Aktorja franceze, Brigitte Bardot, përmes një deklarate në rrjet, ka reaguar ndaj raportimeve të rreme për vdekjen e saj.

Ajo ka reaguar ndaj postimit (tashmë të fshirë) të influencueses Aqababe, e cila ka sugjeruar e aktorja ka vdekur, ka raportuar The Independent.

“Nuk e di se kush është idioti që i filloi lajmet e rreme për ‘zhdukjen’ time por dijeni se jam mirë dhe nuk po planifikoj ta lëshoj perden”, ka shkruar 91 vjeçja në llogarinë e saj në rrjetin social X.

Aqababe, emri i vërtetë i të cilës është Aniss Zitouni, në postim ka pretenduar se ka informacion “ekskluziv” për vdekjen e supozuar të yllit.

“Kufoma e saj është nisur drejt Saint-Paul-de-Jarrat në departamentin 09 (Ariege). Një ikonë ka ndërruar jetë, duke lënë pas një trashëgimi të paharrueshme dhe gjurmë të përjetshme në zemrat e francezëve”, thuhej në postimin Zitounit, që tani është fshirë.

Influencerja ka qëndruar pas pretendimit të saj, pasi Bardot lëshoi deklaratën në X, duke sugjeruar se llogaria nuk menaxhohet nga aktorja.

“E kam fshirë postimin e lajmit ekskluziv për vdekjen e Brigitte Bardot. Nuk është vet ajo që menaxhon llogarinë në Twitter, do ta shihni kur AFP do të jap lajmin zyrtar për vdekjen e saj”, ka shkruar Zitouni.

Reagimi i aktores vjen pasi javën e kaluar është raportuar që ajo është hospitalizuar. Media francece, Nice-Matin, ka shkruar se muajin e kaluar është pranuar në spitalin privat, Saint-Jean, në Toulon dhe se i është nënshtruar një operimi.

Mediumi ka shkruar se brenda pak ditësh se pritet të lirohet nga spitali. Bardott është dërguar në spital nga shtëpia e saj në Saint-Tropez. Ky nuk do të ishte i vetmi shqetësim rreth shëndetit të aktores gjatë viteve të fundit, pasi pati probleme me frymëmarrje në korrik 2023.

Atë e patën vizituar mjekët në shtëpinë e saj, pasi kishte përjetuar vështirësi në frymëmarrje. Bashkëshorti i ikonës, Bernard d’Ormale, në atë kohë, pati thënë për median Var-Matin se ngjarja pati ndodhur rreth orës 9 të mëngjesit.

“Pati vështirësi me frymëmarrjen, por nuk e ka humbur vetëdijen. Le ta quajmë vetëm një moment me vështirësi për të marrë frymë lirshëm”, pati thënë d’Ormale.

Mjekët, Bardottit, i kanë dhënë oksigjen dhe kanë qëndruar ta mbikëqyrin gjendjen për pak kohë, para se të shkonin.

D’Ormale, i cili është martuar me Bardottin në vitin 1992, pati thënë se kjo është diçka e zakonshme që ndodh te të moshuarit.

“Sikur të gjithë të moshuarit, kur arrin një moshë të caktuar nuk mund ta përballosh më të nxehtit. Ndodh, kur je 88 vjeç”, pati thënë ai. /A.Z/UBT News/

Ylli i njohur televiziv, Victoria Beckham, ka folur hapur për periudhën e vështirë që ajo dhe bashkëshorti i saj, David Beckham, kanë përjetuar gjatë 26 viteve martesë, duke pranuar se e kanë përballuar së bashku “stuhinë e mallkuar”.

Gjatë një interviste në podcastin “Call Her Daddy”, 51-vjeçarja u pyet për thashethemet e dikurshme mbi një lidhje të supozuar mes Davidit dhe asistentës së tij personale, Rebecca Loos, siç raporton FemaleFirst.

“E di çfarë? Na është hedhur shumë gjëra para. Po flisnim për këtë pasi sapo festuam 26-vjetorin e martesës, njerëzit thanë se nuk do të zgjaste… 26 vjet! Kemi kaluar shumë sfida, por gjithmonë kemi qëndruar bashkë dhe kemi përballuar stuhinë e mallkuar,” tha Victoria.

Çështja u rikthye në vëmendje pas dokumentarit “Beckham” në Netflix, ku David pranoi se ajo periudhë ishte më e vështira për ta si çift.

“Sinqerisht, nuk e di si ia dolëm. Victoria është gjithçka për mua. Ta shihja të lënduar ishte jashtëzakonisht e vështirë, por ne jemi luftëtarë. Duhej të luftonim për njëri-tjetrin dhe për familjen tonë. Ajo që kishim ia vlente çdo përpjekje,” tha David.

Ai ka shtuar se përjetonte stres të madh çdo ditë: “Kishte mëngjese që zgjohesha dhe pyesja veten: ‘Si do shkoj në punë? Si do dal në fushë sikur s’ka ndodhur asgjë?’ Ndihesha fizikisht i sëmurë çdo mëngjes kur hapja sytë.”

Rebecca Loos, e cila ka qenë asistente e Davidit gjatë kohës që ai luante për Real Madrid në fillim të viteve 2000, ka insistuar se lidhja mes tyre ka qenë reale, edhe pse Beckham e ka mohuar gjithmonë.

“Për mendimin tim, isha guximtare që u përballa me ta. Kam thënë të vërtetën. Nuk kam ekzagjeruar dhe nuk kam gënjyer për asgjë. Pse? Sepse po përballesha me çiftin më të fuqishëm në media, me gjithë paratë e botës, me PR-in dhe avokatët më të mirë. Gjithçka që kisha në anën time ishte e vërteta,” tha Loos për “60 Minutes Australia”. /A.Z/UBT News/

Këngëtarja amerikane, Demi Lovato, ka ndarë arsyet pse ka zgjedhur të flasë hapur për vështirësitë personale që ka përjetuar gjatë viteve.

33-vjeçarja, e cila në vitin 2010 kaloi tre muaj në një qendër rehabilitimi pas diagnostikimit me çrregullim bipolar dhe trajtimit për bulimi, tha se vendimi për të folur publikisht ka qenë një zgjedhje e vetëdijshme dhe e vështirë.

“Kur shkova për herë të parë në trajtim, kisha pasur një shpërthim publik kur isha 18 vjeçe. Menaxheri im më pyeti: ‘Do të jesh e hapur për atë që po kalon, apo do ta fshehësh?’ Nuk i detyrohesh askujt asgjë,” rrëfeu ajo në podcastin Las Culturistas, sipas FemaleFirst.

Lovato vendosi të fliste hapur, duke besuar se sinqeriteti i saj mund të ndihmonte të tjerët që përballeshin me sfida të ngjashme.

“Ishte një përgjegjësi që kisha dëshirë ta merrja. Do të kisha dashur që dikush të ishte kaq i hapur kur isha adoleshente. Po, kishte figura që flisnin për çrregullimet e të ngrënit, por askush me të cilën mund të identifikoja në moshën 13-vjeçare, sidomos në një kohë kur standardet e bukurisë ishin shumë të rrezikshme,” shtoi ajo.

Ylli theksoi se ky vendim i hershëm ka ndikuar në mënyrën se si ka jetuar më pas: “Ky ishte momenti që më ndryshoi rrugën. Vendosa se dua t’i ndihmoj njerëzit, dhe mënyra më e mirë që njoh është të ndaj përvojën time personale me ta.”

Së fundi, Lovato tregoi se jeta e saj ka marrë një kthesë më të qetë dhe më pozitive.

“Nuk jam më në një periudhë ku më duhen balada të mëdha emocionale. Toni i jetës sime është bërë më i lehtë,” tha ajo për PAPER Magazine. /A.Z/UBT News/