Lifestyle

Disa mënyra të thjeshta se si të hidratohemi gjatë verës!

Published

4 years ago

on

Temperaturat e larta sjellin edhe shumë probleme për organizmin. Problemi konstant i kësaj periudhe është padyshim dehidratimi i trupit ose quajtur ndryshe mungesa e ujit. Shfaqet si pasojë e një morie arsyesh, por kryesisht për shkak të djersitjes së madhe të trupit nga vapa.

Kështu sfida e ditëve të nxehta është të qëndroni të hidratuar sa më shumë. Uji është padyshim zgjedhja e parë që bëhet në këto raste dhe sigurisht edhe më e mira. Gjithsesi njerëzit gjatë ditës konsumojnë edhe pije të tjera. Pije të cilat mund të jenë favorizuese ose jo të hidratimit të mirë të trupit.

Me siguri kur mendoni për hidratimin nuk ju shkon mendja tek një filxhan kafe apo çaji, megjithëse të dyja mund t’i konsumoni çdo ditë.

Çfarë duhet konsumuar gjatë verës?

Sipas mjekëve dhe dietologëve mënyra më e mirë për të mbajtur një organizëm të shëndetshëm është të konsumoni shumë ujë. Gjithsesi edhe nëse konsumoni kafe ose çaj gjatë verës i keni dhuruar pak qetësi dhe hidratim trupit tuaj.

Nuk ka një ndarje mes tyre se cila është më e vlefshme pasi të dyja këto pije përmbajnë kafeinë. Një nga funksionet më të njohura të kafeinës, është mbajtja e trupit dhe trurit zgjuar dhe në lëvizje. Kjo bën që edhe funksionet e tij të jenë më të shpejta gjë që ndihmon në qarkullimin e mirë të gjakut.

Duke qenë se janë të dyja të pasura me ujë e ndihmojnë trupin të gjithnjë i hidratuar dhe i shëndetshëm. Pra, mund të themi që kafja dhe çaji janë të sigurt për t’u konsumuar edhe gjatë verës, duke mbajtur në mendje që sasia e konsumimit të tyre duhet të jetë e vogël.

Sa duhet të konsumoni?

Vetëm tetë gota ujë në ditë mjaftojnë për t’ju mbajtur të hidratuar në mënyrë të sigurt dhe të shëndetshme. Sidomos nëse vuani nga sëmundje të zemrës apo tensioni i ulët pasi kafeina mund të jetë shumë e dëmshme në këto raste. Konsumimi kafes apo i çajit është i sigurt nëse konsumoni jo më shumë se 3-4 filxhanë në ditë. Kjo do t’ju ndihmojë që jo vetëm të qëndroni të hidratuar, por edhe të mbani trupin të shëndetshëm. Gjithnjë mos harroni t’i shoqëroni filxhanët tuaj të kafesë apo të çajit edhe me ujë, pasi është mënyra më e mirë për t’i bërë ballë dehidratimit.

Related Topics:
Continue Reading

Lifestyle

Rritja e flokëve pa kimikate: Katër vajrat natyralë më efektivë për forcim dhe rigjenerim

Published

11 hours ago

on

June 20, 2025

By

Nëse doni të stimuloni rritjen e flokëve, të forconi rrënjët dhe të rigjallëroni skalpin e kokës, këto vajra duhet të bëhen aleatët tuaj.

Në një epokë kur po largohemi nga kimikatet agresive dhe po kërkojmë zgjidhje më të buta, vajrat natyralë po fitojnë vend të merituar në rutinat e bukurisë.

Flokët e shëndetshëm, të trashë dhe me shkëlqim nuk janë një ideal i paarritshëm. Vajrat kanë qenë pjesë e ritualeve tradicionale të bukurisë për shekuj me radhë, ato po konfirmohen edhe si një alternativë moderne ndaj përgatitjeve laboratorike.

Vaji i ricinit, një aleat i provuar për forcimin e rrënjëve

Një klasik me arsye. I pasur me acid ricinoleik, ka veti antiinflamatore, antibakteriale dhe stimulon mikroqarkullimin në skalpin e kokës, çka forcon rrënjët dhe nxit rritjen. Ngrohni pak disa pika, masazhon skalpin e lëreni të veprojë për 30 minuta, ideale është gjatë gjithë natës. Shpëlajeni mirë me shampo.

Vaji i kokosit, mbrojtje dhe hidratim i thellë

Për ata që kanë probleme me flokë të thatë vaji i kokosit është zgjedhja ideale. Ai depërton në boshtin e flokëve dhe e mbron atë nga humbja e proteinave, duke ruajtur elasticitetin dhe shkëlqimin e tij. Më i miri për flokë të thatë e skalp të dehidratuar, kombinoni me disa pika vaj rozmarine për efekt më të fortë.

Vaji i rozmarinës, një alternativë natyrale ndaj minoksidilit

Vaji esencial i rozmarinës është bërë viral me të drejtë, efektiviteti në stimulimin e rritjes së flokëve është i krahasueshëm me minoksidilin, por pa përbërës agresivë. Përzieni 3-5 pika vaj rozmarine me vaj bazë (jojoba, bajame ose kokos), masazhoni skalpin e kokës dy deri në tre herë në javë.

Vaji i rrodheve, një zgjidhje qetësuese për rënien e flokëve

Ideal për ata që vuajnë nga rënia e flokëve. Ai stimulon qarkullimin e gjakut, ushqen folikulat, ka efekt qetësues, ndihmon gjithashtu në luftimin e zbokthit.

Vaji i jojobës, hidratim i lehtë për çdo lloj flokësh

Vaji i jojobës është ndër vajrat më të butë e më të ekuilibruar. Përbërja e tij i ngjan sebumit natyral të lëkurës, nuk bllokon poret dhe nuk e rëndon flokun, ndërsa njëkohësisht e hidraton dhe e mbron nga tharja. Rekomandohet veçanërisht për skalpin me yndyrë, sepse siguron hidratim pa yndyrë të tepërt.

Si t’i përfshini vajrat në rutinën tuaj – pa dështuar?

Para shamponit: Aplikoni vajin e zgjedhur në skalpin e kokës dhe në gjatësinë e flokëve. Lëreni 30 minuta deri në disa orë, shpëlajeni mirë.

Në një masazh të skalpit: Masazhi i rregullt me vaj të ngrohtë stimulon mikroqarkullimin dhe rritjen.

Si mbrojtës për majat: Pas larjes, aplikoni një ose dy pika në maja për t’i mbrojtur nga tharja dhe këputja.

Continue Reading

Lifestyle

Parashikimi i motit për ditën e sotme

Published

2 days ago

on

June 19, 2025

By

Të enjten parashikohet të mbajë mot me diell dhe pjesërisht i vranët.

Sipas Institutit Hidrometeorologjik të Kosovës, temperaturat minimale do të lëvizin ndërmjet 11 deri 14 gradë Celsius, ndërsa maksimalet e ditës parashihen të lëvizin ndërmjet 27-30 gradë Celsius.

Ndërkaq, pritet të fryjë erë nga drejtimi i jugperendimit e lehtë deri mesatare.

Continue Reading

Lifestyle

Mot me diell e vranësira të shpërndara

Published

3 days ago

on

June 18, 2025

By

Për ditën e sotme parashihet të mbajë mot me diell dhe vranësira të shpërndara.

Sipas Institutit Hidrometeorologjik të Kosovës, vranësirat nëpër disa zona të vogla mund të shoqërohen me riga shiu.

Ndërkaq, temperaturat minimale do të lëvizin ndërmjet 10 deri 13 gradë Celsius, ndërsa maksimalet e ditës parashihen të lëvizin ndërmjet 27- 29gradë Celsius.

 

Continue Reading

Lifestyle

Studimi: Të kesh një motër përmirëson shëndetin mendor dhe rrit forcën emocionale

Published

1 week ago

on

June 13, 2025

By

Të kesh një motër në jetë nuk është vetëm një bekim familjar, por edhe një faktor kyç për shëndetin mendor dhe zhvillimin emocional.

Këtë e konfirmojnë disa studime shkencore që tregojnë ndikimin pozitiv që motrat kanë në mirëqenien psikologjike.

Një studim i 2010 nga Universiteti Brigham Young, i drejtuar nga profesorja Laura Padilla-Walker dhe i publikuar në “Journal of Family Psychology”, analizoi 395 familje me adoleshentë të moshës 10–14 vjeç.

Rezultatet treguan se fëmijët që kishin motra ndiheshin më pak të vetmuar, kishin më pak ndjenja faji apo frike dhe shfaqnin aftësi më të mira sociale. Motrat, luajnë një rol kyç në krijimin e një ambienti të hapur brenda familjes, ku komunikimi dhe shprehja e ndjenjave janë më të natyrshme.

Kjo atmosferë favorizon një gjendje të shëndetshme mendore dhe emocionale.

Një tjetër studim i vitit 2009, i realizuar nga profesor Tony Cassidy i Universitetit të Ulster dhe Dr. Liz Wright nga De Montfort University, përfshiu 571 të rinj. I prezantuar në konferencën vjetore të “British Psychological Society”, ky hulumtim tregoi se personat që kishin motra ishin më optimistë dhe më të pavarur emocionalisht.

Sipas ekspertëve, motrat ndikojnë në zhvillimin e ndjeshmërisë emocionale dhe krijojnë lidhje më të ngushta brenda familjes, gjë që ndihmon në përmirësimin e mirëqenies mendore për të gjithë anëtarët.

Këto gjetje theksojnë se motrat nuk janë shoqe të fëmijërisë, por faktorë të rëndësishëm në formësimin e inteligjencës emocionale dhe qëndrueshmërisë psikologjike – cilësi që lidhen ngushtë me suksesin dhe lumturinë në jetë.

Continue Reading

Të kërkuara