Lajmet

Çfarë është World Central Kitchen – organizata joqeveritare që u sulmua në Gaza?

Për 14 vjet, organizata joqeveritare e themeluar nga shefi i kuzhinës, Jose Andres, ka ofruar miliona vakte në vendet e shkatërruara nga fatkeqësitë natyrore dhe konfliktet e dhunshme.

Published

on

Vrasja e shtatë anëtarëve të World Central Kitchen (WCK) në Gaza ka vënë në pah punën e rrezikshme të organizatave humanitare në mbarë globin.

Për 14 vjet, organizata joqeveritare e themeluar nga shefi i kuzhinës, Jose Andres, ka ofruar miliona vakte në vendet e shkatërruara nga fatkeqësitë natyrore dhe konfliktet e dhunshme. Organizata ka sjellë ushqim për civilët në luftën Izrael-Hamas që nga muaji tetor.

Pas sulmit ajror në kolonën e saj të ndihmave, organizata e pezulloi punën e saj duke ngjallur frikën se një litar jetësor do të ndërpritet.

Të vrarët po udhëtonin nga një depo në qendër të Gazës, kur kolona u godit nga avionët izraelitë. Forcat e Mbrojtjes së Izraelit (IDF) e kanë pranuar sulmin ajror dhe janë zotuar të hetojnë.

Çfarë roli ka WCK në Gaza?

WCK ka operuar në Gaza – si dhe në Izrael dhe Liban – që nga shpërthimi i armiqësive në fillim të tetorit të vitit të kaluar.

Deri më 29 mars, organizata kishte dërguar më shumë se 1 mijë e 700 kamionë me ushqime dhe pajisje gatimi përmes kufirit Rafah nga Egjipti dhe po funksiononte përmes 68 “kuzhinave të komunitetit”.

Gjithashtu organizata ka dërguar 230 mijë vakte nga Jordania, si në tokë ashtu edhe me avion, si dhe 435 mijë të tjera përmes detit.

Kohët e fundit tha se dy anije të tjera janë të ngarkuara me 1.2 milionë ushqime gati për t’u dërguar në Gazën veriore.

Çfarë ndikimi do të ketë pezullimi i ndihmës nga WCK?

Njoftimi se WCK dhe një shoqatë tjetër bamirëse, American Near East Refugee Aid, kanë pezulluar operacionet, ngriti shqetësime të menjëhershme për një ndërprerje të ndihmës për Gazën. Emiratet e Bashkuara Arabe – financuesi kryesor i WCK-së në Gaza – ka ndalur gjithashtu ndihmën në Gaza.

“Fëmijët po vdesin nga uria”, i tha BBC-së Juliette Touma, drejtoreshë e komunikimit për Agjencinë e OKB-së për Ndihmë dhe Punë për Refugjatët Palestinë (UNRWA). “Çdo organizatë që ofron ndihmë për njerëzit në Gaza është thelbësore”.

“Çdo ndërprerje do të ketë pasoja të rënda për një popullatë e cila tashmë po kalon në situatë të vështirë”.

Dr Mona Jebril, një studiuese palestineze në Kembrixh, e cila jetoi në Gaza për më shumë se 22 vjet, tha se ndikimi i sulmit ajror është “shumë më shumë sesa thjesht katastrofik”.

“Ne po flasim për një popullsi që në thelb është deklaruar 100% që ndodhet në prag të urisë”, tha ajo. “Popullsia po lihet të vdesë…Kjo është shumë e rrezikshme”./UBTNews/

Lajmet

Izmaku: Limaj ka autoritet dhe është përafrues në skenën politike

Published

on

By

Deputetja e Nismës, Xhevahire Izmaku është pyetur për deklaratën e Albin Kurtit se nuk mund t’ia japë postin e kryeparlamentarit një partie që ka vetëm tre deputetë.

Limaj ka autoritet dhe njihet si autoritet përafrues në skenën politike. Por pesha e një lideri nuk varet nga numrat në politikë”, tha Izmaku.

Continue Reading

Lajmet

Zemaj: Kurti nuk është i interesuar për formimin e institucioneve të reja

Published

on

By

Deputeti i LDK-së Armend Zemaj tha se Albin Kurti nuk është i interesuar për formimin e institucioneve të reja të Kosovës.

Janë deklarata dëshirore të zotit Kurti pa dashur që të përballet me realitetin. Kjo është logjika e Vetëvendosjes: imponimi, diktati ashtu siç funksionojnë brenda partisë së tyre. Mendojnë që duhet edhe subjektet politike t’i nënshtrohen. Kjo është e papranueshme. Nuk jemi për dëshira personale këtu. Jemi për t’u shërbyer qytetarëve dhe për formimin e institucioneve. Nuk ka pritshmëri. Kurti nuk është i interesuar për formimin e institucioneve të reja”, tha Zemaj.

Continue Reading

Lajmet

Bahtiri: Gabim i madh i partive politike që nuk po konstituohet Kuvendi

Published

on

By

Deputeti nga Lëvizja Vetëvendosje, Agim Bahtiri pak para vazhdimit të sotëm të seancës konstituive fajësoi partitë e tjera për bllokadën drejt konstituimit të Kuevndit të Kosovës.

Duhet të shohim një zgjidhje përfundimtare për të bërë Kuvendin. Është një gabim i madh që po bëhet mes partive politike që nuk konstitohet kuvendit. Lëvizja Vetëvendosje voton për të bërë konstituimin e Kuvendit. Çdo herë jemi të gatshëm të bëjmë kompromis që të bëjmë një qeveri të përbashkët. I duhet këtij vendi për të dërguar proceset përpara. Ne të drejtën tonë e shfrytëzojmë. Ne e kemi një kandidate të përgatitut dhe të dëshmuar “, tha Bahtiri.

 

Continue Reading

Lajmet

Sot vazhdimi i 19-të i seancës konstituive

Published

on

By

Deputetët do të mblidhen sërish sot për një tentim të radhës për konstituim të Kuvendit të Kosovës. Kjo është përpjekja e nëntëmbëdhjetë me radhë që prej 15 prillit kur ka filluar seanca konstituive.

Vazhdimi i seancës konstituive bëhet në orën 11:00, por zhvillimet nuk tregojnë shpresë se do të ketë zhbllokim të situatës.

Çështja e konstituimit të legjislaturës së nëntë ka ngecur te votimi i kryetarit të Kuvendit pasi partia e parë e dalë nga zgjedhjet e nëntë shkurtit, Lëvizja Vetëvendosje – në koalicion me Guxo dhe Alternativa nuk po arrin t’i sigurojë 61 votat e nevojshme për të zgjedhur Albulena Haxhiun kryeparlamentare.

Partia Demokratike e Kosovës dhe Aleanca për Ardhmërinë e Kosovës kanë kërkuar ndërrim të kandidatit të propozuar ndërkaq, Lidhja Demokratike e Kosovës është shprehur kundër çdo propozimi të Lëvizjes Vetëvendosje.

Në disa seanca, kryesuesi i seancës, Avni Dehari i Lëvizjes Vetëvendosje, ka tentuar që procesi i votimit të bëhet në mënyrë të fshehtë, por kjo nuk është përkrahur nga partitë e tjera parlamentare.

Që prej 15 prillit, deputetët po mblidhen çdo 48 orë për konstituim të Kuvendit.

E në mbledhjet e fundit, nga Lëvizja Vetëvendosje u propozua që vazhdimet e seancave të mos bëhen çdo 48 orë – siç e kërkon rregullorja e Kuvendit, por të bëhen një herë në javë. Kjo nuk gjeti mbështetje.

Në përpjekje për të zhbllokuar situatën, javën që shkoi, presidentja Vjosa Osmani takoi përfaqësuesit e partive politike, por as aty nuk pati pajtim për konstituim të Kuvendit.

Continue Reading

Të kërkuara