Sport

​“Deri sa t’i përfundojnë skuadrat tjera stadiumin e parë, Llapi do të ketë stadiumin e dytë”, Batatina zbulon detaje për stadiumin e ri në Llap

Published

9 months ago

on

Llapi pritet të bëhet me stadium të ri, i cili do të jetë me kritere evropiane. Kështu ka thënë trajneri i skuadrës llapjane, Tahir Batatina.

Batatina e zbuloi në detaje “projektin gjigant” për ta ndërtuar një stadium të ri në Llap, pasi qëllimi i tij është që Kombëtarja e Kosovës të luajë ndeshjet edhe në Llap dhe jo vetëm në Prishtinë. Trajneri i Llapit tha se është në pritje që Kuvendi Komunal në Podujevë të ndajë parcelën për ndërtimin e “stadiumit gjigant”, i cili pritet të ketë 12 mijë ulëse.

“Sa i përket stadiumit gjigant që do ta ketë Llapi, mendoj që në momentin që Kuvendi Komunal më mbështet, jemi në bisedime për ta ndarë një parcelë me skuadrën e Llapit, do të thotë jam duke u përgatitur që ta bëjë një projekt shumë gjigant, një projekt i cili do të thotë një stadium me kriteret evropiane ku do të mund të luajnë të gjitha ndeshjet edhe të kombëtares sonë. Qëllimi im është që Llapi duhet ta ketë një stadium që do të luajë edhe kombëtarja në Llap, jo vetëm në Prishtinë, një stadium me 12 mijë ulëse për të cilin shumë shpejtë presim që të ndahet parcela dhe unë kam biseduar me njerëz nga Ministria, nga Federata edhe nga Kuvendi Komunal që më ka mbështetur këtë projekt. Besoj që projektin do ta ndajmë bashkërisht, investime edhe nga UEFA e FIFA, në të cilat kam njerëz që kam biseduar dhe më kanë kërkuar që në momentin që ndahet parcela dhe dorëzohet projekti, do të mundohen të ndajnë pjesën e mjeteve financiare”, tha Batatina.

Po ashtu, Batatina bëri të ditur se stadiumi aktual “Zahir Pajaziti” në të ardhmen do t’i shërbejë akademisë së klubit, ndërsa thumboi skuadrat rivale duke thënë “deri sa t’i përfundojnë skuadrat tjera stadiumin e parë, Llapi do të ketë stadiumin e dytë”.

“Një gjë e tillë do të bëhet shumë shpejtë, besoj që nëse më përkrah Komuna me parcelën dhe të na e ndajë zyrtarisht, ndoshta deri sa t’i përfundojnë skuadrat tjera stadiumin e parë, Llapi do të ketë stadiumin e dytë, një stadium gjigant për arsye që në këtë drejtim do të fillojnë edhe punimet, edhe mirëpres do të thotë që Llapi ta ketë stadiumin gjigant me 12 mijë ulëse, e meriton. Ky stadium i cili është këtu (Zahir Pajaziti) do të na shërbejë në momente të caktuara për akademinë e futbollit, sepse Llapi tashmë do të jetë një lokomotivë e dytë e Kosovës”, tha Batatina.

Drejtuesit e Llapit dhe Kuvendi Komunal në Podujevë janë në bisedime për parcelën e cila do t’i ndahet klubit për stadiumin e ri, lokacioni i të cilit sipas Batatinës do të jetë në fshatin Surkish. /UBTnews/

Related Topics:
Continue Reading

Sport

Gjilani rival i lehtë për Malishevën

Published

5 hours ago

on

March 12, 2025

By

Malisheva e ka mposhtur shumë lehtë Gjilanin në kuadër të xhiros së 24-të në Superligën e Kosovës në futboll.

Skuadra e trajneri Bekim Isufit ka triumfuar me rezultat 4-1 në ndeshjen që u zhvillua të mërkurën në stadiumin “Liman Gegaj” në Malishevë.

Aliu me tre gola dhe Prekazi me një ishin ata që ia siguruan tri pikë të reja skuadrës së tyre, derisa golin e vetëm për Gjilanin e realizoi Bilalli në minutën e 65’ të ndeshjes.

Me këtë fitore, Malisheva e blindon pozitën e tretë me 40 pikë, gjashtë më shumë se Gjilani i vendit të katërt.

Continue Reading

Sport

​Zyrtare, Mirel Josa largohet nga Vëllaznimi

Published

6 hours ago

on

March 12, 2025

By

Klubi i Futbollit Vëllaznimi ka njoftuar zyrtarisht se ka shkëputur bashkëpunimin me trajnerin Mirel Josa.

Në njoftimin zyrtar nuk është dhënë arsyeja e ndërprerjes së bashkëpunimit.

“KF Vëllaznimi dhe kryetrajneri Mirel Josa, sot kanë arritur marrëveshje të dy anshme për shkëputjen e bashkëpunimit. KF Vëllaznimi e falenderon kryetrajnerin Josa për bashkëpunimin dhe punën e deritanishme dhe i uron sukses në të ardhmen. Mbi të gjitha është Vëllaznimi”, thuhet një njoftimin e skuadrës gjakovare.

Pas 18 ndeshjeve të zhvilluara në Ligën e Parë, Vëllaznimi renditet në pozitën e pestë në Grupin A me 32 pikë të mbledhura.

Continue Reading

Sport

Dukagjini vazhdon krizën e thellë të Prishtinës

Published

6 hours ago

on

March 12, 2025

By

Dukagjini ka regjistruar një fitore të madhe në udhëtim te Prishtina me rezultat 1-0 në ndeshjen e vlefshme për xhiron e 24-të në Superligën e Kosovës.

Golin e vetëm në këtë ndeshje e realizoi Altin Merlaku duke ia siguruar tri pikë të reja skuadrës së trajnerit Ismet Munishi.

Kjo humbje e zhytë në krizë edhe më të thellë Pirshtinën e cila në pesë ndeshjet e fundit ka tri barazime dhe dy humbje duke mbetur në kuotën e 31 pikëve në pozitën e gjashtë, aq sa tani ka edhe Dukagjini në pozitë më poshtë, transmeton KosovaPress.

Në ndeshjen e ardhshme, klinasit e presin Dritën, teksa prishtinasit përballen me Gjilanin.

Continue Reading

Sport

​Duka thyen heshtjen për Etnik Brrutin

Published

11 hours ago

on

March 12, 2025

By

Presidenti i Federatës Shqiptare të Futbollit Armand Duka ka folur për herë të parë në lidhje me kalimin e Etnik Brrutit nga Kosova tek Shqipëria që ngjalli reagime të shumta në Kosovë.

I pari i FSHF-së ka thënë se dera e kombëtares është e hapur për të gjuthë.

“Kalimi i lojtarëve nga Kosova te Shqipëria (rasti i Brrutit) – Pashë një status të babait të lojtarit dhe mendoj që ishte i duhuri. Akuza për mua apo FSHF-në ka në të dyja drejtimet, pse e keni marrë këtë lojtar apo pse nuk e keni marrë. Edhe kur i merr, edhe kur nuk i merr, gjysma e njerëzve janë pro dhe gjysma kundër. Nëse je i bindur që ke bërë më të mirën, duhet të vazhdosh ta bësh. A e kam marrë unë Brrutin? Unë jam një nga ata që vendos për politikat e FSHF-së dhe një nga politikat tona është që dera e Kombëtares është e hapur për këdo. Ne marrim vetëm futbollistët shqiptarë, kushdo që ndihet shqiptar luan për ne”, ka thënë Duka.

“Kam marrëdhënie të mira me të gjitha federatat e Evropës, kurse me Federatën e Kosovës kam marrëdhënie vëllazërore”, ka thënë Duka.

Continue Reading

Të kërkuara