Lajmet

Diplomatët e huaj: Republika Serbe do të falimentojë nëse Dodik vazhdon kokë më vete

Kjo mund të lexohet nga deklaratat e diplomatëve të huaj, por edhe nga personat përgjegjës të institucioneve financiare ndërkombëtare.

Published

on

Politika e Milorad Dodik, e cila ka marrë kritika më të ashpra nga komuniteti ndërkombëtar, mund ta çojë regjimin e Banja Lukës drejt falimentimit të plotë.

E gjithë kjo mund të lexohet nga deklaratat e fundit të diplomatëve të huaj, por edhe nga personat përgjegjës të institucioneve financiare ndërkombëtare. Në vetëm një ditë mbërritën dy mesazhe që sugjeronin një skenar të tillë.

Së pari, në fund të vizitës së tij në Bosnje dhe Hercegovinë, i dërguari special i presidentit amerikan Joe Biden për Ballkanin Perëndimor, Gabriel Escobar, paralajmëroi sanksione ndaj zyrtarëve në Bosnjë, në radhë të parë, natyrisht për Milorad Dodik, përcjell Klix.

“Ne folëm për sanksionet dhe sanksionet janë në tryezë. Dhe jo vetëm sanksionet, ka mjete të tjera ekonomike që mund të zbatohen jo vetëm ndaj liderëve që kryejnë aktivitete antiDejton, por edhe ndaj atyre që i mbështesin, ndaj kompanive që i ndihmojnë”, deklaroi Escobar, duke treguar qartë gjendjen ekonomike.

Edhe më e mprehtë ishte Alina Iancu, drejtuese e departamentit të BeH në selinë e Fondit Monetar Ndërkombëtar (FMN) në Uashington.

Ajo tha se politika separatiste e ndjekur ose e shpallur nga autoritetet e Republika Serbe tashmë ka rrezikuar stabilitetin ekonomik dhe financiar të BeH dhe nëse këto tendenca nuk ndalen, pasojat mund të jenë jashtëzakonisht të rënda si për shtetin ashtu edhe për subjektet.

“Tensionet politike pengojnë politikat dhe reformat makroekonomike, duke paraqitur një kërcënim për rimëkëmbjen dhe perspektivat e rritjes”, tha Iancu.

FMN është veçanërisht e shqetësuar rreth tërheqjes së mundshme të Republikës Serbe nga institucionet kryesore shtetërore, duke përfshirë Autoritetin e Taksave Indirekte të BeH (ITA).

“Mendimi ynë është se kostot ekonomike të tërheqjes (nga ITA) do të ishin të konsiderueshme, edhe për Republikën Serbe, sepse kjo do të çonte në një ulje të mbledhjes së taksave dhe mund të ndikonte në shërbimin e borxhit të jashtëm, si dhe në vlerësimin e kredisë së vendit”, tha Iancu.

Politika nga Banja Lluka, tashmë është e sigurt se shumë shpejt do të hyjë në fazën e “penalitetit” ndërkombëtar dhe subjekti i rraskapitur ekonomikisht, i cili prej vitesh po përballet me mungesën e likuiditetit, mund të përjetojë falimentimin e plotë.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara