Lajmet

Disa mënyra si të mbroni shikimin me kalimin e moshës

Humbja e shikimit mund të prekë këdo nëse nuk tregoni kujdesin e duhur.

Published

3 years ago

on

Rreth 90 % e njerëzve në botë fillojnë ta humbasin shikimin gradualisht pas moshës 65 vjeçare.

Kjo mund të prekë këdo me kalimin e viteve nëse nuk tregoni kujdesin e duhur.

Tani me shtimin e paisjeve teknologjike dhe ekraneve me rreze të dëmshme për syrin, rëndësia që duhet t’i kushtoni syve tuaj është shumë herë më e madhe.

Mbani syze

Syze dielli apo syze optike nëse keni nevojë, janë gjithnjë të domosdoshme e të rëndësishme për sytë tuaj.

Jo vetëm kur ju pengojnë rrezet e diellit por edhe në rastet kur ka pak re pasi rrezet e dëmshme UVB mund të deportojnë dhe të dëmtojnë syrin tuaj.

Mjaftojnë një palë syze me efekt mbrojtës ndaj rrezeve Ultraviolet dhe rreziku i prekjes nga katarakti i syrit ose  i quajtur ndryshe “perdja e syrit” përgjysmohet.

Konsumoni ushqimet e duhura

Siç theksojnë prej vitesh mjekët dhe ekspertët e shëndetit, çdo gjë nis nga ushqimin. Me ushqimin ju mund ta kuroni ose ta sëmurni trupin tuaj, andaj kujdes me çfarë zgjidhni dhe si e konsumoni atë!

Ekspertët thonë se perimet me ngjyra të ndezura parandalojnë shfaqjen e kataraktit të syrit i cili shkakton vështirësi  dhe humbje të shikimit.

Konsumoni shumë patate të ëmbla, domate apo kungull në mënyrë që të mbroni sytë tuaj.

Karotenoidët do të ndihmojnë përmirësimin dhe ruajtjen e shikimit tuaj për një kohë të gjatë.

Rekomandim: Hiqni dorë nga teknologjia dhe pini një kafe!

Jeta sot është shumë e lidhur me teknologjinë, nuk mund të mendohet më një ditë pa telefon, kompjuter apo televizor. Kjo mënyrë jetese shtrihet në punë, në shtëpi, gjatë pushimeve e kudo tjetër, ndaj për pak momente në ditë lëreni mënjanë!

Dilni të pini një kafe pasi kafeina është e pasur me antioksidatë dhe polifenolë të cilat parandalojnë kataraktin me 44%.

Kështu herën tjetër që do të pini një kafe shijojeni atë në maksimum dhe përfitoni të gjitha vlerat në organizëm./AgroWeb.org

Related Topics:
Continue Reading

Lajmet

Ambasada amerikane: Familjet e të zhdukurve meritojnë informacion të plotë për fatin e më të dashurve të tyre

Published

2 hours ago

on

April 28, 2025

By

E ngarkuara me Punë në ambasadën e SHBA-së në Kosovë, Anu Prattipati, bëri homazhe te memoriali kushtuar personave të zhdukur.

“Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në postimin e ambasadës.

Më tutje, ambasada thekson se familjet meritojnë informacion të plotë për fatin e më të dashurve të tyre.

Continue Reading

Lajmet

Pesë të lënduar në aksidentin mes pesë veturave në magjistralen Mitrovicë-Prishtinë

Published

2 hours ago

on

April 28, 2025

By

Pesë persona kanë pësuar lëndime trupore si pasojë e aksidentit në magjistralen Mitrovicë-Prishtinë. Mes tyre ishte e përfshirë edhe një veturë e Policisë.

Lajmin e ka konfirmuar për “Betimi për Drejtësi“, Flora Ahmeti, zëdhënëse e Policisë për rajonin e Prishtinës.

“Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete ( prej tyre një automjet i policisë). Si pasojë e aksidentit janë lënduar pesë persona. Me rastin po merret njësiti i trafikut rajonal”, tha Ahmeti.

Continue Reading

Lajmet

Narkotikë të konfiskuar në Suharekë, një person arrestohet

Published

2 hours ago

on

April 28, 2025

By

Policia e Kosovës ka njoftuar se të dielën, në rrugën “Brigada 123” në Suharekë, gjatë kontrollit të një veture kanë gjetur substanca narkotike.

Gjatë kontrollit në veturën e një të dyshuari, shtetas i Kosovës, janë konfiskuar dy pako rizlla, një mulli për bluarje (grinder) dhe një qese plastike që përmbante substancë të dyshuar narkotike të llojit marihuanë, me peshë 6.91 gram.

I dyshuari është arrestuar dhe pas intervistimit, me vendim të prokurorit, është liruar në procedurë të rregullt.

Continue Reading

Lajmet

Aksident me fatalitet në Gjakovë, humb jetën një person

Published

3 hours ago

on

April 28, 2025

By

Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.

Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.

Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Continue Reading

Të kërkuara