Lajmet

Cirku i medias: Kur ndodhi që e humbëm fare arsyen dhe ndjeshmërinë?

Published

on

Shkëputur nga libri i Kim Goldman “Circku i Medias: Një vështrim mbi tragjeditë private në sytë e publikut” (bota.al)


Dua të ndihmoj për rritjen e ndjeshmërisë së një kulture, që besoj fort që është bërë, ndonjëherë, totalisht e mpirë ndaj dhimbjes së të tjerëve, duke kontribuar në një ndjenjë të përgjithshme apatie ndaj njëri-tjetrit.

Kam parë me sytë e mi negativitetin, urrejtjen dhe armiqësinë që mund të fermentohen në Internet për shkak të mungesës së mirëkuptimit dhe dhembshurisë – një shkëputje totale mes një titulli dhe një familjeje që qëndron prapa tij.

Cikli 24-orësh i lajmeve krijon një nevojë për përmbajtje që mund t’i shtyjë njerëzit e medias që ndonjëherë të veprojnë me papërgjegjshmëri në raportimin e tyre, për shkak se janë duke konkurruar me gazetarët amatorë që shfaqen aty-këtu nëpër blogje, në çdo qoshe të internetit. Ai krijon gjithashtu një ndjesi të rremë lidhjeje. Breshëria konstante dhe përsëritja e pafundme e informacionit krijojnë iluzionin se mund të kesh qasje tek cilido dhe tek gjithçka, në çast, sa hap e mbyll sytë. Dhe ndonëse tragjeditë që media ndan me ne lexuesit dhe shikuesit nuk na kanë ndodhur ne, ne i marrim sikur kështu është – humbjen, zemërimin, dashurinë, padrejtësinë. Ne e ndjejmë thellësisht. Dhe pastaj, ja ashtu sa hap e mbyll sytë, kalojmë tek lajmi tjetër, duke lënë pas një familje të trazuar.

A e kemi ngatërruar vijën ndarëse mes “të drejtës së publikut për t’u informuar” dhe dhunimit të privatësisë? A kemi mbërritur deri aty sa të besojmë se, vetëm për shkak se një lajm na ka dalë në facebook apo instagram, ne jemi të detyruar ta ndajmë, të komentojmë, të pëlqejmë, ta ripostojmë? A e pyesim ndonjëherë veten pse e bëjmë këtë? Dhe kë po prekim kur e bëjmë?

Mënyra se si media zbret në një familje të ndjerë në krizë mund t’ua rrëmbejë atyre pikëllimin. Katapultimi i një familjeje, në zi, para kamerave mund të jetë mizor dhe dhunues. Por ndonjëherë mizoria më e madhe qëndron në pasojat e vazhdueshme të informacionit të pasaktë, thashethemeve për të vdekurit dhe supozimeve dhe debateve që ato ndezin.

Lajmet

KQZ: Më 3 korrik fillon afati për përmirësimin e Listës Votuese dhe largimin e personave të vdekur

Published

on

By

Komisioni Qendror i Zgjedhjeve ka njoftuar se periudha për kundërshtimin e pasaktësive në Listën Preliminare të Votuesve për Zgjedhjet Lokale për Kryetarë të Komunave dhe për Kuvende Komunale, do të fillojë më 3 korrik dhe do të përfundojë më 31 gusht 2025.

Gjatë kësaj periudhe 60 ditore, çdo person me të drejtë vote që nuk figuron në Listën Votuese, është caktuar gabimisht në qendër tjetër të votimit apo ka të dhëna të tjera të pasakta, mund të kërkojë nga KQZ rishikimin e saj: përmes platformës elekronike: https://qv.kqz-ks.org/sq, oseduke u paraqitur në Komisionin Komunal të Zgjedhjeve në komunën përkatëse.

Po ashtu, gjatë kësaj periudhe votuesi mund ta kundërshtojë pasaktësinë e Listës Preliminare të Votuese edhe për ndonjë emër të votuesit për të cilin pretendon se nuk duhet të figurojë në këtë listë, përfshirë edhe rastet kur në këtë listë figuron emri i ndonjë personi të vdekur. Në këtë rast, ankesa duhet të parashtrohet në Panelin Zgjedhor për Ankesa dhe Parashtresa.

Për të kundërshtuar pasaktësitë për Listën Preliminare të Votuesve, votuesi duhet të indentifikohet me njërin nga tri dokumentet: Letërnjoftim i vlefshëm; pasportë e vlefshme; leje e vozitjes e vlefshme.

Continue Reading

Lajmet

Njësia A5 e TC Kosova A rikthehet në operim

Published

on

By

Korporata Energjetike e Kosovës (KEK) njofton opinionin publik se sot, më 23.06.2025, njësia A5 e Termocentralit Kosova A është sinkronizuar me rrjetin elektroenergjetik rreth orës 10:03 të mëngjesit, duke shënuar një rikthim të suksesshëm në operim, pas realizimit të një sërë ndërhyrjesh dhe sanimesh teknike të domosdoshme.

Procesi i startimit të njësisë kishte filluar këtë mëngjes, pasi kishin përfunduar me sukses të gjitha ndërhyrjet e planifikuara, në kohë dhe me cilësi të lartë teknike.

Punimet e realizuara përfshijnë:

Sanimin e rrjedhjeve në ritejnxehëse (i përfunduar të premten);
Sanimin e rrjedhjeve në ekonomajzer (ngrohës i ujit) dhe në ekranet e kaldajës (i përfunduar të dielën);
Pastrimin me pompë presioni të ftohësve të hidrogjenit;
Pastrimin e komorave në hyrje të kondenzatorit;
Punime mirëmbajtëse në pajisjet e sistemit MRRK;
Pastrimin e kuotave rreth kaldajës nga materiale të huaja – për rritje të sigurisë dhe efikasitetit operacional.

Ky rikthim në operim konfirmon edhe një herë kapacitetin dhe gatishmërinë e ekipeve tona teknike, të cilat, me përkushtim profesional dhe koordinim të vazhdueshëm, siguruan një proces të suksesshëm dhe të qëndrueshëm të rikthimit të njësisë A5.

Kryeshefi Ekzekutiv i KEK sh.a., z. Gramos Hashani, ka falënderuar të gjithë punonjësit për angazhimin dhe përkushtimin e tyre:

Edhe ky rast tregon përgjegjësinë që bartin punonjësit e KEK-ut, të cilët, edhe në ditë pushimi, nuk kursejnë as përpjekjet e as profesionalizmin për të mbështetur sistemin energjetik të vendit. Ju falënderoj për angazhimin dhe jam krenar për punën që keni bërë!

 

Continue Reading

Lajmet

​Kriza politike, Murati fajëson partitë tjera: Po ju konvenon kjo situatë

Published

on

By

Deputeti i Lëvizjes Vetëvendosje, Hekuran Murati ka vazhduar akuzat ndaj partive parlamentare që deri tani ishin në opozitë për krizën politike në vend.

Ai pas dështimit për herë të 36-të të konstituimit të legjislaturës së nëntë, tha se Kosova po humbet para nga Banka Botërore si pasojë siç tha ai të qasjes bllokuese të partive që deri tani ishin në opozitë.

Murati shtoi nevojën që Gjykata Kushtetuese të dal më shpejt me një aktgjykim në lidhje me kushtetutshmërinë e votimit të fshehtë të kryeparlamentarit.

E dëgjuam pak më parë deputeten Bajrami më parë se tha se ky vakum ju konvenon keqbërëseve. Pyetja ime do të ishte se apo i bie që meqenëse opozita po e mundëson këtë bllokadë a janë ata keqbërësit. Atyre po iu konvenon kjo situatë. Ata që bllokojnë tentojnë të fajësojnë të tjerët për bllokada. Uroj dhe besoj se së shpejti të kemi një mendim apo aktgjykim nga Gjykata Kushtetuese që të rikonfirmohet se votimi i fshehtë ashtu siç është thënë në vitin 2014 të jetë një prej mënyrave që mund të përdoret nga deputetët. Po ashtu uroj dhe shpresoj që nuk do të ketë diktat dhe shkelje të kushtetutës dhe ligjeve nga kryetarët e partive që siç kemi dëgjuar kanë tendenca autoritare që të shfaqin votën e fshehtë në publik që do të ishte në shkelje të parimeve demokratike”, tha ai.

Continue Reading

Lajmet

​Dalja në treg të hapur të 1300 kompanive, PDK-ja nesër procedon në Gjykatë Themelore pezullimin e vendimit

Published

on

By

Partia Demokratike e Kosovës do të kërkojë pezullimin e vendimit të ZRRE-së për daljen në treg të lirë të 1300 kompanive.

Deputeti i kësaj partie, Abelard Tahiri, tha se nesër do të procedojnë në Gjykatën Themelore të Prishtinës pezullimin e këtij vendimi, mirëpo paraprakisht vendosjen e një mase të përkohshme.

Sipas Tahirit, ZRRE-ja ka marrë vendim për qitjen në treg të hapur energjetik 1300 kompani në mënyrë të parregullt dhe pa përmbushur kriteret.

Nesër do të procedojmë në Gjykatën Themelore të Prishtinës pezullimin e vendimit. Do të kërkojmë masë të përkohshme në mënyrë që ky vendim të pezullohet dhe këto kompani të furnizohen me çmimin e njëjtë të energjisë elektrike, si para marrjes së këtij vendimi. Nuk janë përmbushur kushtet dhe nuk janë përmbushur as obligimet e ZRRE-së sa i përket daljes në treg të lirë dhe ka parregullsi në marrjen e këtij vendimi”, tha ai.

Këto komente Tahiri i bëri pas dështimit për herë të 36-të të konstituimit të Kuvendit.

Continue Reading

Të kërkuara