Sport

Conte thyen heshtjen pas largimit: Kthyem Interin aty ku i takon

Published

5 years ago

May 28, 2021

Betim Gashi

Antonio Conte thyen heshtjen pas lamtumirës me Interin dhe një gjë të tillë e ka bërë përmes një postimi në faqen e tij në Instagram. trajneri italian falënderon të gjithë për kontributin e dhënë me fanellën zikaltër dhe thekson me krenari se ia dolën të thyejnë mediokritetin dhe të rikthejnë Interin aty ku i takon.

“Çfarë rrugëtimi në këto dy vite. Çdo ditë u bëmë më të fortë, si individ dhe lojtarë. Vendosmëri, kurajë dhe sakrificë. Arritëm të thyenim mediokritetin logjik. Ia dolëm të risillnim titullin kampion që mungonte prej 11 vitesh, por mbi të gjitha, risollëm Interin aty ku i takon, për historinë dhe traditën që ky klub ka.

Faleminderit çdo personi që dha kontributin e tij që diçka e tillë të përmbushej. Për shkak të pandemisë ka qenë një vit i vështirë për të gjithë ne, por mbështetja e tifozëve ndaj kësaj skuadre nuk mungoi kurrë. Imazhet e festimit të kupës me tifozët do t’i kujtoj gjithmonë. Faleminderit!”, shkruan ish tekniku zikaltër.

Largimi i Antonio Contes nuk mund të konsiderohet i befasishëm, pasi edhe më herët një gjë e tillë pasqyrohej si një rrezik i mundshëm, derisa palët mbërritën në këtë pikë.

Sport

Albian Hajdari pëson një tjetër lëndim, jashtë fushës për disa javë

Published

7 minutes ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L

Sport

Mourinho rikthen stilin e tij luftarak, mbron lojtarët dhe kritikon gjyqtarët

Published

2 hours ago

October 14, 2026

UBTNews

Jose Mourinho është rikthyer në qendër të vëmendjes për shkak të qëndrimeve të tij ndaj gjyqtarëve dhe mbrojtjes së vazhdueshme të futbollistëve të Real Madridit.

Trajneri portugez ka nxitur diskutime pas përplasjes me gjyqtarët në ndeshjen kundër Villarrealit, ku u ndëshkua me karton të verdhë për protesta.

Gazetari i “esRadio”, Sergio Valentin, vlerëson se Mourinho po përpiqet të krijojë një atmosferë mbrojtëse për lojtarët, duke larguar presionin dhe kritikat nga skuadra.

Sipas tij, kjo strategji synon të forcojë unitetin brenda ekipit dhe të rikthejë lidhjen mes futbollistëve dhe tifozëve.

Pas fitores minimale 1-0 ndaj Villarrealit, Mourinho vendosi të mos paraqitej në konferencën për media, duke nxitur reagime të tjera.

Megjithatë, disa analistë kanë vënë në dyshim efektivitetin e kësaj qasjeje, duke theksuar se Real Madridi duhet të përqendrohet në përmirësimin e rezultateve në fushë.

Sipas artikullit, madrilenët ndodhen gjashtë pikë prapa Barcelonës në La Liga, ndërsa përpara kanë përballje të rëndësishme me Romën në Ligën e Kampionëve, Sevillan në kampionat dhe Barcelonën më 25 tetor.

Këto ndeshje pritet të jenë vendimtare për të parë nëse strategjia e Mourinhos do të ndikojë pozitivisht në paraqitjet e skuadrës.

D.L

Sport

Gruda vendimtar për Leipzigun, shënon golin e fitores ndaj PSV-së

Published

6 hours ago

October 14, 2026

UBTNews

Futbollisti shqiptar, Brajan Gruda, ka qenë protagonisti kryesor në fitoren minimale 1:0 të Leipzigut ndaj PSV-së, në kuadër të xhiros së dytë të fazës së ligës në Ligën e Kampionëve.

Gruda, i cili ishte ndër lojtarët më të dalluar në fushë, realizoi golin e vetëm të takimit në minutën e 75-të, duke i siguruar skuadrës gjermane një fitore të rëndësishme.

Takimi u zhvillua të martën mbrëma në Leipzig, ku vendasit arritën të triumfojnë falë golit vendimtar të futbollistit shqiptar.

D.L

Sport

Rrahmani shënon, por Napoli mposhtet nga Villarreali në Ligën e Kampionëve

Published

6 hours ago

October 14, 2026

UBTNews

Napoli ka pësuar humbje me rezultat 3:1 ndaj Villarrealit, në kuadër të xhiros së dytë të fazës së ligës në Ligën e Kampionëve, pavarësisht golit të hershëm të mbrojtësit kosovar, Amir Rrahmani.

Rrahmani kaloi skuadrën italiane në epërsi në minutën e tetë, por vendasit reaguan shpejt, duke përmbysur rezultatin me dy gola të shënuar në minutat 23 dhe 26, për ta mbyllur pjesën e parë me epërsi 2:1.

Në pjesën e dytë, Villarreali arriti ta ruante avantazhin, ndërsa në minutën e 86-të realizoi edhe golin e tretë, duke vulosur fitoren 3:1 ndaj Napolit.

D.L