Shëndeti

Disa këshilla për mënjanimin e stresit dhe përmirësimin e disponimit

Published

4 years ago

on

Për shumë njerëz, menaxhimi i punës dhe familjes mund të jetë stresues, në veçanti kur punojnë nga shtëpia. Studimet e fundit tregojnë se niveli i stresit është rritur jashtëzakonisht, për shkak të ndryshimeve dhe pasigurive që i ka sjellë pandemia e koronavirusit.

Sidoqoftë, ekziston një mënyrë për ta shmangur këtë ankth psikik. Gjithçka varet nga kujdesi ndaj shëndetit tuaj mendor dhe mirëqenia fizike, pasi këto janë thelbësore për ta mposhtur stresin dhe për të qëndruar të qetë në një mjedis të pasigurt dhe kaotik.

Kuptojeni çfarë ju streson më shumë: Kaloni kohë për ta kuptuar arsyen pse po ndiheni të stresuar dhe të mbingarkuar. A jeni duke punuar përtej orarit? A keni shqetësime në familje? Nuk po keni mundësi të flini sa duhet? Cilado të jetë arsyeja, shënojeni atë në një fletë dhe përshkruajeni në detaje. Kështu e pranoni saktësisht problemin dhe mund të mendoni për një zgjidhje të përshtatshme.

Ekzistojnë disa rregulla që duhet patjetër t’i ndiqni për ta eliminuar stresin nga jeta juaj.

Ecja në natyrë, vrapimi apo ushtrimet fizike është vërtetuar se luajnë rol pozitiv në uljen e stresit dhe shëndetin e mirë mendor. Mos u brengosni, nuk keni nevojë të shkoni në palestër apo të bëni ushtrime të rënda fizike çdo ditë, për ta arritur rezultatin e nevojshëm. Mjafton të ecni për 30 minuta në mëngjes dhe në mbrëmje, për t’i forcuar muskujt dhe për të marrë ajër të pastër. Aktivitetin e nevojshëm fizik mund ta arrini edhe duke kryer punë të ndryshme përreth shtëpisë, duke i ngjitur shkallët me shpesh dhe duke bërë pauza të shkurtra ndërmjet punës për ta lëvizur trupin. Ushtrimet e përmirësojnë gjumin dhe përmirësojnë disponimin tuaj.

Keni kujdes me dietën tuaj. Është e vërtetë se konsumimi i ushqimit të shëndetshëm ndikon pozitivisht në mendjen e njeriut, dhe ju siguron shëndet të mirë mendor. Mjekët besojnë se dieta e balancuar e redukton dukshëm stresin, e forcon imunitetin dhe e ul presionin e gjakut. Dieta e mirë përbëhet nga karbohidratet komplekse, si fasulet, drithërat dhe perimet, proteinat të cilët i gjejmë tek kosi apo thjerrëzat, dhe yndyrat e shëndetshme të cilat ekzistojnë tek arroret, vezët dhe farat chia.

Provoni të relaksoheni sa më shumë. Duhet të filloni ta praktikoni meditimin e thjeshtë, për ta qetësuar mendjen dhe trupin. Mund të filloni duke medituar 2 minuta në ditë, gjatë së cilës kohë mund ta praktikoni frymëmarrjen e thellë. Këtë ushtrim të thjeshtë dhe të lehtë mund ta bëni çdo ditë pasi zgjoheni nga gjumi, apo para se të shtriheni për të fjetur. Meditimi gjithashtu luan rol në përmirësimin e gjumit, disponimit dhe nivelit të energjisë.

Gjumi po ashtu vazhdon të jetë shumë i rëndësishëm për mendjen, trupin dhe largimin e stresit ditorë. Prandaj është e rëndësishme që të flini mjaftueshëm. Për ta arritur këtë gjë, ju duhet të ushtroni, të ekspozoheni më shumë në diell, ta mënjanoni konsumimin e kafesë në mbrëmje dhe të qëndroni sa më larg pajisjeve elektronike. Gjumi I mirë dhe i mjaftueshëm luan rol tejet të rëndësishëm në shëndetin tuaj mendor.

Bisedoni me miqtë tuaj. Nuk është fshehtësi se njerëzit kanë nevojë për socializim, në mënyrë që ta ruajnë shëndetin. Biseda me miqtë e afërt është një prej mënyrave më të mira për ta larguar stresin, dhe për ta parandaluar mbingarkimin e mendjes. Humori, ndarja e historive dhe përjetimeve dhe të qeshurat me miq ose familje, do t’ju bëjnë më të aftë për ta luftuar stresin. Kjo gjithashtu ju bënë të ndiheni më të dashur dhe të lidhur me njerëzit, duke e përmbushur kështu nevojën njerëzore për t’u socializuar.

Tregohuni të dashur dhe të duruar me veten. Në një botë konkurruese, njerëzit ndihen të pasigurt dhe pa vetëbesim për aftësitë e tyre, sidomos kur e krahasojnë veten me ndonjë bashkëpunëtor ose mik të tyre. Dhe nëse këto mendime negative qarkullojnë në mendjen tuaj për një kohë të gjatë, atëherë niveli i stresit tuaj do të rritet. Për t’i luftuar mendimet negative ju duhet të fokusoheni më shumë tek cilësitë e mira që i posedoni, zëvendësojeni çdo mendim të keq me mendime të mira, dhe bëni krahasime vetëm me veten tuaj e jo me njerëzit e tjerë.

Related Topics:
Continue Reading

Shëndeti

Tre sekrete shëruese që rregullojnë tensionin e gjakut

Published

1 day ago

on

August 11, 2025

By

Bimë si ashwagandha dhe shafrani i Indisë tani njihen si pjesë e alfabetit global të mirëqenies.

Por, ato nuk janë të vetmet që ekzistojnë e që nuk janë të vetmet që mund të ofrojnë përfitime të konsiderueshme shëndetësore për trupin e njeriut. Ayurveda, sistemi tradicional i mjekësisë në Indi, i cili daton më shumë se 3,000 vjet më parë, përfshin një gamë shumë më të gjerë bimësh medicinale.

Bazuar në parimet e ekuilibrit midis trupit, mendjes dhe shpirtit, mjekësia Ayurvedic mbështetet në dietë, stilin e jetës dhe substancat natyrale për të parandaluar dhe trajtuar sëmundjet. Ka disa bimë dhe erëza pak të njohura që tani po tërheqin vëmendjen për përfitimet e tyre të mundshme shëndetësore:

1. Pjepër i hidhur

Pavarësisht emrit, përfitimet janë “të ëmbla”. Kjo perime jeshile është përdorur prej kohësh për të rregulluar sheqerin në gjak, për të luftuar infeksionet e trajtuar inflamacionin dhe kolesterolin e lartë. Gjashtë eliksirë shëndetësorë me bimë dhe erëza – Zvogëlojnë fryrjen, hipertensionin dhe përmirësojnë kujtesën.

Studimet laboratorike tregojnë se mund të luftojë mikrobe si E. coli, salmonela, viruset e herpesit dhe madje edhe parazitët e malaries. Hulumtimet sugjerojnë  veti të mundshme antikancerogjene, në kancerin e gjirit. Nevojiten më shumë studime për të përcaktuar besueshmërinë e këtyre provave.

Pjepri i hidhur përmban disa komponime bioaktive, si karantina dhe polipeptidi-p, që imitojnë efektet e insulinës, mbështesin prodhimin dhe përmirësojnë përdorimin e sheqerit nga trupi. Nëse jeni duke marrë ilaçe antidiabetike, konsumimi i pjeprit të hidhur kërkon kujdes.

2. Kopër

Kokrra e zezë konsiderohet si një “mjet shumëfunksional” bimësh. Tradicionalisht është përdorur për të lehtësuar dhimbjet menstruale, për të mbështetur ushqyerjen me gji e rregulluar sheqerin në gjak. Provat klinike sugjerojnë se mund të ndihmojë në rregullimin e kolesterolit. Përmban përbërës aktivë, si saponinat, pektina dhe fitosterolet, që zvogëlojnë thithjen e yndyrës dhe të bllokojnë thithjen e kolesterolit. Përmban antioksidantë që mbrojnë zemrën dhe mbështesin metabolizmin e shëndetshëm të yndyrës. Ngadalëson tretjen e karbohidrateve, zvogëlon thithjen e glukozës në zorrë e rrit çlirimin e insulinës.

Disa teste kanë treguar se fenugreek mund të ndihmojë në rritjen e testosteronit , duke ndihmuar në përmirësimin e epshit , uljen e yndyrës trupore dhe rritjen e energjisë, veçanërisht kur kombinohet me stërvitje forcuese.

Efektet anësore janë të lehta dhe gastrointestinale, si të përziera, fryrje ose diarre. Megjithatë, dozat e ulëta përgjithësisht konsiderohen të sigurta.

3. Asafoetida

Njihet si një erëz me aromë të fortë, e përdorur në kuzhinën indiane. Në Ayurveda, njihet edhe si ilaç i fuqishëm për tretjen. Prodhohet nga lëngu i tharë i rrënjëve të bimës ferula, është i famshëm për aftësinë e tij për të lehtësuar fryrjen dhe gazrat. Përbërësi i tij aktiv, acidi ferulik ndihmon në tretjen e karbohidrateve komplekse. Thuhet se stimulon enzimat tretëse dhe prodhimin e tëmthit, duke përmirësuar tretjen e yndyrnave.

Studimet e hershme laboratorike sugjerojnë edhe më shumë përfitime, duke përfshirë efekte të mundshme antimikrobike, anti-inflamatore dhe neuroprotektive , si dhe role në rregullimin e presionit të gjakut, lehtësimin e astmës dhe uljen e sheqerit në gjak.

Këshillohet nëse jeni duke marrë ilaçe për tensionin e gjakut, siç është varfarina, pasi asafetida shkakton rënie të tensionit të gjakut dhe hollim të gjakut.

Mjete të lashta, vëmendje moderne

Mjekësia tradicionale u ka besuar këtyre bimëve Ayurvedic për shekuj, që duket se kanë shumë për të ofruar në menaxhimin e sëmundjeve kronike ose përmirësimin e mirëqenies së përgjithshme, për sa kohë që përdoren me kujdes dhe duke ndjekur udhëzimet e konsumit të sigurt. Sasitë e vogla konsiderohen të sigurta, por nëse po mendoni të merrni suplemente ose doza terapeutike, është e rëndësishme të flisni me një mjek, veçanërisht nëse jeni shtatzënë, merrni ilaçe ose keni një problem shëndetësor.

 

 

Continue Reading

Shëndeti

Fruti antioksidues i verës që i bën mirë zemrës dhe përmirëson gjumin

Published

1 day ago

on

August 11, 2025

By

Continue Reading

Shëndeti

Çka i shkakton nishanet e kuq në trup dhe a trajtohen ato?

Published

2 days ago

on

August 11, 2025

By

Nishanët e kuq të cilët shfaqen në trup me kalimin e viteve shpesh konsiderohen si të padëmshëm. Por ato nuk shfaqen nga asgjëja, sigurisht që pas shfaqjes së tyre qëndron një komplikacion shëndetësor.

Specialistët e lidhin me çrregullime të vogla të mëlçisë, praninë e toksinave në trup, apo ekspozimin në diell. Shpesh i keni vënë re që të shfaqen në lëkurë afër qafës, gjoksit, shpinës, në ngjyrë të kuqë dhe pak të dala nga lëkura.

Ja çfarë duhet të dini:

Emri shkencor për nishanet e kuqe është Ruby Angioma, janë të padëmshëm, por nëse janë të shumtë në numër dhe në madhësi të konsiderueshme, atëherë bëni mirë t’i drejtoheni mjekut. Është mirë të mbani nën kontroll perimetrin dhe konsistencën e tyre.

Nëse ato janë të parregullta, të rrudhura dhe kanë një gjatësi prej më shumë se 6 milimetra, është mirë të konsultoheni me një dermatolog.

Përveç komplikacioneve të vogla në mëlçi, ato mund të shkaktohen edhe nga një dietë e pabalancuar, ose si rezultat i grumbullimit të tepërt të toksinave në zorrë. Shkaktohen për shkak të rritjes jonormale të enëve të vogla të gjakut.

Nishanet e kuqe në fytyrë, duar dhe pjesë të tjera zakonisht të pambuluara të trupit mund të jenë për shkak të ekspozimit të tepërt në diell.

Në këtë rast, kini kujdes të veçantë me mbrojtjen nga dielli.

Si mund t’i parandaloni?

Ekspertët thonë se për të ndaluar shfaqjen e nishaneve në trup, është mirë të konsumoni pije që largojnë toksinat nga trupi.

Minimalisht duhet të pini dy litra ujë në ditë.

Konsumoni sa më shumë perime të freskëta edhe në formë të lëngët. Veçanërisht karotat, angjinaret dhe selinotë janë të shkëlqyera në këtë rast.

Gjithashtu shtoni sa më shumë avokado në dietën tuaj dhe përdorminin e vajit të ullirit. /UBT News/

Continue Reading

Shëndeti

Punoni shumë me kompjuter? Atëherë, ju duhet kjo vitaminë!

Published

2 days ago

on

August 11, 2025

By

Duke u fokusuar në ekranin e kompjuterit, sytë reagojnë ndaj pikave të ndritshme dhe të errëta. Ndaj ata që punojnë në kompjuter kanë nevojë për vitaminë A. Sytë harxhojnë rodopsinë, pigment fotosensitiv, që është i nevojshëm për të parë sa më mirë.

Vitamina A luan rol të rëndësishëm në prodhimin e rodopsinës.

Njerëzit të cilët duhet ta zvogëlojnë marrjen e yndyrave dhe kolesterolit, mund të hanë ushqim në të cilin ka më shumë beta-karotene.

Ato janë të pranishme në shumicën e perimeve, pastaj në pemët siç janë kumbullat e thata, pjepri, pjeshka dhe mango.

Këshilla për ata që punojnë në kompjuter:

– Ruani pjerrësinë e tastierës, kur lexoni dhe shkruani;

– Për të pasur një qëndrim të mirë, krijoni pjerrësinë në lexim ose shkrim, të ngjashme me bankat e shkollës. Pjerrësia duhet të jetë 20 gradë;

– Sfondi përtej ekranit të mos jetë asnjëherë krejt i errët. Të mos ketë reflekse në ekran kontrasti dhe drita e ekranit të rregullohen në vlera mesatare;

– Ekrani duhet të jetë rreth 50–60 cm larg syve;

– Mundësisht të përdoret filtër për ekranin kundër reflekseve;

– Të rrotullohen sytë në ambientin përreth ose të paktën çdo një orë të bëhet një pushim prej 15 minutash;

– Punoni me dritë natyrale sa më shumë. /UBT News/

 

Continue Reading

Të kërkuara