Deputetja afgane, Mursal Nabizada, vritet nga persona të armatosur në shtëpinë e saj në Kabul

Ajo ishte një nga të paktat deputete që qëndruan në Kabul pasi talibanët morën pushtetin.

Published

2 years ago

January 16, 2023

UBT news

Një ish-deputete afgane dhe truproja e saj janë qëlluar për vdekje në shtëpinë e saj në Kabul, ka thënë policia afgane.

Mursal Nabizada, 32 vjeç, ishte një nga të paktat deputete femra që qëndruan në Kabul pasi talibanët morën pushtetin në gusht të vitit 2021.

Vëllai i saj dhe një roje e dytë e sigurisë u plagosën në sulm të dielën.

Ish-kolegët e vlerësuan zonjën Nabizada si një “kampione e patrembur për Afganistanin”, e cila refuzoi mundësinë për t’u larguar nga vendi.

Që kur talibanët u kthyen në pushtet në vitin 2021, gratë janë larguar nga pothuajse të gjitha fushat e jetës publike.

Zëdhënësi i policisë së Kabulit, Khalid Zadran tha se forcat e sigurisë kishin nisur një hetim serioz për incidentin.

Ish-deputetja Mariam Solaimankhil tha se zonja Nabizada ishte “një pioniere e vërtetë – një grua e fortë, e hapur, e cila qëndronte për atë në të cilën ajo besonte, edhe përballë rrezikut”.

“Pavarësisht se iu ofrua mundësia të largohej nga Afganistani, ajo zgjodhi të qëndrojë dhe të luftojë për popullin e saj”, shkroi ajo në Twitter.

Zonja Nabizada u zgjodh deputete nga Kabuli në vitin 2018 dhe qëndroi në pushtet deri në marrjen e pushtetit nga talibanët. Ajo ka qenë anëtare e komisionit parlamentar të mbrojtjes.

Hannah Neumann, një anëtare e Parlamentit Evropian, tha: “Jam e trishtuar dhe e zemëruar dhe dua që bota ta dijë!” në përgjigje të vrasjes.

“Ajo u vra në errësirë, por talibanët ndërtuan sistemin e tyre të aparteidit gjinor në dritën e plotë të ditës”./UBTNews/

Valë e të nxehtit ekstrem godet Spanjën

Published

6 hours ago

May 28, 2025

Albina Zeneli

Estonia nis revolucionin digjital në shkolla: Inteligjenca Artificiale, pjesë e çdo klase

Published

10 hours ago

May 28, 2025

Albina Zeneli

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Bota

Izraeli bombardon shtëpinë e gazetarit në Gaza – 8 të vdekur

Published

13 hours ago

May 28, 2025

UBTNews

Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.

Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.

Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.

Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.

Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.