Lajmet

Derivatet do të shtrenjtohen për 5 centë në Kosovë

Published

6 years ago

on

Ditëve të fundit në Kosovë ka pasur rritje të çmimit të derivateve, e rritje të çmimeve paralajmërohet se do të ketë edhe ditëve në vijim. Aktualisht çmimi i dizelit në Kosovë është 98 centë, ndërsa i benzinës 1 euro, e ky çmim pritet të rritet për 5 centë.

Lirim të çmimit të derivateve deri në 80 centë kishte pasur një vit më herët kur në Kosovë u shënuan rastet e para me COVID-19.

Teksa pranon që ka rritje të çmimeve të derivateve ditëve të fundit, kryetari i Shoqatës së Naftëtarëve të Kosovës, Fadil Berjani, thotë se në këtë ndikon Berza dhe Organizata prodhuese OPEK, por që sërish potencon se në vend janë çmimet më të lira në rajon.

“Në tregjet ndërkombëtare ka rritje të çmimit e kjo do të reflektojë ditët në vijim edhe tek ne në Kosovë. Këto ditë çmimi është duke u rritur thuajse mund të themi lirisht një rritje shumë e lehtë me nga 1 cent në ditë, po në çmimet me pakicë nuk janë duke u lëvizur këto çmime janë që një kohë të gjatë. Përafërsisht pritet të ketë rritje deri në 5 centë. Kjo ndikon në mënyrë automatike, kështu çmimi është sot mesatar 98 centë, do të thotë do të kemi mbi 1 euro çmimin në tregun tonë të Kosovës”, thotë ai.

Në rritjen e çmimit të derivateve, Berjani thotë se po ndikon prodhimi më i ulët që po bëhet si pasojë e pandemisë COVID-19.

Pikërisht pandemia thotë se kishte ndikuar që një vit më herët të ketë lirim të çmimit të këtyre derivateve.

“Dihet se çmimin e përcakton Berza dhe organizata prodhuese OPEC, kështu që ka pasur prodhim më të vogël dhe kur ka prodhim më të ulët gjithmonë edhe rritet çmimi. Po në Kosovë sot çmimet sillen përafërsisht 0.98 centë dizeli, benzina është 1 euro, kështu që çmimet në Kosovë janë më të lirat në regjion. Dihet se pandemia ka ndikuar në çmim dhe sot është duke ndikuar, se qarkullimi nuk ka qenë në pandemi ashtu siç duhet të jetë normalisht. Ndërsa, çmimet sot sillen në suaza të normales dhe çmimi për momentin është më i liri në regjion, qytetarët e Republikës tonë janë duke u shërbyer me çmimet më të lira në regjion përveç Maqedonisë e cila e ka 20 centë më lirë”, thotë ai.

Pavarësisht paralajmërimit se do të ketë rritje të çmimit të derivateve, ai thotë se qytetarët e Kosovës janë duke u furnizuar me derivate cilësore.

“Sa i përket cilësisë së derivateve të naftës besoj që qytetarët e kanë treguar realitetin, sepse nuk ka pasur ankesa. Është departamenti në Ministri të Tregtisë që kur ka naftë jo cilësore qytetarët duhet të lajmërojnë, kështu që qytetarët janë duke u shërbyer me derivate kualitative siç janë shtetet në regjion. Do të thotë këtë vit nuk kemi pasur probleme dhe nuk ka pasur ankesa”, thotë ai.

Naftëtarët në vend, Berjani thotë se janë përballur me probleme të shumta si pasojë e udhëzimeve administrative për pastrimin e rezervuarve dhe atij për kontroll të cilësisë së derivateve.

“Ne i kemi pasur dy probleme me udhëzime administrative, pastrimin e rezervuarve të cilin e anuloi kryeministri dhe tash e kemi që kontrolli i cilësisë të jetë në Ministrinë e Tregtisë apo do të jetë nën juridiksionin e Doganës së Kosovës. Ne si shoqatë kemi pasur takim me kryeministrin, kemi pasur takim edhe me ministrin Vesel Krasniqi. Kryeministri e tha para disa ditëve se ky udhëzim administrativ do të anulohet, sepse është në kundërshtim me të gjitha dispozitat ligjore dhe ne apelojmë që sa më parë ky udhëzim duhet të anulohet, kur dihet se Dogana e Republikës së Kosovës e ka kryer siç është më së miri (të njëjtën punë) dhe te të gjitha shtetet në regjion dhe në Evropë këtë punë e bënë Dogana. Pigmentimin ose ngjyrosjen të cilën e autorizon te një kompani tjetër, mendoj se është shumë gabim. Dogana e Republikës së Kosovës duhet ta bëjë këtë punë nuk i kushton bizneseve, përndryshe në qoftë se lejohet në kompani private ky çmim do të rritet, qytetari do të paguajë me siguri për 5 centë më shtrenjtë 1 litër dizel”, thotë Berjani.

Përveç këtyre, ai thotë se ky sektor është goditur edhe nga pandemia COVID-19, ku thotë se kanë pasur probleme të shumta.

Related Topics:
Continue Reading

Vendi

Edhe sonte protestë në Prishtinë, dita e tetë

Published

3 hours ago

on

September 23, 2026

By

Protestat në Prishtinë do të vazhdojnë edhe sonte, duke shënuar ditën e tetë radhazi.

Qytetarët pritet të mblidhen në orën 21:00 në sheshin “Skënderbeu”, në kundërshtim me vendimin e Dhomave të Specializuara në Hagë ndaj ish-krerëve të UÇK-së.

Protestat kanë nisur pas vendimit të 16 shtatorit dhe kanë vazhduar çdo ditë në Prishtinë./A.K/

Continue Reading

Vendi

Profesoreshat e UBT-së, Blertë Zylfiu-Latifi dhe Miranda Sejdiu-Abazi, publikojnë studim të ri shkencor në bashkëpunim ndërkombëtar

Published

4 hours ago

on

September 23, 2026

By

Në kuadër të avancimit të kërkimit shkencor dhe bashkëpunimit ndërkombëtar, profesoreshat e Fakultetit të Stomatologjisë në UBT, Dr. Blertë Zylfiu-Latifi si autore e parë dhe Dr. Miranda Sejdiu-Abazi si autore korrespondente, kanë publikuar një studim të ri hulumtues në fushën e ortodoncisë. Ky punim shkencor është realizuar në partneritet me studiues nga Departamenti i Ortodoncisë dhe Antropologjisë Dentare i Universitetit të Zagrebit, si dhe me profesionistë të stomatologjisë nga Gjermania.

Punimi me titull “Tooth Crown Dimensions among Angle Occlusion Classes in Kosovar Adolescents” është publikuar si artikull origjinal në revistën ndërkombëtare Acta Stomatologica Croatica (Vol. 60, Nr. 3, 2026, fq. 289–301). Ky organ shkencor është i indeksuar në platformat më prestigjioze globale si Scopus, PubMed dhe Web of Science Core Collection (ESCI), duke mbajtur Faktor Ndikimi (Impact Factor) 1.8 në JCR dhe 1.9 në SJR. Autorët e këtij studimi janë Blertë Zylfiu-Latifi, Senka Meštrović, Jelena Dumančić, Miranda Sejdiu-Abazi dhe Fatbardha Mustafa.

Hulumtimi është shtrirë në shtatë qytete kryesore të Kosovës – Prishtinë, Prizren, Pejë, Gjakovë, Mitrovicë, Ferizaj dhe Gjilan – ku janë përfshirë 400 adoleshentë të moshës 13 deri në 19 vjeç. Pjesëmarrësit janë kategorizuar sipas klasave I, II dhe III të okluzionit sipas Angle, me qëllim që të analizohet lidhja mes këtyre klasave dhe dimensioneve të kurorave të dhëmbëve permanentë.

Përmes një analize multidimensionale të dimensioneve meziodistale, bukolinguale, cervikoincizale dhe diagonale, studimi nxori në pah se ekzistojnë dallime të dukshme ndërmjet klasave të okluzionit, sidomos në dimensionet meziodistale dhe cervikoincizale. Në anën tjetër, dimensionet bukolinguale shfaqën një shkallë më të ulët të variacionit.

Kontributi kryesor i këtij hulumtimi qëndron në përcaktimin e vlerave të para referente specifike për popullatën e adoleshentëve kosovarë. Këto të dhëna do të shërbejnë si një bazë e rëndësishme për përmirësimin e saktësisë në diagnostikimin ortodontik, analizën e hapësirës dhe planifikimin e trajtimeve klinike në Kosovë. Ky publikim dëshmon angazhimin e vazhdueshëm të UBT-së për zhvillimin e kërkimit shkencor me standarde të larta ndërkombëtare.

Punimi është publikuar me Open Access dhe mban DOI-në 10.15644/asc60/3/3.

 

 

 

 

Continue Reading

Vendi

Vendimi i Kushtetueses: Zgjedhja e Qeverisë është kushtetuese, Presidenti duhet të zgjidhet deri më 6 tetor

Published

5 hours ago

on

September 23, 2026

By

Gjykata Kushtetuese e Republikës së Kosovës ka shpallur aktgjykimin lidhur me kërkesat e, të parashtruara nga deputeti Arian Tahiri dhe deputetë të tjerë të Kuvendit, duke konfirmuar kushtetutshmërinë e zgjedhjes së Qeverisë së re, ndërsa ka përcaktuar afate strikte për zgjedhjen e Presidentit të Republikës.

Në vendimin e marrë me vota unanime më 23 shtator 2026, Gjykata Kushtetuese ka konstatuar se zgjedhja e ekzekutivit është kryer në përputhje me aktin më të lartë juridik të vendit.

“Vendimi [Nr. 11-V-007] i 13 shtatorit 2026 i Kuvendit të Republikës së Kosovës për zgjedhjen e Qeverisë së Republikës së Kosovës nuk është në kundërshtim me nenin 95 [Zgjedhja e Qeverisë] të Kushtetutës së Republikës së Kosovës”, thuhet në aktgjykimit.

Pavarësisht legjitimimit të Qeverisë, Gjykata vërejti se Kuvendi është konstituuar pas kalimit të afatit të paraparë 30-ditor (Neni 66, paragrafi 1), gjë që automatikisht ka vënë në lëvizje afatet kushtetuese për postin vakant të Presidentit.

Lidhur me këtë proces sovran, Kushtetuesja ka caktuar një datë të prerë për përmbylljen e tij:

“Afati gjashtëdhjetë (60) ditor për zgjedhjen e Presidentit të Republikës së Kosovës, sipas nënparagrafit 3, paragrafit 1 të nenit 82 [Shpërndarja e Kuvendit] të Kushtetutës së Republikës së Kosovës ka filluar më 8 gusht 2026 dhe përfundon më 6 tetor 2026”, nënvizon Gjykata në pikën VI.

Gjithashtu, aktgjykimi i obligon deputetët e Kuvendit të Kosovës që sa më parë të zgjedhin Nënkryetarin e Kuvendit nga radhët e grupit të dytë më të madh parlamentar, në përputhje me nenin 67 të Kushtetutës. Kërkesa e parashtruesve për caktimin e masës së përkohshme është refuzuar, ndërsa vendimi hyn në fuqi menjëherë në ditën e publikimit zyrtar. /E.A/

 

Continue Reading

Lajmet

Donjeta Sadiku siguron medalje evropiane në boks

Published

6 hours ago

on

September 23, 2026

By

Boksierja e Kosovës, Donjeta Sadiku, ka arritur një tjetër sukses të madh ndërkombëtar duke siguruar medalje në Kampionatin Evropian të Boksit.

Në ndeshjen çerekfinale të kategorisë deri në 60 kilogramë, Sadiku dominoi tërësisht përballjen ndaj boksieres nga Holanda, Maud van der Toorn, duke e mposhtur me rezultatin e pastër 5:0 me vendim të njëpërfshishëm të gjyqtarëve.

Me këtë fitore, boksierja kosovare ka siguruar të paktën medaljen e bronztë evropiane, ndërsa synon ngjitjen në majën e podiumit.Në gjysmëfinale, Donjeta Sadiku do të përballet me garuesen që përfaqëson Serbinë, rusen Kristina Kuluhova. Kjo do të jetë një përballje e njohur për kosovaren, e cila e kishte mposhtur Kuluhovën në finalen e Lojërave Mesdhetare “Taranto 2026”.

 

Continue Reading

Të kërkuara