Deputeti i Lidhjes Demokratike të Kosovës, Armend Zemaj i ka dal në mbështetje punëtorëve teknik të Kuvendit të Kosovës, që janë duke mbajtur grevë në kërkim të rritjes së pagave.

Zemaj ka shkruar se greva e tyre është për dinjitet dhe se trajtimi i tyre është jashtë njerëzores.

Ai tutje ka thënë se këtyre punëtorëve nuk u paguhet as trusti dhe as sigurimi shëndetësor.

“Grevë për dinjitet! Është i papranueshëm fakti që tash e disa herë puntorët teknik të Kuvendit të Kosovës detyrohen të mbajnë grevë, në kërkim të respektimit të minimumit të dinjitetit të tyre, sepse trajtimi i tyre është jashtë njerëzores, këtyre punëtorëve të vyer me pagë të ulët, nuk u paguhet as trusti, as sigurimi shëndetësor, por as orët shtesë në seancat e gjata me orë të tëra, mos të flasim për punët në vikend.” – ka shkruar Zemaj.

Ai tutje ka thënë se “udhëheqja e Kuvendit duhet të trajtoj këtë problem, përndryshe është heshtje e turpshme”.

Kryetari i Aleancës Kosovare e Bizneseve, Agim Shahini ka deklaruar se nëse Kosova përjashtohet nga Procesi i Berlinit mund të humbë rreth 1 miliardë euro mbështetje financiare, që sipas tij është thelbësore për zhvillimin ekonomik për vendin tonë.

Përmes një reagimi në Facebook, Shahini ka theksuar se nëse ndodh ky përjashtim vendi ynë mund të rrisë pasigurinë për investitorët e huaj dhe vendorë, duke ndikuar negativisht në lëvizje e lirë të mallrave dhe kapitalit në tregun e EU dhe në Ballkanin Perëndimor.

Sipas tij, përjashtimi i Kosovës nga procesi i Berlinit po ashtu mund të sjellë në një rënie të dialogut me Serbinë.

“Sa i përket integrimeve do të humbë një mundësi të madhe për të avancuar në procesin e integrimeve evropian dhe për të përmirësuar dhe forcuar raporte ndërkombëtare si do mos me vendet e BE-së. Përjashtimi i Kosovës nga procesi i Berlinit mund të çonte në një rënie të dialogut me Serbinë dhe në pamundësinë për të zgjidhur çështjet e hapura mes dy vendeve, kjo do të forcon propagandën anti Kosovare qe do të kishin një ndikim të thellë në zhvillimin politik, ekonomik, social dhe integrues të Kosovës”, ka thënë Agimi Shahini kryetar i AKB-së.

Komisioni Qendror i Zgjedhjeve ka votuar për logon që do të përdoret në Zgjedhjet e Përgjithshme më 9 shkurt të vitit ë ardhshëm.

Arianit Elshani nga Këshilli për Operacione Zgjedhore, ka thënë se ky ka qene vetëm një ndryshim teknik.

“Është një ndryshim i vogël teknik, i cili na nevojitet për çështje të fletushkave, broshurave dhe çështje të tjera postare që krijohen nga KQZ. Është vetëm aspekti i tekstit, kjo përmbush kërkesën e Këshillit për Operacione Zgjedhore”, ka thënë ai.