Kronikë e zezë

Dënohet polici gjerman që lidhi dhe rrahu brenda stacionit një burrë nga Kosova

Një pjesëtar i policisë së Gjermanisë është dënuar me nëntë muaj me kusht pasi kishte ushtruar dhunë fizike ndaj një burri nga Kosova.

Published

5 years ago

on

Ngjarja kishte ndodhur në janar të vitit 2019, ku zyrtari policor i cili i takon krahut të djathtë ekstrem “Alphateam”, brenda stacionit policor në Muhlheim e kishte goditur disa me grusht në fytyrë kosovarin me nënshtetësi gjermane.

Siç raporton Policia e Kolnit, polici e kishte lidhur kryefamiljarin shqiptar pas një debati të zëshëm që kishin pasur lidhur me ushtrimin e dhunës në familje.

Sipas deklaratës së policit që kishte ushtruar dhunë ndaj burrit nga Kosova për këto goditje ishte se ishte i mbingarkuar nga pozita e vështirë ku ndodhej, në vendin e ngjarjes.

Zëdhënësi i Prokurorisë së Duisburgut, Andreas Kunze, ka thënë për gazetën “Kolner Stadt Anzeiger” se i dyshuari e kishte pranuar fajësinë lidhur me rastin.

Zyra e Prokurorit Publik në Duisburg po e heton atë gjithashtu për shkak të përfshirjes së tij në grupin ekstremist të krahut të djathtë “Alphateam”.

Kolegja e të pandehurit e kishte ndihmuar atë në mbulimin e sulmit për një vit e gjysmë duke bërë deklarata të rreme. Gjykata e Qarkut tashmë ka dënuar komisaren e policisë me shtatë muaj burg, me kusht.

Ende janë duke vazhduar hetimet kundër dy drejtuesve të grupeve të shërbimit të cilët ngarkohen se nuk kanë raportuar incidentin.

Related Topics:
Continue Reading

Lajmet

11 të arrestuar në Pozheran të Vitisë, dyshohen për organizim të bixhozit të kundërligjshëm

Published

3 hours ago

on

June 4, 2026

By

Një aksion policor i zhvilluar në fshatin Pozheran të Vitisë ka rezultuar me arrestimin e 11 personave, të dyshuar për përfshirje në organizimin e bixhozit të kundërligjshëm.

Sipas Policisë, aksioni është realizuar pas pranimit të informacioneve relevante dhe zhvillimit të veprimeve hetimore në koordinim me Prokurorin e Shtetit. Më 4 qershor, njësitet policore kanë kryer bastisje në një lokacion ku dyshohej se po ushtrohej veprimtari e paligjshme.

Gjatë kontrollit, janë arrestuar 11 persona të dyshuar, ndërsa janë sekuestruar edhe prova materiale që lidhen me veprën penale “Organizimi i skemave piramidale dhe bixhozit të kundërligjshëm”.

Autoritetet kanë bërë të ditur se provat e mbledhura do të shërbejnë si dëshmi në procedurën penale ndaj të dyshuarve.

Me vendim të Prokurorit të Shtetit, rasti është proceduar në Prokurorinë Themelore në Gjilan dhe do të trajtohet në procedurë të rregullt gjyqësore.

Continue Reading

Lajmet

Dy shtetas të Serbisë ndalohen, gjenden dokumente të dyshuara të falsifikuara

Published

6 hours ago

on

June 4, 2026

By

Në pikëkalimin kufitar SPK Jarinje, më 03.06.2026 rreth orës 13:35, një njësi policore ka ndaluar një veturë me targa të Serbisë, në të cilën ndodheshin dy meshkuj shtetas të Serbisë.

Gjatë kontrollit të detajuar të automjetit dhe dokumentacionit, zyrtarët kanë hasur në disa dokumente të cilat dyshohet se janë të falsifikuara. Pas zbulimit të tyre, është bërë menjëherë sekuestrimi i dokumenteve në konsultim me prokurorin kompetent.

Në vijim të procedurave, dy personat janë intervistuar në cilësi të dëshmitarëve lidhur me rastin, ndërsa autoritetet kanë ndërmarrë veprimet e nevojshme ligjore dhe hetimore për trajtimin e situatës.

Pas inicimit të rastit dhe përfundimit të procedurave fillestare, të dy personat janë liruar në procedurë të rregullt, ndërsa rasti mbetet nën hetime të mëtejshme nga organet kompetente për zbardhjen e plotë të rrethanave.

Continue Reading

Lajmet

Sekuestrohen armë dhe narkotikë në aksione policore në Kosovë

Published

8 hours ago

on

June 4, 2026

By

Policia e Kosovës ka sekuestruar armë dhe substanca narkotike në disa aksione të zhvilluara në Graqanicë, Ferizaj dhe Vushtrri.

Në Graqanicë, gjatë një tentimi për kontroll policor, një i dyshuar është larguar duke ikur nëpër oborre shtëpish dhe duke hedhur sende gjatë arratisjes. Në vendngjarje, policia ka gjetur dhe sekuestruar një pistoletë me një fishek, si dhe një sasi të vogël të substancës së dyshuar narkotike. I dyshuari është arrestuar dhe më pas është liruar në procedurë të rregullt me vendim të prokurorit.

Në Ferizaj, njësitë policore kanë identifikuar një person të dyshuar për shitblerje të narkotikëve, i cili është larguar me veturë sapo ka vërejtur policinë. Në afërsi të vendit të ngjarjes është gjetur dhe sekuestruar 188.9 gramë substancë e dyshuar narkotike e llojit marihuanë, me vlerë rreth 2 mijë euro. I dyshuari është në kërkim policor dhe hetimet po vazhdojnë.

Në Vushtrri, është arrestuar një person tek i cili është gjetur një armë e gjatë M48 me tre fishekë. Arma është sekuestruar, ndërsa pas intervistimit, me vendim të prokurorit i dyshuari është liruar në procedurë të rregullt.

Continue Reading

Lajmet

Dy të arratisur nga Qendra Edukuese Korrektuese kapen dhe kthehen në qendër

Published

8 hours ago

on

June 4, 2026

By

Në Lipjan, më 03.06.2026 rreth orës 21:28, është raportuar arratisja e dy personave nga Qendra Edukuese Korrektuese në Lipjan, pasi zyrtarët korrektues kanë njoftuar për largimin e tyre nga institucioni.

Pas pranimit të informatës, janë ndërmarrë menjëherë veprime taktiko-operative nga autoritetet përkatëse me qëllim lokalizimin dhe kapjen e të dyshuarve.

Si rezultat i veprimeve në terren, të dy personat janë identifikuar, janë kapur dhe më pas janë kthyer sërish në Qendrën Edukuese Korrektuese në Lipjan.

Rasti është menaxhuar nga institucionet përgjegjëse, ndërsa rrethanat e arratisjes mbeten nën trajtim.

Continue Reading

Të kërkuara