Kulturë

Disa nga njerëzit e famshëm që humbën karrierën e tyre pasi u zbuluan të bëmat e tyre

Published

on

Tradita e “anulimit” të të famshmëve që bëjnë veprime të pahijshme apo që duhet dënuar, po vazhdon dhe duket se tani është në nivelin më të lartë ndonjëherë.

Pra, ka kaluar koha kur njerëzit e famshëm thonë dhe bëjnë gjëra problematike gjatë gjithë kohës lirshëm, vetëm shkaku i profesionit apo famës që kanë.

Disa prej tyre janë:

Armie Hammer

Si nip i një manjati të naftës dhe dikush karriera e të cilit po fillonte të kishte sukses, reputacioni i tij vështirë të rikuperohet, veçanërisht me të gjitha informacionet e reja dhe shqetësuese që janë publikuar së fundi. Pra, është e rrallë që ndonjë i famshëm të akuzohej për kanibalizëm më parë! Gjithashtu, ai është akuzuar për përdhunim, sulm dhe detyrim seksual.

Ellen DeGeneres

Ellen u anulua pas shumë akuzave se ajo kishte nxitur një kulturë toksike në vendin e punës. Ajo u detyrua të përfundonte show-in e saj, kështu duke mos vazhduar me sezone të reja.

Harvey Weinstein

Katër vjet më parë ai ishte prodhuesi më i madh dhe më i fuqishëm i filmit në botë. Tani ai është një i dënuar me 23 vite burg për përdhunim dhe sulm seksual.

Shane Dawson

Në një moment, ai ishte njeriu më i famshëm në internet, të nesërmen, ju do të kritikoheshit nëse keni thënë emrin e tij në ndonjë video në YouTube. Videot e tij raciste, shakat e pedofilisë dhe sjelljeve të tjera problematike, bënë që ai të anulohet.

Hilaria Baldwin

Ajo pretendoi për vite me radhë se ishte Spanjolle, paraqitej rregullisht në revistën Hola! Si një latine e veshur më mirë, kishte një simpati nga të gjithë deri kur u mor vesh se kishte falsifikuar plotësisht trashëgiminë e saj spanjolle. Ajo u mohua shumë nga të gjithë sponsorët e saj dhe nuk shfaqet më në TV. Ajo tani e kalon kohën e saj duke ngarkuar fotografi në Instagram.

R. Kelly

Më 11 korrik të vitit 2019, Kelly u arrestua me akuza federale për krime seksuale, trafikim me njerëz, pornografi fëmijësh, dhe pengim të drejtësisë. Kelly përballet me një total prej 22 akuzash federale, duke përfshirë pornografinë e fëmijëve, rrëmbimet dhe punën e detyruar.

J.K. Rowling

Autorja e Harry Potter, u ‘anulua’ pasi ka bërë një sërë komentesh kundër transgjinorëve.

Anna Wintour

Kryeredaktorës së Vogue, së fundi njerëzit ia kujtuan historinë e saj të mos mbështetjes ose apo ngritjes së krijuesve dhe punonjësve me ngjyrë.

Chris Pratt

Anëtarësimi i tij në një kishë anti-LGBTQ dhe pikëpamjet e tij të pretenduara politike, bënë që Chris brenda një kohe shumë të shkurtër të urrehet sa që në Twitter filloj një tendencë nën hashtag-un #ripchrispratt, dhe menjëherë pas kësaj filluan të qarkullonin një seri cicërimash raciste dhe seksiste, gjoja nga llogaria e tij në Twitter.

Megjithatë, askush nuk e mohon që ata mund të vazhdojnë me karrierat e tyre, mirëpo si mund ta bëjnë një gjë të tillë nëse nuk ekziston përkrahja e mbështetësve?/UBTNews

Magazinë

Yjet e BTS përfundojnë shërbimin ushtarak dhe lajmërojnë rikthimin e tyre së shpejti

Published

on

Pas më shumë se dy vitesh ndarjeje për shkak të shërbimit të detyrueshëm ushtarak në Korenë e Jugut, të shtatë anëtarët e grupit BTS janë ribashkuar këtë muaj, duke festuar së bashku 12-vjetorin e krijimit të grupit të tyre.

Festimet u mbajtën më 13 dhe 14 qershor në Goyang, pranë Seulit, ku morën pjesë mbi 60,000 fansa nga e gjithë bota.

Ato ditë, gjashtë nga anëtarët e grupit, Jin, j-hope, RM, Jimin, V dhe Jungkook, e kishin përfunduar shërbimin e tyre ushtarak, ndërsa anëtari i fundit, Suga, e përfundoi zyrtarisht detyrën më 21 qershor.

Suga mori një formë alternative të shërbimit për shkak të një dëmtimi të mëparshëm, duke punuar si punonjës civil.

Megjithatë, ai nuk kishte të drejtë të merrte pjesë në aktivitete profesionale deri në përfundimin zyrtar të shërbimit.

Gjatë eventit FESTA ku grupi bëri ribashkimin, anëtarët befasuan fansat me prezencë. Në skenë performuan j-hope, Jin dhe Jungkook me këngë si “Jamais Vu”, “Seven” dhe “Don’t Say You Love Me”,RM, Suga, Jimin dhe V qëndruan në audiencë, duke shijuar emocionet së bashku me ARMY-n, fansat e tyre.

Ky ribashkim shënon një moment kyç për BTS dhe fansat e tyre, të cilët kanë pritur me padurim rikthimin e grupit në përbërje të plotë.

Megjithëse nuk është dhënë ende një datë zyrtare për projektet e ardhshme, kompania menaxhuese e tyre, HYBE, ka konfirmuar se BTS do të rikthehet me aktivitete të grupit në fund të vitit 2025 ose në fillim të 2026. Një album i ri dhe një turne botëror janë në planet që pritet të zbulohen së shpejti.

Pas një periudhe ku çdo anëtar punoi në projekte solo dhe përmbushi detyrimet ushtarake, grupi është gati të shkruajë kapitullin e radhës të historisë së tij, një rikthim që pritet me shumë emocion nga miliona fansa në të gjithë botën.

Continue Reading

Magazinë

Pedro Pascal flet për jetën private dhe tregon nëse ka në plan të bëhet baba

Published

on

Pedro Pascal ka folur për mënyrën se si e mban jetën e tij personale larg syrit të publikut, në një intervistë të fundit për Vanity Fair.

Aktori 50-vjeçar, i cili ka arritur majat e karrierës me rolet e tij në serialet “The Last of Us” dhe “The Mandalorian”, theksoi se ruajtja e privatësisë është thjesht dhe vetëm një mbrojtje nga ekspozimi mediatik.

“Gjithmonë ndihem në siklet kur më përshkruajnë si një person të rezervuar në media, sepse është krejt e kundërta e asaj që jam në të vërtetë,” tha ai.

“Jam shumë i hapur me njerëzit e mi, me rrethin tim personal. Thjesht e di që marrëdhëniet mes njerëzve janë mjaft të ndërlikuara edhe pa qenë nën dritën e kamerave apo përmes një lenteje që zmadhohet gjithmonë.”

I pyetur për mendimin e tij mbi prindërimin dhe nëse ka dëshirë të ketë fëmijë, Pascal u tregua i sinqertë:

“Nuk është diçka për të cilën e vras mendjen çdo ditë. Sigurisht, kam ëndërruar ta përjetoj atë që më kanë dhënë prindërit, t’i çoj fëmijët në kinema, siç më çonin mua. Ndoshta dua një ‘bashkudhëtar të vogël’, qenie njerëzore interesante që është fëmija im, e që më shoqëron të shohim filma që dua t’i shoh unë.”

Kur biseda kaloi te mënyra si interneti e ka shndërruar në një simbol seksi, Pascal u duk më shumë i habitur sesa i ngazëllyer:

“E mendoni me të vërtetë se dukem seksi? Faleminderit Zotit!,” tha ai.

Continue Reading

Magazinë

Vdes në moshën 74-vjeçare aktori i njohur italian

Published

on

Bota e kinemasë italiane është sot në zi. Alvaro Vitali, një nga figurat më të dashura dhe ikonike të komedisë italiane, është ndarë nga jeta në moshën 74-vjeçare, në Romë.

Aktori ishte shtruar në spital dy javë më parë për një bronkopneumoni të përsëritur, por kishte vendosur të rikthehej në shtëpi, ku ndërroi jetë pasdite.

I njohur për rolin e tij të paharrueshëm si Pierino, Vitali u bë një figurë kult e komedisë italiane, por edhe një personazh shumë i dashur për publikun e ri, falë imitimeve të suksesshme, si ajo e Jean Todt në “Striscia la Notizia”.

I lindur më 3 shkurt 1950, Vitali u zbulua nga Federico Fellini, i cili i dha rolin e parë në “Fellini Satyricon” (1969), ai u shfaq në filma të tjerë të regjisorit të famshëm si “I Clowns” dhe “Roma”.

Në vitet ’70-’80, Vitali u bë një nga aktorët më të kërkuar të zhanrit komik, duke luajtur krah emrave si Lino Banfi, Edwige Fenech dhe Renzo Montagnani.

Continue Reading

Magazinë

Mesazhi i Rita Orës për botën: Respektoni njerëzit pasi s’e dini si mund të kthehen në jetën tuaj

Published

on

Këngëtarja me rrënjë nga Kosova e me famë botërore, Rita Ora, ka dhënë mesazhin e saj për botën dhe njerëzit e rinj, në një deklaratë për “Dose of Society” që ka mision të sjellë zërin e njerëzve për inspirim dhe lidhje me të tjerët.

Në një video të publikuar në kanalin e “Dose of Society” në Instagram me 1.7 milionë ndjekës, Rita ka treguar edhe se çka do t’i thoshte vetes së vet më të re.

“Mos u brengos. Gjithmonë gjithçka do të jetë në rregull. Gjithçka lidhet me rrugëtimin. Ky është rrëfimi juaj. Dhe kurrë mos mendo e ndjej sikur rrëfimi juaj duhet të jetë si i dikujt tjetër”, ka thënë ajo.

Se pse e ka fituar këtë përshtypje, Rita ka thënë se gjërat “nuk po ecnin shpejt mjaftueshëm”. “Kam menduar se gjërat do të duhej të ishin më shpejt, por se ato kanë ndodhur ashtu siç ishte paraparë të ndodhnin”. Ajo ndihet e bekuar dhe me fat që e bën punën që gjithmonë ka ëndërruar.

Ajo ka treguar edhe se çka ka mësuar përgjatë rrugëtimit të saj.

“Që e dua atë që bëj dhe që jam me fat që e bëj atë që e bëj dhe që jam e bekuar. Më duhet ta kujtoj këtë, që po bëj një punë që gjithmonë kam dashur ta bëja. Disa njerëz kanë punë që nuk donin t’i bënin”, ka thënë ajo.

Këngëtarja është shprehur se duhet të respektohen të gjithë njerëzit “pasi ju nuk e dini se si mund të kthehen këta njerëz në jetën tuaj”.

“Se këdo që e takoni e meriton të njëjtin respekt sepse po ashtu nuk e dini si mund të kthehen këta njerëz në jetë, si mund t’ju ndihmojë në të ardhmen apo çfarë raportesh mund të bëni me ta…Ti mjafton. Ju mund të gjeni dyshime se nuk po bëni mjaftueshëm, se s’keni sukses, pasuri, por mos harroni se ju vetëm si person jeni mjaftueshëm. Je vetëm një. Mos e harro kurrë”, ka shtuar Rita Ora.

Continue Reading

Të kërkuara