Lajmet

Dhjetë ushqimet që i kanë antioksidantët me shumicë

Si ta kemi tavolinën plot me antioksidantë?

Published

3 years ago

March 28, 2022

Betim Gashi

Ka studime të ndryshme shkencore që nxjerrin në pah benefitet e antioksidantëve për shëndetin e organizmit. “Bëhet fjalë për molekula”, shpjegon doktoreshë Sonia Croci, biologe nutricioniste, “me të cilat janë veçanërisht të pasura frutat, perimet dhe jo vetëm. Parandalojnë dhe zvogëlojnë oksidimin e qelizave, një reaksion që çon në formimin e radikaleve të lira, molekula të cilat provokojnë dëmtime në ADN dhe strukturat qelizore. Antioksidantët nuk bëjnë gjë tjetër veçse mbrojnë qelizat dhe indet”.

Nuk shërbejnë vetëm për të qëndruar të rinj

Antioksidantët janë një grup molekulash me një varietet të madh strukturor e funksional. Nuk shërbejnë vetëm për parandalimin e plakjes, janë të rëndësishëm edhe për shkak të funksioneve antitumorale, antiinflamatore dhe antiaterogjenike. Vitet e fundit, studimet që i lidhin efektet e antioksidantëve me parandalimin e shumë patologjive janë rritur.

Si ta kemi tavolinën plot me antioksidantë?

Gatimi, ashtu si ruajtja korrekte e ushqimeve që i përmbajnë, luan një rol të rëndësishëm për t’i marrë ato në sasinë e duhur. Për të absorbuar më mirë likopenin për shembull, një antioksidant i cili gjendet tek domatet, është mirë t’i gatuash. Gatimi favorizon çlirimin e kësaj substance dhe lejon të absorbohet më mirë. Përkundrazi, për të absorbuar vitaminën C, një tjetër antioksidant i fuqishëm i gjendur me shumicë tek agrumet, lulelakra, specat dhe shumë perime të tjera, këshillohet t’i konsumosh krudo: kjo vitaminë është e ndjeshme ndaj ajrit dhe temperaturave të larta.

Për më shumë, njihuni me dhjetë super ushqimet sugjeruar nga ekspertët që ju sigurojnë një sasi të plotë të antioksidantëve.

Kulumbritë: I përmbajnë në sasi të larta. Mes substancave antioksidante spikat delfinidina që ka veti të larta antiinflamatore.

Manat e Gojit: Janë një minierë karotenoidesh e flavonoidesh si antocianina, të dobishme për të luftuar sëmundjet degjenerative dhe plakjen qelizore.

Boronica dhe fruta të tjera pylli: Të gjitha frutat e kuqe janë një rezervë e madhe antioksidantësh. Në veçanti, përmbajnë shumë polifenole e flavonoide, substanca që kanë një funksion mbrojës për kapilarët dhe veti të madhe antiplakje.

Karotat vjollcë: Pak të përhapura, por me veti të mëdha për shëndetin. Përveç betakarotenit sigurojnë edhe antocianidinë krahasuar me karotat portokalli.

Orizi i zi: Na furnizon me antioksidantë të fuqishëm, veçanërisht me antocianinë që është e çmuar për të reduktuar absorbimin e kolesterolit dhe për të mbrojtur nga sëmundjet kardiovaskulare, diabeti e obeziteti.

Kakaoja e hidhur: E pasur me polifenole si katekina, antocianina dhe proantocianidina, është një super antioksidant sepse ka një veprim antiinflamatore e protektive sidomos për sa i përket sëmundjeve që prekin sistemin kardiovaskular.

Çaj jeshil: Kjo pije ka një përmbajtje të lartë të katekinës, sidomos të epigalokatekinës (EGCG) që ka një funksion mbrojtës për sa i përket shqetësimeve që kanë lidhje me zemrën.

Domatet: Përveç vitaminave A dhe C me veprim antioksidant, domatet na furnizojnë me likopen, një karotenoide që mbron organizmin nga plakia e shkaktuar nga radikalet e lira. Gjithashtu ka veti antiinflamatore dhe antitumorale.

Rrushi i kuq: Në lëkurën e tij gjenden polifenole, si psh rezveratroli i cili ka veti antiplakje. Gjithashtu, falë përmbajtes së antocianës, ndihmon mikroqarkullimin. Farat e rrushit të kuq janë të pasura në proantocianidinë, një klasë polifenolesh që luftojnë radikalet e lira.

Vaji i ullirit ekstra i virgjër: Fuqia e tij antioksidante lidhet me përmbajtjen e lartë të fenolëve, tokoferolëve dhe vitaminës E që mbrojnë kundër plakjes së parakohshme të trupit dhe mendjes./neps.al

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

2 hours ago

June 28, 2025

UBTNews

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

përmes platformës elektronike të KQZ-së në https://qv.kqz-ks.org
ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Lajmet

Serbët festojnë Vidovdanin mes masave të shtuara të Policisë së Kosovës

Published

2 hours ago

June 28, 2025

UBTNews

Grupe serbësh janë drejtuar për në Graçanicë për të nisur festimet e atij që njihet si Vidovdan. Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Lajmet

PDK me kërkesë të qartë, zhbllokimi i Kuvendit sipas Kushtetueses

Published

3 hours ago

June 28, 2025

UBTNews

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

5 hours ago

June 28, 2025

UBTnews

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.