Aktualitet

Destinacionet e preferuara, shqiptarët rezervojnë Dubain dhe vendet e rajonit për festat e fundvitit

Vendet e Rajonit vijojnë të mbesin destinacionet e preferuara të shqiptarëve, për shkak të çmimit më të leverdishëm dhe afërsisë.

Published

4 years ago

December 7, 2021

Betim Gashi

Nga rajoni për ski tek destinacionet ekzotike me diell, një pjesë e konsiderueshme e shqiptarëve duket se po i shndërrojnë në traditë, pushimet e fundvitit jashtë vendit.

Një destinacion që ka zgjuar interesin e shqiptarëve dhe është kthyer në trend, është Dubai. Dikur ai konsiderohej një nga vendet më të shtrenjta, por sot është më i prekshëm dhe ekonomik, për shkak të linjës direkte nga Tirana. Dubai me komercialitetin e festave por dhe luksin e tij, është bërë shumë i preferuar, për shkak të lehtësisë që ofron për ta vizituar në kohë pandemie. Shtëpia e qiellgërvishtëseve dhe ditëve plot diell, zgjodhi të mos jetojë në izolim, por të pranojë turistë nga e gjithë bota.

Suprizë e këtij fundviti ka qenë dhe kërkesa për plazhet e Sharm El Sheikh. Ky destinacion preferohet për resortet që ofrojnë paketa të larmimshme, por edhe sepse në fundvit turistët shpëtojnë nga temperaturat mbytëse dhe turmat e turistëve. Sharm El Sheikh konsiderohet destinacioni ideal për ata që pëlqejnë sportet në ujë apo shëtitjet në shkretetërirë.

Më ekonomik në çmim, por në krye të preferencave është edhe Stambolli, një ndër destinacionet më të kërkuara nga shqiptarët në vite. Edhe pse Turqia nuk i ka traditë festën e Krishtlindjeve dhe Natës së Ndërrimit të Viteve, si një destinacion i prekshëm në kohë pandemie, arratisja në Stamboll është zgjedhja e shumë personave, kryesisht çifte apo grupe të rinjsh.

Vendet e Rajonit vijojnë të mbesin destinacionet e preferuara të shqiptarëve, për shkak të çmimit më të leverdishëm dhe afërsisë. Me avantazhe të tilla dhe me organizime të mira për festa, Mali i Zi me qytete si Budva, Kotorri apo resortet e skive në Kolashin, ka marrë një pjëse të mirë të tregut shqiptarë për pushimet e fundvitit. Por pas nuk mbetet as Maqedonia me Mavrovën apo Kosova me Bogën dhe Brezovicën.

Dëshira e shqiptarëve për të udhëtuar këtë dhjetor është e madhe, por sa e mundur do të jetë kjo me rrezikun për mbylljen e kufijve dhe daljen e variantit afrikan të koronavirusit Omicron?

Vendi

Votohet Qeveria Kurti me 66 vota pro

Published

2 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

2 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

4 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

6 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.