Lauren Sánchez paketoi 27 fustane për dasmën e saj me themeluesin miliarder të Amazon, Jeff Bezos, në Venecia, por u largua me vetëm 26 pasi njëri u zhduk. Çifti, i cili tani po kalon muajin e mjaltit në Taormina, u martua gjatë një feste tre-ditore plot yje në qytetin e lagunës.

Ata u larguan nga Venecia të dielën, por misteri mbi fustanin e humbur ka ngjallur debat në Venecia, me Corriere della Sera që pretendon se është vjedhur, ndoshta nga dikush që i ka shpëtuar sigurisë dhe ka hyrë me forcë në një festë në ishullin e vogël të San Giorgio-s, ku çifti shkëmbeu unazat.

Gazeta tha se numri i vizitorëve që kishin hyrë në këtë event ishte i tillë sa oficerë nga njësia lokale e skuadrës antiterrorizëm të Italisë.

Gazeta pretendoi se një fustan i vjetër i dizenjuar nga Dolce & Gabbana, i veshur ose nga nusja ose nga e ftuara e dasmës Ivanka Trump, u gris dhe u përfshi nga flakët gjatë një feste tjetër. Burime të njohura me situatën konfirmuan se një fustan ishte zhdukur, por mohuan se ishte vjedhur. Nuk është e qartë se ku dhe kur është zhdukur fustani. Çifti akomodoi në hotelin shtatë yjesh Aman, ku thuhet se veshjet e nuses u mbajtën nën mbikëqyrje të ngushtë.

Burimet theksuan se nuk ishte bërë asnjë ankesë ligjore në polici për fustanin e humbur, me pritjen që veshja përfundimisht do të “shfaqej”. Ata gjithashtu mohuan raportin se një fustan u përfshi nga flakë dhe se në festime ishin infiltruar persona që kishin hyrë në portë.

Këngëtarja me origjinë shqiptare dhe famë botërore, Ava Max, ka ndarë një lajm të papritur me ndjekësit e saj në Instagram, duke bërë të ditur se është detyruar të shtyjë turneun e saj muzikor.

Në një mesazh emocional të publikuar në Story, artistja e hitit “Sweet but Psycho” u shpreh se ky ka qenë një nga vendimet më të vështira të karrierës së saj.

“Shtyrja e turneut është vendimi më i vështirë që kam marrë ndonjëherë, por kur performoj për ju, gjithçka duhet të jetë në një standard me të cilin ndihem e kënaqur, dhe për momentin, nuk është ende aty ku dua”, ka shkruar Ava.

Duke treguar dashurinë për publikun dhe pasionin për skenën, ajo shtoi: “Të jem në skenë është gjëja ime e preferuar në botë. Për të sjellë një show që e meritoni të gjithë, më duhet pak më shumë kohë. Ju premtoj që do ia vlejë pritja”.

Ajo e mbylli mesazhin me një premtim për fansat: “Ju dua të gjithëve dhe mezi pres t’ju shoh. Së shpejti, ju premtoj!”

Reagimet e fansave kanë qenë mbështetëse dhe plot mirëkuptim, ndërsa shumë prej tyre kanë theksuar se presin me padurim të shohin një performancë të denjë për nivelin e saj artistik.

Katy Perry dhe aktori Orlando Bloom kanë konfirmuar zyrtarisht ndarjen e tyre, pas gjashtë vitesh të fejuar dhe një vajze të vogël së bashku. Lajmi është bërë i ditur nga mediat amerikane, të cilat publikuan një deklaratë të përbashkët nga përfaqësuesit e çiftit.

Në deklaratë thuhet se Perry dhe Bloom kanë vendosur të “ndryshojnë natyrën e marrëdhënies së tyre” për të fokusuar energjitë tek bashkëprindërimi i vajzës së tyre katërvjeçare, Daisy Dove.

“Ata do të vazhdojnë të shfaqen bashkë si familje, pasi prioriteti i tyre i përbashkët ka qenë dhe do të mbetet rritja e vajzës me dashuri, stabilitet dhe respekt të ndërsjellë”, thuhet në deklaratë.

Katy Perry, 40 vjeçe, dhe Orlando Bloom, 48, janë lidhur për herë të parë në vitin 2016. Çifti u nda për një periudhë të shkurtër në 2017, por u ribashkuan dhe u fejuan në Shën Valentinin e vitit 2019.

Një vit më pas, Perry zbuloi shtatzëninë në videoklipin e këngës së saj “Never Worn White”. Vajza e tyre lindi në vitin 2020 dhe lajmi u bë i ditur nga UNICEF, ku të dy janë ambasadorë të vullnetit të mirë.

Pavarësisht ndarjes, burime pranë çiftit theksojnë se Perry dhe Bloom janë të përkushtuar ndaj një marrëdhënieje të shëndetshme bashkëprindërimi dhe nuk përjashtohet që të shihen së bashku në publik, për hir të vajzës së tyre.

Kush nuk e ka parë, ose të paktën ka dëgjuar për filmin “Pretty Woman”? I konsideruar si një nga filmat më romantikë në historinë e kinemasë, ai tregon një histori dashurie të luajtur nga yjet Julia Roberts dhe Richard Gere.

Me miliona shikime dhe një kolonë zanorë të famshme në mbarë botën, “Pretty Woman” është një prej perlave më të njohura të kinematografisë.

Por, si shumë filma të tjerë të famshëm, edhe ky ka një gabim që vetëm pak shikues e kanë vënë re.

Pavarësisht se është i shikuar, pak kush ka vënë re këtë gabim të vogël. Në minutën e 32-të, në skenën e mëngjesit, mund ta dallojmë qartë.

Në fillim, Vivian (Julia Roberts) po ha një kroasant ndërsa flet me Lewis. Por, në skenën tjetër ajo nuk ka më kroasant, por petull të kafshuar, dhe kafshimi nuk përputhet me atë që shohim më parë. Këto janë detaje të vogla që mund të shpërqendrojnë shikuesin nga ngjarja kryesore.

Megjithatë, filmit nuk i humb aspak magjia, ai u publikua para 35 vitesh e konsiderohet një nga klasikët më të dashur të kinemasë romantike në botë.

Me aktorët Julia Roberts dhe Richard Gere, tregon historinë e një prostitute që merret si shoqëruese nga një biznesmen gjatë një udhëtimi në Los Angeles. Fillimisht, marrëdhënia e tyre është vetëm profesionale, por më pas ata bien në dashuri, duke krijuar një prej tregimeve më të bukura romantike ndonjëherë.

Megjithatë, përtej suksesit të madh, ka pasur debate për mesazhin që filmi përcjell, sidomos për mënyrën se si e paraqet prostitucionin si diçka “banale”. Vetë Julia Roberts ka deklaruar së fundmi se nuk e përkrah si qasje dhe se filmi minimizon realitetin e ashpër të kësaj jete.

Kohët e fundit u përhap një lajm se po përgatitej një vazhdim 35 vjet pas filmit origjinal. Kjo shkaktoi entuziazëm tek fansat, madje u publikua edhe një poster i “filmit të ri”. Por, fatkeqësisht ishte një mashtrim. Posteri që po qarkullon u krijua me inteligjencë artificiale për t’i dhënë besueshmëri lajmit të rremë.