Fustani që Amy Winehouse e veshi në performancën e saj të fundit para vdekjes tragjike po del në ankand – dhe mund të shitet deri në 14 mijë funta.
Mini-fustani me simbole dhe me ngjyrë të gjelbër dhe të zezë, i dizajnuar nga stilistja e saj Naomi Perry do të dale në ankand në fondacionin “Amy Winehouse”, që punon për t’i frymëzuar fëmijët dhe të rinjtë të krijojnë vetëbesim dhe ta vlerësojnë veten.
Në ankand do të dalin edhe artefakte të saj, rroba, çanta dhe veshje të brendshme për të mbledhur para për fondacionin e saj bamirës.
“Amy Winehouse është një nga ikonat e rralla dhe të shquara të muzikës, fuqia e jashtëzakonshme dhe shprehja shpirtërore e së cilës në çdo fjalë dhe shënim që ajo këndoi me zërin e saj të veçantë nuk mbetet e pakrahasueshme nga asnjë artist tjetër në historinë e muzikës”, tha Martin Nolan, drejtor ekzekutiv i ankandit Julien’s Auctions.
Ky fustan që e veshi gjatë performancës së saj të fundit në Beograd të Serbisë në qershor të vitit 2011, vlerësohet se do të shitet deri në 14 mijë funta.
Në Festivalin Tuborg të Beogradit, këngëtarja kishte një paraqitje të ç’orientuar në skenë dhe ajo u përjashtua nga skena. Turneu i saj evropian u anulua dhe ajo qëndroi për një javë në klinikën The Priory.
Këngëtarja u gjet e vdekur në banesën e saj në Camden, në veri të Londrës, rreth një muaji më vonë, më 23 korrik të vitit 2011. Ajo vdiq në moshën 27-vjeçare nga helmimi nga alkooli./UBTNews
Aktorja e njohur nga seriali “Melrose Place”, Courtney Thorne-Smith, ka paraqitur kërkesë për divorc nga bashkëshorti i saj, Roger Fishman, pas një martese që zgjati 18 vjet.
Dokumentet janë dorëzuar në Gjykatën e Lartë të Los Anxhelosit më 17 qershor, ku aktorja ka përmendur si arsye “dallime të papajtueshme”.
Çifti është martuar në vitin 2007 në Nju Jork dhe sipas dokumenteve, janë të ndarë që nga viti 2021. Thorne-Smith i dorëzoi dokumentet pa përfaqësim ligjor, duke nënvizuar ndoshta një procedurë paqësore ndarjeje.
Para kësaj martese, Courtney ka qenë e lidhur me Andrew Conrad, me të cilin kishte nisur një romancë gjatë kohës së xhirimeve të “Melrose Place”.
Brad Pitt ka thënë se do të ishte i gatshëm të bashkëpunonte me Tom Cruise, por me një kusht: Jo më skena ekstreme.
“Nuk do të rri pezull nga avionët e Tomit. Do të punojmë kur ai të bëjë diçka më praktike,” tha Pitt me shaka për E! News, gjatë promovimit të filmit të tij të ardhshëm me temë F1.
Pitt dhe Cruise luajtën në filmin kult Interview with the Vampire më 1994, dhe kujtoi me humor si garuan me go-kart pas xhirimeve të filmit. Ndërkohë, regjisori i F1, Joseph Kosinski, i cili qëndron pas suksesit Top Gun: Maverick me Cruise, vlerësoi të dy aktorët si shumë të aftë në drejtimin e makinave, por pranoi se Cruise “i shtyn gjithmonë kufijtë” më shumë.
Graham Kelly, përgjegjës për automjetet në F1, shtoi: “Nëse do të ishte Tom Cruise në vend të Bradit, do të kishim konflikt. Tomi e çon çdo gjë në ekstrem, gjë që për ne që ndërtojmë makina është stresuese. Ndërsa Bradi është më i vetëdijshëm për kufijtë e tij.”
Interview with the Vampire pati sukses të madh në vitin 1994, me kritika pozitive, dy nominime për Oscar dhe një nominim për Kirsten Dunst në Golden Globes për rolin e Claudias.
Jeff Bezos dhe Lauren Sanchez më në fund do ta thonë “Po”-në e tyre këtë javë, në një ceremoni madhështore në Venecia.
Çifti u fejua në maj 2023 e dasma është planifikuar për të shtunën, më 27 qershor, sipas mediave të huaja, festa do jetë spektakolare. Disa nga emrat më të mëdhenj pritet të jenë mes të ftuarve Katy Perry, Oprah Winfrey dhe Ivanka Trump.
Edhe pse vitin e kaluar qarkulluan thashetheme se dasma do të kushtonte plot 600 milionë dollarë, Bezos e mohoi këtë.
Por raportet e reja sugjerojnë se kostoja totale do të jetë ende jashtëzakonisht e lartë, midis 15 dhe 20 milionë dollarëve, raporton Mail Online.
Një pjesë e madhe e buxhetit shkon për programin argëtues është e mundur që Bezostë paguajë deri në 5 milionë dollarë për një performancë nga artistë si Beyoncé ose Andrea Bocelli, zbuloi Kunal Madan, CEO i DressPreservation.com.
Aktori dhe këngëtari Anthony Ramos ka zbuluar një përvojë të pakëndshme me Madonnën gjatë një shfaqjeje të Hamilton në vitin 2015.
I ftuar në emisionin “Watch What Happens Live!” me Andy Cohen, Ramos tregoi se këngëtarja legjendare nuk ishte aspak e përqendruar gjatë performancës.
“S’do ta harroj kurrë! Madonna me iPad në fytyrë. I thashë me vete: nëse nuk të pëlqen, dera është aty,” u shpreh aktori.
Edhe Lin-Manuel Miranda, krijuesi i Hamilton, kishte bërë një koment të ngjashëmt në rrjetet sociale, duke përmendur se i kishte ndaluar një personazh të famshëm të futej pas skene dhe shumë spekuluan se bëhej fjalë pikërisht për Madonnën.
Zëdhënësit e saj në atë kohë mohuan zërat, duke thënë se kishte bërë donacion dhe kishte treguar interes për shfaqjen.