

Lajmet
Dëshmitarët flasin për tragjedinë në Tetovë
Published
4 years agoon
By
Betim GashiQytetarët e Tetovës janë të tronditur shpërthimi dhe djegia që ndodhi mbrëmjen e së mërkurës në spitalin modular në Tetovë.
Dëshmitarët thonë se ka pasur britma të mëdha njerëzish, ndërkaq shtojnë se flakët kanë shpërthyer shumë shpejtë. Qytetarët thonë se në vendin e ngjarjes për rreth 10 minuta kanë qenë prezent edhe zjarrfikësit, por fatkeqësisht zjarri ka shkrumbuar godinën për shumë pak kohë.
Banorët e Tetovës të cilët në momentin e shpërthimit kanë qenë në afërsi të spitalit modular rrëfehen për Alsat se kjo është një tragjedi shumë e rëndë e cila nuk mbahet mend në 40 vitet e fundit.
Një dëshmitar tjetër që kishte ardhur për pushime, e ka quajtur tronditëse shpërthimin që ndodhi aty. Ai pati edhe kritika se si nuk vendoset në objekt sistemi kundër zjarrit.
“Jam shumë i tronditur! Nuk e di deri ku do të shkojë, ky shtet si do të funksionojë kështu. Më vjen keq për njerëzit që jetojnë këtu. Unë jam mysafir jam këtu në pushim. Më vjen keq për njerëzit që jetojnë këtu në këto kushte. Asnjë nga ato nuk kanë aparat kundër zjarrit që kanë mundur fqinjët të marrin dhe t’iu dalin në ndihmë. Këtu s’ka asgjë. Në Norvegji kur vihet një objekt fillimisht vihet sistemi kundër zjarrit, ose montohet brenda ose nga jashtë, por këtu nuk di, ky është një skandal”, u shpreh mërgimtari.
Dëshmitari tjetër tregoi se ishte në oborrin e tij kur kishte shpërthyer zjarri ku edhe kishte dëgjuar britma njerëzish.
“Isha brenda në oborr. Dëgjuam disa britma njerëzish, çfarë ishte[…]Nuk i dhashë rëndësi, thash fëmijët janë. Kur pas 10 minutave dëgjova se është djegur spitali. Zjarr i madh. Britma të mëdha kanë qenë, tragjedi. Pas 10 minutave a kishte vetura të zjarrfikësve”, thotë një qytetar i Tetovës.
Edhe një tjetër dëshmitarë ka treguar për momentin kur ndodhi shpërthimi i zjarrit
“Me sy kur erdha unë vetëm flakën e pashë, tymin. Prej nga ura poshtë e pash tymin. Dmth shumë tym, shumë lartë, dmth edhe era vinte deri poshtë. 30 metra lartë zjarri. Katastrofë ka qenë, ulërime e madhe pikëllim e madhe”, tha një dëshmitar tjetër.
Mbrëmjen e së mërkurës spitali modular i Tetovës ku po trajtoheshin pacientët për COVID-19, u përfshi nga zjarri ku nga kjo ngjarje tragjike mbetën të vdekur dhjetëra persona dhe të tjerë u lënduan.
Autoritet janë duke punuar në identifikimin e viktimave ndërsa Tetova ka shpallur tri ditë zie për viktimat e këtij rasti tragjik.
Lajmet
Hiqen tarracat e kafeneve, krijohet hapësirë për qytetarët e Prishtinës
Published
9 minutes agoon
April 7, 2025By
UBT NEWS
Drejtoria Komunale e Investimeve Kapitale dhe e Menaxhimit të Kontratave ka ndërmarrë një hap të rëndësishëm për qytetin e Prishtinës, duke lansuar një projekt që ka për qëllim të ndryshojë mënyrën se si qytetarët shfrytëzojnë hapësirat publike.
Ky projekt, i cili do të ndikojë në zhvillimin e hapësirave të përbashkëta, përfshin largimin e tarracave të kafeneve që janë instaluar në hapësira publike për periudha të gjata.
Ky vendim ka ardhur pas kërkesave të shumta për hapësira më të gjera dhe më të aksesueshme për qytetarët, të cilët shpesh janë të kufizuar në përdorimin e hapësirave publike për shkak të tarracave të vendosura nga bizneset. Me largimin e këtyre tarracave, autoritetet synojnë krijimin e një qyteti më të hapur, ku qytetarët do të kenë mundësi më të mëdha për të shijuar hapësirat publike dhe për të kaluar kohën në ambientet e qytetit pa pengesa.
Ky projekt ka si objektiv përmirësimin e infrastrukturës urbane dhe rritjen e mundësive për qytetarët që të kenë më shumë hapësirë për aktivitete të ndryshme, duke përfshirë shëtitje, argëtim, dhe aktivitete sociale në hapësira të përbashkëta. Përmes kësaj nisme, autoritetet shpresojnë të krijojnë një mjedis më të përshtatshëm dhe miqësor për të gjithë ata që jetojnë dhe vizitojnë Prishtinën.
Lajmet
Prezantohet programi “Kujdesi në grup për prindërim”, në përkrahje të prindërve dhe foshnjave
Published
14 minutes agoon
April 7, 2025By
UBT NEWS
Me rastin e shënimit të Ditës Botërore të Shëndetësisë, Drejtoria e Shëndetësisë në Komunën e Prishtinës ka prezantuar programin e ri “Kujdesi në grup për prindërim”, që ka për qëllim përkrahjen dhe fuqizimin e prindërve të rinj, me një fokus të veçantë te prindërit dhe foshnjat. Ky program është një hap i rëndësishëm në mbështetje të shëndetit të prindërve dhe fëmijëve, duke ofruar informacione dhe mbështetje për periudhën kritike të prindërimit.
Kryetari i Komunës së Prishtinës, Përparim Rama, gjatë prezantimit të programit, theksoi se ky program është pjesë e një procesi të gjerë që ka filluar dy vjet më parë me vizitat në shtëpi për prindërit e foshnjave të sapolindura dhe trajnime për gratë shtatzëna. Ai shtoi se sot është dita e parë e trajnimit për prindërit që kanë foshnje të sapolindura, ku ata po përfitojnë informacione të nevojshme për të pasur një periudhë sa më të shëndetshme, si për foshnjat ashtu edhe për prindërit.
“Për trajnimet që kemi filluar sot është dita e parë e trajnimit të prindërve që kanë foshnje të sapolindura, për t’u trajnuar me informata shtesë që u nevojiten për të pasur një periudhë sa më të shëndetshme, si në aspektin psikik, ashtu edhe fizik, si për foshnjat, ashtu edhe për prindërit”, tha Kryetari Rama.
Drejtori i Shëndetësisë në Komunën e Prishtinës, Izet Sadiku, foli gjithashtu për rëndësinë e këtij programi, duke e cilësuar si programin e tretë të këtij lloji që ka për qëllim forcimin e kapaciteteve për gratë, nënat dhe fëmijët. Ai theksoi se ky program synon të kontribuojë në uljen e numrit të vdekjeve të grave gjatë shtatzënisë dhe të fëmijëve të porsalindur, duke i ofruar atyre mbështetje dhe informacion të duhur për kujdesin shëndetësor.
“Ne dëshirojmë të forcojmë programet për nënat dhe fëmijët. Sot në botë, për fat të keq, vdesin 300 mijë gra gjatë shtatzënisë dhe dy milionë fëmijë të porsalindur. Përmes këtyre programeve dhe përkrahjes që ofron UNICEF-i dhe Ministria e Shëndetësisë, ne kemi arritur të krijojmë kapacitetet për këto tri programe”, tha Sadiku.
Shefja e Zyrës së UNICEF-it në Kosovë, Veronika Vashchenko, e vlerësoi progresin që është arritur në përmirësimin e shëndetit të fëmijëve, por theksoi se ende ka nevojë për angazhim më të madh. Ajo theksoi se shumë fëmijë ende nuk marrin vaksinat, përfshirë fëmijët nga komunitetet rome, ashkalinj dhe egjiptianë, dhe për këtë arsye programet si vizitat në shtëpi duhet të zgjerohen.
“Fëmijët janë kapitali më i madh njerëzor i Kosovës. Vetëm një në tre fëmijë ushqehen me gji në mënyrë të plotë. Shumë fëmijë ende nuk marrin vaksinat. Prandaj, programe si vizitat në shtëpi duhet të zgjerohen, dhe prindërit duhet të kenë më shumë njohuri për kujdesin ndaj fëmijëve”, tha Vashchenko, duke shtuar se UNICEF është i përkushtuar të vazhdojë punën për mirëqenien e fëmijëve në Kosovë.
Një nga prindërit që ka marrë pjesë në këtë program, Qwndresa Qarreti, e cila është bërë nënë për herë të parë, ka ndarë përvojën e saj. Ajo theksoi se ky trajnim ka qenë një ndihmë shumë e madhe për të, veçanërisht për sa i përket gjidhënies dhe ushqyerjes së foshnjës.
“Për mua ka qenë ndihmesë shumë e madhe, sidomos për gjidhënien, sepse jemi nëna të reja dhe nuk kemi shumë informata për ushqyerjen e bebës, cila është më e mira për foshnjën e porsalindur. Për këtë gjë jam shumë falënderuese“, tha Qarreti.
Ky program është një hap i rëndësishëm për mbështetje të prindërve të rinj dhe përmirësimin e kushteve të kujdesit ndaj foshnjave, duke u siguruar atyre informacionet dhe mbështetjeve të nevojshme për të kaluar periudhën e paslindjes në mënyrë sa më të shëndetshme dhe të suksesshme./UBTNews/
Lajmet
Osmani bisedon me Prattipatin për sigurinë në Kosovë, pas ndalimit të disa serbëve
Published
33 minutes agoon
April 7, 2025By
UBT NEWS
Presidentja e Kosovës, Vjosa Osmani, zhvilloi një takim me Anu Prattipatin, të ngarkuarën me punë në Ambasadën amerikane në Prishtinë, për të diskutuar situatën e sigurisë në vend dhe rajon. Ky takim u mbajt pas ndalimit të 16 serbëve në jug dhe jugperëndim të Kosovës, të cilët më pas u liruan në shumicë.
Osmani theksoi gjatë bisedës se veprimet e Serbisë vazhdojnë të kenë për qëllim destabilizimin e Kosovës dhe rajonit, përmes strukturave ilegale dhe grupeve kriminale serbe. Ajo gjithashtu theksoi se serbët e arrestuar në Gjakovë dhe Prizren kishin lidhje me inteligjencën ushtarake serbe dhe me grupin terrorist të Banjskës, sipas hetimeve fillestare.
Në lidhje me ndalimin e 16 serbëve, prokuroria ka kërkuar një muaj paraburgim për katër të arrestuarit në Gjakovë, ndërsa 10 nga 12 të arrestuarit në Prizren janë liruar tashmë. Dy të tjerët po mbahen në paraburgim. Ministri i Punëve të Brendshme, Xhelal Sveçla, tha se ndalimi i këtyre personave u bë pas një operacioni në dy ditët e fundit, dhe se dyshohet se ata kishin për qëllim mbledhjen e informacioneve për caqe të mundshme, duke pasur lidhje me inteligjencën ushtarake serbe dhe grupin terrorist të Banjskës.
Beogradi e ka mohuar këtë, duke thënë se personat e arrestuar ishin duke vizituar manastiret përreth Prizrenit.
Lajmet
Kurti: Kosova s’ka plan B pos anëtarësimit në BE
Published
41 minutes agoon
April 7, 2025By
UBT NEWS
Kryeministri në detyrë i Kosovës, Albin Kurti, ka deklaruar se Kosova nuk ka plan të dytë përveç anëtarësimit në Bashkimin Evropian. Gjatë një diskutimi në Bruksel, organizuar nga Qendra për Studime të Politikave Evropiane, Kurti theksoi se Kosova ka treguar se është një partner i besueshëm për BE-në dhe beson fuqishëm në të ardhmen e saj evropiane.
Ai ka bërë thirrje që zgjerimi i BE-së të mbështetet në merita dhe ka kërkuar që shtetet që janë në linjë me politikat e jashtme të BE-së të shpërblehen, duke u larguar nga masat restriktive. Kurti gjithashtu ka theksuar se statusi kandidat për Kosovën është vonuar.

Hiqen tarracat e kafeneve, krijohet hapësirë për qytetarët e Prishtinës

Prezantohet programi “Kujdesi në grup për prindërim”, në përkrahje të prindërve dhe foshnjave

E kapi për hunde trajnerin e Galatasarayt, Mourinho suspendohet me tri ndeshje

Osmani bisedon me Prattipatin për sigurinë në Kosovë, pas ndalimit të disa serbëve

Habeck: Politika e tarifave të SHBA-së, e pakuptimtë

Kurti: Kosova s’ka plan B pos anëtarësimit në BE

De Jong, prioritet rinovimin me Barcelonën

Naomi Campbell mahnit me pamjen rinore në çmimet Olivier 2025

Gjykimi për rastin ‘Banjska’ fillon zyrtarisht këtë muaj
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë