qenaj – Joubert Syndrome: A Rare Genetic Ciliopathy—Epidemiology, Molecular Pathogenesis, and Therapeutic Perspectives
  • Olta Shehu – Mucopolysaccharidoses: Molecular Basis, Clinical Spectrum, and Therapeutic Perspectives with Focus on Type I and III
  • Anjeza Temaj – Ribosome-Targeted Therapeutic Strategies for Severe Junctional Epidermolysis Bullosa and Other Genetic Diseases: From PTC Readthrough to Selective Ribosomal Editing
  • Shkumbin Hamza – From Monogenic to Polygenic Obesity: Genomic Insights, Cardiometabolic Comorbidities, and the Role of Vitamin D in Pediatric Respiratory Health
  • Yllka Gashi – Consanguinity, Rare Autosomal Recessive Disorders, and Ciliopathies in Southeast Europe: Genetic Architecture, Clinical Spectra, and Implications for Diagnosis and Counseling
  • Mendor Xharra – Ribosome Dynamics, p53 Signaling, and Polyploid Giant Cancer Cells: Emerging Therapeutic Targets in Oncology and Genetic Disease

Continue Reading

Të kërkuara