Lajmet
Depp-Heard: Si u bë abuzimi ndaj Amber Heard i pranueshëm në internet?
Përmbajtja e mesazheve nuk është e rëndësishme – aq sa ka ndikim abuzimi që është publik.
“Njerëzit duan të më vrasin dhe këtë ma thonë çdo ditë”, u shpreh Amber Heard para gjykatësve teksa dha dëshminë e saj në rastin me Johnny Depp.
Pavarësisht rezultatit të këtij procesi gjyqësor, pavarësisht asaj se cilës palë i besoni, fushata kundër saj që po bën jehonë çdo ditë në rrjete sociale – që ajo “ngacmohet, poshtërohet, kërcënohet çdo ditë” – është e pamohueshme.
“Marr qindra kërcënime me vdekje rregullisht, nëse jo në baza ditore, qysh prej kur filloi ky proces gjyqësor, njerëz që tallen me dëshminë time për sulmin”, tha ajo në seancë.
Përmbajtja e mesazheve nuk është e rëndësishme – aq sa ka ndikim abuzimi që është publik, mizogjinia në masë, me hashtags #AmberTurd.
Ndërsa në anën tjetër, fansat e Depp të veshur sikurse Captain Jack Sparrow (roli i Depp në filmin “Pirates of Caribbean” qëndronin jashtë gjykatës dhe fushata #JusticeForJohnnyDepp po mbizotëron online. Ky hashtag ka mbledhur miliarda shikues në TikTok krahasuar me vetëm disa milionë për #IStandWithAmberHeard. Dhe mbi 740 mijë njerëz nënshkruan një peticion online duke i bërë thirrje atij të kthehet në rolin e tij në “Pirates Of The Caribbean”.
Sigurisht, shumë njerëz e besojnë në heshtje Depp. Dhe shumë e besojnë në heshtje Heard. Dhe shumica thjesht nuk dinë çfarë të bëjnë me këtë rast apo duhet shumë kujdes. Por për disa që kanë mbajtur anën e Depp – të paktën në internet – besnikëria mund të shprehet në mënyrat më të egra.
Dhe për Depp, ky rast ka të bëjë me fitimin e luftërave në Twitter po aq sa me fitoren në sallën e gjyqit, sipas Ann Olivarius, një avokate amerikano-britanike e specializuar në rastet e procesit gjyqësor civil, diskriminimit seksual dhe ngacmimeve seksuale, sulmeve dhe abuzimeve. Gjykata nuk e di nëse reputacioni i tij në industri është dëmtuar, por në opinionin publik ai duket fitimtar.
“Ky është cirk”
“Pse një person që humbet thellësisht në Britani do të shkonte në Amerikë për të ngritur një çështje që është në thelb i njëjti rast?” Olivarius i tha Sky News, duke iu referuar çështjes së pasuksesshme të Gjykatës së Lartë të Depp kundër The Sun në vitin 2020.
“Është gjithçka rreth rrjeteve sociale. Për të, ky është cirk. Është e turpshme për mua si avokate ta shoh se si po zhvillohet rasti. Është poshtërim ndaj saj, degradim. Dhe mund ta shihni luftën në Twitter, që tregon se për çfarë bëhet fjalë në të vërtetë”, deklaroi ajo.
“Avokatët e Depp po përdorin një sërë burimesh për ta dërguar mesazhin se ajo është një grua e thyer, e paqëndrueshme, psikopate dhe nuk është e besueshme”, shtoi mes tjerash ajo.
“Janë 9.8 miliardë mbështetës të Johnny Depp në Twitter, dhe 3.6 milionë mbështetës të Amber Heard. Dhe hashtags janë kryesisht #AmberHeardIsAPsychopath, #AmberHeardIsALiar. Këto gjëra mund të ndikojnë në shëndetin mendor të saj, duke vënë në dyshim mirëqenien e saj. Asnjëra nga këto nuk i drejtohet Johnny Depp”, deklaroi ajo më tej.
“Depp u ka borxh fansave një çek”
Gazetari amerikan, Ronse Esangbedo thotë se fushata pro-Depp ka pasur një ndikim: “Baza e fansave të Depp ka vepruar si krahu i tij i jashtëm i PR-it, #JusticeForJohnnyDepp ka qenë me të vërtetë e famshme në Twitter… duke krijuar simpati për Johnny Depp, kështu që unë mendoj se ai u detyrohet atyre një çek ose dy”.
Eksperti i jetës së të famshëmve, Jeetendr Sehdev thotë se rasti dhe reagimi ndaj tij mund të kenë një ndikim negativ te viktimat e dhunës në familje dhe te gatishmëria e tyre për të folur.
“Ne kemi parë që Amber Heard është shumë viktimë në këtë rast, dhe ne duhet t’u besojmë viktimave kur ato thonë se po abuzohen – një nga diskutimet ka qenë se pse viktimat nuk flasin sepse shpesh nuk janë duke u besuar, kështu që unë mendoj se duhet ta bëjmë atë ndryshim”, deklaroi ai.
Johnny Depp dhe Amber Heard u njohën në vitin 2009 gjatë xhirimeve të filmit “The Rum Diary”. Ai bazohej në një libër të Hunter S.Thompson, dhe përshkruan fatkeqësitë e nxitura nga alkooli të shkrimtarit Paul Kemp (të luajtur nga Johnny Depp), i cili është i fiksuar pas Chenault (Amber Heard)./UBTNews/
Qeveria miraton vendime preliminare për shpronësime në disa projekte infrastrukturore
Nëse kualifikohet në botëror, Kosova fiton rreth 10.5 milionë dollarë
Gjilani ndalon përdorimin e fishekzjarreve
Paris Saint-Germain fiton trofeun e gjashtë sezonal pas një drame penalltish ndaj Flamengos
TikTok nënshkruan marrëveshje për ndarjen e aseteve në ShBA
Mbappe dhe Endrick udhëhoqën sulmin e Real Madrid në Copa del Rey
REL: SHBA-ja kërkon zbatimin e Marrëveshjes së Ohrit mes Kosovës dhe Serbisë
FIFA ndryshon kategoritë e biletave pas kritikave për çmimet e larta përpara Kupës së Botës 2026
Inter Miami ia mbyll dyert Lewandowskit
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Lajmet3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Vendi3 months agoNë UBT diplomon ushtaraku i FSK-së, Major Vilson Musaj