Aktualitet

Dallim i madh në numrin e vaksinimeve mes vendeve të BE-së

Përqindja më e lartë është në Belgjikë me 78 për qind të popullsisë së rritur me të paktën një dozë të administruar, kurse në Bullgari kjo shifër ka mbetur në 17 për qind.

Published

on

Që nga fillimi i fushatës së vaksinimit kundër koronavirusit (COVID-19) në fillimit të vitit 2021, janë vërejtur dallime të mëdha në mesin e vendeve të Bashkimit Evropian (BE) në aspektin e vaksinimeve, transmeton Anadolu Agency (AA).

Në disa prej vendeve të BE-së, përqindja e të vaksinuarve tek të rriturit arrin deri në 80 për qind, ndërsa tek disa vende mbetet nën 30 për qind.

Sipas të dhënave të Qendrës Evropiane për Parandalimin dhe Kontrollin e Sëmundjeve (ECDC), në vendet e BE-së me një popullsi prej 450 milionë banorësh që ndaj fillimi i vitit është administruar të paktën një dozë tek rreth 225 milionë njerëz. Numri i të “vaksinuarve plotësisht” ka tejkaluar shifrën 147 milionë.

Kështu, 61,5 për qind të popullsisë së rritur në BE ka pranuar të paktën një dozë, ndërsa i atyre të vaksinuar plotësisht ka arritur në 40,2 për qind.

Me shifrat e lartpërmendura është shënuar afrim në synimin “administrimi i të paktën një doze tek 70 për qind e popullsisë së rritur në korrik”, që Komisioni Evropian vendosi por nuk u realizua plotësisht.

– Vaksinimi më i lartë në Belgjikë, më i ulët në Bullgari

Nëse i shikojmë veç e veç vendet, mund të vërehet dallim i madh në përqindjet e vaksinimeve. Për shembull, përqindja më e lartë është në Belgjikë me 78 për qind të popullsisë së rritur me të paktën një dozë të administruar, kurse në Bullgari kjo shifër ka mbetur në 17 për qind.

Belgjikën e ndjekin Holanda me 73,3 për qind, Finlanda me 73 për qind, Malta me 72 për qind dhe Danimarka me 70,5 për qind.

Më së pakti vaksina të administruara pas Bullgarisë janë regjistruar në Rumuni me 30 për qind, Letoni 39, Kroaci 43,7, Sllovaki 44,3 dhe Slloveni 46,7 për qind.

Deri më sot në vendet e BE-së janë shpërndarë mbi 430 milionë doza vaksine. Prej tyre, 364 milionë doza janë aplikuar.

BE-ja deri më tani ka aprovuar vaksinat e kompanive BioNTech-Pfizer, Moderna, AstraZeneca dhe Johnson and Johnson.

Vaksinat Johnson and Johnson administrohen vetëm me një dozë, kurse vaksinat e tjera administrohen nga dy doza.

Continue Reading

Lajmet

Sekuestrohet arsenal armësh në një shtëpi të braktisur në Leposaviq

Published

on

By

Policia e Kosovës ka realizuar një aksion në veri të vendit, ku ka arritur të gjejë dhe të konfiskojë një sasi armatimi dhe municioni në komunën e Leposaviqit.

Gjatë angazhimeve në terren këtë të enjte, autoritetet policore në rajonin e veriut kanë siguruar informacione operative se në një shtëpi të pabanuar në fshatin Jashanicë mund të kishte mjete të rrezikshme.

Me të pranuar informatën, njësitë relevante kanë ndërhyrë në lokacionin e specifikuar, ku pas një kontrolli të hollësishëm kanë rënë në gjurmë të një arsenali armësh.

Gjatë këtij operacioni, policia ka sekuestruar një armë automatike AK-47, një pistoletë të tipit CZ bashkë me dy karikatorë, një pushkë karabinë M48, si dhe një pushkë gjuetie. Përveç armëve, në këtë shtëpi janë gjetur edhe 128 fishekë të kalibrave të ndryshëm.

Për gjetjet në terren është njoftuar menjëherë Prokurori i Shtetit, i cili ka udhëzuar që rasti të trajtohet si mbajtje dhe posedim i paautorizuar i armëve.

Megjithëse armatimi u gjet në një ambient të braktisur dhe deri më tani nuk ka të arrestuar, organet e rendit kanë bërë të ditur se hetimet po vazhdojnë për të zbardhur rrethanat dhe për të identifikuar personat që mund të kenë lidhje me këtë rast.

Continue Reading

Aktualitet

Haxhiu konfirmon pranimin e amendamenteve: Eliminohen ngërçet institucionale

Published

on

By

Lajm në zhvillim:

Kryetarja e Kuvendit të Kosovës, Albulena Haxhiu, ka konfirmuar pranimin e amendamenteve kushtetuese të dërguara nga Presidentja Vjosa Osmani, të cilat synojnë që kreu i shtetit të zgjidhet drejtpërdrejt nga qytetarët.

Përmes një njoftimi, Haxhiu u shpreh se ky ndryshim është i domosdoshëm për të siguruar stabilitet afatgjatë. Sipas saj, zgjedhja e Presidentit nga populli do t’i jepte fund bllokadave politike që shpesh kanë paralizuar vendin.

“Në këtë mënyrë eliminohen ngërçet që po e pengojnë funksionimin e institucioneve dhe që po e pamundësojnë stabilitetin e tyre,” shkruan Haxhiu.

Për këtë ndryshim Haxhiu është në linjë me Presidenten Osmani, duke u bërë thirrje deputetëve të Kuvendit që t’i mbështesin këto ndryshime kushtetuese.

Osmani në orët e fundit si Presidente: Procedon amendamentet që ia kthejnë votën popullit

Në orët e fundit të mandatit të saj në krye të shtetit, Presidentja e Kosovës, Vjosa Osmani, ka ndërmarrë një hap vendimtar që synon ndryshimin e mënyrës së zgjedhjes së kreut të shtetit. Përmes një njoftimi zyrtar, ajo bëri të ditur se ka proceduar në Kuvend amendamentet kushtetuese që mundësojnë zgjedhjen e Presidentit drejtpërdrejt nga vota e qytetarëve.

Sipas Osmanit, ky vendim vjen si rrjedhojë e bllokadave të vazhdueshme politike që kanë shoqëruar proceset e kaluara zgjedhore në Kuvend. Ajo sqaroi se këto amendamente ishin hartuar fillimisht nga Komisioni për Amendamentimin e Kushtetutës që në vitin 2011, por kishin mbetur pa u jetësuar.

“Duke parë dështimet e njëpasnjëshme në zgjedhjen e Presidentes/it, sapo kam proceduar në Kuvend amendamentet kushtetuese për zgjedhje të drejtpërdrejta të Presidentes/it,” u shpreh Osmani, duke u bërë thirrje të gjitha subjekteve politike që t’i lënë anash interesat partiake dhe t’i votojnë këto ndryshime.

Ky veprim i Osmanit shihet si një përpjekje për të shmangur krizat institucionale dhe për të rritur legjitimitetin e postit të lartë shtetëror.

 

Continue Reading

Lajmet

Policia e Kosovës pret në takim zyrtar Shërbimin Sekret Amerikan

Published

on

By

Policia e Kosovës, përmes një njoftimi ka bërë të ditur se është arritur një hap i ri drejt fuqizimit të bashkëpunimit ndërmjet institucioneve të sigurisë së Kosovës dhe atyre të Shteteve të Bashkuara të Amerikës.

Sipas njoftimit, Zëvendësdrejtori i Përgjithshëm i Policisë së Kosovës, Fehmi Hoti, ka pritur sot në një takim zyrtar një delegacion të përbërë nga përfaqësues të Shërbimit Sekret të SHBA-së (US Secret Service) dhe zyrtarë nga Ambasada Amerikane në Prishtinë. Sipas njoftimit ky takim është zhvilluar në një frymë të lartë partneriteti dhe besimi të ndërsjellë.

Gjatë këtij bashkëbisedimi, fokusi kryesor ka qenë thellimi i mëtutjeshëm i bashkëpunimit profesional në fushën e sigurisë, shkëmbimi i përvojave operacionale si dhe avancimi i kapaciteteve institucionale. Policia ka potencuar se roli i SHBA-së mbetet jetik për zhvillimin e brendshëm të forcave të rendit.

“Në takim u theksua mbështetja e vazhdueshme që Shtetet e Bashkuara të Amerikës kanë dhënë për Policinë e Kosovës ndër vite, duke kontribuar drejtpërdrejt në ngritjen e standardeve profesionale dhe forcimin e institucioneve të sigurisë”, thuhet në njoftimin e Policisë.

Më tej, në njoftim bëhet e ditur se ky partneritet do të njohë vetëm rritje në të ardhmen. “Policia e Kosovës mbetet e përkushtuar për të vazhduar dhe zgjeruar partneritetin strategjik me institucionet amerikane në shërbim të sigurisë dhe sundimit të ligjit”, përfundon njoftimi zyrtar i policisë.

Ky takim vjen si vazhdimësi e përpjekjeve të Policisë së Kosovës për t’u rreshtuar krah agjencive më prestigjioze botërore për të garantuar një ambient të sigurt dhe luftimin e krimit të organizuar dhe sfidave të tjera të sigurisë.

 

Continue Reading

Lajmet

Osmani: Epopeja e UÇK-së, kushtrimi që zgjoi ndërgjegjen e botës dhe drejtoi historinë tonë

Published

on

By

Në një seancë solemne të Kuvendit të Kosovës, Presidentja Vjosa Osmani Sadriu ka nderuar sakrificën e familjes Jashari, duke e cilësuar marsin si muajin që ndryshoi përgjithmonë fatin e popullit të Kosovës. Sipas saj, ngjarjet e vitit 1998 në Prekaz ishin pika ku liria triumfoi mbi frikën.

“Marsi, që në mitologjinë e lashtë simbolizonte luftën dhe guximin, ishte muaji i përballjeve të cilat vendosën drejtimin e historisë sonë,” u shpreh Presidentja, duke shtuar se pikërisht më 5, 6 dhe 7 mars, në zemër të Prekazit, historia mori një rrugë të re.

Gjatë fjalimit të saj, Osmani vuri theksin te figura e Komandantit Legjendar, Adem Jashari, i cili bashkë me familjen e tij u bënë simbol i pathyeshmërisë. Ajo theksoi se zgjedhja e tyre ishte e qartë: “Ata zgjodhën sakrificën përpara përkuljes, lirinë para frikës e mbi të gjitha, ata zgjodhën nderin para jetës.”

Sipas Presidentes, tri ditët e Epopesë nuk ishin thjesht një betejë, por një akt ringjalljeje kombëtare që bëri jehonë në mbarë globin.

“Krisa e armëve nuk ishte vetëm zhurmë baruti, por thirrje për liri. Ky ishte kushtrimi që zgjoi Drenicën, Kosovën e mbarë kombin, e po ashtu zgjoi ndërgjegjen e gjithë botës,” deklaroi ajo.

Në mbyllje, Osmani kujtoi se liria që gëzojmë sot i ka rrënjët te 58 martirët e kësaj familjeje, të cilët u shndërruan në dritë për popullin. Ajo porositi se kullat e Jasharëve do të mbeten përjetësisht “flamuri i lirisë sonë”, para të cilit institucionet dhe qytetarët do të përkulen gjithmonë me nderim.

Continue Reading

Të kërkuara