Lajmet

Dëshmitari i tetë nesër përgjigjet në pyetjet e avokatit të Salih Mustafës

Seanca do të vazhdojë nesër me pyetjet e avokatit mbrojtës të Mustafës.

Published

on

Në Dhomat e Specializuara në Hagë ka përfunduar për sot dëgjimi i dëshmitarit të tetë në gjykimin ndaj ish-pjesëtarit të Ushtrisë Çlirimtare të Kosovës (UÇK), Salih Mustafa.

Me përjashtim të disa minutave, seanca ka vijuar e mbyllur për publikun derisa dëshmitari i mbrojtur i është përgjigjur pyetjeve të prokurorisë dhe të mbrojtëses së viktimave. Seanca do të vazhdojë nesër me pyetjet e avokatit mbrojtës të Mustafës.

Në fund të seancës trupi gjykues ka kërkuar nga palët që mos të përmendin emrat e dëshmitarëve apo që lidhen me informacione identifikuese. Këtë udhëzim e ka bërë të ditur kryetarja e trupit gjykues, Mappie Veldt-Foglia.

“Sa i takon kategorisë së dytë trupi gjykues kujton klimën e përgjithshme të frikësimit të dëshmitarëve që mbizotëron në Kosovë si dhe nevojën për të ruajtur integritetin e hetimeve të ZPS-së, rrjedhimisht palët dhe avokati i viktimave nuk duhet t’u referohen emrave të këtyre personave as informacioneve identifikuese, qoftë në seance private apo publike. Nëse palët apo avokati i viktimave dëshirojnë ta pyesin dëshmitarin për dëshmitë që burojnë nga persona të tjerë që mund të nxjerrin në pah identitetin duhet të tregojnë të vënë në dukje arsyen pse duan ta bëjnë dhe trupi gjykues vendos më pastaj”, ka thënë kryetarja e trupit gjykues.

Ajo ka thënë se palët dhe trupi gjykues duhet t’i kushtojnë vëmendje të madhe mënyrës së formulimit të pyetjeve për dëshmitarët.

Foglia ka theksuar domosdoshmërinë për të mos bërë të ditur identitetin e dëshmitarëve të mbrojtur në gjykatë.

Në këtë seancë, mbrojtja e Salih Mustafës, avokati Julius Von Bone ka ngritur çështjen e pjesëmarrjes nga Kosova përmes video-lidhjes.

“Në fillim të këtij muaji patëm një dëshmitar, mbrojtësi, hetuesi dhe përkthyesi nuk kishin mundësi të merrnin pjesë, dhe me sa pa nuk ishte e mundur që të lidheshim me video dhe nuk e di nëse do të ketë ndonjë lloj formati që të jetë e mundur ta bëjmë këtë gjë, pra të ketë pjesëmarrje nëpërmjet video lidhjes nga Kosova, nuk e di konkretisht si mund të bëhet por nëse ka mundësi për ta bërë këtë në të ardhmen do të na ndihmonte shumë. Nëse është fjala për ndonjë masë mbrojtëse apo një çështje lidhur me një vend të përshtatshëm ku mund të rrinë, a do të ishte e mundur që të ishin në një vendndodhje në Kosovë që ta bënte të mundur lidhjen”, ka thënë Von Bone.

Ai ka pyetur nëse Prokuroria ka ndonjë zyrë në Kosovë që do të mund ta përdorte, apo të shfrytëzohej ndonjë gjykatë duke shtuar që kërkojnë të shqyrtohet një mundësi e tillë.

Para kësaj, është dëgjuar dëshmitari i tetë i Zyrës së Prokurorit të Specializuar (ZPS) i cili në pjesën e seancës së hapur për publikun ka thënë se ka marrë pjesë në zhvarrimin e një trupi pranë së cilit sipas tij ndodhej edhe një tjetër person i pajetë.

Meqë seanca ka vijuar e mbyllur në pjesën më të madhe të kohës, nuk dihen detajet rreth pjesëmarrjes së dëshmitarit në ngjarjen të cilën e ka treguar para trupit gjykues.

Dëshmitari i mbrojtur i cili mban kodin W04391 nesër do të përgjigjet në pyetjet e avokatit mbrojtës të Salih Mustafës.

Në gjykimin ndaj Mustafës deri tani kanë përfunduar dëshminë e tyre shtatë dëshmitarë, të gjithë të mbrojtur, identiteti i të cilëve nuk është bërë i ditur për publikun.

Gjykimi ka filluar më 15 shtator 2021 dhe është i pari në Dhomat e Specializuara të Kosovës në Hagë, e Salih Mustafa është i arrestuari i parë nga Specialja.

Aktakuza ndaj Mustafës është konfirmuar më 12 qershor 2020, ndërsa ai u arrestua më 24 shtator të vitit të kaluar, me pretendimin për krime lufte. Ai po qëndron në qendrën e paraburgimit në Hagë ndërsa në deklarimin e tij para trupit gjykues është deklaruar i pafajshëm.

Lajmet

QKUK përfundon verifikimin e pronësisë, paralajmëron rrënimin e objekteve pa leje në oborr

Published

on

By

Qendra Klinike Universitare e Kosovës (QKUK) ka përfunduar verifikimin e pronësisë së oborrit të saj dhe ka paralajmëruar se së shpejti do të nisë lirimin e hapësirave të uzurpuara prej shumë vitesh, duke rrënuar objektet e ndërtuara pa leje.

Ky hap vjen pas punës së një komisioni të posaçëm të formuar në mars të këtij viti, i cili në bashkëpunim me Drejtorinë e Kadastrit të Komunës së Prishtinës, përmes ortofotove dhe planeve kadastrale, ka vërtetuar gjendjen pronësore. “Sipas të dhënave kadastrale, brenda oborrit të QKUK-së nuk figuron asnjë pronë private”, thuhet në njoftimin zyrtar të këtij institucioni.

Para marrjes së vendimit për ndërhyrje, institucioni u ka dërguar dy njoftime zyrtare shfrytëzuesve të lokaleve afariste dhe kioskave që veprojnë brenda këtij perimetri, duke kërkuar dëshmi mbi bazën ligjore të shfrytëzimit të hapësirave.

Megjithatë, nga QKUK-ja bëhet e ditur se asnjëri prej shfrytëzuesve nuk ka paraqitur certifikatë pronësie apo dëshmi se objekti është në proces legalizimi, ndërsa dokumentet e dorëzuara kanë rezultuar të jenë kontrata të skaduara dhe aktvendime të paregjistruara në kadastër.

Procesi i lirimit të këtyre hapësirave ka marrë mbështetje edhe në terren nga Inspektorati i Ministrisë së Mjedisit, Planifikimit Hapësinor dhe Infrastrukturës (MMPHI), i cili gjatë inspektimeve të ditëve të fundit i ka vërtetuar të njëjtat gjetje.

“Me konfirmimet kadastrale dhe rekomandimet zyrtare si nga Inspektorati Komunal, ashtu edhe nga ai i MMPHI-së, menaxhmenti i QKUK-së tashmë ka në dorë të gjitha instrumentet ligjore dhe do t’i përdorë për t’ua kthyer pacientëve e qytetarëve pronën publike”, ka theksuar ky institucion. /E.A/

Continue Reading

Lajmet

KEDS: Rikthehet energjia elektrike për rreth 80 për qind të konsumatorëve të prekur nga erërat e forta

Published

on

By

Kompania Kosovare për Distribuim me Energji Elektrike (KEDS) ka njoftuar se, përkundër erërave të fuqishme që shkaktuan dëmtime në rrjetin shpërndarës, furnizimi me energji elektrike është normalizuar për rreth 80 për qind të konsumatorëve të prekur brenda tri orëve të para pas qetësimit të motit.

Ndër zonat më të prekura nga moti i ligë kanë qenë Prishtina, Gjakova, Dragashi, Prizreni, Suhareka, Kamenica, Gjilani, Kaçaniku, Lipjani, Shtimja, Drenasi, Obiliqi, Fushë Kosova, Podujeva dhe Ferizaj.

Sipas KEDS-it, paralelisht me rikthimin e energjisë për shumicën e konsumatorëve, janë lokalizuar defektet në shtylla dhe përçues në pothuajse të gjitha pikat e rrjetit ku janë evidentuar dëmtime.

Ekipet në terren po vazhdojnë punën intensive për sanimin e plotë të problemeve dhe rikthimin e rregullt të furnizimit për të gjithë konsumatorët./E.A/

Continue Reading

Lajmet

Nga 18 vjet burgim për Ilir dhe Rrahim Abdullahun për vrasjen e policit Triumf Riza

Published

on

By

Gjykata Themelore në Prishtinë ka shpallur të premten aktgjykimin dënues ndaj Ilir dhe Rrahim Abdullahut, duke i dënuar me nga 18 vjet burgim secilin për vrasjen e zyrtarit policor, Triumf Riza. Kryetari i trupit gjykues, Avni Syla, bëri të ditur se gjykata i shpalli të akuzuarit fajtorë për kryerjen në bashkëkryerje të veprës penale “Vrasje e rëndë”, bazuar në aktakuzën e Prokurorisë Speciale.

Sipas vendimit të gjykatës, Ilir Abdullahut i është vazhduar masa e paraburgimit deri në plotfuqishmërinë e aktgjykimit, ndërsa e njëjta masë e paraburgimit i është caktuar edhe Rrahim Abdullahut. Gjatë seancës së shpalljes së vendimit, në sallë ishte i pranishëm vetëm i akuzuari Ilir Abdullahu i shoqëruar nga avokati i tij, Ramë Dreshaj, ndërsa Rrahim Abdullahu mungoi dhe u përfaqësua nga avokatja Agnesa Salihu. Në seancë mungoi po ashtu edhe prokurorja e rastit, Arbëresha Shala.

Zyrtari policor Triumf Riza u vra më 30 gusht të vitit 2007 në lagjen “Dardania” në Prishtinë. /Ekonomia Online/

Continue Reading

Lajmet

AKB: Nga 7.16 miliardë euro remitanca në pesë vjet e gjysmë

Published

on

By

Aleanca Kosovare e Bizneseve (AKB) ka shprehur shqetësimin për mënyrën se si po shfrytëzohet kapitali i diasporës në vend, duke vlerësuar se dërgesat e mërgimtarëve po mbeten kryesisht të orientuara drejt shpenzimeve të përditshme dhe sektorit të ndërtimit, në vend se të kanalizohen në zhvillimin e industrisë dhe prodhimit vendor.

Sipas një vlerësimi të kësaj organizate, gjatë periudhës nga viti 2021 deri në qershor të vitit 2026, Kosova ka pranuar gjithsej rreth 7.16 miliardë euro remitanca, prej të cilave rreth 80 për qind ose afro 5.73 miliardë euro janë shpenzuar në konsum, patundshmëri dhe ndërtim. Ndërkohë, vetëm 2 për qind e këtij kapitali, që përkthehet në rreth 143 milionë euro, është investuar në biznes, industri dhe prodhim, kurse 18 për qind e mbetur ka shkuar në destinime të tjera.

Të dhënat e prezantuara nga AKB-ja tregojnë një trend të vazhdueshëm të rritjes së dërgesave të diasporës ndër vite, duke filluar nga 1.15 miliardë euro në vitin 2021, 1.22 miliardë euro në vitin 2022, 1.33 miliardë euro në vitin 2023 dhe 1.35 miliardë euro në vitin 2024.

Kjo rritje ka vazhduar edhe në vitin 2025, kur remitancat arritën në 1.4 miliardë euro, ndërsa vetëm në gjashtëmujorin e parë të vitit 2026 në vend kanë hyrë rreth 690.7 milionë euro. Pavarësisht këtij potenciali të lartë financiar, AKB-ja vlerëson se këto mjete nuk po arrijnë të shndërrohen në motor të zhvillimit ekonomik përmes hapjes së fabrikave të reja apo rritjes së eksporteve.

Për ta ndryshuar këtë gjendje, AKB-ja i ka bërë thirrje Qeverisë së Kosovës që të hartojë një strategji të posaçme për orientimin e kapitalit të mërgatës drejt sektorëve prodhues, teknologjisë dhe eksportit.

Kryetari i kësaj organizate, Agim Shahini, ka kërkuar nga institucionet që të krijojnë një klimë më të favorshme investuese përmes garantimit të sigurisë juridike, ofrimit të lehtësirave fiskale dhe zbatimit të politikave konkrete mbështetëse, duke theksuar se vendi ka nevojë për investime që gjenerojnë fabrika dhe vende të reja pune, e jo vetëm mjete për konsum. /E.A/

 

 

 

Continue Reading

Të kërkuara