Lajmet

Daka: Rekomandimi për certifikimin e kandidatëve për deputetë i pa qartë, nuk thotë asgjë

Published

5 years ago

on

Zyra për Regjistrim dhe Certifikimin e Partive Politike në KQZ i ka rekomanduar kolegjiumit në këtë institucion të certifikojë të gjithë kandidatët për deputetë, ashtu siç kanë ardhur nga partitë politike.

Mirëpo kryetarja e Komisionit Qendror i Zgjedhjeve (KQZ), Valdete Daka thotë se rekomandimi i tillë nuk e shpjegon se subjektet politike a i plotësojnë të gjitha kriteret.

E dy anëtarët e Lëvizjes Vetëvendosje në KQZ, Sami Kurteshi dhe Alim Rama kërkuan që të miratohet rekomandimi i Zyrës për Regjistrim dhe Certifikimin e Partive Politike që të certifikohen gjithë kandidatët për deputetë që kanë ardhur nga partitë politike. Rrjedhimisht, edhe liderin e Lëvizjes Vetëvendosje, Albin Kurti

Ndërsa, anëtari i LDK-së në KQZ, Sami Hamiti kërkoi të respektohet aktgjykimi i Gjykatës Kushtetuese për këtë pikë.

Daka theksoi se duhet të dërgohet dokumente dhe jo një rekomandim që nuk thotë asgjë.

“Po më duket se na the se ke marrë përgjigje nga institucionet në të cilat ke dërguar shkresa për verifikimin kandidatëve sepse kjo ka qenë tema që iu ka djegë të gjithëve. Verifikimi i kandidatëve është bërë nga gjashtë institucione dhe ne këtu nga ky rekomandim nuk e kemi të qartë se cilët kandidatë i plotësojnë kushtet dhe cilët jo. Kërkesa dhe zyra është ajo që e bënë filtrimin dhe e cila e dërgon rekomandimin duke u bazuar në kërkesën ligjore nga neni 29. Kërkesat janë dërguar në të gjitha institucionet relevante dhe pas marrjes së përgjigjes nga këto institucione është kërkuar nga subjektet politike që të ndërrohen apo të zëvendësohen kandidatët që nuk kanë plotësuar këto kritere. Unë kam këtu para vetes një rekomandim i cili në fakt nuk na shpjegon se a i përmbushin këta kandidatë kriteret apo jo, fatkeqësisht ne nuk e kemi të qartë nga ky rekomandim se kush i përmbush kërkesat e kush jo…Kisha dashtë që neve së pari të na sillen të gjitha dokumentet sepse ne këtu nuk kemi dokumente, por kemi një rekomandim që nuk na thotë asgjë, rekomandimi thotë se praktikisht të certifikohen të gjithë kandidatë”, tha Daka.

Ky reagim i Dakës erdhi pasi kryeshefi i Zyrës për Regjistrimin dhe Certifikimin e Partive Politike, Yll Buleshkaj në mbledhjen e sotme të KQZ-së tha se zyra nuk ka arritur me zbatua tërësisht vendimin e pikës “q” të nenin 29 të Ligjit për Zgjedhje për shkak hamedësimit të kësaj pike.

“Fillimisht kemi pas 1081 kandidatë nga 25 subjekte politike, finalja është 1 mijë e 75. Të gjitha subjektet politike kanë plotësuar kriteret minimale. Kemi kërkuar shkresa nga institucionet e ndryshme për të na ndihmuar në vendimmarrje. Disa na kanë ndihmuar e disa na kanë bërë konfuz, ajo që vlen të theksohet është që zyra nuk ka arritur me zbatua plotësisht me vendim të pikës ‘q’ të nënti 29 për arsye të interpretimeve të ndryshme. Për atë arsye zyra iu rekomandon juve që të certifikoni ligjet ashtu siç është, ndërsa palët e interesuara nëse kanë ndonjë ankesë mund të bëjnë ankesa në institucionet e tjera për largimin e kandidatëve, nuk është hera e parë që një institucion tjetër largon kandidatë, ka ndodhur edhe më herët, nuk janë vetëm sipas pikës ‘q’, por ka edhe kur në listë të një komuniteti ka kandidatë nga një komunitet tjetër”, tha ai. 

Related Topics:
Continue Reading

Aktualitet

Mbi 144 mijë aplikime për subvencionimin e teksteve shkollore në e-Kosova

Published

9 seconds ago

on

August 21, 2025

By

Ministrja në detyrë e Arsimit, Arbërie Nagavci, ka njoftuar se vetëm brenda 6 ditëve që nga hapja e aplikimeve për subvencionim e teksteve shkollore në platformën e-Kosova, janë pranuar 144,337 aplikime, prej të cilave 73,064 janë verifikuar deri tani.

Sipas saj, procesi po zhvillohet pa pengesa dhe pa asnjë ankesë, duke dëshmuar funksionalitetin dhe transparencën e sistemit.

Ministrja fton prindërit dhe kujdestarët që ende nuk kanë aplikuar, ta bëjnë këtë sa më parë përmes platformës e-Kosova.

Për vitin shkollor 2025/2026, do të ndahen:
80 € për nxënësit nga klasa I deri në klasën V, për blerjen e teksteve dhe materialeve mësimore;
80 € për nxënësit nga klasa VI deri në klasën IX, për blerjen e fletoreve të punës dhe materialeve mësimore.
Tekstet shkollore për nivelin VI-IX , sipas Udhëzimit Administrativ Nr. 13/2016 për pajisjen, përdorimin dhe ruajtjen e tyre, do të përdoren nga gjenerata e kaluar.
Procesi i aplikimit këtë vit do të jetë shumë më i lehtë, pasi llogaritë bankare të prindërve janë aktive nga vitet paraprake. Ashtu si në dy vitet e kaluara, mjetet financiare do të transferohen në xhirollogaritë bankare të prindërve.
Drejtoritë Komunale të Arsimit janë njoftuar në kohë dhe çdo aplikim do të verifikohet nga shkolla përkatëse përpara transferimit të mjeteve.

Continue Reading

Bota

​5 të vdekur mes shirave të rrëmbyeshëm në Kinë

Published

5 minutes ago

on

August 21, 2025

By

Të paktën pesë persona kanë humbur jetën pasi shirat e rrëmbyeshme goditën rajonin autonom të Mongolisë së Brendshme të Kinës veriore, raporton sot agjencia Xinhua News duke cituar autoritetet.

Tre persona të tjerë u gjetën të vdekur në ujërat e përmbytjeve të martën në rrethin Dongsheng të qytetit. Autoritetet lokale thuhet se po kryejnë hetime dhe po merren me pasojat.

Zhvillimi erdhi ndërsa Selia Shtetërore e Kontrollit të Përmbytjeve dhe Ndihmës për Thatësira e Kinës lëshoi një përgjigje emergjente të Nivelit IV për kontrollin e përmbytjeve të enjten në provincat Liaoning, Sichuan dhe Yunnan për shkak të reshjeve të rrëmbyeshme të pritura.

Meteorologët parashikojnë shira ose stuhi intensive në rajon nga e enjtja deri të premten, me disa zona që përballen me shira të rrëmbyeshëm. Sistemi i reagimit ndaj emergjencave i Kinës ka katër nivele, ku Niveli i parë është më i rëndi, transmeton KosovaPress.

Të shtunën e kaluar, të paktën tetë persona u vranë dhe katër u zhdukën pasi një përmbytje e menjëhershme përfshiu një vend kampingu të shtunën vonë në zonën e sipërme të një lumi në Urad Rear Banner në qytetin Bayannur në rajonin autonom të Mongolisë së Brendshme.

Continue Reading

Bota

Vdes gjyqtari amerikan Frank Caprio

Published

11 minutes ago

on

August 21, 2025

By

Gjyqtari i famshëm amerikan dhe ylli i mediave sociale, Frank Caprio ka vdekur në moshën 88 vjeç, njoftoi familja e tij. Vdekja e tij pas një diagnoze me kancer në pankreas u njoftua në llogarinë e tij zyrtare në Instagram, ku ai u kujtua për ngrohtësinë dhe besimin e palëkundur në mirësinë e njerëzve, raporton BBC.

David Caprio, djali i tij, falënderoi fansat për dashurinë dhe mbështetjen e tyre dhe u bëri thirrje njerëzve të përhapin pak mirësi në kujtim të babait të tij.

“I dashur për dhembshurinë dhe humorin e tij në sallën e gjyqit, videot e gjyqtarit Caprio duke kryesuar çështjet në shfaqjen e tij të famshme Caught in Providence kanë pasur miliarda shikime në mediat sociale, duke i dhënë atij titullin gjyqtari më i mirë në botë”, tha Caprio.

Në një deklaratë në Instagram drejtuar 3.4 milionë ndjekësve të tij, gjyqtari Caprio u kujtua për aktet e panumërta të mirësisë që frymëzoi në punën e tij.

Gjykatësi Caprio kishte kryesuar mijëra çështje në qytetin e tij të lindjes, Providence, Rhode Island, përpara se të niste një karrierë televizive.

Kompania që ishte pas Caught in Providence, Debmar-Mercury, i bëri homazh markës unike të dhembshurisë dhe qasjes së shëndoshë të gjyqtarit Caprio.

Continue Reading

Aktualitet

UBT dhe AMIK nisin trajnime falas për fuqizimin e vajzave në ndërmarrësi këtë tetor

Published

18 minutes ago

on

August 21, 2025

By

UBT, në bashkëpunim me Shoqatën e Institucioneve Mikrofinanciare të Kosovës (AMIK), hap aplikimet për serinë e trajnimeve “Inkuadrimi i Vajzave në Ndërmarrësi”, një program falas i dedikuar vajzave dhe grave të reja që synojnë të ndërtojnë ose të zhvillojnë iniciativat e tyre biznesore.

Programi parashikon katër sesione intensive, të fokusuara në njohuri praktike dhe aftësi të menjëhershme të zbatueshme në treg:

  • Administrim Biznesi – 3 tetor 2025
  • Aspektet Ligjore & Etika në Biznes – 6 tetor 2025
  • Financat & Mbledhja e Fondeve – 10 tetor 2025
  • Marketingu & Rrjetëzimi – 13 tetor 2025

Kush mund të aplikojë?

Vajza dhe gra të reja me interes për sipërmarrje, pavarësisht nëse janë në fazën e idesë apo kanë tashmë një aktivitet në zhvillim. Trajnimet vendosin theks te praktika, këshillat profesionale dhe ndërtimi i rrjetit.

Detajet logjistike

Vendet e lira: vetëm 25 për secilin trajnim

Orari: 10:00 – 16:00

Vendi: Qyteti i Mençur i UBT-së, Lipjan

Përfitime: drekë e ofruar nga UBT

Tarifa: FALAS (vendet janë të kufizuara)

Si të aplikoni?

Aplikimi bëhet online nëpërmjet formularit zyrtar:

APLIKIMI ONLINE!

Continue Reading

Të kërkuara