Kulturë

‘Dance Monkey’ kënga më e kërkuar në historinë e Shazam

Published

6 years ago

on

Kënga “Dance Monkey” nga Tones and I, e cila po cilësohet si “përbindësh” ka arritur që të kryesojë listat e të gjitha kohërave në platformën për kërkim të muzikës Shazam. Vepra nga këngëtarja australiane është kërkuar 36.6 milionë herë që nga maji i vitit 2019 kur u lansua për herë të parë.

Nga rreth 200 milionë njerëz që perdorin çdo muaj këtë aplikacion, 36.6 milionë kanë kërkuar të dinë emrin e ritmit të këngës që deri më tani ka arritur të lëshohet 1.3 miliardë herë në YouTube.

Në një deklaratë nga Tones ajo tregon se Shazam ka qenë arsyeja kryesore për krijimin e fan bazës së saj.

“Shazam ka qenë platformë e madhe për mua sa i përket arritjes së njerëzve. Nuk pata ndjekës kur u lansua ‘Dance Monkey’, por më dha mundësinë që të arrijë më shumë njerëz për të ngritur bazën e fansave të mi”, u shpreh Tones për Variety.

Në listën e publikuar nga Shazam, kënga e dytë më e kërkuar është bashkëpunimi mes Robin Schulz, Lilly Wood & the Prick “Prayer in C”, ndërsa më poshtë keni listën e plotë me 10 këngët më të kërkuara në Shazam.

  1. Tones and I “Dance Monkey”
  2. Robin Schulz, Lilly Wood & the Prick “Prayer in C”
  3. Passenger “Let Her Go”
  4. Avicii “Wake Me Up”
  5. Major Lazer “Lean on”
  6. Ed Sheeran “Thinking Out Loud”
  7. Sia “Cheap Thrills”
  8. Gotye “Somebody That I Used to Know”
  9. Kings, Cookin’ on 3 Burners “This Girl”
  10. Hozier “Take Me to Church”

Shazam është aplikacioni që lejon përdoruesit të identifikojnë këngët duke regjistruar pak nga melodia e saj. Ky aplikacion përdoret nga përdoruesit që nga viti 2008./UBTNews

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

38 minutes ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

4 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

5 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

23 hours ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara