Lajmet

Deri në fund të këtij muaji s’ka letërnjoftime e patentë-shofer

Ka edhe shumë qytetarë të tjerë që nuk po arrijnë të pajisen me dokumente personale, letërnjoftim, patentë-shofer dhe pasaportë.

Published

2 years ago

November 23, 2022

Betim Gashi

Qytetarët e Kosovës po përballen me vështirësi për t’u pajisur me dokumentet personale. Ata janë të detyruar, që për shkak të mungesës së materialeve, t’i shtyjnë terminët e tyre nëpër ambasada të ndryshme. Ministri i Punëve të Brendshme, Xhelal Sveçla, ka thënë se në fund të këtij muaji, qytetarët do të mundë të pajisen me patentë-shoferë dhe letërnjoftime.

Valentina Fazliu është një ndër qytetaret e Kosovës e cila është duke pritur që për djalin e saj, 3 vjeç, të marrë pasaportën. Ajo ka planifikuar që për fundvit të udhëtojë në Gjermani, por për shkak se djali i saj nuk ka pasaportë, është detyruar t’i shtyjë terminët për vizë në ambasadë.

“Kam aplikuar për ta vazhduar afatin e pasaportës së djalit, sepse kam termin në ambasadë gjermane në janar. Më është dashur ta shtyj terminin nga 10 janari në 31 janar, sepse dëgjova dhe më thanë në MPB, se nuk ka material dhe nuk mund të bëhet, prandaj jam detyruar që ta shtyejë terminin. Kjo na kushton dhe na dëmton, sepse nuk e di a mund të mbërri a jo në termin”, deklaroi Fazliu.

Ka edhe shumë qytetarë të tjerë që nuk po arrijnë të pajisen me dokumente personale, letërnjoftim, patentë-shofer dhe pasaportë, e të cilët në mungesë të këtyre dokumenteve nuk po arrijnë që t’i realizojnë qëllimet që kanë.

Për këtë çështje është deklaruar ministri i Punëve të Brendshme, Xhelal Sfevla, duke thënë se “situata e krijuar nga lufta në Ukrainë, ka prekur edhe tregjet globale, duke prekur kështu edhe prodhuesit e dokumenteve personale. Sveçla thotë se në fund të këtij muaj, do të furnizohen me patentë-shoferë dhe letërnjoftime, ndërsa pas dy muajsh edhe me gjithsej 73 mijë pasaporta.

“Ministria e Punëve të Brendshme, është në pritje për furnizim me dokumente personale, ku në fund të këtij muaji do të furnizohemi me patentë-shoferë dhe letërnjoftime dhe pas dy muajve edhe me pasaporta,gjithsej 73 mijë copë. Është një numër i limituar ku merren pasaportat dhe ato janë emergjencat, ekziston kontrata e cila është ende valide. Me kohë janë bërë porositë, por kam thënë se është arsyeja madhore që furnitori nuk ka mundur t’i plotësojë obligimet e saj”, deklaroi ministri Sveçla.

Ndryshe Agjencia për Regjistrimin Civil që vepron në kuadër të Ministrisë së Punëve të Brendshme, përmes një njoftimi thekson se është duke i menaxhuar me kujdes të shtuar sasitë në dispozicion. Kjo po bëhet përmes analizimit të rasteve me arsyetime dhe dëshmi përmes dokumentacionit mbështetës, e duke i trajtuar si prioritet të lartë rastet e kategorive shëndetësore, pastaj studentët, mërgatën dhe përfaqësimin shtetëror.

Related Topics:leternjoftime patente-shofere

Up Next

Të shtëna në SHBA: Një burrë i armatosur ka vrarë rreth 10 persona në dyqanin Walmart

Don't Miss

Situata në veri heq nga agjenda liberalizimin e vizave

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

9 minutes ago

January 22, 2025

UBT NEWS

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Bota

Huamarrja në Mbretërinë e Bashkuar arrin nivelin më të lartë në katër vjet

Published

24 minutes ago

January 22, 2025

UBT NEWS

Huamarrja e qeverisë në Mbretërinë e Bashkuar ka arritur nivelin më të lartë në katër vitet e fundit, duke shkuar në afro 18 miliardë paund. Sipas Zyrës për Statistikat Kombëtare, huamarrja neto e sektorit publik ka arritur në 17.8 miliardë paund për muajin dhjetor, duke shënuar nivelin e tretë më të lartë për çdo dhjetor. Kjo shifër është 10.1 miliardë paund më e lartë se në të njëjtin muaj të vitit të kaluar dhe ka tejkaluar parashikimet e shumicës së ekonomistëve, të cilët kishin pritur një huamarrje prej 14.1 miliardë paund.

Rritja e huamarrjes është shpesh e lidhur me rritjen e pagesave të interesit të borxhit, një faktor që ka shtuar barrën për financat publike. Kjo situatë ka vënë nën presion Rachel Reeves, kancelaren, e cila po përballet me kritikë për rritjen e vazhdueshme të borxhit, pavarësisht premtimit të saj gjatë fushatës zgjedhore për të stimuluar ekonominë dhe për të rregulluar situatën ekonomike të vendit. Kjo huamarrje e lartë vjen pas një periudhe të gjatë të krizave ekonomike në Mbretërinë e Bashkuar, e cila ka përjetuar një rënie të ndjeshme të zhvillimit ekonomik dhe një situatë të pasigurt financiare./UBTNews/

Bota

Scholz dhe Macron takohen pas kthimit të Trump në Shtëpinë e Bardhë

Published

36 minutes ago

January 22, 2025

UBT NEWS

Kancelari gjerman Olaf Scholz do të udhëtojë në Paris më 24 janar për një takim me Presidentin francez Emmanuel Macron, vetëm dy ditë pasi Donald Trump do të marrë detyrën si president i SHBA-së. Takimi pritet të zhvillohet në Pallatin Elysee rreth mesditës, dhe në fokus të bisedimeve do të jenë pozicionimi i ardhshëm i Bashkimit Evropian ndaj Shteteve të Bashkuara, situata në Ukrainë, si dhe zhvillimet në Lindjen e Mesme.

Scholz nuk është i vetmi politikan gjerman që do të udhëtojë në Paris në këtë periudhë. Anke Rehlinger, presidente e dhomës së lartë të parlamentit gjerman, Bundesrat, ndodhet në Paris për një vizitë nga 21 deri më 24 janar, ku do të takohet me kryetarët e dy dhomave të parlamentit francez. Po ashtu, Ministri i Mbrojtjes, Boris Pistorius, do të zhvillojë një takim me homologun e tij francez, Sébastien Lecornu, më 25 janar. Takimet e këtyre liderëve kanë për qëllim forcimin e marrëdhënieve dhe koordinimin mes dy shteteve evropiane në përgjigje të sfidave globale./UBTNews/

Lajmet

Haradinaj takon Serwer: Kosova të rikthehet në partneritetin strategjik me aleatë

Published

41 minutes ago

January 22, 2025

UBTNews

Kryetari i AAK-së, Ramush Haradinaj ka takuar profesorin e marrëdhënieve ndërkombëtare dhe të politikës së jashtme Amerikane Daniel Serwer.

Ai ka njoftuar se ka zhvilluar një bisedë e gjatë dhe përmbajtësore me profesorin e marrëdhënieve ndërkombëtare dhe të politikës së jashtme Amerikane Daniel Serwer.

“Diskutuam për proceset dhe sfidat nëpër të cilat është duke kaluar Kosova. Angazhimi me dekada i Prof. Serwer në Kosovë dhe Ballkan dhe memoria institucionalë si ish diplomat në Ballkan janë shumë me vlerë për rrugën dhe përcaktimet e Kosovës dhe prioritetet që garantojnë paqen dhe sigurinë në Ballkan. E ftova z. Serwer që të vijë në Kosovë për të ndarë pikëpamjet dhe për të ofruar ndihmën e tij, që Kosova të rikthehet në partneritetin strategjik me aleatë, posaçërisht Shtetet e Bashkuara të Amerikës”, shkruan Haradinaj.