Lajmet

Deliu-Kodra: Qeveria e papërgjegjshme e ka humbur rrugën

Deliu-Kodra insiston që deputetët t’i ndërpresin pushimet: Gjendja është e rëndë, Ligjin për buxhetin të ndryshojë

Published

5 years ago

on

Deputetja e Partisë Demokratike të Kosovës (PDK) Blerta Deliu-Kodra në një prononcim për Ekonomia Online ka thënë se kryetari Memli Krasniqi i ka dërguar letër të hapur kryeministrit Kurti për shkak të pafuqisë së Qeverisë për të menaxhuar me pandeminë.

Ajo me tej ka sqaruar se po tentojnë të bëjnë një front opozitar që të tejkalohet kjo gjendje e rëndë me pandeminë.

Tutje, ajo tha se është kohë e rëndë për vendin andaj Qeveria duhet të marrë masa karshi kësaj situate.

Deliu-Kodra kërkon që sa më shpejt t’i kthehen punës në Parlament për të kërkuar nga Qeveria ndryshimin e Ligjit për buxhet.

“Kryetari i PDK Memli Krasniqi ka pasur një letër të hapur drejtuar kryeministrit Kurti pikërisht për shkak të pafuqisë së Qeverisë për të menaxhuar me pandeminë. Kemi një rritje të përshkallëzuar të rasteve. Është kohë e rëndë për Kosovën është kohë e rëndë të menaxhimit të pandemisë prandaj ne konsiderojmë që Qeveria duhet së më parë të merr masa karshi kësaj situatë të rëndë”.

“Zotëri Krasniqi ka qartësuar që po tentojmë të bëjmë një front opozitar bashkërisht me forcat tjera të opozitës duke parë papërgjegjësinë e Qeverisë e cila e ka humbur rrugën në kuptimin e menaxhimit të pandemisë në kuptimin e masave dhe të këtij numri që është çdo ditë në rritje. Në momentin politik në të cilin jemi natyrisht nuk ka asgjë më të rëndësishme se jeta e qytetarëve të Kosovës. Ne jemi të gjithë përfaqësues politik dhe duhet të kemi brengë shqetësim në këtë situatë në të cilën po kalon vendi tejet të rënduar”.

“Është momenti i fundit që situata të kthehet në binar të saj dhe t’i kthehemi punës tona në Parlament. Jemi të interesuar t’i përfundojmë pushimet dhe t’i kthehemi punës tonë në Parlament për të kërkuar nga Qeveria ndryshimin e Ligjit për buxhet. Në rishikimin e buxhetit fare nuk është shqyrtuar çështja e masave të cilat duhet t’i marrë vendi”.

Sipas saj, ministri i Shëndetësisë Arben Vitia duhet të bartë përgjegjësinë për të cilin ka mandat dhe të ketë fokus jetën e qytetarëve.

“Unë mendoj që duhet të ketë minimumin e korrektësisë politike që ai së pari të bartë përgjegjësi për të cilin ka mandat. Zotëri Vitia ka një prej pozitave më të rëndësishme bartëse i ministrisë së Shëndetësisë e sidomos në aktualitetin politik ku e gjithë vëmendja është e përqendruar te pandemia”, tha ajo për EO.

“E para e punës që ai të ketë fokus orientimin në të mirë të qytetarëve për të përmisuar shërbimet e imunizimit për të arritur një imunizim të hershëm dhe këto masa të cilat Qeveria i ka marrë çdo dy javë të kenë mekanizmat implementues prandaj unë besoj që kthimi në Parlament i opozitës do ta rrisë fokusin edhe më shumë sepse nuk shoh gatishmëri të qeveris Kurti për t’i adresuar këto sfida. Duket fare e humbur në hapësirë dhe e paaftë për të menaxhuar me situatën në të cilën e ka sjellë vendin”.

Related Topics:
Continue Reading

Lajmet

AAK: Ejani ta votojmë Ligjin për Specialen

Published

2 minutes ago

on

October 6, 2026

By

Shefi i Grupit Parlamentar të AAK-së, Besnik Tahiri, u ka bërë thirrje publike të gjithë deputetëve të Kuvendit të Kosovës që të mblidhen urgjentisht për të votuar ndryshimet në Ligjin për Dhomat e Specializuara dhe Zyrën e Prokurorit të Specializuar.

Përmes një konference për media të mbajtur në ambientet e Kuvendit, Tahiri theksoi se kanë mbetur vetëm edhe 13 orë nga afati për të votuar këtë ligj dhe për të përmbyllur procesin.

“Jemi në Kuvend kur kanë mbetur edhe 13 orë deri te mundësia e votimit të Ligjit të Dhomave të Specializuara dhe konstituimit të plotë të vendit. Nga këtu, në emër të GP të Aleancës, u bëjmë thirrje kolegëve deputetë: ejani menjëherë në Kuvend ta votojmë Ligjin e Dhomave të Specializuara dhe Zyrës së Prokurorit Special, të bashkohemi sot gjithmonë në anën e drejtë të historisë rreth UÇK-së, vlerës më të lartë kombëtare. Kosova na thërret”, deklaroi Tahiri. /E.A/

Continue Reading

Lajmet

Haxhiu kërkon sqarim nga Kushtetuesja për kompetencat presidenciale pas skadimit të mandatit

Published

8 minutes ago

on

October 6, 2026

By

Ushtruesja e detyrës së presidentit të Kosovës, Albulena Haxhiu, i është drejtuar Gjykatës Kushtetuese për të kërkuar sqarim se kush mund t’i ushtrojë kompetencat presidenciale pas përfundimit të mandatit të saj gjashtëmujor, nëse Kuvendi nuk arrin ta zgjedhë presidentin e ri.

Këtë e konfirmoi Zyra e Presidentes në një përgjigje me shkrim për Radion Evropa e Lirë më 6 tetor – në ditën kur skadon afati për zgjedhjen e presidentit të ri.

Sipas Zyrës, Haxhiu e ka dorëzuar kërkesën në Gjykatën Kushtetuese më 5 tetor, duke u thirrur në nenin 113, paragrafi 3, nënparagrafi 1 i Kushtetutës.

“Kemi kërkuar të përcaktohet se si dhe nga kush ushtrohen kompetencat e domosdoshme presidenciale pas përfundimit të periudhës gjashtëmujore, kur presidenti i ri ende nuk është zgjedhur”, tha Zyra e Presidentes për REL-in.

Continue Reading

Lajmet

Gjeneral Jashari pret në takim lamtumirës komandantin e KFOR-it, Gjeneral Major Özkan Ulutaş

Published

20 minutes ago

on

October 6, 2026

By

Komandanti i Forcës së Sigurisë së Kosovës (FSK), Gjenerallejtënant Bashkim Jashari, ka pritur sot në një takim lamtumirës komandantin e KFOR-it, Gjeneral Major Özkan Ulutaş, me rastin e përmbylljes së misionit të tij ushtarak në Kosovë.

Gjatë takimit, dy krerët ushtarakë diskutuan për situatën e përgjithshme të sigurisë në Kosovë dhe rajon, si dhe për rëndësinë e bashkëpunimit dhe koordinimit të vazhdueshëm ndërmjet FSK-së dhe KFOR-it. Ata vlerësuan lart nivelin e partneritetit ndërinstitucional, duke theksuar nevojën për avancimin e mëtejshëm të bashkëpunimit profesional dhe operacional përmes angazhimeve të përbashkëta dhe shkëmbimit të përvojave.

Gjenerallejtënant Jashari shprehu mirënjohjen e tij për rolin dhe kontributin e KFOR-it në ruajtjen e paqes dhe stabilitetit në vend, duke riafirmuar përkushtimin e FSK-së për forcimin e mëtejshëm të raporteve dypalëshe.

Në përmbyllje të takimit, komandanti i FSK-së i uroi gjeneralit Ulutaş shëndet dhe suksese në marrjen e detyrave dhe përgjegjësive të reja ushtarake./E.A/

Continue Reading

Lajmet

Dyshohet se Policia përdori gaz lotsjellës me afat të skaduar mbrëmë: Cilat janë rreziqet dhe efektet e tij shëndetësore?

Published

1 hour ago

on

October 6, 2026

By

Gjatë përplasjeve të mbrëmshme mes protestuesve dhe Policisë së Kosovës para Kuvendit, ku forcat e rendit përdorën gaz lotsjellës dhe topa uji për të shpërndarë turmën, janë ngritur dyshime mbi specifikat e mjeteve të përdorura. Nga pamjet e siguruara në terren, një nga gëzhojat e gazit lotsjellës të përdorur (e llojit CS POWDER) mban datën e prodhimit qershor 2018 (Mfg Date: 06/2018), çka ngre dyshime se afati i përdorimit të tij ka skaduar prej kohësh.

Sipas raporteve ndërkombëtare mbi pajisjet për kontrollin e turmave nga organizata si Physicians for Human Rights dhe studimeve mjekësore mbi ekspertizën e mjeteve kimike, përdorimi i gazit lotsjellës të skaduar përbën një rrezik shtesë për shëndetin publik, pasi përbërësit kimikë mund të dekompozohen dhe të shkaktojnë reaksione anormale.

Ndër efektet kryesore të dëmshme të dokumentuara nga gazi i skaduar numërohen:

  • Tolerancë e zvogëluar kimike dhe reaksione më të ashpra: Komponimet e dekompozuara kimike mund të bëhen më toksike ose më irrituese se gazi me afat të rregullt.
  • Dëmtime më të rënda në rrugët e frymëmarrjes: Mund të shkaktojë spazma më të forta bronkiale, djegie intense të fytit e mushkërive dhe vështirësi më të gjata në frymëmarrje.
  • Irritim dhe djegie të theksuar të lëkurës e syve: Në vend të efektit të përkohshëm, gazi i skaduar mund të shkaktojë djegie kimike të lëkurës, skuqje të zgjatur ose dëmtime më serioze në indet e syve.
  • Rrezik për shpërthim ose ndezje anormale: Me kalimin e afatit, mekanizmi i ndezjes dhe lënda djegëse në gëzhojë mund të mos funksionojnë siç duhet, duke rritur rrezikun e djegieve fizike apo lëndimeve nga fragmentet. /E.A/

Foto: Dardan Shala

 

Continue Reading

Të kërkuara