Kronikë e zezë

Çfarë raportoi Policia e Kosovës për ngjarjet gjatë vikendit në Kosovë

Published

1 month ago

February 2, 2026

Safet Zejnullahu

Policia e Kosovës, në raportin e saj ditor, ka njoftuar për një varg zhvillimesh në vend, në fushën e sigurisë.

Një lëndim i rëndë trupo u njoftua se ka ndodhur në Fushë Kosovë. Katër persona të panjohur kanë sulmuar fizikisht dy meshkuj kosovarë, ku njëri nga viktimat ishte i therur me thikë. Viktima është dërguar në QKUK, ndërsa rasti është duke u hetuar.

Në rrugën “Bajram Kelmendi” në Prishtinë është arrestuar një i dyshuar, për shkak të dyshimit për kryerje të veprës së ngacmimi ndaj viktimës femër kosovare. Pas intervistimit me vendim të prokurorit i dyshuari është dërguar në mbajtje.

Një rast i vjedhjes është raportuar në fshatin Abri e Epërme të Gllogocit. Aty është raportuar se viktimës nga vetura i janë vjedhur dy targa. Në konsultim me prokurorin është inicuar lënda e rastit, e cila vazhdon të hetohet.

Në Prishtinë ka ndodhur aksident në trafik në të cilin kanë qenë të përfshira dy vetura. Si pasojë e aksidentit janë shkaktuar vetëm dëme të vogla materiale dhe nuk ka pasur të lënduar.

Në Bresje të Fushë Kosovës është raportuar se viktima është larguar nga banesa dhe nuk është kthyer më. Rasti është duke u hetuar.

Një person i zhdukur është raportuar në Gjilan. Sipas policisë, viktima femër prej datës 29.01.2026 ka dalë nga shtëpia dhe nuk dihet vendndodhja e saj. Në konsultim me prokurorin është inicuar lënda e rastit e cila vazhdon të hetohet.

Në Kaçanik janë arrestuar pesë të dyshuar meshkuj, dy prej tyre shtetas të Serbisë dhe tre kosovarë, pasi dyshohet se kanë tentuar të kryenin vjedhje në një argjendari. Dy të dyshuarit meshkuj serb nga njësitë policore janë kapur në flagrancë duke e kryer veprën. Në vendin e ngjarjes si dëshmi janë gjetur dhe konfiskuar: një shufër metali, një palë dana, pesë çelësa të ndryshëm, tri kaçavida, një skallper dhe dorëza. Të dyshuarit pas intervistimit me vendim të prokurorit janë dërguar në mbajtje.

Në Prizren është arrestuar i dyshuari mashkull kosovar pasi që gjatë kontrollit i është gjetur dhe sekuestruar 5.14 gram substancë narkotike e llojit marihuanë. Me vendim të prokurorit i dyshuari është liruar dhe rasti shkon në procedurë të rregullt.

Po në Prizren është shoqëruar në stacion policor i dyshuari mashkull kosovar pasi që tek i njëjti është gjetur dhe sekuestruar një pushkë ajrore. Me vendim të prokurorit pas intervistimit i dyshuari është liruar dhe rasti shkon në procedurë të rregullt.

Në Rahovec, raportohet se viktima mashkull është lënduar aksidentalisht duke prerë një lis, dhe i njëjti është dërguar pa shenja jete në Spitalin e Gjakovës. Me vendim të prokurorit trupi i pajetë i viktimës është dërguar në IML për obduksion.

Në fshatin Rogovë, vozitësi, shtetas i huaj, dyshohet se nga pakujdesia ka shkaktuar vetaksident trafiku. Përveç dëmeve materiale, lëndime trupore ka pësuar pasagjeri mashkull shtetas i huaj i cili është duke u trajtuar në Spitalin e Gjakovës.

Në Vaganicë të Mitrovicëa, është arrestuar i dyshuari mashkull nën dyshimin se i njëjti pas një mosmarrëveshje ka qëlluar me armë zjarri viktimën mashkull. Viktima ka pësuar lëndime trupore dhe është dërguar në Spitalin e Mitrovicës. Pistoleta me dy fishekë është konfiskuar si provë materiale që dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje.

Kronikë e zezë

Arrestohen pesë persona për bixhoz në Malishevë

Published

1 day ago

March 13, 2026

UBTNews

Polica e Kosovës në raportin e saj 24-orësh, njofton se janë arrestuar pesë persona në Malishevë, pasi janë kapur duke luajtur bixhoz.

Gjatë aksionit të policisë të zhvilluar rreth orës 20:55, brenda një lokali janë gjetur dhe sekuestruar edhe disa aparate të lojërave të fatit.

Me vendim të prokurorit, të gjithë të dyshuarit janë dërguar në mbajtje, ndërsa rasti po trajtohet si organizim i skemave piramidale dhe bixhozit të paligjshëm.

“Janë arrestuar pesë të dyshuar meshkuj kosovarë pasi që të njëjtit brenda një lokali janë hasur duke luajtur bixhoz. Në lokal janë hasur edhe aparate të lojërave të fatit, te cilat me vendim të prokurorit janë sekuestruar , ndërsa te dyshuarit janë dërguar në mbajtje”, thuhet në raportin e Policisë.

Kronikë e zezë

Tri raste të dhunës në familje brenda një dite

Published

1 day ago

March 13, 2026

UBTNews

Në Prishtinë, Lipjan dhe Gjakovë gjatë ditës së djeshme janë raportuar tri raste për dhunë në familje, sipas raportit njëditor të Policisë së Kosovës.

Incidenti i parë u shënua në Prishtinë rreth mesditës, ku një grua ka raportuar se është viktimë e dhunës dhe kanosjes nga një i dyshuar mashkull, rast ky që pas intervistimit ka kaluar në procedurë të rregullt.

Ngjashëm ka ndodhur edhe në Lipjan, ku pas një mosmarrëveshjeje mes një burri dhe një gruaje, policia ka iniciuar rastin në rrugë ligjore pa masa ndalimi.

Ndërkohë në Gjakovë gjatë orëve të vona të mbrëmjes, një person është arrestuar pasi dyshohet se ka sulmuar fizikisht dy gra.

Viktimat në Gjakovë kanë pranuar tretman mjekësor, ndërsa i dyshuari, me vendim të prokurorit, është dërguar në mbajtje për 48 orë.

Kronikë e zezë

Sekuestrohen substanca narkotike në tri lokacione në Prishtinë

Published

1 day ago

March 13, 2026

UBTNews

Gjatë ditës së djeshme në Prishtinë, Policia e Kosovës ka realizuar tri operacione të ndara që kanë rezultuar me arrestimin e tre personave për posedim të paautorizuar të substancave narkotike.

Rasti i parë u regjistrua në rrugën “Enver Maloku”, ku rreth orës 11:15 gjatë kontrollit rutinë një të dyshuari iu gjetën 6 gramë substancë narkotike, ndërsa pak më vonë, në rrugën “Taulantia”, u shoqërua një tjetër person pasi iu sekuestruan mbi 7 gramë të njëjtës substancë.

Aksionet policore në kryeqytet vazhduan edhe në orët e mbrëmjes në rrugën “Metush Krasniqi”, ku u ndalua një person i tretë me një sasi prej 0.9 gramësh narkotikë.

Për të tria rastet është njoftuar prokurori kompetent, me vendim të të cilit të dyshuarit janë liruar, ndërsa procedurat ndaj tyre do të vazhdojnë në rregullt.

Kronikë e zezë

Arrestim pas përleshjes me armë në Fushë Kosovë

Published

1 day ago

March 13, 2026

UBTNews

Në Fushë Kosovë është arrestuar një burrë nën dyshimin se, pas një mosmarrëveshjeje, është përleshur fizikisht dhe më pas ka qëlluar me armë zjarri në drejtim të një personi tjetër.

Sipas raportit 24-orësh të Policisë së Kosovës, ngjarja ka ndodhur pasditen e së enjtes, ku si pasojë e përleshjes, dy personat e përfshirë kanë pësuar lëndime trupore.

I dyshuari, pas marrjes së tretmanit mjekësor, është liruar për procedim të mëtutjeshëm, ndërsa viktima ka mbetur në spital për kurim të mëtejshëm.

Në vendin e ngjarjes, policia ka konfiskuar një pistoletë me gaz, një karikator dhe gjithsej 20 fishekë me gaz, dhjetë prej të cilëve u gjetën në çantën e të dyshuarit, si dhe tri gëzhoja.

Rasti po trajtohet si “Vrasje në tentativë” dhe me vendim të prokurorit, i dyshuari është dërguar në mbajtje.