Lajmet

Dëgjimi dobësohet me moshën, këshilla si të kujdeseni për veshët tuaj

Presioni i lartë i gjakut dhe diabeti (të cilat janë më të zakonshme tek njerëzit e moshuar) mund të ndikojnë në dëgjimin tuaj.

Published

3 years ago

August 10, 2022

UBT.News

Dobësimi i dëgjimit për shkak të moshës ndodh tek shumica prej nesh ndërsa plakemi.

Së pari, çfarë e shkakton humbjen e dëgjimit të lidhur me moshën?

Humbja e dëgjimit të lidhur me moshën është një lloj humbje dëgjimi sensorineurale që prek veshin e brendshëm. Disa nga shkaqet më të zakonshme të humbjes së dëgjimit të lidhur me moshën janë:

Problemet shëndetësore

Presioni i lartë i gjakut dhe diabeti (të cilat janë më të zakonshme tek njerëzit e moshuar) mund të ndikojnë në dëgjimin tuaj.

Medikamente të caktuara

Disa ilaçe për trajtimin e kancerit, sëmundjeve të zemrës, infeksioneve dhe sëmundjeve autoimmune, mund të kontribuojnë në humbjen e dëgjimit.

Anomalitë e veshit të jashtëm ose të mesëm

Anomalitë në strukturat e veshit që bartin valët e zërit nga daullja e veshit në veshin e brendshëm.

Ekspozimi afatgjatë ndaj zhurmës së lartë

Kjo mund të dëmtojë dëgjimin me kalimin e kohës.

Si ndryshon dëgjimi me kalimin e moshës

Zakonisht, humbja e dëgjimit në lidhje me moshën është shpesh e ngadaltë dhe e fshehtë. AgroWeb.org ju njeh me disa shenja për të cilat duhet të jeni të vëmendshëm.

Keni probleme me dëgjimin e tingujve me zë më të lartë

Si në humbjen e dëgjimit të lidhur me moshën dhe humbjen e dëgjimit të shkaktuar nga zhurma, frekuencat e larta preken së pari.

E keni të vështirë të ndiqni bisedat kur ka zhurmë në sfond

Nëse vëreni se zhurmat e përditshme po kufizojnë aftësitë tuaja të dëgjimit, ka të ngjarë të keni të bëni me humbje dëgjimi të lidhura me moshën.

Njerëzit shpesh raportojnë mungesë qartësie ose paaftësi për të dëgjuar ose kuptuar atë që thuhet.

Kjo është më e dukshme në mjedise ku ka një sasi të konsiderueshme zhurmash në sfond, si restorantet, aktivitetet sportive ose transporti publik.

Ju dëgjoni tinguj kumbimi, gumëzhitjeje ose zhurmë në një ose të dy veshët tuaj

Tringëllima në veshë është një simptomë e zakonshme e humbjes së dëgjimit të lidhur me moshën.

Ajo gjithashtu mund të tingëllojë si gumëzhimë, fërshëllimë, erë ose shushurimë. Mund të jetë e pranishme vetëm në qetësi ose gjatë gjithë kohës.

Disa tinguj duken shumë të zhurmshëm

Në humbjen e dëgjimit të lidhur me moshën, disa qeliza që ndodhen në veshë degradohen më herët se të tjerat.

Qelizat funksionale mund t’i përgjigjen me shpejtësi tingujve të caktuar, duke ju bërë t’i përjetoni këto zhurma si të larta.

Si të ruani dëgjimin e shëndetshëm ndërsa plakeni

Në përgjithësi, humbja e dëgjimit nuk njihet dhe trajtohet më pak. Por dëgjimi juaj ka një efekt të gjerë në shëndetin tuaj të përgjithshëm.

Një sasi e madhe e të dhënave e lidh humbjen e dëgjimit me një numër treguesish të tjerë të rëndësishëm të shëndetit, duke përfshirë funksionin kognitiv, ekuilibrin, funksionimin fizik, depresionin dhe izolimin social.

Të dhënat sugjerojnë se ata me më shumë humbje dëgjimi janë në një rrezik më të madh të problemeve shëndetësore. Kjo është arsyeja pse mbrojtja e dëgjimit tuaj është jashtëzakonisht e rëndësishme.

Këshilla si të ruani dëgjimin tuaj

Kufizoni ekspozimin ndaj zhurmës së lartë dhe përdorni tapa veshësh për të mbrojtur dëgjimin tuaj nga zhurmat e forta.

Kur jeni në evente publike, përpiquni të mbani distancën nga burimi i zërit, si për shembull një altoparlant.

Shumë telefona inteligjentë kanë aplikacione falas për ‘matësin e nivelit të zërit’. Nivelet në ose mbi 85 dB mund t’ju vënë në rrezik për humbjen e dëgjimit.

Humbja e dëgjimit lidhet me përdorimin e duhanit, sëmundjet e zemrës dhe diabetin, si dhe me një sërë ilaçesh. Të ushqehesh mirë, të ushtrohesh dhe në përgjithësi të bësh një mënyrë jetese të shëndetshme janë disa nga gjërat më të mira që mund të bëni për të ulur rrezikun.

Humbja e dëgjimit mund të fillojë rreth moshës 50 vjeç, megjithëse simptomat serioze mund të mos shfaqen për vite me radhë.

Flisni me mjekun tuaj dhe kërkoni një test dëgjimi për të kuptuar nivelin tuaj të dëgjimit dhe rrezikun e mundshëm.

Lajmet

Rama mbërrin në Pallatin e Kongreseve, pas pak shpall qeverinë e re

Published

2 hours ago

September 11, 2025

UBTnews

Mëngjesi i kësaj të enjteje i gjeti të mbledhur 400 anëtarët e Asamblesë Kombëtare Socialiste në Pallatin e Kongreseve.

Kryesocialisti Edi Rama do të shpalosë me detaje programin qeverisës për katër vitet e ardhshme.

Sikurse do të kujdeset të ulë çdo eufori të mundshme nga fitorja e mandatit të katërt më 11 Maj.

Ky do të jetë edhe momenti shumë pritur në shpalljen e skuadrës së tij me të cilën do të qeverisë e me objektivin madhor të anëtarësimit të Shqipërisë në BE deri në 2030.

Megjithëse dy javët e fundit gjerësisht ka hamendësime emrash për kandidatë potencial për poste ministrore, Edi Rama ia ka dalë të ruaj ekskluzivitetin e kabinetit të tij të katërt.

Këtë mëngjes, teksa ka publikuar një foto nga zyra e Kryeministrisë, Rama shkruan “Mirmëngjes, shihemi në orën 11”.

I pari socialistëve ka zhvilluar takime dhe biseda intensive telefonike me atë të cilët ai beson se do të jenë bashkëpunëtorët më të ngushtë në këshillin e ministrave, për të postin e numrit dy të qeverisë dhe se kujt do t’ia besojë drejtimin e parlamentit dhe grupit parlamentar, shkruan Top Channel.

Një ditë më pas të premten deputetët socialist bashkë me ata të opozitës do ti drejtohen parlamentit për tu betuar.

Megjithëse me moshën më të madhe, doktor Sali Berisha nuk do ta drejtojë seancën konstituive, pas një refuzimi.

Një tjetër mjek do ulet në krye parlamentit për pak orë në të drejtuarin seancën dhe betimit. Ai është mjeku Vasil Lajo një prurje e re në grupit parlamentar socialist./D.B/KP

Lajmet

Aktakuzë për spiunazh ndaj një personi që dyshohet se paguhej 700 euro në muaj për informatat që i jepte BIA-s

Published

2 hours ago

September 11, 2025

UBTnews

Prokuroria Speciale e Kosovës ka bërë të ditur se ka ngritur aktakuzë ndaj një personi të dyshuar për spiunazh. Bëhet fjalë për një person me iniciale H.S i cili akuzohet “se nga nëntori i vitit 2009, e deri në momentin e arrestimit më 06.05.25, ka bashkëpunuar me Agjencinë e Inteligjencës dhe Sigurisë së Serbisë e njohur si BIA”.

Sipas aktakuzës, H.S, më 22 nëntor 2015 kishte udhëtuar në Siri, duke ju bashkuar organizatës terroriste “ISIS”.

“Ekziston dyshimi i bazuar mirë se H.S. kishte dërguar informacione tek zyrtarët e BIA-së, në lidhje me numrin e pjesëmarrjes së shqiptarëve në ‘ISIS’, organizimin e tyre dhe në cilat pjesë të Sirisë operonin ata”, thuhet në njoftimin e Prokurorisë Speciale.

Ndërsa, pas kthimit në Kosovë, dhe vuajtjes së burgut për pjesëmarrje në organizata terroriste, i njëjti kishte vazhduar të takohej në Serbi me zyrtarët e BIA-së, më konkretisht me Drejtorin për Luftimin e Terrorizmit I.B, dhe të përcjell informata tjera të rëndësishme, sipas Prokurorisë.

Sipas aktakuzës, si shpërblim për këto informacione, zyrtarët e BIA-së e paguanin H.S deri në 700 euro në muaj.

Prokuroria Speciale i ka propozuar Gjykatës vazhdimin e masës së paraburgimit, dhe pas shqyrtimit gjyqësor, i pandehuri të shpallet fajtor për veprat penale që i vihen në barrë dhe ndaj tij si dhe të shqiptohet dënim konform ligjeve në fuqi./D.B/KP

Lajmet

Begaj përkujton viktimat e sulmeve të 11 shtatorit në SHBA

Published

3 hours ago

September 11, 2025

UBTnews

Presidenti i Shqipërisë, Bajram Begaj ka përkujtuar viktimat e sulmeve të 11 shtatorit 2001 në Shtetet e Bashkuara.

Ai shkroi në Facebook se “Shqipëria riafirmon qëndrimin e saj të vendosur kundër cdo forme terrorizmi dhe dhune”.

“Sot, me dhimbje të thellë, përkujtojmë viktimat e sulmeve terroriste të 11 shtatorit 2001 mbi qytetin e New Yorkut. Shqipëria riafirmon qëndrimin e saj të vendosur kundër çdo forme terrorizmi dhe dhune, kudo në botë, dhe shpreh solidaritetin e saj të plotë me familjet e viktimave, popullin dhe institucionet e Shteteve të Bashkuara”, shkroi Begaj në Facebook.

SHBA-ja përkujton rreth 3 mijë persona që vdiqën në sulmet terroriste të 11 shtatorit. Më 2001 fillimisht një aeroplan i rrëmbyer ishte përplasur mbi kullën veriore të Qendrës Botërore të Tregtisë në Nju Jork, ndërsa 17 minuta më vonë, një aeroplan tjetër pasagjerësh përplaset mbi kullën jugore.

Ekspertët shprehen se 11 shtatori 2001, ndryshoi shumë gjëra në botë. Këto ngjarje u bënë shkak për nisjen e një fushate të gjerë të udhëhequr nga SHBA-të kundër terrorizmit./D.B/KP

Lajmet

Pejë: Arrestohet një person për sulm dhe armëmbajtje pa leje

Published

3 hours ago

September 11, 2025

UBTnews

Policia e Kosovës ka njoftuar se në Pejë, është arrestuar një i dyshuar mashkull kosovar nën akuzën për sulm.

Sipas raportit, i dyshuari në gjendje të dehur ka sulmuar një tjetër person, po ashtu mashkull kosovar. Gjatë kontrollit në shtëpinë e tij, policia ka gjetur dhe sekuestruar një pistoletë, gjashtë fishekë dhe një gëzhojë, ndërsa me vendim të prokurorit, i dyshuari është dërguar në mbajtje.

“Është arrestuar i dyshuari mashkull kosovar per shkak te dyshimit se në gjendje të dehur ka sulmuar viktimën mashkull kosovar. Gjatë kontrollit në shtëpinë e të dyshuarit kanë gjetur dhe sekuestruar një pistoletë, gjashtë fishekë dhe një gëzhojë. Me vendim të prokurorit, i dyshuari është dërguar në mbajtje.” thuhet në njoftim./D.B/UBTNews/Photo credits: KosovoInfo