Lifestyle

Dhjetë shenjat që tregojnë se një mjedis pune është toksik

Mjedisi toksik është përballja me mosfunksionim dhe drama në mënyrë të vazhdueshme.

Published

on

Të gjithë ata që punojnë e kanë ndonjë periudhe të keqe në punë. Ndonjë javë ose muaj që gjithçka po shkon ters. Se çfarë ndodhë që gjatë gjithë asaj kohe klientët kanë ankesa dhe pakënaqësi, shefi nuk është i kënaqur me ecurinë e projektit dhe me ato që i propozoni, duhet të punoni për një kohë të gjatë pas orarit etj. Të gjitha këto mund t’ju japin stres duke e vështirësuar një periudhë të jetës, por ka shumë dallim në mes të të qenit i ngarkuar emocionalisht për një kohë dhe së funksionuari në një mjedis që vazhdimisht është toksik.

MJEDISI TOKSIK DHE SHËNDETI

Mjedisi toksik është përballja me mosfunksionim dhe drama në mënyrë të vazhdueshme. Kjo mund të vjen prej një shefi që është i dashuruar në vetveten, prej kolegëve të cilët gjatë gjithë kohës mendojnë se si t’i kthejnë “të këqijat” që ia kanë bërë, mungesë e udhëzimeve etj. Profesori në Universitetin e Standfortit, i cili i ka studiuar politikat organizative thotë që një mjedis i tillë ju bën të ndiheni sikur jeni “të ndotur”.

Këto vende, sipas studimeve nga Universitetet e Harvardit dhe Standfordit, ju bëjnë të mendoni sikur po shkoni në luftë dhe nuk ju lejojnë që ta bëni më të mirën tuaj atje. “Përpëlitjet” në këto vende të punës kanë efekte të dëmshme për shëndetin e njeriut. Këto dëme përfshijnë hipertensionin, probleme kardiovaskulare, e shkatërrojnë shëndetin mendor, e të gjitha këto mund të kenë përfundim fatal.

Pra, në vend që të shkoni në punë për ta rregulluar jetën, në vende të tilla rezultoni ta shkatërroni atë. Prandaj, shihni nëse jeni pjesë një mjedisi në vazhdimësi toksik, apo vetëm një periudha kalimtare.

Jeni gjithmonë të stresuar

A ndihesh tmerrshëm sa herë që zgjohesh për të shkuar në punë. Në fakt nuk je vetëm, kjo ndodhë te shumëkush që përpiqen të mbijetojnë në një mjedis negativ të punës. Nivelet e stresit janë më të mëdha tek ata punonjës që puna përfshin edhe kohën që duhet ta kalojnë më shoqërinë ose familjen. Ta dini që jeni nën stres, nganjëherë është e vështirë dhe për këtë duhet që ta vëzhgoni gjendjen tuaj për një kohë të gjatë.

Jeni të mbingarkuar

Në mjedise të vështira, punonjësit kanë shumë përgjegjësi. Sipas një gjetjeje nga instituti i familjes dhe punës në Amerikë, kjo i bën që ata të jenë shumë të nervozuar me punëdhënësit e tyre. Fatkeqësisht të qenit i mbingarkuar me punë mund t‘ju shpie në “sindromin e djegies“.

Jeni të bullizuar

Ngacmimet i prijnë vendet toksike të punës. Bullizmi është definuar si “prezantim i mungesës së trajtimit nga ana e ndonjërit nga kolegët ose një grup prej tyre, abuzime, sulme fizike ose gojore, etj. Bazuar në një gjetje të Institutit të bullizmit në vende të punës, përqindja më e madhe e bullizmit në vendet e punës ndodhë nga shefat, e dyta është nga kolegët që kanë të njëjtin nivel në punë, ndërsa, edhe pse në përqindje të vogël ndodhin edhe ngacmimet nga vartësit.

Jeni viktimë ose kontribuues i thashethemeve

Që në momentin kur dëgjoni që dikush po flet për një koleg tjetër, ndaluni aty. Nga thashethemet nuk përfiton askush dhe, vetëm sa krijohet mjedis i punës sulmues. Nganjëherë mund të bëhet me qëllim ose pa qëllim, por gjithsesi ajo çfarë vjen prej saj nuk është aspak e mirë. Pavarësisht se në cilën anë të thashethemeve jeni, kjo mund të prodhojë “ajër” toksik dhe mund të sjellë rrethana të paparashikueshme.

Shefi juaj është impulsiv

Një njeri që ju udhëheqë është toksik është shkaktari i një mjedisi armiqësor pune, dikush i cili vazhdimisht dëmton vetëvlerësimin tënd dhe në mënyrë rutinë e minon aftësinë tuaj për të kryer punë të mira.

Mungesa e empatisë nga lideri

Udhëheqësit që shfaqin mungesë ndjeshmërie ose dhembshurie zakonisht janë gjithashtu narcistë, gjë që i pengon ata të japin përparësi ndaj punonjësve të tyre. Këta lloj liderësh shpesh do të kërkojnë që anëtarët e ekipit të tyre të caktojnë punën si prioritet kryesor, duke zvogëluar aftësinë e tyre për të arritur ekuilibrin punë-jetë, dhe ndoshta duke rezultuar në “sindrom të djegies”. Sipas, team bonding, çdo drejtues që i detyron punonjësit të zgjedhin midis punës dhe shëndetit të tyre, po i helmon mjedisin e punës.

Politika të padrejta dhe zbatim i pabarabartë i tyre

Rregullat që duket se nuk kanë bazë ose rregulla që zbatohen vetëm në mënyrë selektive për punonjës të caktuar, zakonisht nënkuptojnë që menaxhmenti luan me favoritë. Mjediset që nuk vendosin të njëjtin standard sjelljeje për të gjithë u mundësojnë disa anëtarëve të ekipit të ushtrojnë privilegje të veçanta që nuk janë të arritshme për të tjerët. Privilegjet mund të jenë nga më të ndryshmet, që nga justifikimi i vonesës deri te sjelljet e papërshtatshme, të pahijshme dhe serioze.

Mungesa e baraspeshimit të jetës dhe punës

Është e patolerueshme të punosh për një kompani e cila gjatë gjithë kohës kërkon që punonjësit të sakrifikojnë mirëqenien e tyre për hir të punës së tyre. Një kompani e cila nuk ua lejon punonjësve të kenë një baraspeshim të punës dhe jetës jashtë është fajtore për krijimin e një mjedisi toksik të punës.

Mungesa e transparencës

Transparenca është diçka themelore kohëve të fundit në vendet e punës. Pse? Sepse përmes komunikimit dhe transparencës organizatat ruajnë besimin e ndërsjellë dhe të nevojshëm për funksionim të duhur.

SI TA RREGULLONI ATMOSFERËN E PUNËS?

Përballuni me secilin punonjës toksik

Duhet të jeni në gjendje që t’i zgjidhni problemet interpersonale. Më e mira është që të keni një bisedë vetëm për vetëm me personat që po ju dëmtojnë. Por në vend që të përqendroheni në atë se si po ju bëjnë të ndiheni, përqendrohuni në konsekuencat negative të veprimeve të personit. Për shembull, nëse ndonjëri nga kolegët ndërhyn në mënyrë të keqe në secilin nga takimet tuaja mund t’i thoni diçka të tillë si: “Unë e kuptoj që dëshironi të jepni “feedback” gjithmonë, por në momentin që me anë të tij jepni përshtypje të keqe te të tjerët për mua, atëherë kjo më pengon që t’i jap idejat e mia”.

Përballuni me ekipin

Nëse ballafaqimi direkt është i kotë, duhet të kërkoni ndihmë nga mbikëqyrësit tuaj, gjithmonë nëse ata nuk janë problem. Por, përpara se të kërkoni takim, duhet t’i peshoni disa gjëra.

Shihni nëse edhe të tjerët janë duke pasur probleme të njëjta! Ankesa juaj do të dëgjohet më shumë nëse nuk jeni vetëm në gjithë këtë. Përndryshe ata do të mendojnë që e keni shpikur këtë.

E dyta, mblidhni prova të forta për të vërtetuar rastin tuaj. Për shembull, nëse kolegu juaj shpesh përpiqet të shkatërrojë punën tuaj duke i kthyer detyrat e tij me vonesë, përpiloni email që tregojnë momentet kur kjo ka ndodhur dhe prezantoni atë që keni në takim.

Planifikoni daljen

Disa kompani thjesht kanë kulturë e cila nuk funksionon. Nëse toksikja po vjen nga lartë, atëherë është më mirë që ta krijoni një strategji të daljes. Sigurisht që është më mirë që ta keni një ofertë pune në kohën kur jeni ende në punë./AkademiPune

Lifestyle

Studimi: Pastërtia e tepërt në shtëpi mund t’ju rrezikojë shëndetin

Published

on

Pastrimi i tepërt në shtëpi rrezikon shëndetin tuaj. Hulumtimi i ri paralajmëron për rreziqet e higjienës, sepse ekspozimi i ekuilibruar ndaj mikrobeve dhe baktereve trajnon mbrojtjen tonë për të shmangur alergjitë dhe sëmundjet autoimune.

Ekologët mikrobikë Jack Gilbert dhe Erica Hartmann kanë zbuluar një lidhje të ngushtë mes”mikrobiomës” së vendeve ku jetojmë dhe shëndetit. Në një studim matën se sa material gjenetik lëshojmë në mjedis: 31 miligramë masë mikrobike dhe 37 milionë kopje të gjenomave bakteriale në orë.

Nga kjo del se shtëpitë kanë mikrobiomën e tyre të përbërë nga baktere, arkea, viruse dhe kërpudha që vijnë nga ne dhe nga kafshët me të cilat jetojmë, kafshë shtëpiake, por edhe kacabu ose minj, nëse ka -, nga ajri, nga uji dhe nga toka.

Ndikimi i hapësirave të ndërtuara në shëndet është temë që ka tërhequr vëmendjen e studiuesve e kanë përdorur hipotezë higjienike: ekspozimi adekuat ndaj mikrobeve në mjedis stërvit sistemin imunitar të mos reagojë kundër stimujve të padëmshëm, si në alergji – ose kundër trupit tonë, si në sëmundjet autoimune.

Sipas Gilbertit, «mungesa e ekspozimit ndaj antigjeneve të ndryshëm, veçanërisht atyre mikrobikë, mund të çojë në çrregullim imunitar dhe sëmundje kronike». Për momentin, ka pak studime, por lidhja midis mikrobiomës shtëpiake dhe sëmundjeve të frymëmarrjes, funksionit të sistemit imunitar, çrregullimeve metabolike dhe madje edhe mendore duket e sigurt.

Për këtë arsye, ekspertët paralajmërojnë se është gabim i zakonshëm të mendosh se një shtëpi e shëndetshme është plotësisht pa mikrobe. /UBT News/

Continue Reading

Lifestyle

Nëse i pret shpesh flokët, do të rriten më shpejt; Mit apo fakt?

Published

on

Shumë njerëz besojnë se prerja e shpeshtë e flokëve ndihmon që ato të rriten më shpejt. Kjo ide ka kaluar brez pas brezi e përdoret si këshillë nga parukierët. Por, a ka ndonjë bazë shkencore kjo teori apo është thjesht një mit i zakonshëm?

Mit apo fakt?

MIT – Prerja e flokëve nuk ndikon në shpejtësinë e rritjes së tyre, pasi rritja ndodh nga rrënjët, jo nga majat. Flokët rriten nga folikulat e vendosura në lëkurën e kokës dhe jo nga majat. Çdo qime flokësh kalon nëpër tre faza:

1. Faza anagjene (faza e rritjes): Kjo është faza ku flokët rriten aktivisht, mund të zgjasë nga 2 deri në 7 vjet.

2. Faza katagjene (faza kalimtare): Floku ndalon së rrituri, folikula e tij fillon të tkurret.

3. Faza telogjene (faza e pushimit): Floku pushon plotësisht së rrituri dhe eventualisht bie për t’u zëvendësuar nga një qime e re.

Kjo cikël përcakton se sa gjatë mund të rritet një qime floku, dhe nuk ndikohet nëse e pret apo jo. Flokët rriten 1-1.5 cm në muaj, pavarësisht nga sa shpesh i pret.

Pse prerja e flokëve është ende e rëndësishme?

Edhe pse prerja e shpeshtë nuk e përshpejton rritjen, ajo ndihmon në ruajtjen e një pamjeje më të shëndetshme. Ja pse:

• Eliminon majat e djegura – Kjo ndihmon që flokët të mos duken të brishtë dhe të dëmtuar.

• Parandalon këputjen – Flokët me maja të dëmtuara priren të këputen më lehtë, duke dhënë iluzionin e rritjes së ngadaltë.

• I bën flokët të duken më të plotë dhe me formë të mirë – Sidomos për modelet e flokëve të shkurtër që kërkojnë mirëmbajtje të shpeshtë.

Si mund të ndihmosh rritjen e shëndetshme të flokëve?

Në vend që të presësh shpesh për t’i rritur më shpejt, më mirë fokuso mbi këto praktika të shëndetshme:

Ushqehu mirë: Konsumo proteina, hekur dhe vitamina të rëndësishme si biotina dhe vitamina B.

Masazho skalpin: Kjo stimulon qarkullimin e gjakut dhe ndihmon në ushqyerjen e folikulave të flokëve.

Përdor kujdes të duhur: Shmang përdorimin e tepërt të nxehtësisë nga tharësja e pjastra.

Hidratim i rregullt: Flokët e hidratuar janë më pak të prirur për dëmtim de këputje.

Prerja e shpeshtë e flokëve nuk i bën të rriten më shpejt, por ndihmon në ruajtjen e një pamjeje më të shëndetshme. Rritja e flokëve varet nga gjenetika, ushqyerja dhe kujdesi i përgjithshëm, jo nga sa shpesh viziton parukierin. /UBT News/

Continue Reading

Lifestyle

Ilaçi natyral kundër zbokthit

Published

on

Kush do të thoshte që artikulli të cilin çdo ditë e përdorin në kuzhinë mund të bëjë aq shumë për bukurinë tonë. Kripa e detit është e pasur me minerale siç janë magnezi, kaliumi dhe natriumi, ndërsa atë e bëjnë aleat shumë të fuqishëm të bukurisë.

Përdoret për piling të fytyrës dhe trupit, zbardhjen e dhëmbëve, si edhe banjë për shputa të lodhura, por a e keni ditur që mund t’jua zgjidhë problemin me zbokthin?

Është bonus që ky tretman, në të cilin blogeret botërore betohen, është i lirë – një kg kripe të trashë kushton më pak se 1 euro.

Ja si duhet të veproni…

Njomni flokët dhe ndani në disa pjesë. Nëpër sipërfaqe të kokës qitni një ose dy lugë kripë deti dhe me gishta të lagur bëni butësisht masazh flokëve 10-15 minuta. Nëse mund të kërkoni nga dikush që t’jua bëjë masazhin – edhe më mirë!

Do të jetë më i efektshëm, ndërkaq edhe ju do të mund të kënaqeni me masazh, pastaj qitni shampon dhe shpëlani flokët. Rezultati do të jetë i dukshëm që nga tretmani i parë!

Continue Reading

Lifestyle

Trajtime natyrale kundër rënies së flokëve

Published

on

Rënia e flokëve paraqet problem serioz për njerëzit. Preparatet e ndryshme kozmetike shkakton rënie më të madhe të flokëve, në vend se të parandalojnë një gjë të tillë.

Provoni ndonjë nga këto trajtime natyrale, përzierje që mund t’i përgatisni në shtëpi e të mos humbni shumë para dhe kohë.

Më poshtë i keni tri përzierje kundër rënies së flokëve:

Tundeni një të verdhë të vezës derisa të bëhet shkumë, shtoni një lugë të vogël rum dhe një lugë të vogël vaj ricini.

Aplikoni këtë maskë në flokë e masazhoni kokën. Rekomandohet që kjo masë të qëndrojë në kokë të paktën tri orë, por do të ishte edhe më mirë të qëndronte gjatë tërë natës. Pastaj shpëlani flokët me ujë në të cilin keni shtrydhur lëng limoni.

Përsëriteni këtë tretman një herë në javë, derisa ta arrini rezultatin e dëshiruar. Maska tjetër ka për bazë hithin.

Hidhni 100 gr. rrënjë hithi në një litër alkoool prej 70% dhe lëreni masën të qëndrojë për shtatë ditë. Pastaj hidheni përzierjen e fituar në një shishe të pastër dhe shtojani disa pika vaj ricini. Me këtë përzierje duhet t’i masazhoni rrënjët e flokëve çdo ditë, shkruan femina.

Për fund, edhe një ilaç natyral. Ziejini 100 gr. hithra në gjysmë litër ujë për 20 minuta. Mbulojeni enën dhe lëreni përzierjen të qëndrojë për tetë orë. Pastaj kullojeni lëngun dhe shtojani uthull molle. Masazhojini rrënjët e flokëve çdo natë me këtë maskë.

Continue Reading

Të kërkuara