Sport

Challandes: Nëse luan në Prishtinë dhe 13 mijë njerëz brohorasin për ty, atëherë është emocion i mahnitshëm

Published

5 years ago

December 29, 2020

Betim Gashi

Trajneri i Kombëtares së Kosovës, Bernard Challandes, ka thënë se i ka humbur ana e zjarrtë për lojën e futbollit për shkak të mungesës së tifozëve dhe emocionit që ofrojnë ata me brohoritjet e tyre në stadiumin Fadil Vokrri.

Kosova e Challandes i zhvilloi tri ndeshje në Prishtinë në vitin 2020, por trajneri zviceran u detyrua t’i udhëheqë verdhekaltrit në stadiumin e zbrazët Fadil Vokrri, për shkak të pandemisë së koronavirusit, raporton Gazeta Express.

Hera e fundit kur dardanët luajtën para tifozëve në Prishtinë ishte në nëntor të vitit 2019, në humbjen 4:0 kundër Anglisë.

Kosova tani duhet të përgatitet për ndeshjet kualifikuese për Kupën e Botës 2022, të cilat nisin në mars, dhe ka gjasa që nuk do të mundë të llogarisë në lojtarin e 12-të, tifozët dardanë.

Kosova do të luajë në Grupin B bashkë me Spanjën, Suedinë, Greqinë dhe Gjeorgjinë, katër kombëtare, tri prej të cilave s’e kanë njohur pavarësinë e saj.

Derisa në shumicën e ligave evropiane futbolli po vijon të luhet nën masa të rrepta dhe pa praninë e tifozëve, në Premierligë kanë filluar të kthehen tifozët në stadiume në numër të kufizuar.

Challandes shpreson se deri në mars, gjendja shëndetësore në botë nuk do të përkeqësohet dhe se Kosova do të mundë të luajë para tifozëve të vet.

I pyetur për ndeshjet kualifikuese në një intervistë me gazetën zvicerane Le Temps, Challandes tha: “Po, do t’i zhvillojmë ndeshjet, nëse gjendja shëndetësore nuk përkeqësohet edhe më tej. Por nuk e di se si do të jetë humori.”

Ai shtoi: “Nëse luan në Prishtinë dhe 13 mijë njerëz brohorasin për ty, të cilët e përjetojnë ndeshjen si aheng, dhe mijëra të tjerë janë përreth stadiumit, atëherë është emocion i mahnitshëm. Nëse nuk ka tifozë, atëherë nuk është ngjarja e njëjtë, nuk është sporti i njëjtë. Sot, unë e bëj punën sa më mirë që mundem, por nuk e kam më anën e zjarrtë”.

Up Next

PSG njofton shkarkimin e Tuchel

Don't Miss

La Liga rikthehet me takime interesante

Sport

Llapi kualifikohet në çerekfinale të Kupës së Kosovës

Published

10 hours ago

February 10, 2026

UBTNEWS

Klubi i Futbollit Llapi ka siguruar kualifikimin në çerekfinale të Kupës së Kosovës pas fitores 2-1 ndaj FC Dritës.

Llapi tregoi efikasitet dhe qetësi në momentet vendimtare të takimit.

Golat për skuadrën e Llapit u shënuan nga Arbnor Ramadani në minutën e 17-të dhe Muhamet Hyseni në minutën e 58-të, ndërsa në të dy golat asistuan Elvir Gashijani dhe Edon Sadriu.

FC Drita tentoi të rikthehej në lojë, por nuk arriti të shmangë eliminimin nga gara. Me këtë fitore, KF Llapi vazhdon rrugëtimin në Kupën e Kosovës dhe siguron një vend në fazën çerekfinale të kompeticionit.

Sport

Laporta jep dorëheqjen, Barcelona drejt zgjedhjeve më 15 mars

Published

17 hours ago

February 10, 2026

UBTNEWS

Siç pritej, Joan Laporta ka dhënë dorëheqjen nga posti i Presidentit të Barcelonës për t’i hapur rrugë kandidimit të tij në zgjedhjet që do të mbahen më 15 mars 2026.

Vendimi vjen në përputhje me rregullat e klubit, ndërsa Laporta synon një mandat të ri në krye të gjigantit katalanas.

Në deklaratën e tij, Laporta theksoi se po largohet duke e lënë klubin në gjendje më të mirë sesa e gjeti pesë vite më parë, duke nënvizuar rikthimin e gëzimit te tifozët dhe sukseset e arritura nga skuadra.

Ai vlerësoi lojtarët si arkitektë të trofeve të fituar dhe e cilësoi projektin e rinovimit të “Camp Nou” si trashëgiminë më të madhe në historinë e klubit. Përveç Laportës, në garën zgjedhore për presidencën e Barcelonës kanë konfirmuar kandidaturën edhe Victor Font, Marc Ciria, Xavi Vilajoana dhe Joan Camprubi Montal. balkanweb D.L

Sport

Ylli i Javës – Almir Kryeziu

Published

2 days ago

February 9, 2026

UBTNEWS

Federata e Futbollit e Kosovës, në bashkëpunim me sponsorin zyrtar të Superligës, Albi Mall, ka ndarë çmimin tradicional “Ylli i Javës”, i dedikuar futbollistit më të dalluar të xhiros në Superligën e Kosovës.

Për xhiron e 19-të të këtij edicioni, çmimi i është ndarë për herë të dytë futbollistit të FC Ballkanit, Almir Kryeziu, i cili shënoi një gol dhe asistoi në një tjetër, duke ndihmuar skuadrën e tij të fitojë 2:1 ndaj Gjilanit.

Vlerësimi është bërë nga Komisioni i Veteranëve të Futbollit. Kryeziu u shpreh i lumtur për çmimin dhe theksoi se synimi i Ballkanit mbetet titulli kampion dhe suksesi në Kupën e Kosovës. Ai gjithashtu falënderoi bashkëlojtarët dhe stafin për mbështetjen e tyre. /D.L/

Sport

Shkëlqen Distria, rrëmben medaljen e artë në Paris

Published

3 days ago

February 7, 2026

ubtnews

Distria Krasniqi ka nisur në mënyrën më të mirë të mundshme vitin 2026, duke fituar medaljen e artë në Grand Slamin e Parisit, një nga turnetë më prestigjioze të xhudos botërore. Medalistja e dyfishtë olimpike e Kosovës konfirmoi edhe një herë nivelin e saj elitar në kategorinë deri në 52 kilogramë, përcjell KosovaPress.

Xhudistja kosovare triumfoi në finale ndaj spanjolles Toro Soler, në një duel të fortë të zhvilluar para një audience të madhe në kryeqytetin francez. Me paraqitje të sigurt gjatë gjithë turneut, Distria tregoi se forma e saj mbetet në nivel të lartë.

Kjo medalje e artë përbën një sinjal të fortë për ciklin olimpik që çon drejt Lojërave Olimpike Los Angeles 2028, ku Krasniqi synon të vazhdojë historinë e suksesit për veten dhe për xhudon e Kosovës./KosovaPress/