Kulturë
Diébédo Francis Kéré, afrikani i parë që fitoi çmimin kryesor të arkitekturës
56-vjeçari u ndje i privilegjuar që mori atë që njihet si çmimi më i njohur i arkitekturës.
Diébédo Francis Kéré me prejardhje nga Burkino Faso, u bë afrikani i parë që fitoi çmimin prestigjioz Prizker, që shpesh konsiderohet si Çmimi Nobel i arkitekturës.
Puna e tij shumë e vlerësuar, përfshirë struktura të përhershme dhe të përkohshme, është ngritur në vendin e tij të lindjes, por edhe në Afrikë, Evropë dhe Shtetet e Bashkuara.
56-vjeçari u ndje i privilegjuar që mori atë që njihet si çmimi më i njohur i arkitekturës, duke e përshkruar veten si “njeriu më i lumtur në planet”. Por udhëtimi i tij i gjatë dhjetëvjeçar në krye të fushës së tij s’ishte aspak i thjeshtë, me mundësi të kufizuara në fshatin e tij.
“U rrita në një vend ku s’kishte çerdhe, po ku komuniteti konsiderohej si familje. Më kujtohet dhoma ku ulej gjyshja dhe tregonte histori në pak dritë, ndërsa ne mblidheshim pranë njëri-tjetrit dhe zëri i saj brenda dhomës na mbyllte, duke na thirrur të afroheshim dhe të krijonim një vend të sigurt. Kjo ishte ndjenja ime e parë e arkitekturës”, theksoi ai.
Në moshën 7-vjeçare, Kéré e gjeti veten në një klasë me mbi 100 studentë.
Si fëmija i parë në komunitetin e tij që ka ndjekur shkollën, kjo përvojë e objekteve të dobëta të ndërtimit ishte frymëzimi i tij më i hershëm për të përmirësuar jetën arsimore të fëmijëve të Burkina Fasos, duke përdorur arkitekturën.
Vite më vonë dhe pas studimeve në Gjermani, ëndrra e tij u bë realitet. Kéré që projektoi një shkollë fillore në fshatin e tij të lindjes, Gando, si ndërtesën e tij të parë në vitin 2001. Në ndërtimin e saj kontribuan edhe vendasit./UBTNews/
Lista e trashëgimisë kulturore nën mbrojtje të përkohshme në Kosovë është pasuruar me 13 asete të reja, pas një njoftimi të bërë nga Ministria e Kulturës dhe Turizimit. Kjo listë përfshin një gamë të gjerë lokacionesh, nga lokalitetet arkeologjike dhe kalatë, deri te kullat, shtëpitë historike si dhe komplekset industriale e familjare që dëshmojnë periudha të ndryshme historike në vend.
Në mesin e objekteve dhe lokaliteteve të reja të përfshira në mbrojtje janë kompleksi industrial i Tulltores në Prishtinë, Gjyteti i Gjyrgjedellit në Kaçanik, Kalaja e Dafinës në Rahovec, Kulla e Asllanit në Tërdec të Drenasit, shtëpia muze e Latif Berishës në Mitrovicë të Veriut, si dhe kompleksi i familjes Çollaku në Zym të Prizrenit.
Sipas Ministrisë së Kulturës, ky proces do të vazhdojë me identifikimin dhe vlerësimin e mëtutjeshëm të aseteve që bartin vlera të rëndësishme historike e kulturore, me synim përfshirjen e tyre në mekanizmat përkatës të mbrojtjes shtetërore. /E.A/
As kërcënimet, as pushteti nuk mund ta ndalin misionin e gazetarisë
Genc Nuza delegohet gjyqtar kryesor në Ligën e Konferencës
Maqedonci takon homologun polak: Diskutohet situata e sigurisë dhe bashkëpunimi në industrinë e mbrojtjes
Getafe zyrtarizon transferimin e Dani Carvajal
Presidenca ende nuk e ka pranuar Ligjin për Specialen, procedurat pritet të përfundojnë pas 15 tetorit
Kosova i kërkon SHBA-së rikthim të dialogut strategjik e përkrahje për anëtarësim në NATO
Ditari: Lajmet kryesore që shënuan datën 13 tetor 1993-1998
Maqedonci: Bazat ushtarake serbe në kufi po kërcënojnë sigurinë e rajonit
Trashëgimia kulturore e Kosovës pasurohet me 13 asete të reja nën mbrojtje të përkohshme
-
Lajmet2 months agoInfantino kërkon falje për gabimet, por ruan mbështetjen e drejtuesve të FIFA-s
-
Sport2 months agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet2 months agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet2 months ago“Spider-Man: Brand New Day” thyen rekorde, i afrohet miliardit në vetëm pak ditë