Sport

Champions League: Barcelona ‘poker’ ndaj Dortmundit, PSG përmbys Aston Villën

Published

on

Mbrëmja e parë e çerekfinaleve të Ligës së Kampionëve ka prodhuar spektakël dhe gola, me Barcelonën që ka dhënë sinjale të forta për rikthim në majat evropiane, ndërsa PSG-ja ka arritur një fitore të vlefshme në transfertë.

Barcelona 4-0 Borussia Dortmund

Barcelona ka dominuar plotësisht në “Estadi Olímpic Lluís Companys”, duke mposhtur Borussia Dortmundin me rezultat të thellë 4-0 dhe duke hedhur një hap të madh drejt gjysmëfinales së Ligës së Kampionëve. Skuadra e Flick e nisi ndeshjen me intensitet të lartë, duke rrezikuar që në minutat e para me Lamine Yamal dhe Robert Lewandowskin. Epërsia erdhi në minutën e 25-të, kur Pau Cubarsí gjuajti nga distanca dhe Raphinha e devijoi topin në rrjetë për 1-0. Goli u konfirmua nga VAR.

Dortmundi pati dy raste të arta në fundin e pjesës së parë me Carney Chukwuemeka, por mungesa e saktësisë i mohoi golin barazues. Në pjesën e dytë, Barcelona u shfaq edhe më e rrezikshme. Vetëm pak minuta pas rifillimit, Raphinha asistoi bukur për Lewandowskin që trefishoi rezultatin në minutën e 50-të. Fermin Lopez, që ishte shumë aktiv, asistoi në golin e tretë në minutën e 66-të, sërish për Lewandowskin, i cili realizoi dopietë. Barcelona vulosi fitoren në minutën e 77-të me një gol të bukur nga Lamine Yamal, pas një tjetër asistimi nga Raphinha – heroi i padiskutueshëm i mbrëmjes me dy asistime dhe një gol.

Dortmundi tentoi të reagojë, por pa sukses. Niclas Sule, Giovanni Reyna dhe Maximilian Beier patën rastet e tyre, me këtë të fundit që gjeti rrjetën, por goli u anulua për pozicion jashtë loje. Katalanasit tani udhëtojnë në Dortmund me një epërsi komode prej katër golash dhe duken shumë pranë gjysmëfinales.

Aston Villa 1-2 Paris Saint-Germain

Në ndeshjen tjetër të mbrëmjes, Paris Saint-Germain arriti një përmbysje të rëndësishme në Angli ndaj Aston Villës, duke fituar 2-1. Skuadra angleze ishte ajo që kaloi e para në epërsi, duke ndezur entuziazmin në “Villa Park”, por francezët reaguan me qetësi dhe efikasitet. Me golat e Kolo Muani dhe Vitinha, PSG-ja siguroi një fitore të vlefshme që e vendos në pozicion të favorshëm për ndeshjen e kthimit në “Parc des Princes”.

Ndeshjet e kthimit luhen javën e ardhshme dhe pritet të përcaktojnë çiftet gjysmëfinaliste të këtij edicioni të Ligës së Kampionëve.

 

Continue Reading

Sport

Kosova aranzhon miqësore me një përfaqësuese të vogël

Published

on

Përfaqësuesja e Kosovës në futboll ka aranzhuar ndeshje miqësore me një përfaqësuese të vogël. 

Të premten, faqja zyrtare e Federatës së Futbollit e Kosovës njoftoi se Kosova në muajin qershor do të luajë me Përfaqësuesen e Komoreve.

“Kjo miqësore vjen si pjesë e përgatitjeve të Kombëtares sonë për ndeshjet kualifikuese të Botërorit që nisin në shtator”, ka shkruar ndër të tjera FFK-ja.

Ndeshja Kosova – Komoret luhet më 9 qershor në stadiumin “Fadil Vokrri” në Prishtinë.

Më 6 qershor po në Prishtinë, Kosova përballet me Armeninë në miqësoren tjetër.

Continue Reading

Sport

Zyrtare, Reali i jep lamtumirën Ancelottit

Published

on

By

Real Madridi e bëri zyrtar largimin e Carlo Ancelottit në faqen e tyre të internetit në prag të ndeshjes së tyre të fundit në La Liga. Trajneri italian nuk do t’i udhëheqë “blancos” në Kupën e Botës për Klube.

Deklarata e gjatë e klubit renditi trofetë e shumtë të fituar në dy periudhat e tij te Reali dhe presidenti Florentino Perez falënderoi Ancelottin për kontributin e tij të madh në familjen e Madridit. Së fundmi, njoftimi për nderime në “Bernabeu” me rastin e ndeshjes të së shtunës, më 24 maj, me Real Sociedadin. Menjëherë pas njoftimit të klubit madrilen, mbërriti postimi i trajnerit në rrjetet sociale, duke publikuar një video të gjatë të shoqëruar me një mesazh emocional.

Real Madridi ka njoftuar përfundimin e marrëveshjes me Ancelottin, i cili ndihmoi në zgjerimin e kabinetit prestigjioz të trofeve të klubit duke fituar: 3 Liga të Kampionëve, 3 Kupa të Botës për Klube, 3 Superkupa Evropiane, 2 La Liga, 2 Kupa të Mbretit dhe 2 Superkupa Spanjolle për një total prej 15 titujsh.

Florentino Perez i dërgoi një mesazh trajnerit: “Carlo Ancelotti do të jetë gjithmonë pjesë e familjes së madhe të Madridit. Ndihemi krenarë që kemi mundur të punojmë me një trajner që na ka ndihmuar të arrijmë kaq shumë dhe që ka përfaqësuar vlerat e klubit tonë në një mënyrë shembullore.”

Ndeshja e fundit me trajnerin nga Reggiolo në stol do të jetë kundër Real Sociedad në Bernabeu, ku atij do t’i bëhen nderime nga klubi, lojtarët dhe tifozët e Real Madridit.

Mesazhi i lamtumirës i Carlo Ancelottit mbërriti gjithashtu pak më vonë, duke u shfaqur në mediat sociale për t’i thënë lamtumirë asaj që kishte qenë shtëpia e tij për 6 sezone. Trajneri e nisi postimin e tij kështu:

Sot ndahemi përsëri. Sot mbaj në zemër çdo moment që kam përjetuar gjatë kësaj periudhe të dytë të mrekullueshme si trajner i Real Madridit. Kanë qenë vite të paharrueshme, një udhëtim i jashtëzakonshëm, plot emocione, tituj dhe mbi të gjitha krenari për të përfaqësuar këtë Klub. Tani fillon një aventurë e re, por lidhja ime me Real Madridin është e përjetshme. Shihemi së shpejti, Hala Madrid Y Nada Mas“, ka shkruar Ancelotti.

Continue Reading

Sport

Ten Hag i thotë po Leverkusenit

Published

on

Në një zhvillim të rëndësishëm për tregun e trajnerëve në Evropë, trajneri holandez Erik ten Hag ka pranuar të marrë drejtimin e Bayer Leverkusen në një projekt dyvjeçar.

Lajmi është bërë i ditur nga gazetari i njohur italian Fabrizio Romano, i cili raporton se tanimë vendimi përfundimtar i takon klubit gjerman.

Sipas Romano, Bayer Leverkusen ka zhvilluar bisedime me disa kandidatë për stolin e trajnerit, por Ten Hag ka shprehur gatishmërinë e tij për të marrë drejtimin e skuadrës dhe i ka dhënë përparësi ofertës së tyre.

Ndërkohë, në sfond mbetet edhe një interesim nga ish-klubi i tij Ajax, i cili është në pritje të një mundësie për ta rikthyer holandezin në Amsterdam.

Ten Hag është i njohur për punën e tij të suksesshme me Ajax, veçanërisht gjatë sezonit 2018-2019, kur arriti deri në gjysmëfinalen e Ligës së Kampionëve me një skuadër të re dhe dinamike.

Pas kësaj aventure, ai mori drejtimin e Manchester United, por periudha në Angli rezultoi me ulje dhe ngritje, çka shtyu spekulimet për një rikthim në Eredivisie ose një sfidë të re në kontinentin europian.

 

 

Continue Reading

Sport

Zvicra shpall listën, fton vetëm dy shqiptarë për miqësoret e qershorit

Published

on

Kombëtarja e Zvicrës ka bërë publike listën e futbollistëve të ftuar për dy ndeshjet miqësore që do t’i zhvillojë gjatë muajit qershor.

Trajneri Murat Yakin ka vendosur të përfshijë vetëm dy lojtarë me prejardhje shqiptare, Granit Xhakën dhe Ardon Jasharin, të cilët do të jenë pjesë e ekipit për ndeshjet ndaj Meksikës dhe Shteteve të Bashkuara të Amerikës.

Ndeshja e parë miqësore luhet më 7 qershor ndaj Meksikës, ndërsa më pas, më 11 qershor, Zvicra përballet me SHBA-në.

“Helvetikët” po përgatiten për kampionatin evropian “Euro 2024” dhe këto ndeshje do të shërbejnë si test i rëndësishëm për trajnerin Yakin në përzgjedhjen e formacionit final.

 

Continue Reading

Të kërkuara