Lajmet

Cila na motivon më shumë, paraja apo pasioni?

Paraja të jep siguri dhe shprehet në vlerë numerike për atë cfarë jep.

Published

3 years ago

October 22, 2022

UBT news

Të punosh për para. Përgjigja më e saktë e pyetjes së mësipërme do të ishte – punoni që të paguheni. Kjo është e vërtetë për personat të cilët nuk kanë një profesion.

Në termat e hierarkisë së Maslow-t kjo është pothuajse drejt majës së piramidës. Kjo përfaqëson nevojat bazë që jeni në gjendje të paguani në jetë- të sigurosh ushqimin, akomodimin etj. Interesante është se shumë prej nesh mund të jetojnë lehtësisht me një pjesëz të pagës që fitojnë. Ekzistojnë njerëz në çdo kohe që e lënë punën dhe shpenzojnë një ose dy vjet duke fituar shumë pak në një punë të re derisa arrijnë përsëri të fitojnë krahasimisht atë c’ka fitonin më parë.

Paraja të jep siguri dhe shprehet në vlerë numerike për atë çfarë jep. Ajo ndërthuret me vetëbesimin tuaj dhe mund të jetë një motivues potencial. Këto janë forma të ndryshme të të punuarit për para. Shumë njerëz mund të punojnë nga ora 9- 5 në punë jo sfiduese/ nxitëse kështuqë ata mund të mbulojnë kostot bazë dhe të shpenzojnë mbrëmjet dhe fundjavat për të bërë çfarë ata duan.

Të punosh për status

Kur ju filloni të shkoni përtej nevojave bazë për para dhe të flisni për përfitimet nga puna , të mirat sociale fillojnë të shfaqen. Kur dikush punon për një kompani të madhe me reputacion të lartë, përshtatet në një mënyrë të tillë që të ruajë përfitimet. Sepse puna plotëson së tepërmi jetën tuaj, identiteti juaj lidhet me kompaninë ku punoni dhe punën që ju bëni. Nëse i thua dikujt se jeni ekonomist ju do të keni një reagim të caktuar. Nëse i thoni se jeni ekonomist për një nga kompanitë më të mëdha ju me shumë mundësi do të shihni një reagim ndryshe në sajë të supozimit se paga juaj është më e lartë. Të punosh për një status vjen në shumë forma- nuk është thjesht i lidhur me prestigjin. Shumë njerëz punojnë me krenari për organizata jo-fitimprurëse.

Të punosh për arritje

Kur kontrolloni me një mënyrë matëse punën e dikujt dhe i shikon rezultatet, fiksimi ndaj numrave dhe arritjet e vazhdueshme do të jenë befasuese. Kjo mund të bëhet një lojë për disa njerëz kur ata vazhdimisht përpiqen të kalojnë ‘pikët’ e shënuara në nivelin e mëparshëm. Aq gjatë sa niveli i ardhshëm do të jetë i arritshëm kjo bëhet pjesë e rëndësishme e asaj që njerëzit duan të bëjnë çdo ditë. Përtej nivelit të detyrës dhe perspektivës së karrierës, arritjet janë shpesh të lidhura në avancimin e karrierës. Përpjekjet për të arritur një nivel më të lartë në organizatë është një pjesë shumë e rendësishme e faktit se pse njerëzit përpiqen për më të mirën e tyre. Kjo duket si ato historitë e ditëve të sotme rreth njeriut që filloi pune në një zyrë poste dhe përfundoi si shef ekzekutiv, por mendësitë ende ekzistojne si : nëse punoni shumë dhe bëni çfarë është e nevojshme do të arrini shumë ne jetë.

Të punosh për të krijuar

Flitet shumë për kënaqësitë që të sjell puna. Do te jeni të kenaqur nëse do te keni një shef që nuk është pasiv. Do të jeni të kënaqur nëse mjedisi juaj i punës nuk është stresues. Në vend që të shikoni çfarë nuk është puna juaj, motivuesi i arritjeve shikon se çfarë është puna juaj. Kur puna të jep mundësi që të keni lidhje/kontakt me njerëz të tjerë dhe me botën në përgjithësi pagesa dhe statusi social tenton të venitet. Edhe shanci për t’u promovuar bëhet I parëndësishëm kur ju e gjeni veten duke bërë gjëra që me të vërtetë nuk ju interesojnë. Thënia është e vërtetë- nëse bëni atë çfarë doni, ju nuk do të punoni asnjë ditë në jetën tuaj. Disa pensionistë vazhdojnë të konsultojnë, udhëhëqin dhe të mbajnë lidhje me kolegët e vjetër të punës për stimulimin intelektual dhe kënaqësinë që të jep puna.

Të punosh për të qenë pjesë e një skuadre argëtuese

Disa njerez inspirohen së tepërmi nga njerëzit me të cilët punojnë- karakteristikat e tyre, mundësitë për të bashkëpunuar dhe miqësitë në punë. Njerëzit më të cilët punoni mund t’ju bëhen si të familjes dhe t’ju japin kënaqësi të pafund. Kjo ndodh sepse deshironi të ndihmoni dhe trajnoni të tjerët për arritje. Ose kënaqësia e të parit se skuadra juaj ndihmon të tjerët përmes punës mund të jetë vërtetë inspiruese.

Të punosh për të dalë në pension

Kur filloni të mendoni eksperiencën e gjithë jetës, shumë njerëz do te shpreheshin se çfarë pozicioni do donin të kishin kur të dalin në pension. Kjo kthehet në ideal i krijuar përmes një investimi që ka ardhur gjatë viteve. Një pension i parakoshëm është ëndërr për shumë njerëz. Befasisht, kur e shikon kjo nënkupton se shumë prej nesh punojnë në mënyrë që të mos punojnë. Kjo është një kënaqësi e vonuar, me qëllim për të ruajtur vlerat. Të marrësh parasysh gjithë variacioin e motivuesve në punë vërtet ju ndihmon të jeni elastik. Kur jeni duke ecur përmes një toke të ashpër dhe pyesni se nga do të vijë motivimi pikërisht aty është mirë të merrni parasysh të gjitha të mirat që sjell puna.Puna kërkon përpjekje, ajo është si nje taksë dhe gjithashtu duhet vazhdimisht të kujtoni veten tuaj se gjithçka bëni e bëni për arsye që të pasuroni jetën tuaj.

Marrë nga bota.al

Rajoni

Vjenë: Tre shqiptarë humbin jetën gjatë punimeve ndërtimore

Published

2 hours ago

March 17, 2026

UBTNews

Katër persona dyshohet se kanë humbur jetën dhe një tjetër është lënduar rëndë si pasojë e një aksidenti të rëndë në një kantier ndërtimi në Vienna.

Tre nga katër viktimat janë nga Kosova.

Sipas raportimeve të mediave austriake, ngjarja ka ndodhur të martën pasdite në lagjen Alsergrund, rreth orës 14:30, kur një pjesë e skelave bashkë me kallëpet e betonit janë shembur gjatë punimeve.

Siç raporton Der Standard, fillimisht ishte raportuar për një person të plagosur rëndë, ndërsa më vonë u konfirmua se katër persona kishin humbur jetën nga ky aksident.

Sipas shërbimeve emergjente, një punëtor 45-vjeçar ka pësuar lëndime të rënda në kokë dhe shtyllën kurrizore, si dhe fraktura në duar.

Zëdhënësi i zjarrfikësve, Martin Hofbauer, ka deklaruar se e gjithë konstruksioni është shembur, duke zënë poshtë pesë persona që ndodheshin mbi të në momentin e aksidentit.

Sipas Hofbauer, në këtë aksident u shemb e gjithë konstruksioni bashkë me pesë personat që ndodheshin mbi të.

Operacioni i shpëtimit është zhvilluar në kushte të vështira, pasi ekipet emergjente dhe punëtorët e tjerë janë detyruar në disa raste të largojnë materialet edhe me duar për të arritur te të lënduarit.

Aksidenti ndodhi gjatë punimeve të betonimit në kuadër të një projekti për ndërtimin e një kati shtesë në një objekt banimi, ndërsa autoritetet kanë nisur hetimet për të sqaruar shkaqet e ngjarjes.

Lajmet

Konjufca pret ambasadorin bullgar: Diskutohet forcimi i bashkëpunimit në siguri dhe politikë të jashtme

Published

9 hours ago

March 17, 2026

UBTNews

Ministri i Punëve të Jashtme dhe Diasporës, Glauk Konjufca, ka pritur në një takim njoftues ambasadorin e Republikës së Bullgarisë në Kosovë, Hristo Kraevski.

Gjatë këtij takimi, ambasadori Kraevski e uroi ministrin Konjufca për mandatin e tij të ri, duke rikonfirmuar marrëdhëniet e shkëlqyera ndërmjet dy vendeve.

Fokus i diskutimit ishte thellimi i mëtutjeshëm i bashkëpunimit dypalësh, me theks të veçantë në fushën e sigurisë dhe koordinimin e politikave të jashtme.

Të dy bashkëbiseduesit vlerësuan se partneriteti ndërmjet Prishtinës dhe Sofjes mbetet stabil dhe me interes të ndërsjellë për stabilitetin rajonal.

Me këtë rast, ambasadori Kraevski i dorëzoi ministrit Konjufca ftesën zyrtare për të marrë pjesë në takimin e radhës të Procesit të Bashkëpunimit të Evropës Juglindore (SEECP). Ky takim i rëndësishëm i nivelit rajonal pritet të mbahet në Sofje gjatë muajit qershor të vitit 2026.

Në fund të takimit, u rikonfirmua se Republika e Kosovës mbetet plotësisht e përkushtuar për të avancuar partneritetin me Bullgarinë, si një shtet mik dhe mbështetës i rrugëtimit euro-atlantik të Kosovës.

Vendi

Nënshkruhet kontrata 24 milionëshe për finalizimin e Spitalit të Ferizaj

Published

9 hours ago

March 17, 2026

UBTNews

Pas një pritjeje të gjatë dhe shumë sfidave procedurale, është hedhur hapi final për kryerjen e punimeve në Spitalin e Ferizajt. Ministri i Shëndetësisë, Arben Vitia, ka njoftuar sot se ka nënshkruar kontratën për vazhdimin e punimeve, një projekt ky që kap vlerën prej 24 milionë eurove.

“Kam nënshkruar kontratën për vazhdimin e punimeve në Spitalin e Ferizajt. Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh”, ka bërë të ditur Vitia.

Ai ka shtuar se ky është një projekt shumë i rëndësishëm për këtë rajon dhe se do të realizohet sipas standardeve më të larta të infrastrukturës spitalore.

Përzgjedhja e fituesit erdhi pas një procesi të gjatë prokurimi ku morën pjesë tetë grupe operatorësh ekonomikë. Ndonëse fituesi ishte shpallur që në nëntor të vitit 2025, nënshkrimi u zvarrit për shkak të ankesave në Ministri dhe në Organin Shqyrtues të Prokurimit.

Ky hap pason kontratën për riprojektimin e plotë të spitalit që ishte nënshkruar në mars të vitit 2024, duke i hapur rrugë tenderit aktual për ndërtim.

Kontrata e parë për nisjen e punimeve ishte nënshkruar në janar të vitit 2018, në kohën kur ministria udhëhiqej nga Uran Ismaili, i cili asokohe premtonte përfundimin e objektit brenda tri viteve.

Megjithatë, punimet ishin ndërprerë në vitin 2021, duke lënë projektin në pritje deri në riprojektimin e fundit që i dha rrugë marrëveshjes së sotme.

Lajmet

REL: Mali i Zi bën thirrje për paqe dhe bashkëpunim pasi Serbia blen raketa kineze

Published

9 hours ago

March 17, 2026

UBTNews

Zyra e Presidentit të Malit të Zi, Jakov Millatoviq, tha se Podgorica mbetet e përkushtuar ndaj “marrëdhënieve të fqinjësisë së mirë” dhe bashkëpunimit në rajon, pasi Serbia konfirmoi blerjen e raketave kineze CM‑400AKG me aftësi sulmuese.

Në një përgjigje për portalin malazez, Vijesti, zyra e Millatoviqit deklaroi se Mali i Zi ka besim dhe bashkëpunim me të gjitha vendet në rajon, duke theksuar se këto janë parakushte të rëndësishme për “paqe dhe zhvillim të qëndrueshëm”.

Sipas deklaratës, anëtarësimi i Malit të Zi në NATO në vitin 2017 “e ka forcuar sigurinë” e këtij vendi dhe një gjë e tillë mbetet themeli i sistemit të tij të mbrojtjes.

Presidenti i Serbisë, Aleksandar Vuçiq, konfirmoi javën e kaluar se Serbia ka blerë raketa balistike supersonike nga Kina, CM‑400AKG, duke u bërë vendi i parë në Evropë që i posedon ato.

Ky veprim ndezi alarmin në rajon, sepse objektivat e këtyre raketave, me fuqi të madhe shkatërruese, mund të jenë disa qindra kilometra larg.

Ministri i Mbrojtjes i Kosovës, Ejup Maqedonci, tha se me këtë blerje, Serbia shpërfaqi tendencat hegjemoniste ndaj fqinjëve të saj.

Kryeministri i Kroacisë, Andrej Pllenkoviq, tha se e ka informuar sekretarin e përgjithshëm të NATO-s për blerjen e raketave kineze nga Serbia, ndërsa presidenti kroat, Zoran Millanoviq, tha se nuk e kupton “përse Serbia furnizohet me armë sulmuese”, duke përmendur edhe shqetësimet për prishjen e mundshme të sigurisë rajonale.

Vuçiq tha se Serbia “nuk po përgatitej për sulm”, por pretendoi se vendet fqinje, Kroacia, Shqipëria dhe Kosova, janë duke krijuar një aleancë ushtarake, të cilën Beogradi e sheh si kërcënim.

Tri vendet i hodhën poshtë këto pretendime.

Bashkimi Evropian, ku Serbia synon të anëtarësohet, tha se rruga e saj evropiane kërkon “zgjedhje të qarta strategjike”, përfshirë shmangien e varësive që nuk janë në përputhje me integrimin evropian.

NATO-ja, partnere e së cilës është Serbia, nuk reagoi ende. /REL/