Lajmet

Dhoma e hotelit ku qëndronte Messi në Katar do të bëhet muze

Kanë filluar planet për ta bërë zonën një muze të vogël.

Published

4 years ago

on

Universiteti i Katarit ka njoftuar se dhoma e hotelit të kapitenit të Argjentinës dhe fituesit të Kupës së Botës, Lionel Messi do të shndërrohet në një muze të vogël.

Dhoma, e cila thuhet se u nda me mikun dhe kolegun e përjetshëm të Messit, Sergio Agueron në edicionin triumfues të Argjentinës në Kupën e Botës, nuk do të presë më mysafirë, dhe këtë gjë e ka konfirmuar agjencia e lajmeve e Katarit, QNA.

Në vend të kësaj, kanë filluar planet për ta bërë zonën një muze të vogël, me sendet e yllit të Paris Saint-Germain të ruajtura për studentët dhe vizitorët e tjerë.

“Dhoma e lojtarit të Kombëtares së Argjentinës, Lionel Messi do të mbetet e pandryshuar dhe do të mbetet e gatshme vetëm për vizitorët dhe jo për banim”, ka thënë Hitmi al Hitmi, drejtor i komunikimit dhe marrëdhënieve me publikun në Universitetin e Katarit, për gazetën e Katarit “Al Sharq”.

“Objektet e Messit do të jenë një trashëgimi për studentët dhe brezat e ardhshëm dhe një dëshmitar i sukseseve të mëdha që Messi ka arritur gjatë Kupës së Botës”, shtoi më tej Hitmi al Hitmi.

Fitorja e paharrueshme e Argjentinës ndaj Francës në finalen e Botërorit “Katar 2022” kurorëzoi argjentinasit me Kupën e tretë të Botës dhe Messin me të parën në karrierën e tij.

Related Topics:
Continue Reading

Lajmet

Nora Gjakova diplomon në UBT, xhudistja përmbyll me sukses studimet në Shkencat e Sportit

Published

20 minutes ago

on

September 24, 2026

By

Xhudistja kosovare dhe kampionia olimpike, Nora Gjakova, ka diplomuar në UBT, në Fakultetin e Shkencave të Sportit dhe të Lëvizjes, në programin “Shëndeti dhe Aktiviteti Fizik”.
Gjakova, e cila ndër vite ka përfaqësuar Kosovën në garat më të rëndësishme ndërkombëtare të xhudos, ka përfunduar studimet me një temë diplome që lidhet drejtpërdrejt me sportin që e ka shoqëruar gjatë gjithë karrierës së saj.
Tema e punimit të saj ishte “Monitorimi i shkallës së lodhjes akute dhe rikuperimit pas një ndeshjeje të simuluar të xhudos përmes metodës indirekte (two-point velocity), të bazuar në shpejtësi në teknikën Bench Press”.
Punimi është realizuar nën mentorimin e Asoc. Prof. Dr. Milaim Berishës.
Me këtë arritje akademike, Nora Gjakova i shton një tjetër sukses rrugëtimit të saj, kësaj radhe në fushën e arsimit dhe shkencës sportive.

Continue Reading

Lajmet

Arrestohet një zyrtar që dyshohet se mori ryshfet nga pronarë biznesesh

Published

1 hour ago

on

September 24, 2026

By

Policia e Kosovës ka arrestuar një person në Rahovec, i dyshuar për veprën penale “Marrja e ryshfetit”.

Sipas Policisë, i dyshuari, mashkull kosovar, në periudha dhe lokacione të ndryshme në zonën e Rahovecit, dyshohet se kishte kërkuar dhe pranuar ryshfet nga pronarë të bizneseve, në këmbim të moskryerjes së kontrolleve apo mosndëshkimit për shkeljet e ligjit.

Gjatë hetimeve, të zhvilluara në bashkëpunim me Prokurorinë Themelore në Gjakovë, janë siguruar dëshmi se i dyshuari dyshohet se kishte pranuar në disa raste shuma prej 300 deri në 500 euro nga pronarë të ndryshëm biznesesh.

Me urdhër të Gjykatës Themelore në Gjakovë, më 24 shtator janë kontrolluar ambienti i punës dhe veturat që i dyshuari kishte në shfrytëzim. Gjatë kontrollit është sekuestruar edhe një telefon celular.

Pas intervistimit, me vendim të prokurorit, i dyshuari është ndaluar për 48 orë./A.K/

Continue Reading

Lajmet

Ish-kreu i SHISH, Vlora Hyseni del nga GJKKO, iu komunikua masa e sigurisë “arrest në shtëpi”

Published

2 hours ago

on

September 24, 2026

By

Ish-kreu i SHISH, Vlora Hyseni sapo ka dalë nga GJKKO pas më shumë se 2 orësh.

Gazetarja e Top Channel, Anila Hoxha raporton se Hysenit i është komunikuar masa e sigurisë “arrest në shtëpi”.

Ajo u pyet nga gazetarët në lidhje me përgjimet e SPAK, por ka refuzuar të flasë.

Ndryshe, para se të hynte në gjykatë gjatë kalimit nga rruga drejt godinës, Hyseni është shprehur shkurtimisht ndaj pyetjes së gazetarëve nëse Agasit i janë kaluar nga ana e saj dokumente të klasifikuara, duke u shprehur: “Si kalon ti në takime me agjentët serb në dhomat e hotelit Rogner”. /Tch/

Continue Reading

Lajmet

Djemtë e ish-krerëve të UÇK-së vizitojnë familjen e Afrim Bunjakut

Published

2 hours ago

on

September 24, 2026

By

Endrit Thaçi, Klestor Veseli dhe Altin Krasniqi, djemtë e ish-krerëve të UÇK-së, kanë vizituar sot familjen e policit të Kosovës, Afrim Bunjaku, në përvjetorin e rënies së tij.

Vizita është zhvilluar në shenjë respekti dhe solidariteti me familjen Bunjaku, i cili u vra më 24 shtator 2023 gjatë sulmit në Banjskë.

Gjatë vizitës, ata kanë shprehur respekt për figurën dhe sakrificën e Bunjakut, duke qëndruar pranë familjes së tij në këtë ditë përkujtimi.

Afrim Bunjaku humbi jetën në krye të detyrës gjatë sulmit ndaj Policisë së Kosovës në Banjskë./A.K/

Continue Reading

Të kërkuara