Aktualitet

Dita Botërore e Shkencës

Një qëllim i kësaj dite është të nxjerrë në pah rëndësinë e shkencës për mënyrën se si jetojmë jetën tonë.

Published

3 years ago

on

Dita Botërore e Shkencës, çdo 10 nëntor kërkon të tërheqë vëmendjen për rëndësinë e punës shkencore dhe synon të angazhojë publikun e gjerë në çështjet e reja shkencore, si inteligjenca artificiale, energjia e rinovueshme, shëndeti publik.

Një qëllim tjetër i Ditës Botërore të Shkencës është të nxjerrë në pah rëndësinë e shkencës për mënyrën se si jetojmë jetën tonë. Ne jemi gjithnjë e më të rrethuar nga teknologjia dhe një nga qëllimet e Ditës Botërore të Shkencës është ta përdorim këtë për të frymëzuar njerëzit të marrin pjesë në aktivitete shkencore.

UNESCO, e sheh gjithashtu si një mundësi për të orientuar komunitetin e gjerë shkencor (përfshirë aktorët qeveritarë) rreth qëllimeve dhe vlerave të përbashkëta, si paqja në botë dhe çrrënjosja e varfërisë. Shpresohet që, duke e harmonizuar shkencën më shumë me qëllimet shoqërore, shkencëtarët do të fuqizohen të punojnë së bashku për të mirën e të gjithëve.

Një nga kontributet më të mëdha të shkencës është reduktimi i dëmit. Megjithëse nuk ka një përcaktim të pranuar botërisht mbi konceptin e “Reduktimit të dëmit”, gjithnjë e më shumë kohët e fundit ky parim po gjen shtrirje në çdo fushë të jetës.

Reduktimi i riskut është jetësor në sektorin e shëndetit publik, këtu përfshihen programet e vaksinimit, të cilat ndihmojnë kontrollin e sëmundjeve të ndryshme në popullatë. Falë vaksinimit, njerëzit ulin rrezikshmërinë e sëmundjes, duke reduktuar në këtë mënyrë dëmin jo vetëm për individin por të gjithë shoqërinë.

Ndërkohë edhe në industrinë e duhanit, pasi për vite me radhë u testuan mundësitë për reduktimin e riskut, u arritën rezultate të cilat sot janë të disponueshme në mbarë botën. Falë shkencës u vlerësua se dëmi më i madh vinte nga tymi, katrani dhe hiri, të cilat janë dhe shkaktarët e mundshëm të sëmundjeve të lidhura me duhanpirjen. Shkencëtarët gjetën dhe mundësitë për reduktimin e tyre.

Alternativat e reja të duhanit pa tym, si cigaret elektronike apo pajisje si IQOS që ngrohin duhanin, eliminojnë totalisht procesin e djegies duke reduktuar deri në 90% substancat e dëmshme.

Reduktimi i riskut edhe në industrinë e duhanit është një strategji e shëndetit publik e bazuar në shkencë, që ul rreziqet shëndetësore për individët dhe për të gjithë shoqërinë lidhur me përdorimin e produkteve të duhanit.

Related Topics:
Continue Reading

Lajmet

​Amir Rrahmani mund të mungojë për një kohë të gjatë në ndeshje

Published

25 seconds ago

on

September 8, 2025

By

Kapiteni i Kombëtares së Kosovës dhe mbrojtësi i Napolit, Amir Rrahmani, ka shkaktuar shqetësim të konsiderueshëm për klubin italian dhe Kosovën pas një lëndimi të marrë gjatë ndeshjes Zvicër–Kosovë.

Lojtari pësoi një problem muskulor që pritet ta mbajë jashtë fushave për një periudhë të gjatë.

Pas testeve të kryera, Rrahmani do të kthehet në Itali për kontrolle të mëtejshme, por tashmë flitet për një mungesë prej të paktën një muaji.

Kapiteni i Kombëtares së Kosovës nuk do të jetë në dispozicion për ndeshjen e radhës kundër Suedisë, e cila zhvillohet sot në stadiumin “Fadil Vokrri”, në kuadër të kualifikimeve për Kampionatin Botëror 2026.

Nëse ky parashikim konfirmohet, ai mund të mos jetë në dispozicion për ndeshjet e Napolit ndaj Fiorentinës, Manchester City-t, Pizës, Milanit, Sportingut dhe Xhenovës, shkruan ‘Sport Mediaset’.

Napoli dhe stafi mjekësor po ndjekin nga afër gjendjen e mbrojtësit, duke shpresuar që rikuperimi i tij të shkojë sipas planit dhe të mos ndikojë në formën e skuadrës në javët e ardhshme./S.K/KP/FFK/

Continue Reading

Lajmet

Tottenhami nuk është në shitje

Published

21 minutes ago

on

September 8, 2025

By

Tottenham Hotspur ka mohuar zërat për një shitje të mundshme të klubit pas dorëheqjes së Daniel Levy-t, i cili u largua javën e kaluar pas pothuajse 25 vitesh në krye të klubit londinez.

Në një deklaratë zyrtare, aksionari kryesor ENIC Sports & Developments Holdings Ltd konfirmoi se ka marrë dhe ka refuzuar dy shprehje paraprake interesi për blerjen e aksioneve.

Njëra ofertë erdhi nga PCP International Finance Limited, kompania e Amanda Staveley, ish-aksionere e Newcastle United, ndërsa tjetra nga një konsorcium i udhëhequr nga Dr. Roger Kennedy dhe Wing-Fai Ng përmes Firehawk Holdings Limited.

Megjithatë, ENIC, që zotëron 86.5% të aksioneve të Tottenham-it dhe është nën kontrollin e biznesmenit britanik Joe Lewis dhe familjes së tij, bëri të qartë se klubi nuk është në shitje dhe nuk ka asnjë qëllim të pranojë oferta të tilla.

“Bordi i klubit dhe ENIC konfirmojnë se Tottenham Hotspur nuk është në shitje”, thuhet në deklaratë.

Dorëheqja e Levy-t ka hapur shumë spekulime mbi një ndryshim të mundshëm pronësie, por drejtuesit e Tottenham-it i kanë hedhur poshtë këto zëra. Në prill, klubi emëroi Vinai Venkatesham si drejtor ekzekutiv, ndërsa Peter Charrington mori postin e kryetarit jo-ekzekutiv, një rol i ri që u krijua pas largimit të Levy-t.

Klubi theksoi se nuk do të ketë ndryshime në pronësi apo strukturën e aksionarëve, duke synuar stabilitet në një periudhë tranzicioni pas një epoke të gjatë nën drejtimin e Daniel Levy-t./S.K/KP/

 

 

Continue Reading

Lajmet

Ky është gjyqtari që do ta drejtojë ndeshjen Kosovë-Suedi

Published

2 hours ago

on

September 8, 2025

By

Ndeshja e radhës e kualifikimeve për Botërorin 2026 mes Kosovës dhe Suedisë do të drejtohet nga gjyqtari holandez Allard Lindhout. Sfida zhvillohet sonte në stadiumin “Fadil Vokrri” në Prishtinë, me fillim nga ora 20:45.

Allard Lindhout, i lindur më 11 shtator 1987 në Warmond të Holandës, është gjyqtar ndërkombëtar që prej vitit 2014.

Gjatë karrierës së tij ka drejtuar dhjetëra ndeshje ndërkombëtare, duke u dalluar për vendimet e sakta dhe për eksperiencën e tij në ndeshje të rëndësishme.

Asistentë të Lindhout në këtë ndeshje do të jenë Rogier Honig dhe Johan Balder, ndërsa gjyqtar i katërt do të jetë Joey Kooij.

Për sistemin VAR do të kujdeset Clay Ruperti me asistencë nga Jeroen Manschot, të gjithë nga Holanda. Delegat i UEFA-s për këtë takim është Patrick Duffy nga Irlanda, ndërsa vëzhgues i gjyqtarëve do të jetë Stávros Tritsónis nga Greqia.

Kjo ndeshje pritet të jetë një test i rëndësishëm për Kombëtaren e Kosovës, e cila kërkon kthimin në rrugën e fitoreve pas humbjes 4-0 nga Zvicra./S.K/KP/World Football/

Continue Reading

Aktualitet

Përfundon Seminari për Trajnerët e Basketbollit

Published

3 hours ago

on

September 8, 2025

By

Ka përfunduar Seminari për Trajnerët e Basketbollit për grupmosha të reja që filloi ditën e premte dhe vazhdoi gjatë fundjavës është organizuar nga Federata e Basketbollit e Kosovës në bashkëpunim me Shoqatën e Trajnerëve të Basketbollit të Kosovës dhe Komitetin Olimpik të Kosovës (KOK).

Seminari është përkrahur nga Solidariteti Olimpik, fondacioni më i madh në kuadër të Komitetit Olimpik Ndërkombëtar (KON), për zhvillim të sportit në vende të ndryshme të botës e po ashtu edhe nga FIBA, shtëpia e basketbollit botëror.

Në ditën e parë ka ligjëruar eksperti i njohur i basketbollit ndërkombëtar, Arik Shivek.

Ai ka treguar për përvojën e madhe në basketbollin evropian dhe këtë përvojë ta bart te trajnerët e Kosovës, për ta zbatuar në basketbollin e Kosovës.

Vlora Braha, SPOC Person për Integritet në FBK dhe nga Safeguardin dhe Future ka folur rastet që mund t’i paraqesin trajnerët për abuzime dhe ngacmime në basketboll dhe si mund të drejtohen për këto raste në FBK. Ndërkohë, psikologia Vjollca Zymberi Devaja ka ligjëruar me temën Përgatitja Mendore për Fëmijët.

Në ditën e dytë dhe të tretë, kanë ligjëruar eksperti i njohur ndërkombëtar i basketbollit, Arik Shivek, si dhe trajneri kondicional Agron Haliti.

Të dy kanë ligjëruar për tema të rëndësishme për trajnerët që punojnë me grupmosha të reja, veçanërisht për U14 e më të rinj.

Në fund, Diellza Kelmendi, Koordinatore e Vlerave Olimpike në Akademinë Olimpike në Komitetin Olimpik të Kosovës së bashku me Granit Rugovën, Drejtor i Projekteve dhe Programeve Zhvillimore në Federatën e Basketbollit të Kosovës kanë nderuar me mirënjohje Arik Shivek dhe Agron Haliti, ndërsa trajnerët pjesëmarrës janë pajisur me certifikatën e pjesëmarrjes./S.K/KP/

Continue Reading

Të kërkuara