Magazinë

Dita kur nisi akuzimi i mjekut personal të Elvis Preslit

Published

on

George Konstantine Nikopolos, greko- amerikani njohur si “Doktor Nick”, mjeku personal i Elvis Preslit, më 19 dhjetor të vitit 1979, akuzohet se në periudhën para vdekjes i kishte dhënë këngëtarit të madh mbidoza barnash të llojeve amphetamine, qetësues, pilula gjumi dhe hormone.

Dr. Nik nuk i pranoi akuzat duke thënë se ishte përpjekur për ta ndihmuar Elvisin që të shkëputej nga varësia e barnave drogë.

Në këtë përfundimin arriti edhe juria, dhe dr. Nik u lirua nga akuzat për vrasje, por iu hoq përkohësisht e drejta e ushtrimit të profesionit të mjekut.

Continue Reading

Magazinë

Lily James zbulon lidhjen e veçantë familjare me filmin klasik “Alien”

Published

on

Aktorja britanike Lily James ka treguar së fundmi një detaj të pazakontë që e lidh personalisht me filmin e famshëm të vitit 1979, “Alien”.

Çdo herë që e sheh këtë klasik të kinemasë, ajo përjeton emocion të veçantë, jo për shkak të skenave tronditëse, por sepse gjyshja e saj, aktorja amerikane Helen Horton, ishte zëri i kompjuterit të anijes “Mother”.

Në një intervistë për The Independent, 36-vjeçarja rrëfeu se së fundmi e kishte rishikuar filmin duke kërkuar frymëzim nga Sigourney Weaver për një rol të ri.

“Çdo herë që dëgjoj zërin e saj, ndalem dhe them: ‘Zoti im, kjo është gjyshja ime!’”, – tha James me emocion, duke kujtuar Horton si një grua me një zë magjik, të pasur dhe elegant.

Helen Horton ndërroi jetë në vitin 2007, në moshën 83-vjeçare. Aktorja shtoi me humor se këtë fakt e ka përmendur vetëm një herë për ta impresionuar regjisorin Edgar Wright gjatë audicioneve për filmin “Baby Driver” (2017).

“I thashë me shaka: ‘Nuk e di nëse e di, por gjyshja ime ishte në Alien’, dhe ai e gjeti shumë interesante!”, – kujtoi ajo duke qeshur.

Duke reflektuar mbi rrugëtimin profesional, James pranoi se në fillimet e karrierës ishte e paduruar për të dalë nga imazhi i vajzës së mirë, që e kishte ndjekur pas suksesit me filmin “Cinderella”.

Ajo theksoi se regjisorë si Kenneth Branagh e inkurajuan të kërkonte role të guximshme, gjë që i ka hapur kapitull të ri në karrierën e saj. /A.Z/UBT News/

Continue Reading

Magazinë

Blake fiton në gjykatë ndaj Justin, aktori mund të humbasë miliona

Published

on

Justin Baldoni mund të përballet me faturë të majme, pasi do t’i duhet të paguajë miliona dollarë bashkë-yllit të tij Blake Lively, pas rrëzimit të padisë që ai kishte ngritur kundër saj.

Padia me vlerë 400 milionë dollarë, që aktori kishte depozituar kundër Lively, bashkëshortit të saj Ryan Reynolds dhe The New York Times, u hodh poshtë zyrtarisht të premten. Gjykatësi Lewis J. Liman kishte vendosur që në qershor se akuzat për shpifje nuk përmbushnin standardet ligjore të nevojshme.

Sipas padisë, Baldoni pretendonte se Lively dhe Reynolds kishin ndërmarrë veprime për të marrë kontrollin e filmit It Ends With Us, para se të organizonin “sulm të koordinuar” ndaj tij përmes një artikulli të gjatë në The New York Times.

Baldoni, i cili shërbeu si regjisor dhe themelues i kompanisë së prodhimit Wayfarer Studios, kishte afat deri më 17 tetor për të apeluar vendimin e gjykatës, por ai nuk e bëri këtë. Si pasojë, më 31 tetor gjykatësi nënshkroi një urdhër të ri që konfirmon përfundimin përfundimtar të çështjes.

Kjo nënkupton se paditë e Baldonit kundër Lively, Reynolds dhe The New York Times për shpifje dhe zhvatje janë mbyllur zyrtarisht.

Baldoni ngriti padinë në janar, një muaj pasi Blake paraqit padi ndaj Wayfarer Studios, duke e akuzuar për ngacmim seksual gjatë xhirimeve.

Ekipi ligjor i Lively e quajti padinë e Baldonit “të pavërtetë” dhe një “përpjekje hakmarrëse”. Ata paralajmëruan se do të kërkojnë kompensim për shpenzimet ligjore, dëmshpërblime të trefishta dhe dënime shtesë për abuzim me sistemin gjyqësor.

Në shtator, avokatët e Lively paraqitën kërkesë që Baldoni të detyrohet t’i paguajë disa milionë dollarë për të mbuluar shpenzimet ligjore, dhe dëmshpërblim për dëmet ekonomike, emocionale dhe psikologjike. Ata kërkojnë gjithashtu që gjykata të shqyrtojë mundësinë e vendosjes së dënimeve ndëshkuese.

Në argumentet e saj, Lively mbështetet në një ligj të miratuar në Kaliforni në vitin 2023 — AB 933 — i cili mbron personat që denoncojnë publikisht ngacmim ose hakmarrje, duke i lejuar ata të ndajnë përvojat e tyre pa frikë nga padi për shpifje.

Gjykatësi Liman ende nuk ka vendosur nëse ky ligj zbatohet në rastin konkret, ndërsa pala e Baldonit pretendon se nuk është i aplikueshëm.

Blake Lively kërkon që gjykata të urdhërojë Baldonin të paguajë dëmshpërblimet e saj, pas së cilës pritet të zhvillohet një seancë për të përcaktuar shumën e saktë që ai do të duhet të paguajë. /A.Z/UBT News/

Continue Reading

Magazinë

Ja pse Selena Gomez zhduket herë pas here nga interneti

Published

on

Selena Gomez ishte organizatore e galës së tretë vjetore të bamirësisë së Rare Impact Fund, një event që kishte në qendër shëndetin mendor – kauzën më të rëndësishme për këngëtaren dhe aktoren.

Në fjalën e saj, ajo theksoi rëndësinë e pushimeve nga mediat sociale, duke theksuar ndikimin që ato kanë në mirëqenien emocionale.

Eventi u mbajt në Los Angeles, në mbështetje të fondacionit që Gomez themeloi në vitin 2020 me qëllimin për të mbledhur 100 milionë dollarë për organizata që zgjerojnë aksesin global në shërbimet dhe arsimin mbi shëndetin mendor për të rinjtë.

Mbrëmjen e moderoi Jimmy Kimmel, ndërsa performuan Laufey dhe The Marías. Në hapje të aktivitetit, Gomez tha se, edhe pse ka folur hapur për përvojën e saj me shëndetin mendor prej vitesh, “kjo mbetet ende një temë e vështirë dhe e pazakontë për shumë njerëz”.

“Sonte do të tregojmë se progresi është i mundur,” – theksoi ajo.

Ajo u shpreh krenare për punën e bërë përmes organizatës: “Asgjë nuk më ka bërë më krenare sesa ajo që kemi arritur me këtë fond. Jetojmë në një kohë kur presioni, sidomos tek të rinjtë, është më i madh se kurrë. Nga ngacmimi në internet deri te vetëvrasja, shëndeti mendor nuk është çështje dytësore – është themeli i gjithçkaje: kreativitetit, lidhjes, të nxënit, sigurisë dhe shpresës. Kur të rinjtë kërkojnë ndihmë, ata duhet ta dinë se ndihma ekziston.”

Në një intervistë për The Hollywood Reporter, Gomez foli më gjerësisht për ndikimin e mediave sociale: “Mendoj se është e rëndësishme të bësh pushime prej tyre. Edhe një ditë, madje edhe një orë larg, mund të bëjë ndryshim. E di që ndonjëherë duket sikur gjithë bota ndodhet në ekranin e telefonit, por në fakt ka një botë të tërë jashtë që ia vlen ta përjetosh.” /A.Z/UBT News/

 

Continue Reading

Magazinë

Fansat mbeten pa fjalë, Cardi B pranon se nuk i ka larë flokët për muaj të tërë

Published

on

Cardi B ka bërë një rrëfim të pazakontë lidhur me kujdesin ndaj flokëve gjatë një transmetimi të drejtpërdrejtë në rrjetet sociale.

Reperja u paraqit në një “Instagram Live”, me një kapelë elastike që përdoret nën paruke, ndërsa pranoi se kishte kaluar shumë kohë pa i larë flokët natyralë.

“Nuk i kam larë për rreth dy muaj”, u tha ajo ndjekësve, deklaratë që më pas u bë virale edhe në platformën X. “Në fakt, po gënjej – ndoshta kanë kaluar tre muaj, nuk e di as vetë”, shtoi ajo me humor.

Cardi B, 33 vjeç, madje bëri shaka duke thënë: “Ka gjasa që të kem të gjitha llojet e vezëve të insekteve në flokë – të gjarpërinjve, të mushkonjave, gjithçka mund të jetë këtu brenda”, duke treguar nga koka e saj.

Më pas, ajo ndau edhe planet për kujdesin ndaj flokëve: “Duhet të vajos skalpin, sepse nesër do të merrem me flokët e mi të vërtetë. Do t’i laj dhe deri të mërkurën do t’i bëj gërsheta.”

Deklarata e saj shkaktoi reagime të shumta, disa përdorues u shokuan nga zbulimi i reperes, ndërsa të tjerë e morën me humor. /A.Z/UBT News/

Continue Reading

Të kërkuara