Lajmet
Diskutime mbi inteligjencën artificiale dhe teknologjitë moderne në Konferencën e Sistemeve të Informacionit dhe Sigurisë në UBT
UBT ka organizuar me sukses Konferencën mbi Sistemet e Informacionit dhe Sigurinë, duke sjellë së bashku ekspertë dhe profesionistë të fushës për të diskutuar sfidat dhe mundësitë që ofrojnë teknologjitë moderne. Ngjarja, e cila u mbajt në kampusin e UBT-së përfshiu një gamë të gjerë diskutimesh dhe prezantimesh rreth aplikimeve të inteligjencës artificiale, qeverisjes së të dhënave dhe rrezikshmërisë në menaxhimin e informacionit. Sesioni i parë u drejtua nga Chair-in Vehbi Neziri dhe Co-Chair-in Blerton Abazi.
Sesioni i parë i Konferencës mbi Sistemet e Informacionit dhe Sigurinë ofroi një pasqyrë të thellë mbi ndikimin e teknologjive moderne në menaxhimin e projekteve dhe sigurinë e informacionit.
Sesioni i parë:
Artificial Intelligence Implementation in Project Management, Besnik Skenderi, Diamanta Skenderi
Prezantim shqyrtoi aplikimet e inteligjencës artificiale në menaxhimin e projekteve, duke theksuar mënyrat se si AI mund të rrisë efikasitetin dhe të optimizojë proceset
Using AI Tools on Performing Security Risk Assessment, Blerton Abazi
Blerton Abazi paraqiti metodat e përdorimit të mjeteve të AI për të realizuar vlerësime të rreziqeve të sigurisë, duke ndarë praktika efektive për identifikimin dhe menaxhimin e këtyre rreziqeve.
A Systematic Literature Review: Big Data Maturity Model in the Telecommunication Industry, Fatmir Desku, Adrian Besimi
Përmes prezantimit u ofrua një rishikim sistematik i literaturës mbi modelin e pjekurisë së të dhënave në industrinë e telekomunikacionit, duke identifikuar sfidat dhe mundësitë në këtë fushë.
Implementation of Governance, Risk, and Compliance in Enterprise Information Systems, Tanita Krasniqi, Ermira Shehu
Tanita Krasniqi dhe Ermira Shehu diskutuan zbatimin e qeverisjes, rrezikut dhe përputhshmërisë në sistemet e informacionit të ndërmarrjeve, duke nxjerrë në pah rëndësinë e këtyre aspekteve për menaxhimin e informacionit.
Decentralizing Data Governance: Blockchain’s Role in Securing and Sharing Information, Vehbi Neziri, Blerton Abazi
Ky prezantim trajtoi rolin e blockchain-it në decentralizimin e qeverisjes së të dhënave dhe sigurinë e informacionit, duke diskutuar potencialin për ndarjen e sigurt të informacionit.
Sesioni i dytë:
Sesioni i dytë i Konferencës mbi Sistemet e Informacionit dhe Sigurinë, i moderuar nga Ylber Limani dhe Agim Zuzaku, përfshiu një gamë të gjerë temash që trajtuan përparimet teknologjike dhe ndikimin e tyre në biznes dhe arsim.
Cloud Computing Adoption By Small And Medium Enterprises In Kosovo, Agnesa Krasniqi, Valdrin Krasniqi
Prezantimi shqyrtoi adoptimin e computing në re nga ndërmarrjet e vogla dhe të mesme në Kosovë, duke theksuar përfitimet dhe sfidat që hasin gjatë këtij procesi.
Navigating the Synergy Between Human Workforce and Technological Advancements, Mirjeta Domniku, Fidane Spahija Gjikolli
Mirjeta dhe Fidane diskutuan se si mund të arrihet një harmoni efektive midis forcës punëtore njerëzore dhe avancimeve teknologjike, duke ofruar shembuj konkretë dhe strategji për integrim.
Analyzing the Impact of Blockchain Technology on Data Integration Effectiveness, Maria Lumezi, Ylber Limani
Ky prezantim shqyrtoi ndikimin e teknologjisë blockchain në efektivitetin e integrimit të të dhënave, duke analizuar avantazhet që kjo teknologji sjell në menaxhimin e informacionit.
Challenges, Perspectives, and Ingenuity in Expanding the Digital Transformation in Higher Education Institutions (HEI): The Case of the University for Business and Technology (UBT), Ylber Limani, Ermal Lubishtani, Murat Retkoceri
Profesionistët diskutuan sfidat dhe perspektivat e transformimit digjital në institucionet e arsimit të lartë, me fokus në përvojat e UBT-së dhe inovacionet e reja.
The Role of Web Analytics and Information Systems in Decision-Making: A Study on Businesses in Kosovo, Agim Zuzaku
Agim Zuzaku paraqiti rëndësinë e analitikës së uebit dhe sistemeve të informacionit në procesin e marrjes së vendimeve për bizneset në Kosovë, duke ofruar një analizë të thelluar.
Development of an Android Application for Locating Geodetic Reference Points Using GPS Signals, Valmir Avdiaj, Agim Zuzaku
Ky prezantim trajtoi zhvillimin e një aplikacioni Android për lokalizimin e pikave referuese gjeodetike duke përdorur sinjalet GPS, duke theksuar rëndësinë e saktësisë në këtë proces.
Trustworthiness of Integrated Circuits: Model Transformation of Trustworthiness Using Generative AI, Jakup Ratkoceri
Ratkoceri diskutoi transformimin e besueshmërisë së qarqeve të integruar përmes përdorimit të inteligjencës artificiale gjenerative, duke nxjerrë në pah mënyrat për të rritur besueshmërinë e teknologjive të reja.
Poster Presentation: Technology as an Influencer for Decision-Making in Accelerated Condition and the Reality of Expectations, Gelina Maliqi
Maliqi paraqiti një studim mbi rolin e teknologjisë si një faktor ndikues në procesin e marrjes së vendimeve në kushte të përshpejtuara dhe realitetin e pritshmërive.
Konferenca mbi Sistemet e Informacionit dhe Sigurinë u zhvillua me sukses, duke sjellë së bashku ekspertë dhe profesionistë të fushës për të diskutuar mbi sfidat dhe mundësitë që ofron teknologjia moderne. Sesionet përfshinë tema të rëndësishme si inteligjenca artificiale, blockchain, adoptimi i computing në re, dhe transformimi digjital në arsimin e lartë. Pjesëmarrësit patën mundësinë të shkëmbenin ide dhe përvoja, duke forcuar rrjetin e bashkëpunimit dhe duke nxitur inovacionin në fushat e sistemit të informacionit dhe sigurisë./UBTNews/
Profesori i Fakultetit të Artit dhe Medias Digjitale në UBT, Burim Berisha, do të prezantojë ekspozitën e tij personale “RESIDUE”, e cila do të hapet më 18 korrik në Institutin e Artit Bashkëkohor ARKIV në Pejë.
Ekspozita është pjesë e programit kuratorial të institucionit dhe paraqet një përmbledhje të praktikës artistike të Berishës, të zhvilluar përgjatë më shumë se 25 vjetësh krijimtari në fushën e artit bashkëkohor.
Përmes skulpturës dhe instalacioneve që ndërthurin elemente si tingulli, tymi, dheu dhe materiale të ndryshme, “RESIDUE” eksploron marrëdhënien ndërmjet kujtesës, transformimit dhe gjurmëve që mbeten pas një ngjarjeje, personi apo objekti. Veprat ftojnë publikun në një reflektim mbi praninë dhe mungesën, duke e trajtuar artin si një proces që ruan dhe rikrijon kujtesën përtej momentit të krijimit.
Në këtë ekspozitë, figura nuk paraqitet në mënyrë të drejtpërdrejtë, por ndërtohet përmes materialit, shenjave të pranisë dhe hapësirës, duke krijuar një dialog mes asaj që është e dukshme dhe asaj që mbetet e nënkuptuar.
Ekspozita “RESIDUE” dëshmon për angazhimin e vazhdueshëm artistik të Prof. Burim Berishës dhe kontributin e tij në zhvillimin e artit bashkëkohor, si në Kosovë ashtu edhe në arenën ndërkombëtare.
Lajmet
Ambasadori i Hungarisë në Kosovë ligjëron në UBT për politikën e zgjerimit të Bashkimit Evropian
Fakulteti i Shkencave Politike dhe Studimeve të Sigurisë në UBT ka nisur aktivitetet e Akademisë Verore 2026, në kuadër të Global UBT Fest 2026, me një ligjëratë të veçantë nga Ambasadori i Hungarisë në Republikën e Kosovës, László Dux, i cili zhvilloi një dialog me studentët dhe stafin akademik mbi temën “EU Enlargement Policy”.
Aktiviteti inaugurues mblodhi studentë të Shkencave Politike, Studimeve të Sigurisë, Politikave Publike dhe Menaxhimit, të cilët patën mundësinë të diskutojnë mbi një nga temat më aktuale të agjendës evropiane – politikën e zgjerimit të Bashkimit Evropian dhe rëndësinë e saj për vendet aspirante.
Gjatë ligjëratës, Ambasadori Dux trajtoi zhvillimet më të fundit në procesin e zgjerimit të BE-së, sfidat dhe mundësitë që e shoqërojnë këtë proces, si dhe perspektivën e Hungarisë lidhur me të ardhmen evropiane të rajonit. Ai theksoi rëndësinë e bashkëpunimit ndërmjet vendeve të Ballkanit Perëndimor dhe institucioneve evropiane, duke nënvizuar se zgjerimi mbetet një element kyç për forcimin e stabilitetit, sigurisë dhe zhvillimit në Evropë.
Diskutimi u zhvillua në një atmosferë interaktive, ku studentët adresuan pyetje mbi procesin e integrimit evropian, politikat e zgjerimit, marrëdhëniet ndërkombëtare dhe sfidat gjeopolitike që ndikojnë në të ardhmen e Bashkimit Evropian dhe rajonit.
Përmes organizimit të këtij aktiviteti, UBT vazhdon të sjellë pranë studentëve diplomatë, vendimmarrës dhe ekspertë ndërkombëtarë, duke krijuar mundësi për debat akademik dhe shkëmbim të drejtpërdrejtë të përvojave mbi çështjet më të rëndësishme të politikës globale.
Akademia Verore e Fakultetit të Shkencave Politike dhe Studimeve të Sigurisë do të vazhdojë edhe në ditët në vijim me ligjërata, panele diskutimi dhe aktivitete akademike të fokusuara në diplomaci, siguri, qeverisje dhe politika publike, me pjesëmarrjen e ekspertëve vendorë dhe ndërkombëtarë.
Slaven Biliq rikthehet në stolin e Kroacisë, zëvendëson Zlatko Daliqin
Profesorët e UBT-së botojnë studimin mjekësor në revistën prestigjoze ndërkombëtare MDPI
Messi barazon një rekord të epokës së Maradonës në Kupën e Botës
KFOR-i me stërvitje speciale pranë Bondsteel-it për menaxhimin e rasteve urgjente
Burim Berisha sjell “RESIDUE”, një reflektim artistik mbi kujtesën dhe transformimin
Ambasadori i Hungarisë në Kosovë ligjëron në UBT për politikën e zgjerimit të Bashkimit Evropian
Mbrojtja e Thaçit kërkon lirim me kusht, Specialja: Vendimi merret në kohën e duhur
Fakulteti i Shkencave Kompjuterike dhe Inxhinierisë në UBT nis Akademinë Verore “Përtej Horizontit”
Trump: SHBA mund të marrë nën kontroll Ngushticën e Hormuzit
-
Lajmet nga UBT1 month agoStudentët e vitit të tretë në UBT prezantojnë ekspozitën përfundimtare “The Graduets”
-
Lajmet1 month agoProfesorët e UBT-së publikojnë studim mbi përdorimin e antibiotikëve gjatë pandemisë në revistën prestigjioze “Pharmacoepidemiology”
-
Sport2 weeks agoKane me dy gola dërgon Anglinë në 1/8 e finales, tani e pret Meksika
-
Lajmet7 days agoStudimi i studentit të UBT-së publikohet në revistën ndërkombëtare të indeksuar në Scopus