Lajmet

Çiftet që njoftohen përmes internetit kanë gjasa më shumë të divorcohen

Kjo duke u bazuar në një studim të ri.

Published

4 years ago

on

Çiftet e martuara që janë bashkuar në një aplikacion ose faqe interneti kanë gjashtë herë më shumë gjasa të divorcohen sesa çiftet që janë takuar në universitet apo nëpërmjet familjes dhe miqve, në tre vitet e para të martesës, sipas një studimi të ri.

Edhe pas shtatë vjetësh, çiftet që u njoftuan në internet kishin një rrezik prej 17% të divorcit krahasuar me vetëm 10% për ata që u takuan përmes kanaleve të jetës reale.

Studimi, nga Fondacioni Martesa, anketoi 2000 të rritur të martuar të moshës 30 vjeç e lart – dhe pyeti se ku e kishin takuar bashkëshortin/ën e tyre të parë. Çuditërisht, takimet në internet janë tani vendi më i popullarizuar për të takuar një burrë ose grua, duke përbërë një të tretën (32%) të atyre që martohen në dy vitet e fundit, nga vetëm 1% në vitet 1990 dhe 7% në vitet 2000.

Megjithatë, takimet në internet nuk duket të jenë rreziku i vetëm për çiftet, pasi studimi zbuloi se në 10 vjet martesë, ata që janë takuar në vendin e punës kanë shkallën më të lartë të divorcit – me 24%, krahasuar me 20% të tyre që u takuan në internet, 19% që u takuan në një bar apo restorant dhe 15% e atyre që u takuan përmes familjes, miqve ose fqinjëve.

“Në analizat e regresionit, dallimet e vetme të rëndësisë statistikore ishin midis atyre që u takuan në internet, të cilët kishin më shumë gjasa të divorcoheshin në tre vitet e para të martesës, por vetëm kur krahasoheshin me ata që u takuan përmes familjes ose miqve ose që u takuan shoqërisht në një bar, apo restorant”, thuhet në gjetjet.

“Duke marrë parasysh gjininë, moshën dhe profesionin, gjasat e divorcit brenda tre viteve të para të martesës ishin gjashtë herë më të larta mes atyre që u takuan në internet krahasuar me ata që u takuan përmes familjes, miqve ose fqinjëve”./prive.al

Related Topics:
Continue Reading

Lajmet

Presidentja Osmani pret sot në takim liderët e partive politike

Published

2 hours ago

on

October 31, 2025

By

E përditësuar: 
08:00

Presidentja e Kosovës, Vjosa Osmani sot do të pres në takim liderët e partive politike në vend me fillim nga ora 12:00 , për një takim konsultativ teksa ka bërë thirrje për marrëveshje politike mes subjekteve për të kaluar bllokadën shtetërore.

Pas shumë muajsh ngërçi politik në konstituimin e Kuvendit të Kosovës, vendi mbetet pa qeveri funksionale pasi në seancën e fundit dështoi formimi i qeverisë me mandatar, Albin Kurtin.

Kryetari i PDK-së, Memli Krasniqi e ka hedhur poshtë mundësinë që të bëhet mandatar i radhës në rast se presidentja e pyet nëse ka shumicën, teksa nënkryetarja e Kuvendit, Albulena Haxhiu thotë se LVV do të dal me qëndrim nëse do të ketë mandatar të ri pas takimit me Osmanin.

Kujtojmë se mandatari i parë i LVV-së për kryeministër Albin Kurti mori 56 vota pro në seancën e fundit, teksa presidentja pas dështimit të mandatarit të parë sipas Kushtetutës duhet të caktojë mandatarin e radhës në periudhën brenda 10 ditësh./S.K/KP/

Continue Reading

Lajmet

Mbi 2 mijë e 400 gjoba trafiku shqiptohen nga Policia e Kosovës në 24 orët e fundit

Published

2 hours ago

on

October 31, 2025

By

Policia e Kosovës ka njoftuar se kanë shqiptuar 2412 gjoba për kundërvajtësit e trafikut brenda 24 orëve të fundit.

Gjithashtu, janë raportuar 34 aksidente trafiku me dëme materiale, dhe 18 aksidente trafiku kanë përfunduar me të lënduar.

Policia e Kosovës ka arrestuar 20 persona, 16 janë dërguar në mbajtje, kurse 1 person është në vuajtje të dënimit./S.K/PK/

Continue Reading

Lajmet

Arrestohet një serb në Prishtinë, kishte urdhërarrest ndërkombëtar

Published

3 hours ago

on

October 31, 2025

By

Një shtetas serb është arrestuar dje në Prishtinë rreth orës 16:00 ka njoftuar Policia e Kosovës, i njëjti kishte edhe urdhër arrest aktiv.

Me vendim të prokurorit i dyshuari është dërguar në mbajtje.

URDHËRARREST NDËRKOMBËTAR

“Prishtinë / 30.10.2025 – 16:00. Është arrestuar i dyshuari mashkull shtetas serb pasi që i njëjti kishte urdhër arrest. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës./S.K/KP/

Continue Reading

Lajmet

​Prishtina 01 në mesin e 16 skuadrave më të mira të Ligës së Kampionëve

Published

3 hours ago

on

October 31, 2025

By

Skuadra kampione e Kosovës, Prishtina 01 ka shënuar një fitore të madhe të enjten mbrëma ndaj kampionit të Kroacisë, Novo Vrijeme, duke siguruar vendin e tretë në Grupin 4 dhe kualifikimin në mesin e 16 skuadrave më të mira të Ligës së Kampionëve të futsallit në “Elite Round”.

Pas humbjes së rëndë 19:1 ndaj Sportingu portugez, dy herë fitues i Ligës së Kampionëve, Prishtina 01 reagoi me një paraqitje fantastike dhe triumfoi 7:6 ndaj skuadrës kroate, nikoqire e ndeshjeve të këtij grupi.

Ndeshja e zhvilluar në Makarska u vendos në sekondat e fundit, kur Ramadan Alaj realizoi golin e fitores vetëm një minutë para fundit të takimit. Alaj, një nga lojtarët më të mirë të futsallit në Kosovë, shënoi golin vendimtar për suksesin e kryeqytetasve.

Halim Selmanaj kontribuoi me tre gola, ndërsa Arif Limani, Jeton Rukovci dhe Fitim Krasniqi shënuan nga një gol secili.

Kryeqytetasit do të përballen me Kairat Almaty të Kazakistanit më 1 nëntor, ndërsa Novo Vrijeme do të ndeshet me Sportingun, por pa gjasa për të kaluar tutje. Tri skuadrat e para të çdo grupi avancojnë në “Elite Round”.

Pas dy ndeshjeve të para, Sporting ka siguruar vendin e parë dhe avancimin si lider me gjashtë pikë, ndërsa Kairat Almaty dhe Prishtina 01 janë në luftë për vendin e dytë, secila me nga tre pikë. Novo Vrijeme mbetet në vendin e fundit pa pikë dhe pa mundësi për t’u kualifikuar.

Shorti për fazën e nokaut do të tërhiqet më 6 nëntor, ndërsa finalja e këtij edicioni të Ligës së Kampionëve të futsallit do të zhvillohet në Pesaro, Itali./S.K/KP/

Continue Reading

Të kërkuara