

Lajmet
Disa banorë kthehen në qytetin e fundit shkretë të Fukushimës
Banorët duhet të dalin jashtë qytetit për ushqime dhe nevoja të tjera të përditshme.
Published
3 years agoon
By
Betim GashiDisa banorë të qytetit Futaba, qyteti i vetëm i pabanuar në Japoni që ende po shërohet nga efektet e rrezatimit nga shkrirja e centraleve bërthamore në vitin 2011, janë rikthyer të jetojnë për herë të parë që nga tërmeti masiv dhe cunami që i detyroi ata të largoheshin.
Shumicën e zonave të tjera, autoritetet i kanë shpallur të sigurta dhe i kanë rihapur ato pas përpjekjeve të shumta për dekontaminim gjatë dekadës së fundit.
Në Futuba, vetëm 15 nga 7 mijë banorët që jetonin atje përpara se ta godiste tragjedia, shprehën dëshirën e tyre për t’u kthyer këtë javë, për të provuar nëse mund të jetojnë aty.
Një rihapje e plotë e qytetit në bregun verilindor të Japonisë është caktuar për në qershor.
“Është hera e parë në 10 vjet e 10 muaj që kam parë të dalë ujë i rrjedhshëm”, tha Yuji Onuma për televizionin NHK.
Ai tha se mezi pret të gatujë petë të skuqura dhe të hajë së bashku me familjen e tij, kur ata të fillojnë jetën e tyre së bashku në këtë qytet më vonë këtë muaj.
Ai ishte atje vetëm për pak kohë të premten, bashkë me disa persona të tjerë, të cilët vitet e fundit kanë pastruar gradualisht shtëpitë e tyre.
Yoichi Yatsuta, një tjetër i kthyer, shpreson që zyrtarët e qytetit do të vazhdojnë rindërtimin për të rikthyer jetën sa më shumë që të jetë e mundur për t’i inkurajuar të rinjtë të kthehen.
Qyteti i tyre u godit më rëndë kur centrali bërthamor, Fukushima Daiichi, u shkri pas tërmetit me magnitudë 9.0, që shkaktoi valë cunami në bregdet, duke vrarë rreth 18 mijë njerëz, në mesin e tyre edhe më shumë se 50 qytetarë të qytetit Futaba.
Shumica e popullsisë u detyra të evakuohet në një qytet tjetër në prefekturën e Fukushimës, për shkak të rrezatimit dhe kontaminimit të zonës, e cila atëherë ka qenë kryesisht shkretë.
Pas zhvendosjes, shumë banorë të këtij qyteti, kanë gjetur punë në qytete tjera dhe thonë se nuk kanë interesim të kthehen.
Aktualisht, në këtë qytet, nuk ka shërbime mjekësore apo dyqane të mjaftueshme.
Banorët duhet të dalin jashtë qytetit për ushqime dhe nevoja të tjera të përditshme.
Më 11 mars të vitit 2011, tre reaktorët në centralin bërthamor të Fukushimës në Japoni u dëmtuan, që çoi në aksidentin e dytë më të madh bërthamor në histori.
Cunami që goditi centralin bërthamor shkaktoi rrjedhje radioaktive. Si pasojë e kësaj katastrofe, më shumë se 470.000 persona u evakuuan nga shtëpitë e tyre dhe afro 18.500 njerëz kanë vdekur ose janë zhdukur nga cunami.
You may like
Lajmet
Ballkani po armatoset, ekspertët: Kosova të rrisë buxhetin për ushtrinë!
Published
16 minutes agoon
April 7, 2025By
UBT NEWS
Rritja e shpenzimeve për mbrojtjen në vendet e Ballkanit Perëndimor është një tendencë e pashmangshme, e cila ka ardhur si pasojë e tensioneve gjeopolitike dhe luftës në Ukrainë. Shtetet e rajonit, përfshirë Serbinë, kanë investuar ndjeshëm në forcat e armatosura, një proces që ekspertët e sigurisë e shohin si të domosdoshëm për të garantuar sigurinë dhe stabilitetin në një periudhë të paqartë globale.
Gurakuç Kuçi, ekspert i sigurisë nga instituti Octopus, thotë për Kosovapress se kërkesa për riarmatim është rritur ndjeshëm që nga nisja e luftës në Ukrainë. Ai thekson se, ndërsa disa shtete në rajon po investojnë për mbrojtje, të tjera, si Serbia, po përdorin armatimin si një mjet për të realizuar objektiva ekspansionistë. Përveç Kosovës, shtete të tjera si Kroacia, Shqipëria, Maqedonia dhe Mali i Zi janë të fokusuar në forcimin e mbrojtjes, ndërsa Serbia vazhdon të rrisë shpenzimet për ushtrinë me qëllime të tjera gjeopolitike.
Profesori Mazllum Baraliu e shikon këtë fenomen si pjesë të një rendi të ri botëror, ku fuqitë e reja ekonomike dhe ushtarake janë në zhvillim e sipër. Sipas tij, çdo qeveri duhet të marrë masa për t’u armatosur dhe për të siguruar një mekanizëm mbrojtës, duke pasur parasysh se as NATO dhe as Bashkimi Evropian nuk mund të ofrojnë një siguri të plotë për shtetet e rajonit.
Njohësi i çështjeve të sigurisë, Lutfi Bilalli, thekson se ndryshimet gjeostrategjike dhe tensionet globale kanë çuar në një garë të armatimeve mes shteteve të Ballkanit. Ai shton se buxhetet për mbrojtje janë rritur, sidomos në Serbi, e cila ka bërë investime të konsiderueshme në ushtri. Sipas Bilallit, edhe Kosova dhe Shqipëria duhet të vazhdojnë të rrisin buxhetet për mbrojtjen, për t’u siguruar se do të jenë në gjendje të përballen me kërcënimet e mundshme.
Për vitin 2025, buxheti i Kosovës për ushtrinë është vlerësuar në 208 milionë euro, ndërsa Serbia ka ndarë 2.2 miliardë euro për mbrojtjen, një rritje prej 700 milionë eurosh krahasuar me vitin 2021. Kjo rritje e shpenzimeve është një reflektim i klimës të tensionuar ndërkombëtare dhe nevojës për të forcuar kapacitetet mbrojtëse në Ballkan./UBTNews/
Lajmet
Mbreti dhe mbretëresha e Britanisë së Madhe nisin vizitën shtetërore katërditore në Itali
Published
21 minutes agoon
April 7, 2025By
UBTnews
Mbreti Charles III i Britanisë së Madhe dhe mbretëresha Camilla do të nisin sot një vizitë shtetërore katërditore në Itali, ku do të festojnë lidhjet mes dy vendeve.
Ata do të vizitojnë Romën dhe qytetin e Ravenës, duke përdorur diplomacinë e “fuqisë së butë” të monarkisë për të forcuar marrëdhëniet e Britanisë së Madhe me aleaten e saj, Italinë.
Një vizitë e veçantë shtetërore në Selinë e Shenjtë – me qeverinë e Kishës Katolike Romake, në Vatikan – është anuluar, pasi papa Françesku është ende duke u rikuperuar -pas daljes nga spitali ku ai trajtohej për pneumoni të dyfishtë.
Në fundjavë papa Françesku bëri një dalje publike surprizë në sheshin e Shën Pjetrit, në Vatikan.
Ai u shfaq me një tub oksigjeni nën hundë – i ulur në një karrige me rrota.
Mbreti Charles do të bëhet monarku i parë britanik që i drejtohet të dy dhomave të parlamentit italian – dhomës së deputetëve dhe senatit të republikës.
Ai do të mbajë gjithashtu audienca me presidentin italian, Sergio Mattarella dhe kryeministren, Giorgia Meloni.
Mbreti Charles III i Britanisë së Madhe dhe mbretëresha Camilla do të marrin pjesë në një banket shtetëror me kravata të zeza në “Palazzo Quirinale” – të organizuar nga presidenti – në mbrëmjen e përvjetorit të tyre të 20-të të martesës.
Bashkëpunimi në sektorin e mbrojtjes midis BM-së dhe Italisë do të shënohet nga një fluturim i përbashkët mbi Romë nga ekipi aerobatik i forcave ajrore italiane, Frecce Tricolori dhe Shigjetat e Kuqe të RAF.
Në Ravena, afër Bolonjës, Charles dhe Camilla do të shënojnë 80-vjetorin e çlirimit të provincës nga pushtimi nazist nga forcat aleate, më 10 prill 1945, gjatë një pritjeje në bashkinë e qytetit.
Ata do të festojnë kulturën letrare duke vizituar varrin e Dantes dhe mbretëresha do të bëjë një udhëtim në muzeun e Bajronit./ATSH/
Lajmet
Të premten protestë e re kundër shtrenjtimit të rrymës
Published
24 minutes agoon
April 7, 2025By
UBTNews
Protesta kundër shtrenjtimit të energjisë elektrike do të vazhdojë edhe këtë të premte në ora 12:00, në Sheshin “Zahir Pajaziti” – Prishtinë, njoftoi grupi “Asnjë cent më shumë”.
Vazhdimi i protestës u paralajmërua edhe në fund të protestës së parë që u mbajt të shtunën, ku qindra qytetarë morën pjesë.
Njoftimi i plotë për protestën kundër shtrenjtimit të rrymës:
ZRRE pritet të marrë vendimin për rritjen e çmimit të energjisë elektrike. Ky është një moment shumë i rëndësishëm, zëri i qytetarëve duhet të dëgjohet.
Rritja e çmimit të energjisë nuk është vetëm një faturë më shumë,ajo do të pasohet me rritje të çmimeve të ushqimeve, produkteve bazë, shërbimeve dhe kostos së jetesës në përgjithësi.
Qytetarët nuk mund dhe nuk duhet të paguajnë për një krizë që nuk e kanë shkaktuar!
Kërkesa jonë është e vetme dhe e qartë:
PEZULLIMI I VENDIMIT PËR RRITJEN E ÇMIMIT TË ENERGJISË.
Ftojeni një mik, një të afërm, një familjar, të gjithë së bashku në shesh!
Sepse vetëm bashkë mund ta ndalim këtë padrejtësi.
Heshtja sot, kushton nesër.
Lajmet
Shtyhet seanca për gazin lotsjellës, pas mungesës së ministrit Sveçla
Published
27 minutes agoon
April 7, 2025By
UBT NEWS
Seanca gjyqësore për rastin e përdorimit të gazit lotsjellës në Kuvendin e Kosovës, e cila ishte planifikuar për ditën e sotme, është shtyrë për shkak të disa mungesave të rëndësishme. Gjyqtari Sabit Sadikaj njoftoi se ministri i Punëve të Brendshme në largim, Xhelal Sveçla, ka informuar gjykatën përmes e-mailit se ai është jashtë vendit dhe nuk mund të marrë pjesë në seancë.
Përveç mungesës së ministrit, arsye tjetër për shtyrjen e seancës ishte edhe mungesa e avokates së të akuzuarit Salih Zyba, e cila ka arsyetuar seanca për shkak të problemeve shëndetësore. Gjithashtu, u theksua se ftesa për të akuzuarën Fitore Pacolli-Dalipi është dorëzuar në derën e saj, por nuk është konfirmuar ende nëse ajo e ka marrë ftesën personalisht.
Ministri Sveçla, së bashku me deputetët Salih Zyba dhe Fitore Pacolli-Dalipi, si dhe deputeten Drita Millaku nga Lidhja Demokratike e Kosovës, akuzohen për përdorimin e gazit lotsjellës gjatë një seance të Kuvendit të Kosovës në mars të vitit 2018. Ky veprim, i cili shkaktoi kaos dhe shqetësime për sigurinë, ka sjellë pasojat ligjore për ta.
Seanca është shtyrë për datën 17 prill 2025./UBTNews/

Paraqitjet e legjionarëve: Shehu, gok dhe lojtari i ndeshjes, Muçi dhe Seferi realizojnë në Kupën e Turqisë

Ballkani po armatoset, ekspertët: Kosova të rrisë buxhetin për ushtrinë!

Mbreti dhe mbretëresha e Britanisë së Madhe nisin vizitën shtetërore katërditore në Itali

Të premten protestë e re kundër shtrenjtimit të rrymës

Mori vendin e tretë në ‘Berat Green Halfmarathon’, Tirron Mamusha drejt Belgjikës për Kampionatin Evropian

Shtyhet seanca për gazin lotsjellës, pas mungesës së ministrit Sveçla

Prokuroria kërkon 30 ditë paraburgim për katër serbët e arrestuar në Gjakovë

Mbërrijnë në Shqipëri fletët e votimit të diasporës, kur nis dërgimi për emigratët

ZRRE fton mediat në takim, temë rritja e çmimit të energjisë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë