Lajmet

Çmimet e naftës rriten mes tensioneve BE-Rusi

Ministrat e financave të G7 njoftuan një plan për të finalizuar një kufi të çmimit të naftës ruse.

Published

4 years ago

on

Çmimet e naftës u rritën të enjten pasi tensionet midis BE-së dhe Rusisë përshkallëzohen, pasi BE-ja dhe vendet e G7 planifikojnë një kufi të çmimit të naftës ruse.

Standardi ndërkombëtar i papërpunuar Brent tregtohej me 88,25 dollarë për fuçi në orën 09:37 të mëngjesit me orën lokale (0637 GMT) për një fitim 0,28% nga çmimi i mbylljes prej 88 dollarë për fuçi në seancën e mëparshme tregtare.

Standardi amerikan West Texas Intermediate (WTI) ishte në 82,28 dollarë për fuçi në të njëjtën kohë për një rritje prej 0,41% pasi seanca e mëparshme u mbyll me 81,94 dollarë për fuçi.

Ministrat e financave të G7 njoftuan një plan për të finalizuar një kufi të çmimit të naftës ruse pas një takimi në Gjermani javën e kaluar.

Në reagim ndaj planit të G7 dhe BE-së, presidenti rus Vladimir Putin tha, “ne nuk do të dërgojmë asgjë, naftë, gaz natyror apo qymyr nëse bie në kundërshtim me kontratat dhe interesat tona“.

Zëvendëskryeministri rus, Aleksandr Novak gjithashtu bëri jehonë se ata nuk do të shesin naftë dhe produkte të naftës tek vendet dhe kompanitë që mbështesin aplikimin e çmimeve tavan për naftën ruse.

Ndërkohë, investitorët janë të përqendruar në të dhënat javore të naftës nga Administrata e Informacionit të Energjisë të ShBA-së. /UBTNews/

Related Topics:
Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

5 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

6 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

8 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Lajmet

Arrestohet i dyshuari për dhunim në Mitrovicën e Veriut

Published

10 minutes ago

on

July 30, 2026

By

Në Mitrovicën e Veriut është arrestuar një person pasi dyshohet se ka kryer marrëdhënie seksuale me një viktimë të mitur.

Sipas Policisë, rasti është raportuar më 28 korrik 2026, ndërsa në konsultim me prokurorin viktima është dërguar për ekzaminim mjekësor.

I dyshuari, pas inicimit të rastit, me vendim të prokurorit është dërguar në mbajtje. Rasti po hetohet./A.K/

Continue Reading

Të kërkuara