Lajmet

Çitaku: PDK nuk do të lejojë që skandali me ambasadorin Berishaj të harrohet

Sipas saj, në rast të dështimit të procesit të dialogut, barrën duhet ta bartë Serbia dhe në asnjë mënyrë Kosova.

Published

4 years ago

May 31, 2022

Betim Gashi

Nënkryetarja e Partisë Demokratike të Kosovës, Vlora Çitaku ka thënë se ka degradim të procesit të dialogut Kosovë-Serbi dhe ka deklaruar se lidhur me këtë proces nuk kanë parë transparencë nga ana e qeverisë. Ajo ka kërkuar nga Qeveria seriozitet në këtë çështje, çka sipas saj, ka munguar deri tani.

Në një konferencë për media, Çitaku ka thënë se Kosova nuk mund të jetë peng i mënyrës se si sillet Serbia. Sipas saj, në rast të dështimit të procesit të dialogut, barrën duhet ta bartë Serbia dhe në asnjë mënyrë Kosova.

“Kemi një degradim të procesit, në vend se të flasim për njohjen reciproke dhe për marrëveshjen finale ne po flasim për targa, po flasim për ‘stikersa’, kemi një degradim të procesit dhe tashmë po thuhet shumë qartë edhe nga aleatët tanë perëndimorë që status quo në këtë proces shkon në dobi vetëm të Rusisë dhe forcave destruktive në rajonin tonë, andaj ne kërkojmë nga Qeveria seriozitet të cilin nuk e kemi parë deri më tani, konsistencë të cilën sërish nuk e kemi parë dhe transparencë të cilën serish nuk e kemi parë, dhe koordinim me faktorin ndërkombëtar në mënyrë që ky proces të përmbyllet sa më shpejtë”, ka thënë ajo.

Para mediave, nënkryetarja e PDK-së ka folur për çështjen skandalit që lidhet me ambasadorin të Kosovës në Kroaci, Martin Berishaj. Ajo ka thënë se presidentja Vjosa Osmani dhe kryeministri Albin Kurti po e amnistojnë Berishajn dhe sipas saj shumë çështje kanë mbetur pa përgjigje.

“Në një kohë kur institucionet e Republikës së Kosovës dhe diplomacia jonë dështoi ta fuste Kosovën në agjendën e ministrave të jashtëm të Këshillit të Evropës në vend se bartësit e institucioneve tona të jenë të angazhuara për fuqizimin e subjektivitetit tonë ndërkombëtar ata po merren me mbrojtjen e ambasadorit Berishaj, person të cilin e kanë përzgjedhur vet. Fshehja dhe mbrojtja e këtij skandali nga zyrtarët tanë më të lartë shtetërorë do ta minojë rrugën tonë drejt integrimit evropian. Partia Demokratike e Kosovës nuk do të lejojë që kjo aferë dhe ky skandal që të harrohet dhe të kalojë në heshtje. Ne do të përdorim të gjithë mekanizmat institucionalë dhe parlamentarë për tu siguruar se e vërteta do të zbardhet”, ka thënë ajo.

Çitaku ka thënë se PDK kërkon të dijë si i është dhënë me urgjencë shtetësia ambasadorit Berishaj, a janë iniciuar masa për deklarimin e rrejshëm të pasurisë, ku kanë shkuar 600 mijë euro të cilat i ka tërhequr Berishaj përmes biznesit të tij dhe si është pajisur ai me certifikatë të sigurisë nga Agjencia e Kosovës për Inteligjencë.

“Presidentja dhe kryeministri nuk janë as prokurorisë e as gjyqtarë, ata duhet të ndërmarrin hapa politikë dhe institucionalë dhe ta kthejnë zotëri Berisha nga detyra menjëherë duke u hapur rrugë institucioneve të drejtësisë ta thonë fjalën e tyre”, ka thënë ajo.

Ambasadori i Kosovës në Kroaci, Martin Berishaj, ishte përfshirë në një skandal pastrimi parash në Slloveni. Të dhënat ishin publikuar nga një medium slloven në prag të zgjedhjeve atje. Pozita e ka mbrojtur duke thënë se nuk ka prova që e përfshijnë Berishajn në këtë skandal dhe e gjithë ka qenë në kuadër të një fushatës elektorale. Vet Berishaj kishte mohuar se ka gisht në këtë skandal.

Vendi

Takimet me LDK e PDK, Kurti: Nuk priten zgjedhje të reja

Published

12 hours ago

February 23, 2026

UBTNews

Kryeministri i Kosovës, Albin Kurti, pas takimit me kryetarin e Lidhjes Demokratike të Kosovës, Lumir Abdixhiku, ka thënë se ka konstatuar gatishmëri për zgjedhjen e presidentit, por se bashkëpunimi mes LVV dhe LDK nuk garanton automatikisht përfundimin e këtij procesi.

Sipas Kurtit, të dy partitë politike disponojnë 81 vota, dhe nga ky numër mund të bjerë vetëm një deputet, por jo më pak se 80. Ai ka vlerësuar takimet me Abdixhikun dhe me Bedri Hamza nga PDK-ja si konstruktive dhe me përmbajtje pozitive.

“Zellë për zgjedhje të reja nuk shoh as te LDK, as te PDK, dhe kjo më jep shpresë që nuk do të ketë zgjedhje të reja,” tha kryeministri.

Ndërkaq, kryetari i LDK-së, Lumir Abdixhiku, e ka konsideruar takimin mbi dyorësh me Kurtin si konstruktiv dhe me përmbajtje të qartë. Ai ka shtuar se për zgjedhjen e presidentit nevojitet një marrëveshje klasike mes partive ose konsensus mbi një kandidat të vetëm, dhe se LDK nuk ka plan të hyjë në qeveri./Kosovapress/

Vendi

Kurti takon Përfaqësuesin e UNDP-së, rikonfirmohet bashkëpunimi strategjik

Published

15 hours ago

February 23, 2026

UBTNews

Kryeministri i Kosovës, Albin Kurti, priti sot në takim Përfaqësuesin e Përhershëm të Programit të Kombeve të Bashkuara për Zhvillim (UNDP), Nuno Queirós.

Perfaqwsuesi Queirós e uroi Kryeministrin Kurti për mandatin e tij të ri dhe kabinetin qeveritar.

Ndërkaq, Kryeministri Kurti falënderoi Queirós për bashkëpunimin e vazhdueshëm ndërmjet Qeverisë së Kosovës dhe UNDP-së, duke theksuar se UNDP mbetet një partner strategjik në forcimin e institucioneve dhe në zbatimin e reformave me rezultate konkrete për qytetarët.

Në takim u rikonfirmua gatishmëria për bashkëpunim në fusha me prioriet si lufta kundër korrupsionit dhe sundimi i ligjit, mbrojtja e trashëgimisë kulturore, dokumentimi dhe adresimi i krimeve të luftës, mbrojtja e mjedisit dhe tranzicioni i gjelbër, si dhe reforma në arsim dhe ngritja e kapaciteteve institucionale.

Kryeministri Kurti theksoi rëndësinë e reformës në prokurimin publik, me fokus në rritjen e transparencës, digjitalizimin e proceseve dhe forcimin e mekanizmave mbrojtës kundër keqpërdorimit të fondeve publike.

Ai bëri me dije se qeveria do të vazhdojë me miratimin e strategjisë anti-korrupsion dhe ligjit për Byronë Shtetërore për Konfiskimin e Pasurisë së Pajustifikueshme.

Të dy palët theksuan se bashkëpunimi i deritanishëm ka dhënë rezultate të prekshme dhe shprehën përkushtimin për ta thelluar më tej partneritetin në funksion të zhvillimit të qëndrueshëm dhe forcimit të institucioneve të Republikës së Kosovës.

Vendi

Dialogu Kosovë-Serbi nën udhëheqjen e Konjufcës

Published

15 hours ago

February 23, 2026

UBTNews

Zëvendëskryeministri i Parë dhe Ministri i Punëve të Jashtme dhe Diasporës, Glauk Konjufca, priti sot Përfaqësuesin Special të Bashkimit Evropian për dialogun Kosovë-Serbi, Peter Sørensen, ku diskutuan mbi zhvillimet e fundit në dialog dhe mënyrën e avancimit të tij.

Gjatë takimit, Konjufca informoi Sørensen se nga tani procesi i dialogut do të udhëhiqet nga ai personalisht, përmes Ministrisë së Punëve të Jashtme dhe Diasporës. U shkëmbyen pikëpamje mbi momentumin aktual të dialogut dhe parimet që mund të sigurojnë një proces më efektiv dhe të qëndrueshëm.

Konjufca theksoi se Kosova mbetet e përkushtuar që dialogun ta shohë si mundësi për përmirësimin e marrëdhënieve fqinjësore me Serbinë, si dy shtete sovrane në rrugën e tyre drejt integrimit evropian.

Konjufca dhe Sørensen u pajtuan mbi rëndësinë e bashkëpunimit të ngushtë midis Kosovës dhe Bashkimit Evropian për një dialog konstruktiv dhe të rezultateve konkrete.

Lajmet

Haxhiu dhe ambasadori britanik diskutojnë zgjedhjen e Presidentit

Published

15 hours ago

February 23, 2026

UBTNews

Kryetarja e Kuvendit të Republikës së Kosovës, Albulena Haxhiu, priti sot Ambasadorin e Mbretërisë së Bashkuar në Kosovë, Jonathan Hargreaves, ku biseduan mbi marrëdhëniet e mes dy vendeve, zhvillimet aktuale institucionale dhe proceset lidhur me Presidencën.

Gjatë takimit, Kryetarja Haxhiu shprehu mirënjohjen për mbështetjen e vazhdueshme të Mbretërisë së Bashkuar ndaj Kosovës, veçanërisht në faza kyçe të zhvillimit të saj, duke theksuar progresin e arritur në konstituimin e institucioneve dhe në kalimin e fazave të rëndësishme.

Ambasadori Hargreaves e përgëzoi Kryetaren Haxhiu për zgjedhjen në detyrë dhe vlerësoi përparimin e shpejtë të Kuvendit në miratimin e marrëveshjeve ndërkombëtare dhe buxhetit për vitin 2026. Ai gjithashtu diskutoi me Kryetaren për zgjedhjet e ardhshme presidenciale dhe shprehu pritshmëri për bashkëpunim të ngushtë mes parlamenteve të Kosovës dhe Mbretërisë së Bashkuar.

Në këtë takim u ritheksua nga të dy palët gatishmëria për thellimin e bashkëpunimit dhe forcimin e partneritetit ndërmjet dy vendeve, duke përfshirë edhe intensifikimin e shkëmbimeve parlamentare që lidhen me institucionet e larta të shtetit.