Lajmet

Çfarë qëndron prapa rritjes së sulmeve të dhunshme në Pakistan?

Të hënën u sulmua Pakistani nga një sulm vetëvrasës.

Published

on

Pakistani u trondit nga një sulm vetëvrasës vdekjeprurës me bombë në një xhami që ndodhet brenda një kompleksi policie të sigurisë së lartë në qytetin veriperëndimor të Peshawar, mes një rritje të sulmeve gjatë muajve të fundit.

Së paku 100 persona u vranë dhe mbi 200 të tjerë janë lënduar në sulmin më vdekjeprurës brenda një dekade. Një komandant i talibanëve pakistanez, që njihet me shkurtesën TTP, mori përgjegjësinë për sulmin e së hënës, në të cilin pothuajse të gjitha viktimat ishin zyrtarë policorë. Por më vonë, zëdhënësi i TTP-së, Mohammad Khurasani e distancoi grupin nga bombardimet, duke thënë se politika e grupit nuk synon xhamitë apo objektet e tjera fetare.

Talibanët pakistanezë janë fajësuar për më shumë se 100 sulme qëkur u larguan nga një armëpushim me qeverinë pakistaneze nëntorin e vitit të kaluar.

Pse po luftojnë talibanët e Pakistanit?

Të zemëruar nga bashkëpunimi i Pakistanit me Shtetet e Bashkuara në “luftën kundër terrorit”, TTP u formua zyrtarisht në Pakistan në vitin 2007 kur grupe të ndryshme të jashtëligjshme ranë dakord të punojnë së bashku kundër qeverisë dhe të mbështesnin talibanët në Afganistanin fqinj, i cili po lufton me forcat e SHBA-së dhe NATO-s.

“Sapo filloi e ashtuquajtura luftë kundër terrorit, ndikoi që mijëra njerëz në brezin fisnor të vriteshin nga aksionet shtetërore si dhe nga dronët amerikanë. Kjo shkaktoi gjithashtu shumë pakënaqësi pasi ndikoi që shumë njerëz të marrin armët”, tha Abdul Sayed, një studiues në Suedi për grupet e armatosura në Pakistan dhe Afganistan.

Pakistani vendosi të bashkëpunojë me SHBA-në kur pushtoi Afganistanin pas sulmeve të 11 shtatorit të vitit 2001. Forcat amerikane shënjestruan grupe të armatosura, përfshirë TTP-në, përgjatë kufirit Pakistan-Afgan për dekada.

Marrëdhëniet Uashington-Islamabad kanë mbetur të ftohta që nga viti 2011, kur shefi i Al-Kaedës, Osama bin Laden u vra nga forcat amerikane në qytetin pakistanez të Abbottabad. SHBA-ja akuzoi Pakistanin për strehimin e udhëheqësve taliban dhe të al-Kaedës.

Marrëdhëniet u përkeqësuan edhe më tej pas pushtimit të Afganistanit nga talibanët në vitin 2021, por duket se janë ngrohur që nga shkarkimi i Imran Khan si kryeministër i Pakistanit prillin e kaluar. Khan kundërshtoi sulmet me dron të SHBA-së në zonat fisnore të Pakistanit.

Në mesin e kërkesave të shumta të tij, talibanët pakistanez kërkojnë zbatimin më të rreptë të ligjeve islamike, lirimin e anëtarëve të tij që po mbahen në paraburgim nga qeveria dhe reduktimin e pranisë ushtarake pakistaneze në pjesë të Khyber Pakhtunkhwa, provinca në kufi me Afganistanin që e ka përdorur prej kohësh si bazë.

Studiuesi Sayed thotë se rajoni është tashmë i pjekur për konflikt të armatosur për shkak të ligjeve të epokës koloniale që shiheshin si kundër zakoneve fisnore dhe në disa raste diskriminuese.

Riccardo Valle, një studiues i Venecias, thotë se është e qartë se organizatat e armatosura lulëzojnë nga mungesa e mundësive socio-ekonomike dhe përfitojnë në mungesë të saj.

Mohsin Dawar, ligjvënësi pakistanez nga Vaziristani i Veriut, një nga shtatë distriktet fisnore, thotë se dobësitë e njerëzve u shfrytëzuan nga grupe të armatosura.

“Grupet e armatosura përfitojnë nga mjerimi i njerëzve për shkak të mungesës së objekteve dhe infrastrukturës dhe i bindin ata të bashkohen me radhët”, tha Dawar për Al Jazeera.

Pse është shtuar dhuna kohët e fundit?

Analistët e sigurisë kanë frikë se Pakistani do të përballet me rritje të dhunës gjatë muajve të ardhshëm, ndërsa vendi po përballet me një krizë ekonomike të paprecedentë mes paqëndrueshmërisë politike.

Pakistani u përball me sulme të panumërta të armatosura në dy dekadat e fundit, por ka pasur një rritje që nga nëntori, kur TTP i dha fund armëpushimit mujor.

Talibanët pakistanezë kryejnë rregullisht të shtëna ose bombardime, veçanërisht në Pakistanin e thyer dhe të largët veriperëndimor, një ish-bastion i TTP-së.

Dhuna ka ngjallur frikë te banorët për një operacion të mundshëm ushtarak në ish-rajonet fisnore të Vaziristanit Verior dhe Jugor, tani dy rrethe në provincën Khyber Pakhtunkhwa.

Vetëm disa orë pas sulmit në xhami të hënën, ministri i Brendshëm, Rana Sanaullah Khan i tha kanalit të pavarur Geo News se sundimtarët talibanë të Afganistanit duhet të vazhdojnë përkushtimin e tyre ndaj komunitetit ndërkombëtar për të mos lejuar askënd të përdorë tokën e tyre për sulme kundër një vendi tjetër.

“Ata duhet të respektojnë premtimet e tyre”, tha ai.

Por ministri i Jashtëm në detyrë i Afganistanit, Amir Khan Muttaqi të mërkurën tha se autoritetet pakistaneze duhet të shmangin “mbjelljen e farës së armiqësisë” midis dy vendeve.

“Ne i këshillojmë ata që të kryejnë një hetim të plotë për bombardimin në Peshawar”, tha Muttaqi./UBTNews/

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara