

Aktualitet
Die Welt: Vend i korruptuar, a është gati Shqipëria për BE?
Aty theksohet se vendi ka probleme të thella me korrupsionin, drejtësinë dhe lirinë e shtypit.
Published
3 years agoon
By
UBT newsNjë nga gazetat më të mëdha në Gjermani, Die Welt, ka publikuar një shkrim të gjatë për Shqipërinë.
Aty theksohet se vendi ka probleme të thella me korrupsionin, drejtësinë dhe lirinë e shtypit. Shkrimi hapet me një pyetje se se me gjithë këto probleme a është gati Shqipëria për në BE? Për negociatat thuhet se u hapën më shumë për shkak të situatës gjeostrategjike të krijuar nga lufta në Ukrainë.
ARTIKULLI I PLOTË:
Probleme me korrupsionin, drejtësinë dhe lirinë e shtypit – a është gati për BE-në?
Nga Mandoline Rutkowski, Die Welt
Krerët e qeverive të Shqipërisë dhe Maqedonisë së Veriut kapën dorën e Ursula von der Leyen duke e shtrënguar fort. Thuajse sikur kishin frikë se presidentja e Komisionit Evropian mund të ndryshonte mendje dhe të shkëputej nga shtrëngimi i duarve. Dhe kështu edhe nga një premtim që Bashkimi Evropian ua kishte bërë më parë shtetarëve Edi Rama dhe Dimitar Kovaçevski.
Skena u filmua më 19 korrik. Ditën kur nisën zyrtarisht negociatat për anëtarësimin e dy vendeve në BE. Me këtë njoftim, dy shtetet tani janë zyrtarisht në ballë të vendeve të Ballkanit Perëndimor në procesin e zgjerimit të BE-së.
Fotot e unitetit vinin në Bruksel në kohën e duhur. Sepse lufta e Ukrainës në dyert e Evropës u ka dhënë aleancave perëndimore një moment rilindjeje. Ekziston një konsensus se Perëndimi duhet të afrohet më shumë që të përballet me agresorin rus, Vladimir Putin. Jo më pak për shkak të kësaj, Ukraina dhe Moldavia morën statusin e kandidatëve për anëtarësim në BE në qershor.
Ballkani Perëndimor është gjithashtu i rëndësishëm strategjikisht për BE-në, pasi ata formojnë urën tokësore mes krahut juglindor të NATO-s dhe Evropës Qendrore. Megjithatë, po e bëhet e qartë se, pavarësisht nga momenti aktual, ka ende një sërë sfidash që qëndrojnë në rrugën e zgjerimit të BE-së në Ballkanin Perëndimor. Kjo është e dukshme në Shqipëri.
Shqipëria festoi momentin historik pas gati tre dekadash. Në vitin 2003, Tirana paraqiti kërkesën e saj për anëtarësim. Në ditët pas shpalljes, një flamur i stërmadh i BE-së zbukuroi ndërtesën e qeverisë në sheshin ‘Skënderbej’ në Tiranë.
Afiniteti me BE-në është shumë i lartë në vendin me 2.8 milionë banorë. Sipas Barometrit Publik per Ballkanin, 89% e shqiptarëve e vlerësojnë anëtarësimin në BE si pozitiv. Në bisedat me vendasit, afërsia me BE është e sigurt. Dyqanet evropiane mbulojnë peizazhin e qytetit në Tiranë, kurse euro është të paktën jozyrtarisht monedha e dytë kombëtare.
Me distancë nga Kina
Marrëdhënia e Tiranës me BE-në është e ngushtë. Prej vitesh, vendi, i cili u çlirua nga komunizmi në vitin 1991 dhe iu përkushtua vlerave perëndimore dhe demokratike, është përpjekur të shkojë në të njëjtën linjë me Brukselin në politikën e jashtme.
Në luftën e Ukrainës, Tirana mbështeti pa kushte sanksionet e BE-së kundër Rusisë. Në ndryshim nga vendet e tjera të Ballkanit Perëndimor, Tirana po përmbahet edhe ndaj investimeve nga Kina, me të cilat Pekini kërkon të forcojë ndikimin e tij në rajon.
Vitet e fundit, një reformë në drejtësi dhe futja e të ashtuquajturës Struktura e Posaçme kundër Korrupsionit – SPAK si prokurori speciale e pavarur, ka çuar përpara përpjekjet në luftën kundër krimit të organizuar dhe trafikut të drogës.
“Ne kemi bërë përparim të jashtëzakonshëm në fushën e sundimit të ligjit dhe në luftën kundër korrupsionit” – tha Christiane Hohmann, ambasadorja e delegacionit të BE-së në Shqipëri. Ajo na mirëpret në zyrën e saj me një pamje panoramike të kryeqytetit për një intervistë. “Por puna jonë është larg përfundimit, ka ende një detyrë gjigante përpara”.
Në fakt, korrupsioni është një plagë në Shqipëri, e cila është shumë e vështirë për t’u shëruar. Vendi renditet i 110-ti nga 180 në Indeksin e Perceptimit të Korrupsionit të ‘Transparency International’. Aranita Brahaj, drejtuese e Institutit Shqiptar të Shkencës/Open Data Albania, e di se sa serioz është problemi.
“Korrupsioni është një problem i jashtëzakonshëm në Shqipëri” – thotë ekspertja e analizës së të dhënave me fokus transparencën, kontrollin dhe anti-korrupsionin. “Nuk është i pranishëm vetëm në rangjet e larta, por edhe në jetën e përditshme të çdo qytetari. Qoftë te vizita te mjeku apo te zgjedhja e shkollës fillore”.
Shqipëria nuk është në gjendje të ushtrojë kontroll gjyqësor, kushtetues dhe parlamentar mbi qeverinë, thotë Brahaj. Pra, de facto, kryeministri Rama e ka dorën e lirë.
Lista e skandaleve rreth Ramës e vërteton këtë deklaratë. Kreu i Partisë Socialiste, i cili bëri dikur fushatë për luftën kundër korrupsionit, akuzohet për lidhje me mafian.
Skandalet po shumohen edhe në orbitën e tij të pushtetit. Së fundmi, politikani i PS-së, Alqi Bllako u arrestua në fund të muajit prill pasi thuhet se është i përfshirë në një skandal korrupsioni prej 430 milionë eurosh. Opozita e akuzon Ramën si organizatorin e aktiviteteve kriminale.
Në fakt, qeveria ka bërë përpjekje për të vënën nën kontroll korrupsionin në vend. Në vitin 2016, me nxitjen e BE-së, ajo miratoi një reformë gjyqësore që përfshinte rishikim intensiv të të gjithë gjyqtarëve dhe prokurorëve për sa i përket kompetencave profesionale, pasurisë dhe integritetit.
Sipas të dhënave të “Raportit për Shqipërinë 2021”, të Komisionit të BE-së, 62% e procedurave të rishikimit kanë përfunduar me largim nga detyra ose shkarkim. Reforma u vlerësua pozitivisht në Bruksel dhe ambasadorja e BE-së, Hohman gjithashtu e quajti procedurën e vetingut një ‘masë të suksesshme’, e cila nuk është parë kurrë më parë në rajon.
Por ekspertja e korrupsionit, Brahaj nuk është dakord. Kontrollet ishin ‘me qëllime të mira, por të planifikuara keq’. Gjykata e Lartë dhe Gjykata Kushtetuese nuk kishin staf të plotë për vite me radhë dhe de facto nuk ishin në gjendje të vepronin. Një gjyqësor me të meta ka lejuar qeverinë të miratojë ‘ligje të korruptuara’.
Shumë prapa kur bëhet fjalë për lirinë e shtypit!
Një fushë që Brukseli po e shqyrton nga afër për ecurinë e procesit të anëtarësimit në BE, dhe që shqetëson ambasadoren e BE-së, Hohmann, është liria e shtypit në vend: “Kuptimi i shtypit si korrigjues ka nevojë për zhvillim në Shqipëri”. Vendi renditet nga Reporterët pa Kufij i 103-ti nga 180 vende.
Mediat transmetuese janë kryesisht në duart e disa sipërmarrësve të pasur me lidhje politike. Kryeministri Rama bëri bujë së fundmi pasi kërcënoi gazetarët me ‘riedukim’ pas pyetjeve kritike dhe i përjashtoi nga konferencat për shtyp. “Ne presim që të gjithë politikanët t’i trajtojnë gazetarët me respekt”, thotë Hohmann.
Vendi kandidat ka ende shumë për të bërë përpara se Shqipëria të anëtarësohet në aleancën evropiane. Për Sokol Dedjan, kreun e çështjeve politike në Ministrinë e Jashtme, përpjekje nuk kërkohen vetëm nga Tirana. “Në funksion të luftës në Evropë dhe dhënies së statutit kandidat për Ukrainën dhe Moldavinë, BE-ja tani duhet të tregojë më shumë besueshmëri se premtimet e bëra për vendet kandidate se zgjerimi i BE-së është proces serioz”.
Me fjalë të tjera, BE-ja duhet t’i dëshmojë Rusisë se uniteti i vendeve evropiane shkon përtej terminologjisë, edhe në shenjë frenimi. Sipas tij, vendet e Ballkanit Perëndimor kanë prioritet për t’u bashkuar me aleancën sepse janë ‘më të avancuara në përgatitje’.
Nga ana tjetër, ambasadorja e BE-së, Hohmann thekson se lufta në Ukrainë nuk sjell si pasojë zgjerimin automatik të BE-së. “Çdo vend do të vazhdojë të konsiderohet individualisht. Argumenti gjeostrategjik nuk duhet të fshehë faktin se vendet natyrisht duhet të plotësojnë edhe kërkesat e tyre për të hyrë në BE”. Sipas Hohmann, Tirana tani duhet të provojë se besimi i vendeve anëtare është i justifikuar. “Shqipëria tani po përballet me një maratonë”./lapsi.al
Bota
Rutte: Shpenzimet për mbrojtje duhet të rriten përballë kërcënimeve nga Rusia
Published
3 hours agoon
June 25, 2025By
UBTNews
Sekretari i Përgjithshëm i NATO-s, Mark Rutte, ka deklaruar se nuk ekziston alternativë tjetër përveç rritjes së shpenzimeve për mbrojtje, për shkak të kërcënimeve të vazhdueshme nga Rusia dhe sfidave të tjera globale të sigurisë.
“Duke pasur parasysh kërcënimin afatgjatë nga Rusia, shtimin masiv të ushtrisë në Kinë dhe faktin që Koreja e Veriut, Kina dhe Irani po mbështesin përpjekjet luftarake të Rusisë në Ukrainë, është thelbësore të shpenzojmë më shumë për mbrojtjen tonë,” tha Rutte, i cili sot merr pjesë në Samitin e NATO-s.
Ai theksoi se kjo do të jetë tema kryesore në agjendën e samitit të sotëm.
Presidenti amerikan Donald Trump, i cili ka kërkuar vazhdimisht që vendet anëtare të NATO-s të rrisin kontributin financiar, ka shtuar presionin që aleanca të miratojë një objektiv më të lartë të shpenzimeve ushtarake — deri në 5% të Prodhimit të Brendshëm Bruto (PBB).
Bota
Trump këmbëngul: Objektet bërthamore në Iran janë shkatërruar plotësisht
Published
3 hours agoon
June 25, 2025By
UBTNews
Presidenti amerikan Donald Trump këmbëngul se vendet bërthamore në Iran u “shkatërruan plotësisht” nga sulmet ushtarake amerikane, pavarësisht një raporti të inteligjencës që hedh dyshime mbi suksesin e tyre.
Vlerësimi i dëmeve të rrjedhura nga Agjencia e Inteligjencës së Mbrojtjes e Pentagonit vlerëson se sulmi e ktheu programin bërthamor të Iranit vetëm “disa muaj prapa”, shkruan BBC, transmeton KosovaPress.
Armëpushimi midis Izraelit dhe Iranit duket se po mbahet, me të dy kombet që pranojnë se është në fuqi.
Jeta e iranianëve, siç e dinë, ka ndryshuar dhe e ardhmja ndihet e pasigurt, raporton Lyse Doucet e BBC-së nga brenda Iranit.
Ndërkohë, presidenti amerikan po bashkohet me udhëheqësit e NATO-s në Hagë për një samit, vetëm disa ditë pasi mori vendimin për të nisur sulme ndaj Iranit.
Bota
Irani ekzekuton 3 persona të akuzuar për spiunazh për Izraelin
Published
3 hours agoon
June 25, 2025By
UBTNews
Tre iranianë të akuzuar për spiunazh për agjencinë e inteligjencës izraelite, Mossad, janë ekzekutuar, sipas një agjencie lajmesh iraniane të lidhur me gjyqësorin.
Tre të dyshuarit u ekzekutuan të mërkurën në mëngjes në burgun e Urmisë në zonën kufitare veriperëndimore të vendit me Turkiyen, sipas faqes së lajmeve Mizan Online.
Të dyshuarit dyshohet se kanë kontrabanduar “pajisje për vrasje” në vend nën maskën e një “ngarkese me pije alkoolike”.
Raporti nuk tha se kur u arrestuan të dyshuarit, vetëm se ata u ekzekutuan me akuzat për “luftë kundër Zotit dhe përhapje të korrupsionit në Tokë përmes bashkëpunimit me Izraelin”.
Irani kishte ekzekutuar të paktën tre persona të akuzuar për spiunazh që kur Izraeli nisi operacionin e tij ushtarak kundër Iranit më 13 qershor.
Bota
Shefi i NATO-s lavdëron sulmet e SHBA-së ndaj Iranit
Published
3 hours agoon
June 25, 2025By
UBTNews
Sekretari i Përgjithshëm i NATO-s, Mark Rutte, tha se i qëndron besnik mesazhit të tij të urimit drejtuar Presidentit të SHBA-së, Donald Trump, për “veprimin e tij vendimtar në Iran”.
Rutte e përgëzoi Trumpin dhe e quajti sulmin e SHBA-së ndaj Iranit “vërtet të jashtëzakonshëm”, në mesazhet me tekst të postuara nga presidenti në mediat sociale të martën.
Duke folur me gazetarët në samitin e NATO-s në Holandë të mërkurën në mëngjes, Rutte tha se nuk po e rishqyrtonte vlerësimin e tij për sulmet amerikane, pasi raportet e medias vunë në pikëpyetje efikasitetin e tyre.
CNN raportoi të martën se sulmet ushtarake amerikane ndaj tre prej objekteve bërthamore të Iranit nuk shkatërruan komponentët kryesorë të programit bërthamor të vendit dhe me shumë gjasa vetëm e vonuan atë me muaj, sipas një vlerësimi të hershëm të inteligjencës amerikane që u përshkrua nga shtatë persona të informuar mbi të.
Megjithatë, Rutte vazhdoi të lavdëronte Trumpin dhe veprimin ushtarak të SHBA-së në Iran të mërkurën.

Kujdes! Kjo është rëndësia e kontrollit të rregullt mjekësor

25 qershori, “Dita e Detarit”

Arsyet pse duhet të fillosh të pish kefir që sot

Zogaj: Çdo 48 orë i njëjti dështim, fajtor është partia që i fitoi zgjedhjet

Çitaku: I bëj thirrje Kurtit që të reflektojë, Kosova është shumë më e vlefshme sesa egoja e tij

Dështoi sërish vazhdimi i seancës konstituive të Kuvendit të Kosovës

Haradinaj: Situata në Kuvend, shqetësim real

Pedro Pascal flet për jetën private dhe tregon nëse ka në plan të bëhet baba

”Deputetë, emri juaj është bllokadë”, organizatat e shoqërisë civile me aksion para Kuvendit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore