

Shëndeti
Disa mënyra për të trajnuar trurin tuaj për një gjumë më të mirë
Published
4 years agoon
By
Betim GashiDitët tani janë të gjata, të mjaftueshme për të shijuar një pjesë me të dashurit tuaj. Por nëse doni të shijoni ditën tuaj, ju duhet të bëni mjaftueshëm gjumë gjatë natës.
Gjumi i pamjaftueshëm dhe i parregulltë, është një problem global sipas Shoqatës Botërore të Gjumit, e përkushtuar për avancimin e “shëndetit të gjumit në të gjithë botën”.
“Problemet e gjumit përbëjnë një ‘epidemi’ globale që kërcënon shëndetin dhe cilësinë e jetës për deri në 45% të popullsisë së botës”, sipas tyre.
Ashtu siç keni mësuar të lani shpesh duart dhe të vendosni një maskë si pjesë e higjienës suaj personale gjatë pandemisë, ju mund të mësoni të flini më mirë çdo natë me atë që ekspertët e quajnë “higjiena e gjumit”.
Këtu janë mënyrat kyesore për të përmirësuar higjienën tuaj të gjumit dhe për të bërë një gjumë më të mirë.
1. Krijoni një mjedis të përshtatshëm për të fjetur

Një nga detyrat e para është të vendosni mjedisin tuaj të gjumit. Faza e gjumit REM ose ëndërrimi, është faza ku gjumi mund të prishet shumë lehtë, kështu që përpiquni të keni një dyshek dhe shtrat të rehatshëm që nuk është shumë i nxehtë.
Shkenca na tregon se ne flemë më mirë në temperatura më të ftohta prej rreth 60 deri 67 gradë Fahrenheit (15 deri në 20 gradë Celsius).
2. Bëni një rutinë, dhe ndiqeni rregullisht

Provoni këtë rutinë 5-minutëshe të yogës para gjumitVendosni një ritual para gjumit duke bërë një banjë ose dush të ngrohtë, duke lexuar një libër ose duke dëgjuar muzikë qetësuese. Ose mund të provoni frymëmarrje të thellë, yoga, meditim ose shtrirje të lehta.
Ju po e mësoni trurin tuaj të pushojë.
Shkoni në shtrat dhe ngrihuni në të njëjtën kohë çdo ditë, madje edhe gjatë fundjavave ose ditëve tuaja të pushimit, këshillon CDC. Trupit i pëlqen rutina.
3. Ndaleni dritën në dhomën e gjumit

Reduktoni dritën në mjedisin ku fleni, ose duke vendosur një maskë gjumi ose duke përdorur hije që bllokojnë dritën, sugjerojnë ekspertët.
Sekretimi i hormonit të gjumit melatonin fillon në errësirë. Hulumtimet kanë zbuluar se trupi do të ngadalësojë ose ndalojë prodhimin e melatoninës nëse ekspozohet ndaj dritës, kështu që hiqni qafe çdo dritë, madje edhe dritën blu të telefonit apo laptopit juaj.
4. Mbyllni email-in dhe rrjetet sociale
Mund të ju pengoj edhe drita e telefonit, andaj është mirë të çaktivizoni çdo sinjalizim pune (padyshim se një email pune apo anasjelltas, natën mund të prish gjumin tuaj).
5. Bojkotoni kafeinën gjatë ditës

Ndaloni pirjen e lëngjeve me kafeinë të paktën gjashtë orë para gjumit tuaj normal (disa ekspertë nuk thonë asgjë pas orës 3 pasdite). Dhe kafeina është jo vetëm në kafe, kështu që vlen për disa çajra dhe pije të gazuara, si dhe çokollata.
Ajo filxhan çokollatë e nxehtë që mendoni se mund t’ju ndihmojë të flini mund të përmbajë 25 miligram kafeinë ndërsa një filxhan çaj jeshil ose të zi do të sigurojë 50 miligram kafeinë.
6. Ndaloni pijet alkoolike
Mos iu drejtoni alkoolit për të qetësuar nervat ose për t’ju ndihmuar të flini. Alkooli mund t’ju ndihmojë të bini në gjumë, por ju bllokon në fazat më të lehta të gjumit.
7. Shmangni ushqimet e rënda ose pikante

Ushqime të rënda dhe pikante mund t’ju sjellin djegësirë stomaku ose vështirësi të tjera të tretjes, duke ndikuar kështu në aftësinë tuaj për të rënë dhe për të qëndruar në gjumë.
Sa i përket sheqerit, studimet tregojnë se është e lidhur me gjumin e shqetësuar dhe të trazuar dhe mund të ndikojë ndoshta në hormone që kontrollojnë dëshirat.
Një meze e lehtë përpara gjumit “është e pranueshme”, sipas Fondacionit Kombëtar të Gjumit. Rekomandon thërrime të një grushti arra; disa qershi (të cilat janë të larta në melatonin); një banane (e cila përmban relaksues të muskujve kalium dhe magnez) dhe çajra pa kafeinë si kamomil, xhenxhefil dhe mente.
Shëndeti
Çfarë ndodh nëse hani çdo ditë vezë të ziera?
Published
17 hours agoon
June 25, 2025By
UBT News
Të thjeshta, ekonomike dhe të mbushura me vlera ushqyese, vezët e ziera janë një nga ushqimet më të mira që mund të përfshini në regjimin tuaj të përditshëm.
Por cilat janë përfitimet konkrete nëse i konsumoni çdo ditë?
Ngrënia e një ose dy vezëve të ziera sjellë një sërë efektesh pozitive si për trupin ashtu edhe për trurin.
Përmirësojnë funksionin e trurit
Vezët janë burim i shkëlqyer i kolinës, një lëndë ushqyese që luan rol kyç për kujtesën, përqendrimin dhe shëndetin e përgjithshëm të trurit, marrja e mjaftueshme e kolinës ndihmon në ngadalësimin e rënies së aftësive njohëse me kalimin e moshës.
Ndihmojnë në forcimin e muskujve
Proteinat që gjenden kontribuojnë në rindërtimin e forcimin e masës muskulore, veçanërisht tek ata që ushtrojnë ose janë në fazë rikuperimi pas dëmtimeve.
Mbrojnë shëndetin e syve
Vezët përmbajnë luteinë dhe zeaksantinë, dy antioksidantë që mbrojnë sytë nga efektet e plakjes dhe nga drita e dëmshme blu, duke ndihmuar në parandalimin e problemeve si degjenerimi makular.
Balancojnë nivelin e kolesterolit
Megjithëse dikur vezët shiheshin si problematike për shkak të kolesterolit që përmbajnë, studime të reja tregojnë se konsumi i moderuar i tyre mund të rrisë kolesterolin e mirë e të përmirësojë raportin me kolesterolin e keq.
Ndihmojnë në kontrollin e oreksit dhe peshës
Falë aftësisë për të ngopur, vezët e ziera zvogëlojnë dëshirën për ushqim ditën, duke qenë zgjedhje ideale për mëngjes për këdo që kërkon të menaxhojë peshën.

Janë disa pije që nutricistës po i konsiderojnë si shumë të mira për rritjen e imunitetit, raporton “EatThisNotThat”.
Pasi rreth 60 deri në 70% e trupit përbëhet nga uji, për çdo funksion që trupi kryen i nevojitet ai.
Të pirit sasi adekuate të ujit është fillim i mbarë nëse dikush dëshiron të ketë një imunitet të mirë. Hidratimi bllokon formimin e baktereve e viruseve të ndryshme. Pirja e ujit gjithashtu ndihmon trupin të absorbojë më mirë të mirat nga ushqimi.
Çaji i gjelbër njihet si antioksidant duke zvogëluar mundësinë e infeksioneve në organizëm. Ai është i pasur më shumë polifenole e flavonide që janë të mirë në zvogëlimin e rrezikut nga sëmundjet e zemrës e të disa llojeve të kancerit. Kefiri është pije e fermentuat që i përngjan jogurtit, që bëhet nga shumë lloje të qumështit si ai i lopës e i deles. Ashtu si jogurti edhe kefiri përmban probiotik, që ndihmon në balancimin e mikrobeve të mira në stomak.
Kefiri përmban veti antiiflamatore, antimikrobiale, që ndihmojnë sistemin imunitar të luftojë infeksione edhe kur trupi pëson ndonjë plagë të jashtme.
Çaji me gjingjer dhe limon bëhet duke prerë copëza limoni e copëza të rrënjës së gjingjerit dhe duke i përvëluar me ujë. Mund të i shtohet mjaltë për shije. Kjo pije përmban vitaminë C e njihet si pije që ndikon në pastrimin e zorrëve duke ndihmuar organizmin të luftojë kundër sëmundjeve dhe infeksioneve.
Gjingjeri ndihmon kundër të vjellave, ulë rrezikun ndaj kancerit, rregullon yndyrën në gjak e ul inflamacionin. Lëngu i përbërë 100% nga portokalli e grejpfruti është i mirë të pihet kur një person ka ndonjë grip. Pasi kjo pije përmban shumë vitaminë C e folate, mund të ndihmojë trupin të luftojë infeksionet.
Lëngu i domates është antiiflamator i fuqishëm dhe i ndihmon sistemit imunitar të luftojë shumë sëmundje.
Domatja përmban shumë vitaminë C që njihet si vitamina kryesore që i duhet organizmit kundër inflamacioneve të ndryshme.
Shëndeti
Kujdes! Kjo është rëndësia e kontrollit të rregullt mjekësor
Published
21 hours agoon
June 25, 2025By
UBT News
Kontrolli i rregullt mjekësor është një nga mënyrat më të mira për të mbajtur shëndetin tuaj në nivele optimale.
Vizitat e rregullta te mjeku mund të ndihmojnë në identifikimin e problemeve shëndetësore para se ato të bëhen të mëdha dhe të vështira për t’u trajtuar.
Kryerja e testeve të rregullta për nivelet e kolesterolit, sheqerit në gjak e presionit të lartë të gjakut parandalon sëmundjet e rrezikshme si ato të zemrës.
Vizitat e rregullta mjekësore mund të ndihmojë në monitorimin e shëndetit tuaj mendor dhe emocional, duke siguruar mbështetje të duhur.
Përveç kësaj, kontrollet përfshijnë vaksinimet e nevojshme, analiza laboratorike dhe skanime që mund të zbulojnë sëmundje të mundshme në faza të hershme. Kjo i mundëson individëve të trajtojnë dhe menaxhojnë shëndetin para se të zhvillohen komplikime të mëdha.
Këshillat e mjekëve mund të jenë po aq të rëndësishme sa dhe trajtimet, pasi ofrojnë udhëzime për mënyrën më të mirë të jetesës për të parandaluar sëmundjet e ardhshme.
Shëndeti
Arsyet pse duhet të fillosh të pish kefir që sot
Published
22 hours agoon
June 25, 2025By
UBT News
Disa mikroorganizma mund të kenë efekte të dobishme për shëndetin kur konsumohen.
Të njohura si probiotikë, ndihmojnë në përmirësimin e tretjes dhe shëndetin mendor, kosi është ushqimi më i njohur probiotik në dietën perëndimore, në fakt kefiri është një burim shumë më i fuqishëm.
Kokrrat e kefirit përmbajnë 61 lloje elemente të dobishme, duke e bërë një nga burimet më të pasura dhe më të larmishme të probiotikëve, edhe pse përbërja mund të ndryshojë. Kefiri ka veti të fuqishme antibakteriale.
Disa probiotikë të pranishëm në kefir ndihmojnë në mbrojtjen nga infeksionet. Kjo përfshin Lactobacillus kefiri, një probiotik unik i pranishëm vetëm në kefir. Studimet tregojnë se ky probiotik pengon rritjen e disa baktereve të dëmshme, si Salmonella, Helicobacter pylori dhe E. coli.
Gjithashtu, kefirani, një lloj karbohidrati që gjendet në kefir, ka veti antibakteriale, përmirëson shëndetin e kockave dhe ul rrezikun e osteoporozës.
Osteoporoza, një gjendje që dobëson kockat rrit rrezikun e frakturave, është e zakonshme tek gratë e moshuara. Konsumimi i kalciumit është një ndër mënyrat më efektive për të mbajtur kockat të forta. Kefiri me yndyrë është burim i shkëlqyer kalciumi e vitaminës K2, që ndihmon në përthithjen e kalciumit.
Studimet në kafshë tregojnë se kefiri rrit përthithjen e kalciumit dhe përmirëson densitetin e kockave, duke ulur mundësinë për fraktura.
Kefiri mund të ndihmojë në luftën kundër kancerit
Një nga shkaktarët kryesorë të vdekjeve në botë, e ndodh kur qelizat e trupit shumohen në mënyrë të pakontrolluar. Probiotikët e pranishëm në ushqimet e fermentuara mund të ndihmojnë në ngadalësimin e rritjes së tumoreve duke stimuluar sistemin imunitar.
Studimet laboratorike tregojnë se kefiri ndihmon në luftimin e kancerit, ekstrakti i kefirit uli numrin e qelizave të kancerit të gjirit me 56%, ndërsa ai i kosit vetëm me 14%. Megjithatë, duhen më shumë studime te njerëzit për të konfirmuar këto përfitime.
Kefiri ndihmon tretjen dhe zbut shqetësimet gastrointestinale
Përmban probiotikë që ndihmojnë në rivendosjen e ekuilibrit të baktereve të mira në zorrë. Për këtë arsye, kefiri është shumë efektiv në trajtim e problemeve të ndryshme. Ato ndihmojnë në lehtësimin problemeve të tretjes, përfshirë: irritimin e zorrëve, ulçerat nga bakteret H. pylori, probleme të tjera të tretjes.
Kefiri ka pak laktozë
Produktet e zakonshme të qumështit përmbajnë laktozë, një sheqer natyral që shumë të rritur nuk mund ta tretin, gjendje e njohur si intolerancë ndaj laktozës. Gjatë fermentimit, bakteret e mira në kefir shndërrojnë laktozën në acid laktik, duke ulur ndjeshëm përmbajtjen e laktozës.
Ato prodhojnë enzima ndihmëse për tretje, shumë njerëz me intolerancë ndaj laktozës e tolerojnë më mirë kefirin sesa qumështin e zakonshëm.
Ekziston edhe mundësia për të bërë kefir pa qumësht fare, duke përdorur ujë kokosi, lëng frutash ose pije të tjera vegane.
Kefiri mund të përmirësojë simptomat e alergjive dhe astmës
Reaksionet alergjike vijnë si pasojë e ndërhyrjeve inflamatore të sistemit imunitar ndaj substancave. Njerëzit me sistem imunitar të ndjeshëm janë më të prirur ndaj alergjive dhe sëmundjeve si astma. Studimet në kafshë tregojnë se kefiri mund të zbusë inflamacionin e lidhur me alergjitë dhe astmën.
Edhe pse premtues, nevojiten më shumë studime te njerëzit për të vërtetuar këto efekte.
Kefiri është i lehtë për t’u përgatitur në shtëpi
Nëse dyshoni për cilësinë e kefirit në dyqan, mund ta përgatisni në shtëpi. Kombinuar me fruta të freskëta, kefiri bëhet ëmbëlsirë e shëndetshme.
Si të bëni kefir në shtëpi:
Shtoni 1–2 lugë gjelle kokrra kefiri në një kavanoz të vogël.
Hidhni 500 ml qumësht, mundësisht organik.
Lini pak hapësirë në majë të kavanozit e mbylleni me kapak.
Lëreni në temperaturë ambienti 12–36 orë.
Kur të fillojë të bëhet me kokrra, është gati. Kulloni e përdorni lëngun si kefir. Kokrrat e mbetura mund t’i përdorni sërish për përgatitje të re.

KQZ: Fillon periudha për aplikim të partive për zgjedhjet lokale

Falsifikim parash në Prishtinë, arrestohet një person

Gjashtë raste dhune në familje brenda një dite, tre të dyshuar në mbajtje

Rreth 2200 tiketa trafiku brenda 24 orëve, 30 persona të arrestuar

Liderët e BE-së takohen për të biseduar për sanksione kundër Rusisë, tarifat amerikane dhe Lindjen e Mesme

Trump: E ndalova luftën mes Kosovës dhe Serbisë, Serbia ishte gati të vepronte

Drejtori i CIA-s thotë se objektet bërthamore të Iranit janë ‘dëmtuar rëndë’

Trump: Putin t’i japë fund luftës, po shqyrtojmë dërgimin e raketave ”Patriot”

Më shumë se 20 palestinezë janë arrestuar nga forcat izraelite në Bregun Perëndimor
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore