

Shëndet
Cilat ushqime ndihmojnë në parandalimin e kancerit të gjirit?
Kjo sëmundje shkaktohet nga dëmtimi i ADN-së dhe mutacionet gjenetike.
Published
2 years agoon
By
UBT newsKanceri i gjirit është kanceri më i zakonshëm tek gratë, por ai mund të shfaqet edhe tek meshkujt në raste të rralla.
Kjo sëmundje shkaktohet nga dëmtimi i ADN-së dhe mutacionet gjenetike, por gjithashtu edhe nga trashëgimi i gjeneve të caktuara.
Stili i jetesës luan po ashtu një rol kritik, konsumi i alkoolit, i duhanit, konsumi i tepruar i ushqimeve të përpunuara, janë disa nga faktorët që përbëjnë një rrezik në rritje të kancerit të gjirit.
Por disa studime kanë treguar se ka disa ushqime të cilat mund të ulin rrezikun e kësaj sëmundjeje.
AgroWeb.org ju njeh më poshtë me ushqimet që duhet të konsumoni për të ndihmuar në uljen e rrezikut të kancerit të gjirit.
Ushqimet që mund të ulin rrezikun e kancerit të gjirit
Perimet me gjethe jeshile
Lakra jeshile, rukola apo spinaqi, janë vetëm disa nga perimet me gjethe jeshile që mund të kenë veti antikancerogjene.
Ato përmbajnë antioksidantë karotenoidë, duke përfshirë beta karotenin, luteinën dhe zeaxanthinën, të cilat kanë traguar se mund të reduktojnë rrezikun e kancerit të gjirit.
Për më tepër, hulumtimet zbulojnë se një konsum i lartë i folatit, një vitaminë B e përqendruar tek perimet me gjethe jeshile, mund të mbrojë kundër kancerit të gjirit.
Agrumet
Agrumet janë të mbushura me folat, vitaminë C, disa lloje karotenoidesh dhe antioksidantë si kuercetina etj. Këto lëndë ushqyese ofrojnë efekte antioksiduese, antikancerogjene dhe anti-inflamatore.
Peshku i yndyrshëm
Peshqit e yndyrshëm si salmoni apo sardelet, njihen për përfitimet e tyre shëndetësore. Yndyrnat omega-3, seleniumi dhe antioksidantët që ato përmbajnë me shumicë mund të ofrojnë efekte mbrojtëse ndaj sëmundjes.
Frutat e pyllit
Konsumimi i rregullt i frutave të pyllit mund të ndihmojë në uljen e rrezikut të disa llojeve të kancerit, përfshirë atë të gjirit.
Antioksidantët e shumtë që këto fruta të vogla përmbajnë, kanë treguar se mbrojnë kundër dëmtimit qelizor, si dhe zhvillimit dhe përhapjes së qelizave kancerogjene.
Perimet si hudhra, qepa dhe preshi
Në veçanti perimet si hudhra, qepa dhe preshi, janë të pasura me një sërë lëndësh ushqyese, duke përfshirë antioksidantë dhe vitaminën C, që kanë veti të fuqishme antikancerogjene.
Frutat si pjeshkët, mollët dhe dardhat
Antioksidantët që këto fruta të veçanta përmbajnë, kanë treguar në disa studime se mund të pengojnë rritjen dhe përhapjen e një linje qelizore të kancerit të gjirit.
Për më tepër, rezultoi se konsumi i mollëve dhe dardhëve lidhej me një rrezik më të ulët të kancerit.
Perimet e kryqëzuara
Këtu mund të përmendim lulelakrën, lakrën dhe brokolin. Ato janë të pasura me komponime glukozinolate, me të cilat trupi juaj mund të luftojnë qelizat e dëmtuara duke ulur rrezikun e kancerit.
Fasulet
Fasulet janë të ngarkuara me fibra, vitamina dhe minerale. Në mënyrë të veçantë, përmbajtja e tyre e lartë e fibrave mund të mbrojë kundër kancerit të gjirit.
Barishtet dhe erëzat
Barishtet dhe erëzat si majdanozi, rozmarina, rigoni, trumza, shafrani i Indisë dhe xhenxhefili, përmbajnë komponime bimore që mund të ndihmojnë në mbrojtjen kundër kancerit të gjirit.
Mbani mend se edhe pse ka shumë faktorë që lidhen me zhvillimin e kancerit të gjirit, përmirësimi i regjimit tuaj ushqimor mund të përmirësojë shëndetin tuaj të përgjithshëm dhe të zvogëlojë rrezikun e kancerit në përgjithësi.
Megjithatë edhe me një regjim ushqimor të shëndetshëm, ju ende keni nevojë për ekzaminime të rregullta si mamografia dhe kontrolle manuale.
Në fund të fundit, zbulimi dhe diagnoza e hershme rrisin ndjeshëm mundësinë e shërimit. /AgroWeb.org
Shëndet
Tetë vende të reja në listën britanike për rrezikun nga pijet e falsifikuara me metanol
Published
18 hours agoon
October 22, 2025By
UBT News
Tetë shtete të reja janë shtuar në listën e paralajmërimeve të Zyrës së Jashtme të Mbretërisë së Bashkuar, për shkak të rrezikut nga helmimi me metanol që mund të ndodhë nga pijet alkoolike të falsifikuara ose të ndotura.
Sipas raportimit të BBC, vendet e reja të përfshira janë: Ekuadori, Japonia, Kenia, Meksika, Nigeria, Peruja, Rusia dhe Uganda, pas disa rasteve të britanikëve që janë prekur në këto shtete.
Më herët, paralajmërimi përfshinte Tailandën, Laosin, Vietnamin, Kamboxhën, Indonezinë, Turqinë, Kosta Rikën dhe Fixhin, pas disa incidenteve serioze — përfshirë vdekjen e gjashtë turistëve në Laos vitin e kaluar.
Autoritetet britanike u bëjnë thirrje udhëtarëve të tregojnë kujdes ndaj shenjave të mundshme të helmimit me metanol, si shikim i turbullt, konfuzion apo probleme me frymëmarrjen, që mund të çojnë në sëmundje të rënda ose edhe vdekje. /A.Z/UBT News/
Shëndet
Studimi zbulon: Mungesa e kohës për veten rrit rrezikun e demencës
Published
22 hours agoon
October 22, 2025By
UBT News
Kur mungon koha për veten, truri paguan çmimin – studimi që lidh mungesën e kohës me rrezikun e demencës.
Koha, ose më saktë mungesa e saj, mund të jetë hallka që mungon në parandalimin e demencës.
Një studim i ri paralajmëron se njerëzit që nuk kanë mjaftueshëm kohë për t’u kujdesur për veten janë në rrezik më të madh për rënie njohëse dhe zhvillim të demencës.
Një faktor i ri në shëndetin e trurit
Hulumtimi, i realizuar nga Qendra për Plakje të Shëndetshme të Trurit në Universitetin e New South Wales në Sidnej e botuar në revistën The Lancet Healthy Longevity, identifikon kohën si faktor social kyç për shëndetin e trurit – po aq i rëndësishëm sa arsimi dhe të ardhurat.
Sipas autorëve, “pabarazia kohore”, pra shpërndarja e pabarabartë e kohës ndërmjet grupeve shoqërore, mund të ndikojë drejtpërdrejt në aftësinë e individëve për të ruajtur shëndetin mendor dhe për të ulur rrezikun nga demenca.
Çfarë do të thotë “mungesë kohe për veten”?
Studiuesit analizuan të dhëna epidemiologjike dhe neurologjike, duke lidhur përdorimin e kohës me zhvillimin e demencës.
Ata zbuluan se personat që vuajnë nga “varfëria kohore” – pra, mungesa e kohës për kujdes ndaj vetes, kanë më tepër gjasa të zhvillojnë probleme njohëse në krahasim me ata që gjejnë kohë për gjumë, ushqim të shëndetshëm, aktivitet fizik dhe kontakte shoqërore.
“Njeriut i duhen të paktën 10 orë në ditë për aktivitetet bazë që ruajnë shëndetin e trurit”, shpjegon Dr. Simon Repermund, bashkautore e studimit. “Për shumë njerëz, kjo është e paarritshme për shkak të detyrimeve të përditshme.”
Koha – lidhja mes faktorëve të rrezikut
Komisioni Lancet më 2024 identifikoi disa faktorë kryesorë të rrezikut për demencë, përfshirë hipertensionin, diabetin, mungesën e aktivitetit fizik, izolimin shoqëror dhe kolesterolin e lartë.
Sipas studiuesve të CHeBA, të gjithë këta faktorë lidhen në mënyrë të tërthortë me mungesën e kohës.
Për të ushtruar, për të përgatitur ushqime të shëndetshme apo për të kaluar kohë me familjen dhe miqtë, nevojitet kohë – një burim që shumë njerëz nuk e kanë më. /A.Z/UBT News/
Shëndet
Ky ilaç është premtues për humbje në peshë
Published
2 days agoon
October 21, 2025By
UBT News
Një studim madhor ka treguar rezultate premtuese për sigurinë e një ilaçi për humbje në peshë, i cili është i qasshëm në SHBA.
Në studimin e publikuar në Revistën Mjekësore “New England”, është thënë se personat e rritur që përdoren ilaçin për dobësim “lorcaserin” kishin humbur mesatarisht 4 kg brenda 40 muajsh.
Gjithashtu është thënë se ky ilaç, që funksionon duke ulur ndjenjën e urisë, nuk i vendosë konsumuesit në rrezik më të madh për sëmundje në zemër.
Megjithatë ekspertët kanë theksuar rëndësinë e ndryshimeve afatgjate të jetesës për të arritur humbje të peshës efektive. /A.Z/UBT News/
Shëndet
Kur kanceri i mëlçisë përhapet në kocka
Published
2 days agoon
October 21, 2025By
UBT News
Kur kanceri i mëlçisë metastazon në kocka, zakonisht ndodhet në stadin e katërt (IV).
Ky stad shoqërohet me dhimbje të forta kockore, rrezik të lartë për fraktura dhe komplikime si hiperkalcemia (rritje e kalciumit në gjak) dhe kompresioni i palcës kurrizore.
Dhimbja është e vazhdueshme dhe vështirë kontrollohet edhe me ilaçe.
Sipas klinikave si Cleveland Clinic dhe Mayo Clinic, metastazat kockore mund të shkaktojnë lodhje, të përziera, konfuzion, dhe dobësi ose mpirje në gjymtyrë. Kanceri i mëlçisë shpesh zbulohet në faza të vona, sidomos te pacientët me hepatit kronik, cirozë, diabet apo mbipeshë.
Studimet tregojnë se 3% deri në 20% e pacientëve me karcinomë hepatike zhvillojnë metastaza në kocka, kryesisht në shtyllën kurrizore.
Dhimbja është simptoma më e shpeshtë dhe më e rëndë, duke ndikuar drejtpërdrejt në cilësinë e jetës së pacientit.
Trajtimi në këto raste është paliativ, pra synon lehtësimin e dhimbjes dhe përmirësimin e jetës.
Përveç ilaçeve dhe radioterapisë, sot përdoren edhe teknika moderne si ablacioni me radiofrekuencë dhe embolizimi selektiv, që ndihmojnë në kontrollimin e metastazave dhe reduktimin e dhimbjes. /A.Z/UBT News/

Kaçanik: Arrestohen dy persona pasi u kapën duke përgatitur qeset me marihuanë për shitje

Zyrtari policor goditet me veturë në Zubin Potok

Nora Gjakova në mesin e kampioneve botërore e olimpike në Romë

Skandal në Maqedoninë e Veriut, klubi shqiptar suspendohet nga të gjitha ligat!

Pesë raste të dhunës në familje gjatë 24 orëve të fundit

Al Pacino rikthehet në botën e mafias me trillerin e ri aksion “Father Joe”

Mbyllen të gjitha ndeshjet në Ligën e Kampionëve, fitojnë favoritët

Një person humb jetën pasi ra në hapësirën e liftit në Fushë Kosovë

Kurti takon ministrin francez për Evropë, diskutojnë për forcimin e lidhjeve Kosovë-Francë
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës