Aktualitet

Deputetja e VV-së përshkruan situatën në Samitin në Turqi: Serbia pati fjalë fyese, shtetet e rajonit nuk i duartrokitën

Published

on

Deputetja e VV-së, Fitore Pacolli ka përshkruar një situatë që ka ndodhur në Samitin në Antalia të Turqisë ku po marrrin pjesë shtetet e rajonit.

Pacolli tha se pas fjalimit që ka mbajtur përfaqësuesi i Serbisë, shtetet e rajonit dhe nikoqiri Turqia nuk i kanë duartrokitur.

“Sot në seancën plenare të Procesit të Bashkëpunimit të Evropës Juglindore që po mbahet në Antalya në Turqi, Serbia shkeli parimet e bashkëpunimit atë të gjithëpërfishjes dhe barazisë. Fjala e Serbisë ishte e papranueshme dhe fyese jo vetëm ndaj Kosovës por të gjitha shtetet tjera pjesëmarrëse. Serbia para të gjitha shteteve tregoi se nuk është e gatshme për bashkëpunim rajonal sepse akoma udhëhiqet nga njerëz që dikur ishin pjesë e qeverisë së Millosheviçit. Turqia, Shqipëria, Kroacia, Mali i Zi, Maqedonia e Veriut, Sllovenia në notë proteste nuk i duartrokitën Serbisë dhe qasjes së saj destructive”, ka shkruar Pacolli.

Postimi i plotë:

SOT NUK KISHTE DUARTROKITJE PËR SERBINË!

Sot në seancën plenare të Procesit të Bashkëpunimit të Evropës Juglindore që po mbahet në Antalya në Turqi, Serbia shkeli parimet e bashkëpunimit atë të gjithëpërfishjes dhe barazisë. Fjala e Serbisë ishte e papranueshme dhe fyese jo vetëm ndaj Kosovës por të gjitha shtetet tjera pjesëmarrëse. Serbia para të gjitha shteteve tregoi se nuk është e gatshme për bashkëpunim rajonal sepse akoma udhëhiqet nga njerëz që dikur ishin pjesë e qeverisë së Millosheviçit. Turqia, Shqipëria, Kroacia, Mali i Zi, Maqedonia e Veriut, Sllovenia në notë proteste nuk i duartrokitën Serbisë dhe qasjes së saj destructive.

Unë, në cilësinë e Kryesuese dhe në emër të Delegacionit nga Kosova kërkova t’i përgjigjem Serbisë. Deklarimi im: Dje iu drejtova në gjuhën angleze por tani po zgjedhi t’iu drejtohem në gjuhën shqipe në gjuhën të cilën shteti serb me dekada është përpjekur ta shuan. Ne anëtarët e delegacionit të Prishtinës që jemi prezent sot, dua të ju njoftoj, se ne e kemi parë vdekjen me sy kur ushtria serbe ka sulmuar pamëshirshmën Kosovën. Ne ishim fëmijë atëherë.

U detyruam të ikim nga shtëpitë tona. Serbia ka vrarë të afërmit, shokët e shoqet tona. Ka masakruar fëmijë e gra. Serbia ka dhunuar mbi 20.000 gra. Nënkryetarja e Kuvendit të Kosovës, Saranda Bogujevci, e cila iu drejtua me një fjalë rasti sot në këtë Asamble ka pasur mundësi të drejtohet me një gjuhë tjetër ndaj Serbisë. Ajo ishte 13 vjeç kur në trupin e saj u shkrepën dhjetëra plumba. Ajo mbijetoi përkundër se në trupin e saj të njomë kishte 16 plumba. Por, ajo zgjodhi gjuhën e bashkëpunimit. Për ne është vështirë të ulemi e të flasim për bashkëpunim me Serbinë e cila na ka vrarë e masakruar dhe akoma nuk ka kërkuar falje për atë që ka bërë. Por, ne kemi zgjedhur gjuhën e bashkëpunimit sepse besojmë që rruga jonë e vetme drejt të ardhmes është përmes bashkëpunimit.

Falemnderit të gjithë përfaqësuesve të shteteve pjesëmarrëse për reagimin që patët karshi gjuhës së papranueshme të Serbisë e cila shkeli prarimin e barazisë dhe gjithëpërfshirjes. Ne zgjodhëm që këtu të mos përmendim padinë që do të bëjë shteti i Kosovës ndaj Serbisë për gjenocidin që ka bërë në Kosovë. Ne e njohim shumë mirë Serbinë ashtu siç e njeh edhe Bosnja, Kroacia, dhe Slovenia. Sjellja e Serbisë ishte një dëshmi e mirë për të gjithë ju që jeni prezent në këtë takim për të kuptuar se kush është për bashkëpunim rajonal, për avancim e për respektim të njëri-tjetrit e kush është kundër bashkëpunimit dhe minon çdo nismë të mirë rajonale. Prandaj, duhet ta kuptojme dhe të bashkëpunojmë ngusht me njëri tjetrin që ta ndalim qasjen destruktive të Serbisë.

Ne duhet të bashkohemi për paqe e zhvillim. Serbia duhet të ndryshoj e të kërkoj falje për gjenocodin që ka bërë në Kosovë dhe Bosnje si dhe për viktimat në Kroaci.

Bota

Deputetja konservatore Julia Klockner zgjidhet presidente e Bundestagut

Published

on

Deputetja konservatore gjermane Julia Klockner është zgjedhur presidente e Bundestagut, Dhoma e Ulët e parlamentit gjerman, në ditën e parë të seancës së re legjislative. Klockner, 52 vjeç, mori një shumicë votash menjëherë pas mbledhjes së Bundestagut të ri në Berlin, pas zgjedhjeve të muajit të kaluar.

Presidenca e Bundestagut është zyra e dytë më e lartë shtetërore në Gjermani, pas presidencës federale. Sipas protokollit, ky pozicion është më i lartë se ai i kancelarit. Kjo pozitë tradicionalisht mbushet nga grupi më i madh parlamentar, dhe në këtë seancë të re, ai përfaqësohet nga blloku i qendrës së djathtë CDU/CSU, i përbërë nga kristiandemokratët e Friedrich Merz dhe Unioni Kristiansocial në Bavari.

Si presidente, Klockner do të hapë dhe mbyllë seancat, do të thërrasë çështje të biznesit dhe do t’u japë ligjvënësve leje për të folur. Klockner, nga shteti perëndimor i Rheinland-Pfalz, është gruaja e katërt që mban këtë pozicion./UBTNews/

Continue Reading

Bota

Vuçiq sonte me Von der Leyen dhe Kostën, mes protestave dhe krizës në Serbi

Published

on

Presidenti i Serbisë, Aleksandar Vuçiç, do të takohet të martën në Bruksel për një darkë pune me Presidenten e Komisionit Evropian, Ursula von der Leyen, dhe presidentin e Këshillit Evropian, Antonio Costa, në një moment të tensionuar politik dhe shoqëror në Serbi. Takimi, i planifikuar për të adresuar çështje të rëndësishme, vjen pas protestave masive që kanë tronditur qeverinë serbe dhe një krizë të thellë politike, pas dorëheqjes së Vuçiçit nga udhëheqësia e Partisë Progresive Serbe (SNS) vitin e kaluar.

Përgjigja ndaj këtij takimi është kritikuar nga një grup prej 32 eurodeputetësh, të cilët dërguan një letër të hapur Presidentes Von der Leyen, duke theksuar se ky takim po dërgon një “sinjal të dëmshëm” në një kohë kur situata politike në Serbi është në një krizë të thellë. Eurodeputetët kanë shprehur shqetësim për mënyrën se si BE-ja mund të perceptohet në këtë periudhë të tensioneve, duke theksuar se kjo mund të forcojë idenë se Bashkimi Evropian po injoron kthimin demokratik në Serbi dhe po largon popullin serb nga procesi evropian.

Në letrën drejtuar Komisionit Evropian, ata shprehen se një takim me Vuçiçin në këtë moment kritik mund të dëmtojë besueshmërinë e BE-së në Ballkanin Perëndimor, duke e kthyer këtë takim në një mundësi për të forcuar perceptimin negativ në lidhje me përpjekjet e BE-së për të nxitur demokracinë dhe për të mbështetur një kthim të realitetit politik të Serbisë në rrugën e integrimit evropian.

Në të njëjtën kohë, situata politike në Serbi është përkeqësuar pasi një valë protestash studentore dhe qytetare ka shpërthyer, duke kërkuar dorëheqjen e qeverisë dhe një ndëshkim për dhunën ndaj studentëve. Ky tension është përkeqësuar me dorëheqjen e kryeministrit të mëparshëm, Millosh Vuçević, që u largua nga detyra pas skandalit të dhunës fizike ndaj studentëve nga anëtarët e SNS-së.

Vuçiç, i cili aktualisht është në Bruksel, është përballur me një sfidë politike të rëndë, pasi duhet të emërojë një kryeministër të ri deri më 18 prill. Nëse nuk arrin të bëjë këtë, ai do të detyrohet të shpërndajë Kuvendin Kombëtar dhe të shpallë zgjedhje të parakohshme parlamentare, të cilat duhet të mbahen deri në fillim të qershorit.

Protestat dhe situata e pasigurisë politike janë pjesë e një atmosfere të tensionuar që ka përfshirë Serbinë dhe ka tërhequr vëmendjen e opozitës dhe lëvizjeve civile, të cilat kërkojnë një “qeveri të besimit popullor” që do të përgatiste kushte të drejta për zgjedhje të lira dhe të ndershme brenda një viti. Opozita është e shqetësuar se takimi i Vuçiçit me von der Leyen mund të dërgojë një mesazh të gabuar në lidhje me qëndrimin e BE-së ndaj krizës në Serbi, duke theksuar se është koha për një qasje më objektive dhe të balancuar nga ana e Komisionit Evropian./UBTNews/

 

Continue Reading

Bota

Lukashenko betohet për mandatin e shtatë, teksa sundimi i tij dënohet si ‘antikushtetues’

Published

on

Presidenti i Bjellorusisë, Aleksandr Lukashenko, u betua të martën për mandatin e tij të shtatë si president, ndërkohë që sundimi i tij u cilësua si “antikushtetues” nga organizatat për të drejtat e njeriut. Lukashenko fitoi mbi 86% të votave në zgjedhjet presidenciale të 26 janarit, të cilat janë dënuar gjerësisht nga vendet perëndimore si një farsë, duke u zhvilluar në një atmosferë të thellë frike dhe shtypjeje.

Në një komunikatë të përbashkët të dhjetë organizatave bjelloruse për të drejtat e njeriut, u theksua se zgjedhjet u mbajtën në kushte të një krize të thellë të të drejtave të njeriut, ku shoqëria civile, mediat e pavarura, opozita dhe çdo kundërshtar i regjimit ishin nën shtypje të vazhdueshme. Kjo u pasua nga protestat që u zhvilluan në disa shtete evropiane, përfshirë Lituaninë, Poloninë dhe Republikën Çeke, për të shënuar Ditën e Lirisë së Bjellorusisë.

Në ceremoninë e betimit që u mbajt në kryeqytetin Minsk, Lukashenko e hodhi poshtë çdo kritikë ndaj zgjedhjeve dhe shpalli se procesi zgjedhor ishte i ligjshëm dhe i drejtë, pavarësisht denoncimeve të brendshme dhe ndërkombëtare. Pas zgjedhjeve të kontestuara të vitit 2020, që i dhanë Lukashenkos një mandat të katërt, protesta të masive shpërthyen në vend, por ato u shtypën me dhunë, duke rezultuar në arrestime masive, tortura dhe vdekjen e disa personave.

Përveç kritikave të brendshme dhe ndërkombëtare, shumë figura të opozitës janë detyruar të ikin jashtë vendit ose janë burgosur nga regjimi. Ndërkohë, Rusia, aleati më i ngushtë i Bjellorusisë, ka mbështetur hapur Lukashenko-n dhe ka hedhur poshtë çdo akuzë për manipulimin e zgjedhjeve.

Në zgjedhjet e janarit, Lukashenko garoi kundër katër kandidatëve të tjerë, të cilët gjithashtu mbështetën politikat e tij, duke përjashtuar çdo mundësi për një opozitë të vërtetë. Opozita bjelloruse, e cila feston përvjetorin e shpalljes së pavarësisë më 25 mars, kërkon vazhdimisht dorëheqjen e Lukashenkos dhe ka dënuar vazhdimësinë e sundimit të tij autoritar./UBTNews/

Continue Reading

Bota

Dhjetëra të arrestuar për “fyerje” ndaj Erdoganit ndërsa protestat vazhdojnë

Published

on

Autoritetet turke kanë arrestuar 55 persona për akuzën e fyerjes ndaj presidentit Recep Tayyip Erdogan dhe familjes së tij gjatë protestave që shpërthyen pas arrestimit të rivalit të tij kryesor, kryebashkiakut të Stambollit, Ekrem Imamoglu, njoftuan mediet shtetërore.

Të arrestuarit dyshohet se kanë marrë pjesë në “demonstrata të paautorizuara” që u mbajtën të dielën në mbrëmje para zyrës së kryebashkiakut të pezulluar të Stambollit, Ekrem Imamoglu. Një grup njerëzish është akuzuar për fyerje ndaj nënës së ndjerë të Erdoganit, duke postuar pamje që shfaqin këtë fyerje në rrjetet sociale. Megjithatë, këto video nuk mund të verifikohen në mënyrë të pavarur.

Ministri i Brendshëm, Ali Yerlikaya, dënoi ashpër fyerjet ndaj Erdoganit dhe nënës së tij të ndjerë, duke i cilësuar ato si një “sulm të turpshëm” ndaj vlerave morale. Ai gjithashtu raportoi se më shumë se 1,000 njerëz janë arrestuar në lidhje me protestat që shpërthyen pas ndalimit të Imamoglu më 19 mars, për të cilin janë ngritur akuza korrupsioni dhe terrorizmi.

Imamoglu, i cili është ende nën burg, reagoi ndaj fyerjeve përmes një postimi në platformën X, duke dënuar çdo formë dhune verbale, por duke u zotuar të luftojë me të gjitha mjetet ligjore kundër asaj që ai e quajti “grusht shteti”.

Për gjashtë netë radhazi, mijëra protestues janë grumbulluar në rrugët e qyteteve të ndryshme të Turqisë, duke sfiduar ndalimin e protestave dhe duke kërkuar lirimin e Imamoglu. Pavarësisht se është në burg, Partia Popullore Republikane (CHP), e cila përfaqëson opozitën laike, e ka nominuar Imamoglu si kandidatin e saj për president.

Në përgjigje të këtyre protestave, qeveria e Erdoganit ka përdorur forcën policore, duke ndërhyrë në Stamboll dhe Ankara, duke etiketuar demonstratat si “terror në rrugë”. Trazirat kanë pasuar pasojat edhe në tregjet financiare turke, duke shkaktuar një rënie të mëtejshme të lirës turke.

Ekonomisti Mahfi Egilmez theksoi se “turbulenca” që ka pasuar këtë periudhë ka çuar në humbje të mëdha në bursën turke, duke krijuar një situatë të pasigurt ekonomike për vendin./UBTNews/

 

Continue Reading

Të kërkuara