Teknologji

Çfarë ka rezervuar e ardhmja për Apple?

Raportohet se synimi tjetër ambicioz i “Apple” është prodhimi i një automjeti elektrik autonom.

Published

on

Dhjetë vjet më parë, Steve Jobs humbi jetë nga kanceri i pankreasit, në moshën 56-vjeçare. Ai luajti një rol të madh që kompania “Apple” të ishte një nga kompanitë më të suksesshme në botë. Por si duket e ardhmja e Apple?

Steve Jobs ndërroi jetë më 5 tetor të vitit 2011, pas një beteje të gjatë me kancerin e pakreasit. Ai ishte një njerëzit më të suksesshëm në botën e teknologjisë dhe pas vdekjes së tij, janë shkruar shumë libra e janë bërë shumë filma mbi jetën e tij.

“Ai i dha kompanisë fytyrën e tij, ai ishte sinonimi i Apple-t. Dhe natyrisht, Apple u bë personifikim i botës së re, botës dixhitale ku ne jetojmë, që ishte shumë më ndryshe përpara se ai të bëhej pjesë e saj”, thotë Robert Thompson, profesor në Universitetin “Syracuse”.

Në moshën 21-vjeçare, në vitin 1976, Jobs themeloi kompaninë “Apple” me mikun e tij Steve Wozniak. Më pas ai nxorri në treg një kompjuter të ri që e quajti “Makintosh”, shitja e të cilit i siguroi përfitime të mëdha.

Jobs u largua nga “Apple” në vitin 1985 për shkak të disa konflikteve. Ai u kthye sërish në vitin 1996, ndërsa kompania kishte humbur klientë. Me Steve Jobs në krye, Apple rifitoi kohën e humbur. Me produktet si iMac, iPod, MacBook, iPhone dhe iPad ai filloi të ndryshojë botën e teknologjisë.

“Apple nuk ishte vetëm një revolucion teknologjik, por një mënyrë jetese”, thotë Robert Thompson, profesor në Universitetin “Syracuse”.

Edhe pas vdekjes së Jobs, gjiganti i teknologjisë vazhdoi të hyjë në tregje të reja e të thyejë rekorde. Në vitin 2018, “Apple” u bë kompania e parë në botë me një kapital tregu prej një trilion dollarësh. Në vitin 2020, ky numër u dyfishua.

Krahas “iPhone-ve” kompania hodhi në treg gjithashtu produkte të reja, mes tyre kufjet pa tel (AirPods) si dhe një orë inteligjente “Apple Watch”.

Ekspertët thonë se është Tim Cook ai që duhet të marrë meritat e plota për suksesin e kompanisë në dekadën e fundit. Cook mori drejtimin e kompanisë “Apple” pas vdekjes së Steve Jobs.

“Natyrisht, Steve Jobs ishte një vizionar. Por kur ai vdiq, kompania ishte në një pikë që kishte vërtet nevojë për një njeri që merrte vendime dhe jo për një njeri vizionar. Tim Cook ishte përzgjedhja perfekte për atë fazë të jetës së Apple-t. Ai ishte gjithmonë në prapaskenën e kompanisë”, thotë Paul Meeks, analist i tregjeve financiare.

Por disa analistë financiarë thonë se trashëgimia e Steve Jobs nuk është e mjaftueshme dhe se për të mbetur një gjigant i teknologjisë “Apple” duhet të bëjë diçka të jashtëzakonshme.

“Parashikimi im për të ardhmen është se rritja e kompanisë do të ngadalësohet në mënyrë dramatike. Kështu që Apple ka nevojë të dalë me një strategji të re. Dhe problemi është se kur bëhet fjalë për një kompani kaq të madhe sukseset e vogla janë të papranueshme. Duhet diçka e madhe si dhe duhen miliarda dollarë shitje që të quhet sukses”, thotë Paul Meeks, analist i tregjeve financiare.

Sipas një njoftimi të agjencisë së lajmeve “Reuters”, synimi tjetër ambicioz i “Apple” është prodhimi i një automjeti elektrik autonom, por deri tani kjo gjë nuk është konfirmuar. Por ekspertë të kompanisë thonë se është e mundur që një ditë njerëzit të mbajnë radhë për të blerë një automjet të tillë./PCWorldAlbanian

Teknologji

Skoda rikthen legjendën 1000 MBX me një pamje moderne dhe futuriste

Published

on

Ekipi i dizajnit të Skodës ka sjellë një frymë nostalgjie duke rishikuar modelet klasike të markës dhe duke imagjinuar se si do të dukeshin ato me stilin modern të sotëm.

Dizajnerët kanë zbatuar gjuhën e re të dizajnit “Modern Solid” në një nga modelet më të rralla që ka prodhuar ndonjëherë kompania çeke, Skoda 1000 MBX.

Kjo veturë debutoi në vitin 1966, me vetëm 1,403 njësi të prodhuara deri në përfundimin e prodhimit në vitin 1969.

Më vonë u krijua edhe një version më i fuqishëm, 1100 MBX, i cili është edhe më i rrallë, me vetëm 1,114 ekzemplarë të montuar.

Në konceptin e ri digjital, Skoda e ka imagjinuar 1000 MBX me karakteristika të nivelit të lartë dhe një pamje tërësisht bashkëkohore — elemente që nuk gjenden në asnjë nga modelet aktuale të markës. /A.Z/UBT News/

 

 

Continue Reading

Rajoni

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Aktualitet

Rindërtimi pas konfliktit: Ekspertët e UBT-së prezantojnë sukseset e Kosovës në Pragë

Published

on

Profesori Lulzim Beqiri dhe profesori Bekim Ceko nga Fakulteti i Arkitekturës dhe Planifikimit Hapësinor në UBT morën pjesë në konferencën ndërkombëtare “Towards Sustainable Reconstruction of Ukraine Cities”, të organizuar nën drejtimin e profesoreshës Vladimira Silhankova nga MIAS (Masaryk Institute for Advanced Studies) në kuadër të Czech Technical University në Pragë.

Konferenca kishte për qëllim identifikimin e sfidave të rindërtimit në Ukrainë pas përfundimit të konfliktit dhe hartimin e strategjive zhvillimore nga ekspertë ndërkombëtarë dhe vendore. Në këtë forum morën pjesë përfaqësues të universiteteve nga Çekia, Polonia, Sllovakia, Austria, Finlanda dhe Gjermania, si dhe universitete nga Ukraina, duke krijuar një platformë të rëndësishme për shkëmbimin e përvojave dhe ideve në fushën e rindërtimit urban dhe zhvillimit të qëndrueshëm.

Pjesëmarrja e Kosovës në këtë konferencë ishte veçanërisht e rëndësishme, pasi profesori Beqiri dhe profesori Ceko ndanë eksperiencat e vendit tonë në rindërtimin pas luftës. Ata prezantuan modele të strategjive të zhvillimit urban dhe praktika të suksesshme të projektimit dhe planifikimit hapësinor, të cilat mund të shërbejnë si shembull për Ukrainën në procesin e saj të rindërtimit.

Profesorët e UBT-së theksuan rëndësinë e bashkëpunimeve ndërkombëtare në fushën e urbanistikës dhe arkitekturës, duke vënë në pah se përvoja e Kosovës mund të ofrojë mësime të vlefshme për vendet që kalojnë periudha të vështira pas konflikteve. Konferenca gjithashtu shërbeu si një mundësi për rrjetëzim dhe zhvillimin e projekteve të përbashkëta akademike mes universiteteve të Evropës dhe Ukrainës.

Pjesëmarrja e profesorëve të UBT-së në këtë forum ndërkombëtar nënvizon angazhimin e institucionit për të kontribuar në diskutime globale mbi rindërtimin e qyteteve, zhvillimin urban të qëndrueshëm dhe bashkëpunimin shkencor ndërkufitar.

Continue Reading

Teknologji

MacBook pro i ri! Apple lehtëson riparimin dhe përmirëson brendësinë

Published

on

Apple ka prezantuar një MacBook Pro të ri të pajisur me çipin M5. Megjithatë, përveç përmirësimit të performancës, një çmontim i detajuar tregon se kompania ka rafinuar dizajnin e brendshëm të pajisjes, duke e bërë më të lehtë aksesin te bateria dhe duke pastruar organizimin e kabllove të brendshme.

Nga jashtë, MacBook Pro me M5 duket thuajse identik me versionin M4, por brenda ka ndryshime të vogla që synojnë të përmirësojnë riparueshmërinë dhe inxhinierinë e tij. Përmirësimet janë të detajuara dhe delikate, jo një ridizajnim i madh.

Manuali i Apple përfshin udhëzime për shkëputjen e kabllit të sistemit të Menaxhimit të Baterisë, gjë që mundëson ndërprerjen e energjisë para se të fillojë riparimi.  Kjo praktikë e sigurt për riparimin e pajisjes tregon se Apple po i njeh përdoruesit që janë të gatshëm të kryejnë vetë riparime.

Bateria është e njëjtë me versionin e mëparshëm, por korniza e saj e brendshme është përmirësuar. Portat dhe ventilatori i ftohjes janë bërë modulare, duke lehtësuar zëvendësimin e tyre në mënyrë të pavarur.

Disa pjesë mbeten nën pllakë, prandaj qasja kërkon ende çmontim, përfshirë ventilatorin, i cili herë pas here do të ketë nevojë për pastrim ose zëvendësim.

Përveç ndryshimeve funksionale, ka edhe ndryshime në paraqitjen e kabllove, që tregojnë përkushtimin e Apple për të rritur efikasitetin e prodhimit. /A.Z/UBT News/

Continue Reading

Të kërkuara